CHRESTIEN

adjectif et substantif

[T-L : crestiien ; GDC : chrestien ; AND : cristien ; DECT : crestiien2 ; FEW (II-1, 654a) : christianus ; TLF (V, 768b) : chrétien]

I. -Adjectif.

A. -[D'une pers.] Qui croit en Jésus-Christ et a reçu le baptême, qui adhère au Christianisme, chrétien.

Voir doncques et qui est plus haute noblesse, bieneurté, excellence et dignité a toy, ame crestienne, que d'estre hostelaine de ton Dieu, de ton souverain Seigneur, Roy et Empereur ? (Gers., Pent., p.1389, 71)

Par foy, dist Uriiens, nous avons entendu que vous avez passé par une isle ou il a un roy crestien qui moult est oppressez d'un soubdant sarrazin. (Arras, c.1392-1393, 81)

Ce bon roy, qu'on debvoit amer, Pour le passage d'oultre mer Les princes christïens aloit Priant (Chr. Piz., M.F., IV, 1400-1403, 69)

Je supply et enhorte que chascune personne crestienne, tant soit entachee de ors pechiez et abhominables, elle s'en confesse (Gers., Concept., 1401, 428)

...pour la paix des princes et segneurs crestiens qui sont en guerre et division en plusieurs parties de la crestienté (Fauq., III, 1431-1435, 34)

...le bon roy Clovys premier roy de France crestien tint la duchié de Guyenne (Juv. Urs., T. crest., c.1446, 103)

Petrus Alphonsus fut environ l'an mil cent XIIII homme de grande auctorité, fut juif et après chrestien. (Simon De Phares, Astrol., c.1494-1498, f° 112 v°)

[D'une collectivité] Peuple/ost... chrestien

Ce fu Judée la honnie, La mauvaise, la desloyal, Qui bien het et aimme tout mal, Qui tant donna d'or et d'argent Et promist a crestienne gent, Que puis, rivieres et fonteinnes Qui estoient cleres et seinnes En pluseurs lieus empoisonnerent, Dont pluseurs leurs vies finerent (Mach., J. R. Nav., 1349, 145)

Las ! o devot peuple crestien, le Saint Esperit huche si souvent a nostre huis, ou par le son d'aversité, ou par les langues de predicacion, ou par la columbe de prosperité, et nous le laissons par dehors (Gers., Pent., p.1389, 80)

Et, d'autre part, vint le roy Uriien et tous les barons de l'ost crestien, et parlementerent tant d'un costé et d'autre qu'ilz furent d'accort par my tant que les Sarrasins leur restituerent et rendirent quant qu'ilz avoient frayé sur le voyage, et pour raler dont ilz estoient venuz. (Arras, c.1392-1393, 236)

Et cecy peult venir par contrition, et despent de la clemence du pere eternel, qui puis la passion de son filz Jhesu Crist a plus tenue close sa fureur que sa benignité. Et qu'il apparoisse estre vray, il a plus avancé sa misericorde au peuple crestien que il n'a fait aux enfans de l'Ancien Testament, auxquelx il retardoit sa dicte clemence et misericorde plus sans compareison qu'il n'a fait aux crestiens puis sa dicte passion. (Chart., L. Esp., c.1429-1430, 78)

En particulier. [Qualificatif du roi de France, du royaume et de la maison de France]

Mais sachiez que nous, par la grace de Dieu, retournant de l'armée, vous, dedens la Saint Michiel qui sera de la Saint Michiel prochain venant en un an, trouverez à la court dou roy de France, qui vous respondera si comme il vous affiert, et en tele maniere que jamais n'aurez volenté d'escrire à roy crestien par la maniere que escript nous avez. (Mach., P. Alex., p.1369, 232)

C'est icy en verité belle response digne de vostre royale personne, digne d'un roy tres crestien, digne d'un prince qui regne ou royaume qui sur tous autres est religieux et crestien depuis que la foy y fut plantee (Gers., Noël, p.1404, 312)

...on l'apeloit France et royaulme tres crestien (Juv. Urs., Loquar, 1440, 369)

Et non pourtant le tres crestien roy, pour garder ses previleiges roiaulz, ne s'en voult point detenir et voult user des loys des princes temporelz (La Sale, J.S., 1456, 31)

Et, pour ce que, des ma jeunesse, j'ay sieuvy les armes et frequenté les guerres du très crestien roy de France, mon souverain seigneur, en soustenant sa querelle de tout mon petit povoir, j'ay peu veoir par l'espace de long temps plusieurs et diverses manières de faire que les jeunes et nouveaux venus ne puent pas sçavoir de prime face. (Bueil, I, 1461-1466, 15)

...car ce seroit très grievement et enormement desrogué à l'honneur et sublimité de la très noble, très haulte et très christianne maison de France, où astrologie a tousjours flory jusque à vostre temps (Simon De Phares, Astrol., c.1494-1498, f° 6 r°)

...comme roy tres crestien et pillier de la foys catholique, tu as visité les sainctz et dignes lieux, devotement et sainctement (La Vigne, V.N., p.1495, 298)

Par extension. [D'un autre roi]

Eustachii Candidi, de Boulongne la Grace, chanoine regulier dudit lieu, fist ung jugement sur la revolucion de l'an mil IIIIcIIIIxxVI, adressant au noble et chrestien roy Mathieu de Hongrie. (Simon De Phares, Astrol., c.1494-1498, f° 161 v°)

Par métonymie. [D'une terre, d'un pays, d'un royaume...] Où le Christianisme est pratiqué.

Qu'en tout le crestïen demeinne N'a homme, s'il la congnoissoit (...) Qui hautement ne l'onnourast. (Mach., J. R. Nav., 1349, 261)

Mais des signeurs nuls n'i avoit Que li bons roys ala requerre, Par toute crestienne terre, Pour avoir confort et aye D'argent, de gent et de navie, Et de y venir, s'il leur plaisoit, Qu'onneur ce faire leur faisoit. (Mach., P. Alex., p.1369, 58)

De par nous trois suers, filles de Dieu, nommees Raison, Droicture et Justice, a toutes princepces, c'est assavoir empereris, roynes, ducheces, et haultes dames regnans en dominacion sur la terre crestienne, et generaument a toutes femmes, salut et dilection. (Chr. Piz., Trois vertus W.H., c.1405, 10)

...et pour ce aussy que plusieurs roys, princes, contes, barons, prelatz, nobles hommes, gens d'eglise et aultre populaire se sont souvent delictez et delictent à ouyr et escouter des hystoires merveilleuses et choses advenues en divers lieux, tant de ce royaulme que d'aultres royaulmes christiens (Roye, Chron. scand., I, 1460-1483, 1)

Cestui predist, deux ans devant, le banissement de Thomas Maubray, duc de Norvol, à perpetuité de la terre chrestienne et sur peine d'estre pendu et decapité (Simon De Phares, Astrol., c.1494-1498, f° 144 r°)

B. -[D'une entité abstr.] Qui est propre au Christianisme, qui est conforme au Christianisme.

Esprit chrestien

Et tu celestiel Ysaïe qui en la loy de Moyse eubz esperit crestien et sembles mieux escripveur d'Evangile que annunciateur de prophecie, descripsis clerement ceste demonstrance en la persecution que tu predisis sur Egypte (Chart., L. Esp., c.1429-1430, 79)

Foi chrestienne

...touzjours paines d'atraire Le peuple a la foy crestienne (Mir. emp. Julien, 1351, 197)

...le roy Charles avoit (...) boutez hors les mescreans et toutte la terre tournée à la foy crestienne (Froiss., Chron. M., XIV, c.1375-1400, 10)

Nous lisons que saint Pol, le glorieux patron de ceste esglise, aloit persecuter la foy crestienne a Damas (Gers., Pent., p.1389, 77)

...denier son baptesme et la foy crestienne (Gers., Purif., 1396-1397, 65)

...en la lumiere de la foy crestienne (Gers., Trin., 1402, 166)

...et se bien y pensons devotement, il n'est si dur cueur, ne tant incredule, qui ne doye estre ravy en l'admiration du merveilleux mistere de crestienne foy (Chart., L. Esp., c.1429-1430, 32)

...les grans maulz, esclandes et inconveniens irreparables ou detriment de la foy crestienne, à la très grant honte et infamie du Pape (Fauq., III, 1431-1435, 45)

...ou prejudice et à la diminucion ou confusion de la foy chrestienne (Fauq., III, 1431-1435, 111)

Et (...) anciennement, aprez que ung noble avoit priz l'ordre de chevalerie, il alloit au temple de Dieu et presentoit son espée en signe de loyaulté et de fidelité ; et, quant il estoit à la messe, à l'Evangile prenoit son espée en sa main en demonstrant qu'il estoit prest de combatre pour la foy chrestienne et la loy de Dieu deffendre et garder, laquelle loy est contenue en la saincte Euvangile. (Bueil, II, 1461-1466, 71)

Loi chrestienne

Ma belle suer Raison, tu monstres bien que il ne puet estre que ung seul Dieu, a parler proprement de Dieu ; mais comment est-ce que nostre loy crestienne dit qu'il est ung Dieu le Pere, ung Dieu le Filz, ung Dieu le Saint Esperit, une Trinité ? (Gers., Trin., 1402, 161)

C'est trop descongneu par homme cil qui tant s'est voulu faire congnoistre a homme catholique que aultre loy ne eust oncquez son Dieu si familier, ne aprochant a soy, comme la loy crestienne. Il a voulu prendre humanité pour participer par compassion et secourir par grace a ton enfermeté. (Chart., L. Esp., c.1429-1430, 98)

Car les cerimoniez de l'ancienne loy furent l'escorche de la noix dont la loy crestienne, en la plenitude du temps et meureté de fruit, a gousté le nouyau. (Chart., L. Esp., c.1429-1430, 110)

Religion chrestienne

Et aucunes de ces inhabilités sunt appellees irregularités, et illeques sunt aucunes autres hors les desus nommees qui furent mises pour l'excellence de la dignité de la religion cristiane (Oresme, Pol. Arist. M., c.1372-1374, 307)

Les sains docteurs en matiere touchant la foy et la religion crestienne ont toudis procedé meurement, sans tost determiner veritez doubteuses (Gers., Concept., 1401, 422)

...les aultres dient que ilz ne sacrifieroient point pour mourir, et que ilz ne laisseroient point leur religion crestienne. (Juv. Urs., Nescio, 1445, 464)

Cestui fit plusieurs livres et entre autres, fist le livre de la chrestienne religion. (Simon De Phares, Astrol., c.1494-1498, f° 77 v°)

Aucuns dient que cestui cardinal prenostica la douloureuse defaicte des pasteurs qui disoient aller en Syrie pour la religion chrestiane, lesquelz à grant nombre quant ilz furent à Carcasonne, par les gens du païs furent deffaiz pour les larrecins qu'ilz faisoient et plusieurs strangullés. (Simon De Phares, Astrol., c.1494-1498, f° 133 r°)

Verité chrestienne

J'ay entrepris a l'ayde de Dieu prouver et demonstrer, comme advocat et ploidoyeur contre erreurs et vices, et comme estant en la chayere de verité crestienne, que Ceulz yci sont bieneureux Qui les cuers ont doloreux. (Gers., Déf., 1400, 221)

II. -Substantif masculin et féminin.

A. -Celui/celle qui croit en Jésus-Christ et a reçu le baptême, qui adhère au Christianisme, chrétien, chrétienne.

PREMIER DYABLE. Dame, nous vous recommandons Cel enfant a garder tresbien, Sanz avoir non de crestien, Si qu'en convenant le m'avez. (Mir. enf. diable, c.1339, 23)

Lettres ou ara contenu Conment suis tout sain devenu Et suis crestien. (Mir. st Sev., 1362, 214)

Je te dy que c'est mes assens De finer crestien ma vie (Mir. Barl. Josaph., c.1363, 282)

Là avoit il Venitiens Et pluseurs autres Crestiens Qui furent pris et enserré, Feru, batu et aterré Des Sarrazins villeinement... (Mach., P. Alex., p.1369, 115)

...et en son baptesme ot nom Nicolas. (...) et illec fu le jugement dessus dit prononcé et jugé contre ledit Nicolas de Barseloigne, ainsi converti chrestien, comme dit est, excecuté comme chrestien (Reg. crim. Chât., II, 1389-1392, 52)

Quant les Sarrasins apperceurent si grant navire venir vers eulx, si ne scorent que penser, car jamais n'eussent cuidié que telle puissance de crestiens feussent si prez de la. (Arras, c.1392-1393, 89)

...car Jhesucrist prist tous seulx la guerre pour nostre salvacion, et par sa digne mort seront tous crestiens sauvez qui ses commandemens tendront. (Arras, c.1392-1393, 108)

Il n'est tant bel aornement, telle belle couronne a une dame comme chasteté : c'est la Vertu qui la fait renommer partout a la vie et a la mort. Maintenant chascun crestien ou crestienne doit plus honnourer son corps que avant l'Incarnation, en l'onneur de Jhesu Crist et de Nostre Dame. (Gers., Annonc., a.1400, 236)

Si se peult ung chascun moult esbahir sur le fait des chrestiens, pourquoy l'ung destruict l'autre, veu que les bestes mues d'une condicion et espece ne mangent point l'une l'autre, comme dit Aristote, en son livre des Bestes, et, qui plus est, les bestes sont de l'omme piteuses. (Bueil, II, 1461-1466, 76)

LE JUIF [au chrétien qui va prêter serment] . Le tenir point [le bâton où le chrétien a caché son argent] ne me desplaist ; J'en suis content, baillez le moy, Car il me tarde que la foy Des chrestiens aye aprouvee. (Mir. st Nic. juif, c.1480-1500, 130)

Cestui predist la paix de l'Eglise et la grande exaltacion des chrestiens, qui advint ou temps Constantin, le grant empereur. (Simon De Phares, Astrol., c.1494-1498, f° 84 r°)

[P. oppos. à une autre relig.]

...il print et embla, à un juif, un hanap de madre, lequel il vendi, à une chrestienne de ladite ville, IIIJ s. par. (Reg. crim. Chât., II, 1389-1392, 49)

Et font telle occision qu'il n'y ot Sarrasin ne crestien qui ne s'en donnast merveilleux coups que ilz donnoient. (Arras, c.1392-1393, 184)

Sy [Mahommet] voulut prendre et amasser a sa doctrine de toutes lez loys pour gaigner gens de toutes parties : malicieusement, il entrelassa en ces diz partie du viel Testament et partie du nouvel, en donnant appetit aux juifz et aux crestiens a sa secte, et desloyaulment corrumpit le sens de ce qu'il emprint pour effacer la substance dez autrez loys, et l'interpreta a faulse entente. (Chart., L. Esp., c.1429-1430, 120)

Ensieut de l'aultre et grant empeschement qui empesche de l'un avoir l'aultre par mariage, c'est diverse religion ou diverse loy. C'est quant Anthoine est cristien et Jaqueline est juifve, sarrasine ou infidele. L'un a proprement parler est catholique et l'aultre est heretique. (Sacr. mar., c.1477-1481, 64)

Faire qqn chrestien. Baptiser qqn/un enfant.

LA VENTRIERE. (...) Alon m'en au moustier errant, Faire crestïen cest enfant, Car au naistre a eü tant paine, Que je ne suis mie certaine Que gueres vive. (Mir. enf. ress., 1353, 24)

Franc chrestien. Chrétien occidental, d'obédience romaine.

Item, est Plesco moult bien fermée de murs de pierres et de tours, et y a ung chasteau moult grant, où nul francq cristien ne peut entrer qu'il ne lui faille morir. (Lannoy, Voy. amb. P.H., p.1450, 36)

(Un) bon (et vrai) chrestien

...l'evesque de Biauvais, messire Milles de Dormans, un saige et vaillant et doulx preud'oms et biaulx languaigier et bon crestien (Froiss., Chron. M., XIV, c.1375-1400, 2)

Si nous merveillons pourquoy vous ne demourastes en la guerre avecques le roy crestien pour lui aidier et conforter, vous qui estes renommez d'estre deux si vaillans chevaliers, ainsi que il nous semble que tuit bon crestien y sont tenus, et aussi ce nous sembleroit grant aumosne de le reconforter en tel neccessité. (Arras, c.1392-1393, 81)

Se il la welt lapider, pour ce qu'elle prioit pour la paix de l'Eglise, il n'est pas bon crestien (Baye, I, 1400-1410, 102)

...pourquoy ne le contraindra la justice ecclesiastique a faire ce que bon crestien doit faire ? (Juv. Urs., Verba, 1452, 364)

Mais de ces bonnes nouvelles, Saintré, comme bon chrestien et qui tenoit de Dieu ses honneurs et ses aides, retourna arriere au moustier et la a genoulz, chef descouvert, et a mains jointes, a Dieu et a Nostre Dame fait devotement ses prieres et oblacions (La Sale, J.S., 1456, 105)

'Or ça, dit le conte, Jehan, levez la main et dittes verité. Vous estes gentilhomme, ainsi que vous dittes ; mais gentilhomme ou non gentilhomme, tout bon crestien et tout bon homme doit dire verité. Par vostre foy et par vostre part de paradiz et par la redemption de vostre ame, direz vous verité de ce que je vous demanderay ?' (Bueil, I, 1461-1466, 223)

Et là, où la parole luy faillit, monstra signe de bon et vray crestien. (Le Clerc, Interp. Roye, c.1502, 398)

[Dans un cont. allég.]

Vray est que Raison n'estoit pas seule, ainsoys avoit pris avec elle Foy, la bonne crestienne, qui alumoit les yeulz de Raison et de l'Ame a mieulx congnoistre ce qui reluisoit ou miroir et en l'imaige de l'ame (Gers., Trin., 1402, 166)

Faux/mauvais chrestien

... il appercoit venir bien LX. Sarrasins, qui lui escrient : Par foy, faulx crestien, vostre fin est venue. (Arras, c.1392-1393, 232)

SATHAN. Longuement en vain je labeure Sans trouver sentier ne moyen D'atirer quelque faulx crestien Pour tresbucher dedans mes las. Mais, en despit de Nicolas, Ung crestien si bien tempteray Et par moyens tant je feray Qu'i fera ung tour de ma main. (Mir. st Nic. juif, c.1480-1500, 107)

Car j'ay le cueur trop remply d'ire Pour ces faulx mauvais crestïens, Lesquelz Dieu tous veille mauldire Et au fons d'enfer interdire (La Vigne, S.M., 1496, 327)

Chrestien parjure

LE JUIF. (...) Mais je voy les crestiens parjures A vostre Jesus faire injures En le maulgreant, despitant (...) Plusieurs crestiens voy jurer Leur Dieu, mais aussi parjurer Et n'en ont vergongne ne honte, Par faulceté qui les surmonte. (Mir. st Nic. juif, c.1480-1500, 89)

Chrestiens de la ceinture. Voir ceinture

B. -[P. affaiblissement] (Homme) chrestien. Dans les terres chrétiennes, homme quelconque, individu.

...laquele houppelande il vendi, ce jour mesmes, à un homme chrestien du nom duquel il n'est record (Reg. crim. Chât., II, 1389-1392, 46)

...il print et embla, chez un chrestien qu'il ne congnoissoit ne ne congnoist une courte houppelande de drap gris (Reg. crim. Chât., II, 1389-1392, 47)

...le povre chrestïen A assés de male meschance : Unze sepmaines sans laschance A esté illec, le povre homme ! (Path. D., c.1456-1469, 112)