CHEVALERIE

substantif féminin

[T-L : chevalerie ; GD : chevalerie ; GDC : chevalerie ; AND : chevalerie ; DECT : chevalerie ; FEW (II-1, 4a) : caballarius ; TLF (V, 673b) : chevalerie]

I. -[Subst. désignant une institution féodale ou marquant un état, celui de chevalier]

A. -Au propre.

1.Institution militaire, d'un caractère religieux et héroïque, établie dans la noblesse féodale, exigeant de ceux qui y sont admis des qualités de loyauté et de vaillance, le mépris du danger, la protection des faibles, la défense de la foi, la courtoisie envers les femmes.

...sans enfraindre le decret et la loy de chevalerie (Mézières, Songe vieil pèl. C., t.1, c.1386-1389, 516)

Les pauvres hommes sont batuz et travailliez et les bonnes femmes deshonnourees et les vierges efforcees publiquement et violees, contre les reigles de vray chevalerie (Mézières, Songe vieil pèl. C., t.1, c.1386-1389, 528)

...se les princes chevalerie Et les prelaz n'ayment clergie... (Bouvet, Appar. Meun A., 1398, 57)

Ceste beste infernale estoit appellee d'aucuns saiges grant estat, fust en clergie, ou bourgeoisie, ou chevalerie, mais ce estoit grant destruction et dissipacion. (Gers., Noël, p.1404, 308)

Et comme dessus a esté touché, chevalerie et noblesse se prennent, a prendre la forme d' un corps humain, pour les mains de la chose publique. (Juv. Urs., Verba, 1452, 240)

Discipline de chevalerie (disciplina militaris / disciplina militie)

...lesquelz royaumes et terres elle garda moult notablement et par grant discipline de chevallerie. (Chr. Piz., Cité dames C., c.1404-1407, 677)

Et pour ce dit Valere que discipline de chevalerie, c'est assavoir rigle et ordre gardee tele qu'il lui appartient, fut le souverain honneur et ferme fondement de l'empire de Romme (Chr. Piz., Corps policie L., 1406-1407, 114)

...et telement delaissierent l'ordre de la discipline de chevalerie (...) qu'en la premiere assemblee ou ilz se trouverent aprés, (...) ilz furent vaincus (Bouciquaut L., 1406-1409, 419)

Et qu'est discipline de chevalerie si non loy ordonnee et gardee en l'exercice des armes et des batailles soubz le commandement du chief et pour l'utilité publique ? (Chart., Q. inv., 1422, 54)

Si doit estre discipline de chevalerie et crainte d'onneur gardee es maisons des nobles comme en l'ost du prince (Chart., Q. inv., 1422, 61)

Evitez oisiveté, soyez obeyssans a voz chiefz et capitaines, et gardés discipline de chevalerie (Juv. Urs., T. rever., 1433, 75)

Il fault aussi que les chevaliers, nobles et aultres suivans les armes ayent discipline de chevalerie et obeissance a leurs chefz, et se ilz ne le font on les doit tres griefvement punir (Juv. Urs., Verba, 1452, 250)

Les nacions qui avoient discort ramenoit en son service et tenoit moult roidement la discipline de chevalerie. (Bueil, II, 1461-1466, 226)

Droit de chevalerie

...nulle chose ne se faisoit contre droit de chevalerie ou contre le commandement du chief (Chart., Q. inv., 1422, 54)

Estat de chevalerie

...le noble estat de chevallerie (Escouchy, Chron. B., t.1, 1448, 273)

Mes beaux seigneurs, ce n'est pas l'estat de chevalerie de faire deshonneur a dame ou a pucelle ! Laissez ceste fille icy en paix, et vous ferez bien ! (Charles de Hongrie C., c.1495-1498, 22)

Mestier de chevalerie

...pluseurs jours ha, quil ha empris a faire novelle vie, moult contraire. Car il n'use plus de mestier de chevalerie ainsi comme il souloit, mes euse et ente avecques freres et gens de religion, et abandone du tout l'oneur de cest monde (La Cépède, Paris Vienne K., 1432, 124)

Ordre de chevalerie

Ordre de chevalerie de plusieurs ensemble doit autressi estre comme la chaienne de plusieurs aneaulx fort à despecier et de longue durée (Chr. Piz., Faits meurs Ch. V, S., I, 1404, 119)

Lors devant lui tira son espee et de par Dieu, de Nostre Dame et de saint Denis, l'ordre de chevalerie lui requist et demanda. (La Sale, J.S., 1456, 214)

Il vous a pleu moy dedier a la religion de la noble ordre de chevalerie (LEFÈVRE (R.), Hist. Jason P., c.1460, 129)

Avoir / prendre / recevoir l'ordre de chevalerie. Voir ordreDevenir chevalier.

Et quant Berinus eut receü l'ordre de chevalerie, ainsi qu'il estoit acoustumé, li mengier furent apresté (Bérinus, I, c.1350-1370, 161)

...qu'il feroiient les dois freires deseurnomeis prendre l'ordenne de chevalerie (Hemricourt, Miroir Hesb. B.B., 1353-1398, 9)

Après ce vint a Esselingne, Une ville qu'est en Duringne. La l'ordre ot de chevalerie Et a moult noble compaingnie Se combati par tel maniere Eu milieu d'une grant riviere Que l'eaue en fu vermeille et teinte Une demi lieue d'enseinte. (Mach., C. ami, 1357, 106)

Et sachiez que, quant a moy, je pense a aler devers le roy en tel estat que je party de la bataille, car je vueil recevoir l'ordre de chevalerie de sa main, pour la vaillance et l'onneur que chascun dit de lui. (Arras, c.1392-1393, 115)

...au derrenier fut en Hierusalem, ou il receut l'ordre de chevalerie (C.n.n., c.1456-1467, 461)

Aussi devez savoir que tout noble, devant qu'il prengne l'ordre de chevalerie, doit estre adjuré par son serement de tenir foy et loyaulté, premierement à Dieu, qui est le prince, commencement et chief de chevalerie, qu'il deffendra la foy et l'Eglise. (Bueil, II, 1461-1466, 70)

...lequel roy de Castille, pour loyer et merite d'un si hault cas fait devant ses yeulz meismes, requist audit messire Jehan que de sa main il voulsist prendre ordre de chevalerie (Chastell., Chron. IV, D., c.1461-1472, 165)

Donner à qqn l'ordre de chevalerie. Faire qqn chevalier, l'adouber.

Et se ainsi est qu' il vous plaise a recevoir armes et a estre chevalier, je en seroie moult liez et feroye tant a l' empereur qu' il vous donroit l' ordre de chevalerie (Bérinus, I, c.1350-1370, 33)

Sy se mit à un genouil, et de rechef requit au duc qu'il luy plust le faire chevalier et luy donner l'ordre de chevalerie. Le duc prit l'espée et en donna la colée à Jacques de Lalaing (Faits Lalaing K., c.1470, 87)

Donner à qqn le haut don de chevalerie

Mais, souverain sire emperere, Je vous requier d'umble priere, Pour confermer ma gentilesse Et auttoriser ma noblesse, Qu'i vous plaise par vostre grace De moy donner en ceste place Le hault don de chevalerie (Myst. st Adr. P., c.1450-1485, 57)

[Appliqué à l'ordre équestre de la Rome antique]

Vegece ainsi le determine Ou Livre de Chevalerie. (Tomb. Chartr. Trois contes S., c.1337-1339, 109)

...et se commencerent a meitre en leur ordres et assembler a leurs banieres, si que par l'ancienne discipline de chevalerie ou il estoient duit il, sanz commandement d'aucun duc, se metoient en conroy (Bers., I, 9, c.1354-1359, 31.9, 56)

Diverses histoires se pourroient produire a ce propos d' autres punicions et aspres justices faictes par faulte de garder l'obbeissance et l'ordre du treshonnourable mestier d'armes, et, oultre de ceulx qui pour ces causes ont esté capitalment punis, trouveroit on pluseurs es rommaines escriptures qui pour menues et petites negligences ont esté batuz de verges a l'estache et rabaessiez du raeng de chevalerie jusques a l'estat de servans de pié. (Chart., Q. inv., 1422, 55)

2.Par extension. Art militaire.

En ce temps la science de astrologie estoit moult estimée en toutes regions, par especial desdits Rommains qui tendoient à avoir tousjours la fleur des hommes pour chevallerie et science, et par ce moyen conquirent et subjuguerent toute la terre (Simon De Phares, Astrol., c.1494-1498, f° 63 v°)

Art de chevalerie

Et cest art de chevauchier et tout autre qui a mestier pour guerre est soubz art ou office de chevalerie. (Oresme, E.A., c.1370, 104)

3.État, dignité, qualité de chevalier.

a)État de chevalier.

...chevalerie requiert et presuppose noblesse premièrement (Bueil, II, 1461-1466, 114)

Martin, mon filz, veulx faire parvenir (...), Pour a honneur et gloire subvenir, Au droit degré de la chevalerie. (La Vigne, S.M., 1496, 167)

Donner chevalerie à qqn. Donner à qqn la colée qui le consacre chevalier, l'adouber.

...requerans qu'il leur donnast chevalerie et les fist chevaliers (La Vigne, V.N., p.1495, 266)

Recevoir chevalerie. Recevoir la colée de chevalier ; p. plaisant. recevoir des coups, être battu.

Item, donne a maistre Françoys, Promocteur, de la Vacquerie Ung hault gorgerin d'Escossoys, Touteffoys sans orfaverie, Car, quant receut chevallerye, Il maugrea Dieu et saint George - Parler n'en oit qui ne s'en rie - Comme enraigé, a plaine gorge. (Villon, Test. R.H., 1461-1462, 100)

(En) sa nouvelle chevalerie

...des chambres de messeigrs messire Philippe de Navarre, et messire Louys, son frère, et de messire Charles d'Artois, qui deues leur estoient à cause de leur chevalerie nouvelle (Comptes argent. rois Fr. D.-A., I, 1352, 112)

Remarque : FROISS., Chron. L., I, c.1375-1400, 166 ; VII, 112...

b)Dignité, renom du chevalier.

Aimme Dieu et chevalerie, Conscience et honneste vie (Mach., Voir, 1364, 478)

...car tote honeur et chevalerie en fut folée et ly paiis afloivis (Hemricourt, Guerres Awans B., c.1398, 46)

...vous estes le surmontain de chevallerie, de haultesse et d'onneur (Cleriadus Z., c.1440-1444, 78)

Ou tempz passé (...) noblesse et honneur seoient en leur plus hault degré par touttez regions crestiennez et (...) parfaitte proëce estoit entee et enrachinee au plus fort ez cuers des nobles hommez pour lez faire luyre et seignourier au monde par l'excercité de chevalerie qui lez faisoit eslever jusquez a la felicité de glorieulx renom (Comte Artois S., c.1453-1467, 2)

Acquerir chevalerie. Accomplir des actes qui rendent digne d'entrer dans la chevalerie.

Monseigneur, ou avez vous intencion d'aler ? Et Anthoine lui respond : A l'aventure de Nostre Seigneur, pour trouver et acquerre honneur et chevalerie. Par ma foy, dist l'escuier, et je vous enseigneray la plus belle adventure et la plus honnourable que oncques nobles jeunes hommes eussent en leur advenement, et la plus raisonnable emprise. (Arras, c.1392-1393, 149)

[En invoquant pour garantie sa dignité de chevalier] Par / sur ma chevalerie

Chiertez, je n'en say nient, par me chevalerie (Flor. Rome W., c.1330-1400, 148)

Beau filz, par ma chevalerie, Veez cy la Penthecouste une feste jolie (Gir. Vienne D.B., c.1350-1400, 123)

Et Savari lui dist : 'Par ma chevalerie, Sire Roulant,' dist il, 'je vous acertiffie Que je vous y merray...' (Gir. Vienne D.B., c.1350-1400, 156)

...et je vous prommés sus ma chevalerie que je vous delivreray de ce peril (Percef. III, R., t.2, c.1450 [c.1340], 103)

Foi que je dois chevalerie

Foi que je doi chevalerie, Se... (Tomb. Chartr. Souvain S., c.1337-1339, 33)

c)Qualités de chevalier, esprit chevaleresque, en partic. la vaillance.

...Une gent fort et anchïens Et plains de grant chevalerie (Renart contref. R.L., t.1, 1328-1342, 181)

Droit en une cité qui belle est et jolie Sont venus li enffant plain de chevalerie (Hern. Beaul. D.B., c.1350-1400, 8)

Dis hommes proveüs, plains de chevalerie Garderoient le pas (Renaut Mont. B.N. V., c.1350-1400, 212)

Or est certain comme evangile Que dou Quaire jusqu'à Sebille N'a homme qui sache dou fait D'armes, tant comme li roys fait ; Si que par samblance l'amoit Et son droit signeur le clamoit, Car honneur et chevalerie Aprenoit en sa compagnie, Et en tous biens en amendoit, Si bien que mieux ne demandoit. (Mach., P. Alex., p.1369, 225)

Mes seigneurs, il est verité que tous ceulx qui aiment honneur et chevalerie si doivent aidier a soustenir en leur droit les vefves, dames et les orphelins et orphelines. (Arras, c.1392-1393, 149)

Et tantost appercoit un chevalier armé de toutes pieces, l'escu au col et la lance sur fautre, et monté sur un grant coursier liart, et monstre bien semblant de homme fort et courageux et plain de grant chevalerie, et qui gaires ne craint ne ne doubte sa partie adverse, si comme il semble. (Arras, c.1392-1393, 299)

...je traitteray de noblece de courage, chevalerie et sagece (Chr. Piz., Faits meurs Ch. V, S., I, 1404, 9)

...chevalerie est une espece de sens et avis de surmonter les anemis et empeschieurs du bien commun (Chr. Piz., Faits meurs Ch. V, S., I, 1404, 115)

...tant trouva en luy de bonne chevalerie, de proesse et de vertuz, qu'elle oublya de tous poins son amy par amours [Ici par dérision] (C.n.n., c.1456-1467, 146)

...et Julles Cesar avoit LXXX coohortes, qu'il disposa aussi en triple forme et avoit mains de gens de XXXm pietons et de mille hommes à cheval, que n'avoit Pompée. Touteffois, par sa chevallerie et prudence, il vainquist (Simon De Phares, Astrol., c.1494-1498, f° 70 r°)

Quant vous serez sur voz chevaulx bardez, Faictes valoir vostre chevalerie (La Vigne, S.M., 1496, 190)

[Appliqué aux héros de l'Antiquité]

Mais Herculès ne se tint mie A li, eins fist une autre amie Qu'il ama, une damoiselle Qu'on clamoit Yolaim la belle, Et tant l'ama, c'est chose voire, Qu'il en perdi scens et memoire, S'onneur et sa chevalerie. (Mach., C. ami, 1357, 97)

...et, pour sa bonne chevalerie, [les Perses] lui muerent son nom en Daire, affin que, avecques le royaume, il eust nom royal (La Sale, Salade, c.1442-1444, 31)

B. -Par métonymie.

1.Admission dans l'état de chevalier, adoubement.

Raoul de Meulenc, lequel Jehan nostre filz (...) fist chevalier a la feste de sa chevalerie... (Phil. Vi Valois, Lettres closes C., 1332, 46)

...que on ne levast riens du subside pour raison de la chevalerie de nostre tres cier et amé filz du duc de Normandie (Doc. 1335. In : R. Cazelles, Bibl. Éc. Chartes 124, 1966, 375)

...pour faire une cote et un mantel à messire Nicholas Braque le jour de sa chevalerie (Comptes argent. rois Fr. D.-A., I, 1352, 154)

Pour fourrer un couvertoir à couvrir le lit dudit chevalier nouvel le jour de sa chevalerie (Comptes argent. rois Fr. D.-A., I, 1352, 165)

En ce temps fu tretiés li mariages de messire Guillaume de Hainnau, fil au conte Guillaume, lequel li peres avoit fait chevalier en sa cambre meismement le nuit de la Nativité Nostre Signeur l'an mille .CCCXXXVI. en l'ostel de Hollandes a Valenchiennes (...) et plus de trente jones chevaliers tous hainnuiers. Et tantos apriés ces chevaleries faites, fu fais li mariages dou dit messire Guillaume de Hainnau a la fille dou duch de Braibant (Froiss., Chron. D., p.1400, 267)

Lors lieve le chevalier le bras et fiert le damoysel sur le col en disant : 'Chevalier soiez, preudomme, hardy et chevallereux.' (...) ...encores sommes nous plus joyeux d'avoir veu accomplir vostre chevallerie (Percef. IV, R., c.1450 [c.1340], 960)

Pour l'amour de la chevalerie de qqn. En l'honneur de l'adoubement de qqn.

...ly contes de Poittiers tint une grant feste pour un filz qu'il avoit, qu'il voult faire chevalier (...). Ly contes Emeris manda moult noble baronnie pour l'amour de la chevalerie de son filz. Et manda lors au conte de Forestz qu'il venist a sa feste, et admenast trois de ses filz ainsnez, car il les vouloit veoir. (Arras, c.1392-1393, 16)

Taille levée à cette occasion.

Les citoiens de Mascon ne doivent tailles, ne complaintes, ne toultes, ne chevalerie, ne aides de mariage (...), ne autres exactions, ne subventions, ne nouvelletez quelles qu'elles soient. (Ordonn. rois Fr. L.S., t.2, 1350, 349)

2.Conduite du chevalier, exploit de chevalier, exploit guerrier.

a)Conduite du chevalier.

Et quant ilz furent ensemble, fort loua Maguelonne Pierre des vaillances qu'il avoit fait en chevalerie. (Belle Maguel. C., 1453, 26)

Faire chevalerie(s). Faire des exploits de chevalier.

A Thebes se vont deporter Li jouvencel et, pour leur dames, Faire chevalerie et armes. (Chr. Piz., M.F., II, 1400-1403, 310)

Le bon Thideüs debonnaire, Qui tant ot fait bacheleries, Proeces et chevaleries... (Chr. Piz., M.F., II, 1400-1403, 318)

Jadis les preux qui conqueroient Les royaumes, les acqueroient Par les belles chevaleries Qu'ilz faisoient (Chr. Piz., Chem. estude P., 1402-1403, 160)

...a faire chevalleries et proesses l'un sus l'autre (Percef. III, R., t.1, c.1450 [c.1340], 65)

Queles grandes et merveilleuses chevaleries furent faictes et executées du temps du Roy Uterprandraghon... (La Marche, Mém., I, c.1470, 120)

b)Expédition militaire, activité militaire, combat.

Et ja ce fust que le dit peuple fust aussi de jour en jour occupés en batailles et en chevaleries (Bers., I, 1, c.1354-1359, 56.1, 92)

...si comme de medicine la fin est santé, de faire navie la fin est aler par eaue et en nageant, de chevalerie la fin est victoire, et richesces sont la fin de yconomie. (Oresme, E.A., c.1370, 103)

[Dans un contexte métaph.]

...l'amour de Dieu est trop plus chiere vendue, s'il fault ainsy garder tous ses commandemens, et trop forte a garder. Je respon que non est, et se tu regardes les biens que de luy tu as receu, et le louyer que tu en attens ; car nul ne a bien s'il ne le compere ; et est amour, comme dit Ovide, une maniere de chevalerie (Gers., Concept., 1401, 411)

Service militaire.

...ainsi le tesmoingne Job qui dit : Vie d'omme sur terre ce n'est mais que une chevalerie. A qui avons nous la bataille ? (Mir. st Val., c.1367, 123)

C. -Par analogie.

1.Admission, réception dans un corps de métier ; état de celui qui y est admis.

...chil de ceste dicte ville, se demorer aloient à Tournay, n'y polroient faire ne aprendre nul aprentich, est acordet que nuls, quels qu'il soit, se il n'est de ceste dicte ville bourgois u masuyers, et qu'il y ait apris sen mestier, et soit devenus chevaliers et ait touttes les droittures de chevallerie paiiés, ne puissent avoir ne aprendre aucun aprentich en devens ceste dicte ville et banliuwe. (Drap. Valenc. E., 1403, 54)

Remarque : Doc. 1410 ds GD II, 110b.

2.Action d'éclat.

Or avés vous veü grande chevalerie Que Jhesucrist m'a fait (Huon Bordeaux B., c.1400-1450, 259)

[À propos du faucon] Exploit.

Maiz grant chevallerie fist Le beau faucon quant il emprist A monter le second heron (La Buigne, Rom. deduis B., 1359-1377, 433)

II. -[Subst. collectif désignant l'ensemble des chevaliers ou un ensemble de chevaliers]

A. -Au propre.

1.Ensemble des chevaliers.

Se Bonneürtez par nature, Par fortune ou selonc droiture, Appert en la chevalerie, Elle appert aussi en clergie : La tient elle honneur en ses mains. (Mach., J. R. Nav., 1349, 272)

La fleur de (la) chevalerie. L'élite des chevaliers.

Madamoiselle, venez veoir fleur de chevalerie, prouesse et hardement. Venez veoir honneur en son siege royal et en sa haulte majesté ; venez veoir le dieu d'armes en sa propre figure. (Arras, c.1392-1393, 162)

Quant Gieffroy voit le nouvel chevalier qui si bien l'avoit secouru, si l'en mercie moult. Et lui dist : Mon ami, telles roses fait il bon mettre en son chappel. Le seigneur qui a son hostel garny de tele fleur de chevalerie et de gentillece, amant et craingnant honneur, doit et puet seurement reposer. (Arras, c.1392-1393, 233)

...toute la flour de la chevalerie estoit par devant la venue (Froiss., Chron. D., p.1400, 550)

Bienviengné, la fleur de chevalerie ! Bien ait qui le nous envoya et benoit soit celuy qui son corpz engenra ! (Comte Artois S., c.1453-1467, 33)

Avant, fleur de chevalerie ! Vous lerez vous ainsi morir ? (Myst. siège Orléans H., c.1480-1500, 340)

Le plus grand, le plus prestigieux de tous les chevaliers.

Ha ! fleur et excellence de la chevallerie du monde, le sommet, le comble et la consomacion de toute vaillance, qui se pourra d'ores en avant aprés vous jamais vanter de prouesce ne caindre d'espee... (Chr. Piz., Cité dames C., c.1404-1407, 696)

...fleur de chevalerie, sangler de hardiesce, aygle de largesse (Doc. 1427. In : MONSTRELET, Chron. D.-A., t.4, c.1425-1440, 283)

Prince de la chevalerie

Des meilleurs doit le prince de la chevalerie faire ses capitaines et des plus expers en bataille et en fait d'armes (Chr. Piz., Faits meurs Ch. V, S., I, 1404, 216)

[Appliqué à l'Antiquité]

...se Judith (...) occist Holoferne, le prince de la chevalerie (Mir. st J. Cris., c.1344, 252)

...Cisaram, le prince de la chevalerie de Chanaan, lequel avoit guerré contre Barach qui estoit juge et capitaine des filz de Israel (Déclar. Hyst. S., a.1449, 156)

Zenophilus de Calcidone fut stipendié de plusieurs princes de la chevallerie de Alexandre, pour l'experience qu'il avoit en la science des estoilles (Simon De Phares, Astrol., c.1494-1498, f° 57 r°)

2.Ensemble de chevaliers (en partic. d'un prince, d'un grand seigneur, d'un pays...) ; troupe, escorte de chevaliers.

Et lui prïerés qu'il m'aÿe Avecquez sa chevalerye (Renart contref. R.L., t.1, 1328-1342, 184)

En une chambre entra Girart et sa mesgniee Et la se fist armer de la chevalerie (Gir. Vienne D.B., c.1350-1400, 174)

Là avoit riche baronnie Et moult noble chevalerie, Prelas, dux, contes et marquis. (Mach., P. Alex., p.1369, 44)

Si commanda qu'on l'i herberge, Et qu'on y prengne là herberge, Pour herbergier une partie De sa milleur chevalerie ; Et que l'autre partie veille Parmi la ville et se traveille De bien gaitier (Mach., P. Alex., p.1369, 96)

Li gentils roys, qui riens n'oublie, Avoit en sa chevalerie Un tres bon clerc, maistre en decrez, Qui estoit sages et discrez. (Mach., P. Alex., p.1369, 127)

Li roys vit bien le grant meschief Et que d'eaus ne venroit à chief, Se longuement leur traire dure ; Car s'il perdoit sa monteüre, En peril seroit de sa vie, Et toute sa chevalerie. (Mach., P. Alex., p.1369, 214)

Chivalrie... (Héraut Chandos, Vie Prince Noir T., c.1385, 110)

Quant Verite la royne ot ainsi repris et chastie la chevalerie d'Angleterre... (Mézières, Songe vieil pèl. C., t.1, c.1386-1389, 398)

Atant se partent ensemble, et mena Guyon belle chevalerie de Poictevins avecques lui. Et toutesfoiz ot chascun d'eulx vestue la cotte d'acier, et en bon arroy, comme gent duit du mestier d'armes. (Arras, c.1392-1393, 125)

Vostre haulte, noble et puissant chevalerie ne m'a pas tant seulement maté ne amenry de mon honneur, mais avec moy le plus preudomme et le plus vaillant roy qui feust en toute la langue tudesque (Arras, c.1392-1393, 172)

Adont estoit maistres et ducs Et chief de sa chavalerie (Chr. Piz., M.F., II, 1400-1403, 214)

Par l'acort des barons de France la garnie Fu li dus poursiévis à grant chevallerie (Geste ducs Bourg. K., c.1410-1419, 309)

...et fut grant le disner et plain de joie de la noble chevalerie et escuierie, qui là estoit (CABARET D'ORV., Chron. Loys de Bourb. C., 1429, 12)

...il y arriva grant plenté de chevallerie (Percef. III, R., t.1, c.1450 [c.1340], 172)

...et que le duc de Misgrave, qui avait la charge de la baniere du roy de Honguerie et sa chevalerie, qui estoient XIJ^M chevaulz, feroient l'arriere garde (La Sale, J.S., 1456, 215)

...cellui Lambert offre et presente son corps devant le roy et toute la baronnee et chevalerie de France pour maintenir contre quiconques qui se vouldra presenter pour la belle ce qui luy a esté imposé (Saladin C., c.1465-1468, 83)

L'EMPEREUR. A qui es tu ? LE HERAULT. Au Roy de Barbarie, Lequel, adjoinct a sa chevalerie, Paix et acort vous demande humblement. (La Vigne, S.M., 1496, 252)

[Ordre de chevaliers (réel ou imaginé)] Chevalerie de la Passion Jesus Christ / Chevalerie du Crucifix

L'epistre en la prefation de la regle de la Chevalerie de la Passion Jhesu Crist, c'estassavoir des motifs et raisons clerement demontrans que ceste novelle Chevalerie de la Passion Jhesu Crist, en l'eglise de Dieu et ou convent des crestiens, aujourdui est expediente mais tres necessaire ; c'estassavoir en substance pour la redemption de la sainte cite de Jherusalem et de la Terre Sainte, pour la multiplication et defention de la sainte foy catholique (Mézières, Sustance H., 1396, 43)

...quant en l'ost des roys catholiques, l'anemi de l'umaine nature procurant, aucuns rumours, debas ou dissentions sourdront ou seront taillie de sourdre, comme il est bien a coustume es grans host, qui aucunefois sont pas bien regule, tel cas avenant, le prince de la Chevalerie du Crucifix, en personne ou par ses grans officiaux, selonc l'estat et dignite dez personnes esquelles sera le debat, se travellera a son plain pooir d'estaindre lesdis debas (Mézières, Sustance H., 1396, 50)

3.Par extension. Corps militaire, armée.

Cestui, selon aucuns, eut grande auctorité avecque le roy Daire et tenoit l'estat de sa chevalerie qui estoit tripartie. En la premiere avoit icelui Daire VIc mil hommes ; en la seconde XXX mil hommes de pié et cent mil à cheval ; en la tierce IIIIc mil pietons et cent mil hommes à cheval (Simon De Phares, Astrol., c.1494-1498, f° 55 r°)

B. -Par analogie.

1.Chevalerie de paradis. Chevalerie du ciel / des cieux. L'armée des anges, l'armée céleste.

Si tiens que a celle envoyserie, Toute la grant chevallerie De haulx cieulx sy s'i employera. (Gréban, Pass. J., c.1450, 435)

Ie te dy que tout enfer et tous les esperis qui y sont, tout le monde, non pas tout lexcercite de la cheualerie du ciel ou de paradis silz estoient tous assemblez et ilz auoient coniure ensemble, il nest pas en leur puissance extorquer ne faire consentir ton franc arbitre (Cib., p.1451, 223)

Au quart point, touchant la Toison qu'ilz ont offerte à mondit seigneur, la responce est que de nouvel vous, qui estes son roy et son chef, avés fait une ordre pour vous et voz successeurs bel et notable, fondée en l'onneur de Mons. saint Michel, prince de chevalerie de Paradis, la representation duquel vous et tous vos predessesseurs roys de France avez tousjours porté en vostre estandart. (Le Clerc, Interp. Roye, c.1502, 222)

2.Chevalerie du ciel. Les astres et les dieux qu'ils représentent.

Le ciel, le soleil et la lune Cultiva - c'est chose commune - Et toute la chevalerie Dou ciel, et pour l'idolatrie Plus essaucier, en certein lieu Les fist mettre eu temple de Dieu. (Mach., C. ami, 1357, 50)

Les autres Paiens aouroient le solail, la lune et les estoiles et la chevalerie du ciel mouvant, si comme le roy d'Egipte Pharaon et tous les Egipciens. (Mézières, Vertu sacr. mar. W., c.1384-1389, 113)