CHARROI

substantif masculin

[T-L : charroi ; GD : charoi1 ; GDC : charoi ; FEW (II-1, 430b) : carrus ; TLF (V, 576b) : charroi]

A. -Moyen de transport.

1.[Collectif]

a)Ensemble de chariots, charrettes qui transportent qqc., convoi.

...il avoit admené par charroy, de la Rochelle en la ville de Valenciennes, certaine quantité de vins appartenant à Jehan Gauchier, son maistre (Reg. crim. Chât., I, 1389-1392, 395)

Item [Jehan d'Ay] , fis paindre les armes de mon dit seigneur en trois grans escus de bois, pour ce que bonnement ne se pouoient paindre sur la massonnerie des portes de la dite ville et chastel, et les ay fait mettre et asseoir a troiz portes, c'est assavoir l'un au dessus de la porte du chastel, l'autre a la porte par ou le cherroy entre en la basse court, c'est assavoir emprès les prisons, et l'autre a une des portes de la ville appellée la Barre. (Comté Porcien R., 1400, 210)

...pour avoir despavé les trous à mettre les barrières et pieux de bois qui ont esté mises sur ledit pont affin que le charroy ne passast par dessus icelluy, et repavé à l'environ d'iceux, avalués à une toise (Comptes Paris V.L.D., t.1, 1441-1442, 281)

Adont l'ancien Pallidés commanda preparer du charroy pour leurs bagues mener (Percef. III, R., t.2, c.1450 [c.1340], 162)

b)En particulier. Ensemble des chariots d'une troupe.

Li Crestien se sont retrait Tout belement et tout atrait ; Les pavillons et les engiens, Tout le charroy et tous les biens Que li Turq avoient laissié Ont trouvé (Mach., P. Alex., p.1369, 169)

Quant il se furent tout mis ensamble à Poitiers, et il eurent ordonné leurs besongnes, leur arroi et leur charoi, il se partirent à grant esploit et prisent le chemin de Montcontour. (Froiss., Chron. R., VIII, c.1375-1400, 20)

Et avoient environ soissante archiers englès, qui (...) avoient laissiet en leur logis che de harnas que il avoient, malles, lis et toutes autres ordonnances, hors mis leurs armeures, chevaux, charroi et sommiers, femmes et varlès. (Froiss., Chron. R., XI, c.1375-1400, 43)

Jehan Darizoles, chevaucheur, envoié de Paris à Orléans, à Sens en Bourgoigne et à Bourges en Berry, porter lettres aux baillifs ou lieutenants des dictes villes, pour faire provision de charroy pour l'ost dudit seigneur ès diz pais (Comptes hôtel rois Fr. D.-A., 1380-1381, 56)

Le jour s'apparu, la messe fu chantee, les trompettes sonnerent, l'avant garde s'esmuet et le sommage et le charroy après, et puis tout l'ost. (Arras, c.1392-1393, 157)

...tant de banieres, de pennons, de monteures, de trefs, de tentes, de carroi et de toutes coses qui a une hoost apertient et est necessaire as gens d'armes. (Froiss., Chron. D., p.1400, 453)

...tant y ot bestes, chevaulx Et charroy que les mons et vaulx En estoyent partout tuit plain (Chr. Piz., M.F., III, 1400-1403, 214)

Sus, sus ! il nous fault abregier, Diables, alons ent appointier, Nostre quaroy et no vitaille. Or avant, avant, crapaudaille ! Soiez tantost prest pour deffendre. (Marcadé, Myst. Pass. Arras R., a.1440, 240)

...il failloit qu'ilz chevauchassent les ungs aprez les aultres, l'avant-garde bien loing de la bataille et, entre deux, grant charroy, par quoy à grant peine eussent-ilz peu tourner pour aider à ceulx de darrière (Bueil, II, 1461-1466, 235)

...et oppina le premier le conte de Sainct Pol, disant que l'on estoit en peril, et conseilloit tyrer à l'aube du jour le chemyn de Bourgongne et que on brulast une partye du charroy et saulver seullement l'artillerie, aussi que nul ne menast charroy s'il n'avoit plus de dix lances (Comm., I, 1489-1491, 36)

...le roy (...) Fit mettre aux champs de son ost le charroy (La Vigne, V.N., p.1495, 222)

Lever le charroi

...il leur mande constituer prisonniers aucuns ses officiers pour non avoit fait dilligence de avoir fait lever le charroy ainsi que leur avoit mandé. Item, autres lettres au conte de Chimay afin de constraindre ceulx de Cambresis a furnir le nombre du charoy a eulz imposé (Comptes argentier Ch. le Téméraire H.B., t.4, 1471-1475, 70)

[Le charroi peut servir à consolider la position d'une armée à l'arrêt, en formant un rempart]

La riviere eurent adossé, Et ou bout ot un grant fossé, Qui garda toute la bataille, Que derriere on ne les assaille. Si se midrent en tel arroy Que devant eulz fu leur charroy (La Buigne, Rom. deduis B., 1359-1377, 242)

Et misent leurs chevaus et tout leur harnois en un petit bois qui estoit derrière yaus, et arroutèrent tout leur charoy par derrière yaus, et s'en fortefiièrent. (Froiss., Chron. L., I, c.1375-1400, 177)

...et toute la nuit se fortiffierent de paux, de fossez et de leur charrey audevant d'eulx, et la riviere les fortifiet par desriere. (Cagny, Chron. M., 1436, 163)

...et en belle rangée de bataille, close par derrière eux, et fortifiée de leur charroi, se présentèrent à les recevoir [les ennemis] (Chastell., Chron. K., t.1, c.1456-1471, 229)

Par métonymie. Armée.

Le trespuissant et excellent charroy De Barbarie, aussi d'Esclavonnye De mieulx en mieulx puisse croistre en arroy ! (La Vigne, S.M., 1496, 234)

c)Par métonymie. Équipage (d'un seigneur).

Mars triumphoit en son noble carroy, Ainsy que ung roy armé de pied en cappe (Molinet, Faictz Dictz D., 1467-1506, 67)

Vous seulement, et ainsy je le croy, Se sans deroy je somme, jecte et compte, Me poés mettre en la chambre du roy, Aiant arroy, pardurable charroy (Molinet, Faictz Dictz D., 1467-1506, 523)

d)Par analogie. Convoi de bateaux marchands.

Les gens du batel trouverent du charroy sur le port si se bouterent dedens et leur marchandise avecques (Cleriadus Z., c.1440-1444, 310)

2.Au pluriel. Chariots, charrettes.

Les foriers s'en vont par tout pour conquere a manger. Ilz sont alleiz a Simbalach, sy l'ont gaingnie ; et ont ameneit aux oustz XXX carois de bonne garnison (JEAN D'OUTREM., Myr. histors G., a.1400, 160)

...le bastard d'Orléans fist une entreprinse sur la ville de Chartres, laquelle estoit tenue par les Angloiz, et fist aller par ung matin plussieurs charroiz à la porte d'icelle ville, et entre les autres choses avoit en aucunes d'icelles charettes des aloses, lesquelles avoient esté promises aux portiers d'icelle affin de faire ouvrir bien matin la porte, et d'aucuns en y avoit qui savoient bien l'entreprinse, lesquelz disoient : 'Il fault ouvrir hastivement ; si aurons des alozes.' (Chart. J., Chron. Ch. VII, V., t.1, c.1437-1464, 141-142)

Et disoient y pluseurs, se lesdis cherois fussent tous aroteis ['placés à la suite'] l'une apres l'autre et tout pres, que ilh tenroient bien X liewes et plus. (Stavelot, Chron. B., a.1447, 190)

...quant le terme de partir fut venu et que Saintré et toute la compaignie furent en point et heurent mandez leurs harnois et leurs bagaiges par charrois et autrement (La Sale, J.S., 1456, 201)

Et furent les rivieres de Seine, Marne, Yonne et toutes autres rivieres affluans en ladicte riviere de Seine, prises et gelées si très fort que tous charrois, gens et bestes passoient par dessus la glace. (Roye, Chron. scand., II, 1460-1483, 104)

3.Par métonymie.

a)Transport par chariots.

...et de ce est voix et fame que Richart Poitronier va continuelment labourer es courtilz et charroys chacun jour du boys audit chastel [il travaille qotidiennement au transport du bois vers le château] (Doc. 1391. In : M. Bubenicek, Entre rébellion et obéissance, 2013, 585)

...pour paier les fraiz neccessaires pour le charroy de ladite artillerie dudit Dijon audit lieu de la Charité (Comptes Etat bourg. M.F., t.2, 1419, 600)

...quant aux mises extraordinaires, qui se font pour charroy faict pour le prince et aultrement, il sera declarié depuis ores en avant se le dicte mise se faict par mandement patent par lettres missibles (Hist. dr. munic. E., t.2, 1422, 150)

b)Chemin. (synonyme charrière)

Nonpourquant le feri par si tré grant bufoy Que du destrier par force l'abati ou charoy. (Bât. Bouillon C., c.1350, 12)

Si prist li dis rois son chemin et son charoi devers Saint Leu en Constentin. (Froiss., Chron. L., III, c.1375-1400, 137)

Et prist li rois son charoi et son cemin deviers Saint Lo le Coustentin, mais ançois que il parvenist jusques a la, il se loga trois jours sus une riviere, atendans ses gens qui avoient fait la cevauchie sus la marine, ensi que vous avés oy. (Froiss., Chron. D., p.1400, 682)

Locution.

Se mettre hors de son charroi. Quitter le droit chemin, faire un écart de conduite.

La se met aucuneffoiz [une femme trop courtisée] hors de son charroy et prent plaisir en aucunes choses, et a l'aventure y avra pirs. (Quinze joies mar. R., c.1390-1410, 16)

Se mettre en mauvais charroi. Suivre une mauvaise voie.

L'autre qui l'avoit prinse [une femme dont le mari était absent depuis longtemps] , qui s'en est donné du bon temps, la lessera et ainxin el est perdue quant a son honneur, et a l'aventure se follera [var. se mettra en mauvais charroy]. (Quinze joies mar. R., c.1390-1410, 97)

B. -DROIT COUTUMIER

1.Corvée qu'on doit faire par chariot, charrette.

...la ville de Seei en Champagne en toute justice, XL septiers de bled, seigle et aveyne, que les bourgeois doibvent à la saint Denis ; XX poulles, ou environ ; bourgeoisies et charroy peuvent valoir XL solz (Trés. Reth. S.L., t.2, 1378, 246)

...et sy doivent fere le charroy du chastel et pons de Vernon, avecques autres menues faisances acoustumées. (Hector De Chartres, Cout. R., 1398-1408, 41)

...le charroy du merrieng du chastel de Vernon (Hector De Chartres, Cout. R., 1398-1408, 42)

Mander (qqn) de charroi. Donner ordre (à qqn) de s'acquitter de la corvée de transport par charrette.

Item, une aultre lettre de vidimus non seellée, signée Lespoysse, par laquelle il appert que lesdiz seigneur et dame ont quicté les habitans desdictes villes de toutes les corvées que ilz devoient, toutesfoiz que ilz les mandoient de charoy et de chevaux, en restitucion de l'augmentation d'un vivier prise sur les pasturages d'iceulx habitans. (Invent. N. Baye T., 1419, CIX)

2.Charroi le roi. Redevance due au roi pour le transport du bois hors de la forêt. (synonyme charrière)

...et ceulx qui vont en la dicte forest à carete en mays de carey, [doivent] pour la carete à beufs XXI d. au jour du carey le roy, quatre boisseaux d'avoine à la saint Michiel d'ilec enssuivante (Hector De Chartres, Cout. R.B., 1398-1402, 136)

Mois de charroi. Mois de juillet.

...et ceulx qui vont en la dicte forest à carete en mays de carey, [doivent] pour la carete à beufs XXI d. au jour du carey le roy, quatre boisseaux d'avoine à la saint Michiel d'ileq enssuivante (...). Et se les dis parroissiens ou aucuns d'iceulx vont en la dicte forest entre deux mois de carey à carete ou à somme, il doit au dit seigneur douze deniers pour fouage, exepté ceulx qui ont esté en moiz de carey qui sont quittez pour toute l'annee pour ceulx de caroy. (Hector De Chartres, Cout. R.B., 1398-1402, 136-137)

Remarque : Cf. L. Delisle, La Classe agric. en Normandie, [1851], 365.