CHAPELAIN

substantif masculin

[T-L : chapelain ; GDC : chapelain ; AND : chapelein ; DECT : chapelain ; FEW (II-1, 286a) : cappella ; TLF (V, 523b) : chapelain]

A. -Celui qui a la charge d'une chapellenie et en est bénéficiaire.

...de ce prent li chappellains de Saint Baule chascun an six muys de grain pour ladicte chappellerie (Trés. Reth. S.L., t.2, 1347, 76)

LE PROCUREUR DE SAINT LORENS. (...) Ce pri saint Lorens le martir Que je sers conme chappellain (Mir. prev., 1352, 241)

Item, il esleut la sepulture de son corps, en quelque lieu qu'il trespasse, estre son corps porté en l'eglise de Saint Fulgent en Poitou, en la chappelle (...) en laquelle gisent ses pere et mere et frere ainsné, et en laquelle il a fondé et ordené une chappellenie de cinquante livres Tournois de rente perpetuelle, et tellement qu'elles soient durables ; ausquelles seront jointes dix livres de rente, autresfoiz données par ses diz pere et mere pour la fondacion d'une autre chappelle, laquelle chappellenie sera en la presentacion de lui et de ses hoirs et successeurs perpetuelment, et en la collacion de monseigneur l'evesque de Luçon, parmi ce que les chappellains, deux ou trois qui y seront au plaisir de Dieu presentez et instituez, comme dit est, seront tenuz de chanter tous les jours de chascune sepmaine perpetuelment pour le salut et remede des ames de lui, de ses pere, mere et bienfaicteurs (Test. Parlem. Paris T., 1403, 354-355)

Item je donne et legue aux povres de l'ospitaul de Montbeliart seix sols estevenans censals de annuelle et perpetuelle cense a distribuir chescun an perpetuelment par une foix par le chappellain de la chapelle fondee par mesdiz predecesseurs aux povres renduz oudit hospitaul (Test. Besanç. R., t.2, 1427, 54-55)

Et depuis quant je fus retourné de Romme et que estoye vostre povre chapellain pourveu par vostre moyen a l'eveschié de Beauvais (Juv. Urs., Loquar, 1440, 324)

B. -Prêtre attaché au service d'une personne (d'un grand seigneur).

...si le vous porrai envoier [le rondel] par le chappellain de vostre frere. (Mach., Voir, 1364, 522)

Là furent pris messires Henris Haie (...) et ossi li seneschaus de Poito, messires Thumas de Persi ; et le prist uns prestres de Galles, chapellains dou dit Yewain, qui s'appelloit messires David House. (Froiss., Chron. R., VIII, c.1375-1400, 69)

Mais il [Remond] erra tant qu'il vint a Thoulouse, et la donna a toutes ses gens congié, excepté a son chappellain et a un clerc, et leur paya largement leur salaire. (Arras, c.1392-1393, 271)

Et prist Remond congié et monta en son hermitaige, et la lui aloit son chappellain tous les jours dire sa messe. (Arras, c.1392-1393, 273)

...maistre Jaques de Templeuve, premier chappellain de monseigneur le duc (Comptes Etat bourg. M.F., t.1, 1419, 50)

...la somme de quarante huit frans 1 sol 4 deniers tournois, en deniers paiez à messire Jehan James, chappellain des basses messes de mondit seigneur (Comptes Etat bourg. M.F., t.2, 1419, 307)

...et messire Jehan Lestine, chappellain dudit feu roy Charles VIe (Fauq., II, 1421-1430, 81)

Lors il [Jean de Saintré] fait partir tous les premiers ses deux fourriers, ses queux et son chapelain (La Sale, J.S., 1456, 99)

En sa chapelle a quarante hommes, à comprendre ung evesque, son confesseur, et trois autres Jacopins prestres et confesseurs, autres chappellains et autres officiers, organistes et sommeilliers, lesquels chappellains, chantres et officiers sont gouvernez par le premier chappellain. (La Marche, Mém., IV, Pièces annexées, 1474, 2)

Par extension. Clerc, secrétaire, chancelier d'un grand seigneur.

... [elle] vint en l'ostel dudit sire de Nouvion, parla au chappellain d'icellui sire de Nouvion par la fourme et maniere que cy-dessus est escript en sa premiere depposicion (Reg. crim. Chât., II, 1389-1392, 127)

Et, ausdictes enseignes donna son jugement pour tout vray ung sien medecin portugalois nommé maistre Mathieu, que c'estoit ledit de Bourgongne son maistre ; et aussi le dirent pareillement ses varletz de chambre, le grant bastard, messire Olivier de la Marche, son chappellain, et plusieurs autres de ses gens prisonniers dudit Monseigneur de Lorraine. (Roye, Chron. scand., II, 1460-1483, 42)

Clerc au service d'un évêque.

Item, confessa que, à Paris, en l'ostel des Tournelles, appartenant audit mons. l'evesque, il print et embla un frans d'or qui estoit ou coffre mess. Jehan de Bar, chappellain dudit evesque (Reg. crim. Chât., I, 1389-1392, 231)

L'evesque et ses chappellains emmaynent sainct Martin (La Vigne, S.M., 1496, 263)

C. -Suppléant d'un prêtre ou d'un chanoine dans un chapitre.

Et li dis messires Guichars, en ghise et estat d'un povre capellain, tout deschiré et mal monté, rapassa parmi France les marces de Bourgongne et d'Auvergne. (Froiss., Chron. L., VII, c.1375-1400, 109)

'Femmes, qui est-ce qui a sonné ce cornet ?' - L'un respondi et dist : 'C'est ung prestre qui s'en va aux champs. Je ne scay se il est curé ou chappellain de la ville.' (Froiss., Chron. M., XII, c.1375-1400, 108)

...et, pour ce, furent mandez et faiz venir aucuns prestres et chappelains de l'eglise et monstier Saint-Jaques de la Boucherie (Reg. crim. Chât., II, 1389-1392, 52)

...fu requis ausdiz prestres et chappellains le saint baptesme ordonné par Nostre Seigneur Jhesu-Crixst estre fait, prins et donné à sainte eglise à toutes personnes et creatures qui le requierent (Reg. crim. Chât., II, 1389-1392, 52)

...Entendez, simpletes femmes (...) qui ne pouez mie souvent ouïr ce que l'Eglise amonneste a toute creature pour son sauvement, se n'est par voz curéz ou chappellains au dimenche au prosne en brief si comme dire le scevent (Chr. Piz., Trois vertus W.H., c.1405, 218)

Fu faicte procession par les channoines et chappellains de la Saincte Chappelle et les Bernardins, Mathurins et Carmes (Baye, II, 1411-1417, 21)

Item je donne et legue a ladicte eglise de Clairon, de laquelle je suis a present curé, vint solz estevenans d'annuelle et perpetuelle rente ou cense au lever et percevoir, chescun an a tel jour que je trespasseray de cest siegle, par le curé et les chappellains desservans en ladicte eglise de Clairon de mes heritiers universalx cy après nommez ou des tenementiers et possesseurs de deux moyes pieces de prez que j'ay acquis de Thomas Frossart, de Clairon (Test. Besanç. R., t.2, 1453, 102)

On ne verra plus chappellains Tromper femmes a leur parroissains, Chacun sera du tout parfait. (Rapp., c.1480, 64)

[Dans un cont. métaph.]

Le bon curé est le Saint Esperit tant seulement. La perrochienne est nostre ame. Le chapellain est raisonnable entendement qui enseigne sa perrochienne comment elle se doit maintenir et gouverner. (Gers., Purif., 1396-1397, 63)

Par antiphrase.

Veritablement cilz sont les flateurs, qui sont les chappellains et chantres du dyable, qui les commancent par Placebo, qui en lieu des louenges de Dieu, les despitent et maugroyent et regnient, et chantent les faulces loenges de la personne qui est tellement ensevelie (Gers., Purif., 1396-1397, 67)