CHAIRE

substantif féminin

[T-L : chaiere ; GD : chaiere ; AND : chaere ; FEW (II-1, 506-508a) : cathedra ; TLF (V, 461a) : chaire]

A. -Meuble pour s'asseoir, siège.

1.[Dans la vie quotidienne et domestique]

a)Siège comportant un dossier, souvent des accoudoirs.

Ho ! seigneurs, en ceste chaiére Vueil cy seoir et reposer. (Mir. prev., 1352, 259)

Et si faut, ains que tu eschapes, Belles chaieres et beaux bans, Tables, tretiaulx, fourmes, escrans, Dreçoirs, grant nombre de vaisselle (Desch., M.M., c.1385-1403, 46)

...elle court, si luy apporte ung mantel de deux draps, et si luy met sur les espaulles ; et appareille une cheere, et met un quarrel dessus, et le fait seoir au feu (Ménagier Paris B.F., c.1392-1394, 93)

En le cuisine : primes, une cramaillié (...) Item, II. petittes chaières (Invent. test. beauv. L., 1397, 51)

Femme, sans faire la renchiere, Mectez acoup la table icy, Et luy apportez [au curé] une chiere ; Si se serra. (La Vigne, Munyer T., 1496, 222)

[L'assise peut être le couvercle d'un espace de rangement]

...elle vit lors ledit Hay qui ala et entra en l'estude dudit defunct, et illec, en une huche ou chaire, et dessoubz un viel chappel de bievre, print un sachet de cuir gros d'environ plain poing, et long de demi-pié ou environ (Reg. crim. Chât., II, 1389-1392, 82)

Item, une chaire à doz, quarrée, fermant à clef (Invent. N. Baye T., 1419, LV)

Item, une chayere à doz et à coffre, à clere voye par hault et deux ymages sur les pilliers (Fauq., III, Pièces diverses, 138, LXXVIII)

Chaire pliante. Siège en forme d'X, dont les côtés se rapprochent en pivotant sur un axe' (D'apr. GAY I, 303).

Item, deux vielles chayères de boys ployantes. (Doc. 1422. In : J. Guiffrey, Bibl. Éc. Chartes 48, 1887, 435)

Remarque : Doc. 1456 (une chaière de fer, ployant, garnye de cuyr tanné, façon de faudesteuil), 1469 (3 cayères noefves, ployans, servans en coer) ds GAY I, 303b.

b)Siège utilisé pour la toilette.

...2 chaaires, l'une à dossier pour atourner ladicte dame, l'autre sans dossier pour soy laver (Comptes argent. rois Fr. D.-A., I, 1352, 300)

Remarque : Doc. 1352 (pour une aune de velluau (...) pour couvrir 2 chaaires, l'une à dossier pour atourner lad. dame, l'autre sans dossier pour soy laver) ds GAY I, 305b.

Chaire à peigner

...demie aulne de veloux azur Alexandrain sur fil oysel (...) bailliée à Jehan de Troies, sellier, pour faire et garnir le siège d'une chaière à pigner le chef du Roy nostredit seigneur. (Comptes argent. rois Fr. D.-A., II, 1387, 142)

Remarque : Doc. 1351 (...pour 2 aunes et demie de velluau vermeil (...) pour faire les couvertures de 5 chaires à pingnier, c'est assavoir 2 pour le roy et 3 pour le dauphin), 1386 (pour avoir garnis une chaière appelée fauxdestueil, pour pignier le chief du roy), 1391 (pour une chaière à dossier fait à orbevoies et 2 chaiennettes de laiton, le siège et les acoustoires garnis de cordouan (...) pour seoir ycelle dame à soy pignier) ds GAY I, 305b.

c)Siège muni d'un bassin, pour les besoins naturels.

Chaire necessaire

...pour une chaière neuve neccessaire pour le Roy, c'est assavoir pour le fust et la façon du charpentier (...) pour cuir et la garnison par le sellier (Comptes argent. rois Fr. D.-A., I, 1359-1360, 248)

Pour une serge verte de 3 rayes acheté le 13 août 1405 et délivré pour servir à une chaière nécessaire pour Monseigneur de Ponthieu, pour ce 48 sous parisis. (Chart. J., Chron. Ch. VII, V., t.3, Fragm. hist., 1405, 259)

Chaire de retrait

...une grant bouge de cuir de vache, garnie et estoffée de courroies de cuir et de cros de fer ainsi qu'il appartient (...) pour mettre et porter la chaière de retrait de ladicte dame. (Comptes argent. rois Fr. D.-A., II, 1387, 181)

...pour avoir recouvert de drap vermeil (...) deux chayeres de retrait (Invent. mobiliers ducs de Bourg. P., t.2, 1388, 394)

Chaire percee

Quant des auditeurs messeigneurs, Leur granche ilz auront lambroissee, Et ceulx qui ont les culz rongneux, Chacun une chaize [var. chaire] persee, Mais qu'a la petite Macee D'Orleans, qui ot ma seinture, L'amende en soit bien hault tauxee, Elle est une mauvaise ordure. (Villon, Test. R.H., 1461-1462, 100)

Remarque : Doc. 1465 (La Rochelle, pour quatre chaesres persees) ds GD II, 33c.

2.[Dans des circonstances et des lieux variés (sur une estrade, une charrette, devant une tente...)]

Lors descendy Oliviers [de l'estrade qui permet d'assister à un duel] moult vistement. Que vous feroye je long compte ? Les sains furent apportez. Et jura Remondin que Jossellin avoit faicte la trahison, et s'agenoilla, et baisa les sains, et puis se rassist en sa chayere. Et Jossellin jura après. (Arras, c.1392-1393, 62)

Ens ou portail assise yere Dame Richece en sa chayere, Si emperlee et si doree Et si tres richement paree Que tout le lieu en reluisoit De la grant clarté, qui yssoit Des joyaulx qui sur elle estoient, Qui trop grant finance valoient (Chr. Piz., M.F., I, 1400-1403, 64)

Si avoit dedens ledit parc deux pavillons tendus, et au dehors d'yceulx deux grandes chayères de bois pour les deux champions. (Monstrelet, Chron. D.-A., t.4, c.1425-1440, 436)

Et fut ledit Hardi, ainsi acompaigné que dessus, mis et assis sur une haulte chaiere mise au dedens et ou mylieu d'une charrete, à ce qu'il feust manifesté, apperceu par le populaire d'icelle ville. (Roye, Chron. scand., I, 1460-1483, 305)

Le chevallier estoit assis sur la chaire, armé de toutes armes, la cotte d'armes au doz, et avoit une sallade à visiere et courte baviere, et tenoit sa bannerolle en sa main, et acheva ung oraison qu' il avoit commencé. (La Marche, Mém., II, c.1470, 183)

Le chevallier estoit assis sur la chaire, armé de toutes armes, la cotte d'armes au doz, et avoit une sallade à visiere et courte baviere, et tenoit sa bannerolle en sa main, et acheva ung oraison qu'il avoit commencé. (La Marche, Mém., II, c.1470, 404)

Chaire tournante. Siège muni d'un mécanisme qui lui permet de tourner sur lui-même (employé ici pour des observations astronomiques).

Sy pourquist tant qu'elle trouva un lieu pour demourer, lequel estoit assis a dix lieues pres du Chastel du Chief sus une haulte montagne, la ou sans aucun empeschement elle pouoit plainement voir la reondeur du firmament ; et au plus hault du mont elle avoit sa chaiere tournant, ou elle seoit de nuit garnie de ses esperes et instrumens magistrals (Percef. IV, R., c.1450 [c.1340], 521)

3.[Dans la vie politique, religieuse]

a)[Signe de pouvoir temporel]

Trône royal ou princier.

Et là seoit li jones rois en abbit roial en une caiière eslevée moult haut, parée et vestie de draps d'or si rices que on les pooit avoir. (Froiss., Chron. R., X, c.1375-1400, 11)

Et quant le parlement est finéz, le roy s'asiet en sa chaure, et tantost se lieve ung des plus saiges princes... (Secret des secrets L., c.1400-1500, 174)

O roys de terre, qui seez en chaire tremblant, et commandés par auctorité decepvable sur peuple pervertible, retenés ceste leçon du roy dez cieulx, qui siet en trone pardurable, dont le royaulme ne se peult changier, ne l'auctorité contredire: vostre regne fault avec vostre vie, et le sien seigneurist sur la vie et sur la mort de tous et de toutes choses (Chart., L. Esp., c.1429-1430, 40)

...lez sieges royaulx fondent soubz l'omme chargé de pestilence de pechié, et sa chaire se reverse sur lui plus durement, de tant comme le faiz de sa couronne est pis soustenu (Chart., L. Esp., c.1429-1430, 41)

Et quant tous eurent faites leurs reverences et les dames et damoiselles baisies et acolees, le roy refut en sa chaiere assis (La Sale, J.S., 1456, 223)

Parquoy il entra en la dicte ville avecques aucuns de ses gens et eulx serchant et faisant leur provisions de vivres par icelle ville, virent ung eschauffault dressé en l'ung des carrefours d'icelle ou l'en faisoit ung mistere tel qu'il y avoit ung roy representant le roy de France, lequel estoit assis en une chaire, et luy mettoient du feu au cul. (La Vigne, V.N., p.1495, 300)

Chaire royale

...une chayère royale, pour seoir au Conseil, à deux lyons et à deux angelz (Doc. 1422. In : J. Guiffrey, Bibl. Éc. Chartes 48, 1887, 86)

Par ma loy moult bien il sera [l. fera] : Seoir en chaiere royalle ! (Marcadé, Myst. Pass. Arras R., a.1440, 139)

En ce meismes ciel estoit eslevé en chaïere royale le tres vaillant roy Arthus (Molinet, Faictz Dictz D., 1467-1506, 49)

Au masculin.

Et lesdits prélats et princes le menèrent en cest estat par la main révéramment jusques à son royal chayère qui estoit de vingt-sept degrés de haut (Chastell., Chron. K., t.4, c.1456-1471, 59)

Chaire de majesté

Si estoit le roy assis en sa chaiere de magesté (...), adestré et acostoié des princes et seigneurs de son sang (...) ; et assiz droit la, fit convoquier tous estrangiers et estre a la responce rendre, afin que la teneur en fust divulguee par l'univers monde (...). Et alors le chancelier de France (...) en hault commença lire a trait et bien peseement ce qui s'ensieut. (Chastell., Chron. IV, D., c.1461-1472, 189)

Chaire imperiale. Trône de l'empereur.

' Dont dist le duc de Jullers, et estans en genoulz devant l'empereur qui seoit en une chaiere imperiale: ' Mon très redoubté et souverain seigneur, par la haulte noblesce et puissance de vous, je me tieng à meffais de tant que à main armée je me mis et assamblay contre mon cousin, vostre biau frere et vicaire du Saint-Empire, et, se la journée d'armes me fut donnée et envoié par l'aventure de fortune et que vostre biau frere mon cousin fut mon prisonnier, je le vous rens quitte et delivre (Froiss., Chron. M., XIV, c.1375-1400, 170)

Chaire de parement. Siège de parade.

...chayère de parement, ployant (Ch. VI, D., t.2, 1421, 392)

MONNAIE

Denier/florin d'or à la chaire. Monnaie d'or sur laquelle est représenté le trône royal.

Des diz tresoriers, de la somme de 112607 l. 5 s. 2 d. t. et mil florins d'or a la chaiere sans pris (Clos galées Rouen M.-C., t.2, 1346, 68)

Nous avons fait naguerres faire et monoier, et faisons encore Deniers d'or à la chaiere (Ordonn. rois Fr. L.S., t.2, 1346, 254)

Des quiex choses le dit feu maistre Pierre mourust vestu et saisi, tenant et esploictant en nom, et les quiez furent estimées par gens expers en ce, si comme dit est, au pris de six vinz livres, lors monnoie courant, c'est assavoir florin d'or à la chaiere, pris et compté pour XL. solz tournois, et le denier appellé double pour deux parisis. (Doc. Poitou G., t.2, 1348, 404)

Par ellipse. Chaire d'or

...un noble d'or, deux doubles d'or, un angre d'or, trois charères d'or (Titres Bourbon H.-B., t.1, 1361, 496)

b)[Signe de pouvoir spirituel]

Trône (du pape).

Et le roy Charlez vint a Romme et sy remist le pape Lyon en sa chaiere. (JEAN D'OUTREM., Myr. histors G., a.1400, 59)

Chaire romaine/papale/chaire de Saint Pierre

Quantz pasteurs et sains prevotz de mon Pere vous avez enchassie [l. enchassié] du saint siege de vostre mere ! Et quantes foys les vaillans princes et roys, et par espicial des Francois [l. François] , ont remis les lieutenans de mon Pere malgre [l. malgré] vous et voz dens en la chayere de saint Pierre ! (Mézières, Songe vieil pèl. C., t.1, c.1386-1389, 275)

...entrèrent en la chappelle Saint Pierre où illec estoient faictes deux oratoires (...) èsquelles estoient mises et pozées deux cayerres pappales très richement aournéez (Escouchy, Chron. B., t.1, 1453-1460, 344)

Et aprés vint a Romme et s'assist en la chaiere rommaine XXV ans. (Batallier, Lég. dorée D.-L., 1476, 321)

La chaire Saint Pierre. Fête du Siège de Saint Pierre.

Remarque : Doc. 1415 (Nevers, sepmaine de la chaiere saint Pere) ds GD II, 34a. Autres ex d'anc. fr.

Au figuré. Chaire de vraie foi. Charge de ceux qui répandent l'évangile.

La IIIIe question, a scavoir se les apostres au jour d'i a la recepcion du Saint Esperit sceurent toute science ? Je respon que oÿ, a parler de science qui estoit neccessaire au salut et a predicacion, et furent au jour d'ui maistrisiez et assis fermement en la chaire de vraye foy, et par avant avoient estez licenciez (Gers., Pent., p.1389, 83)

Siège à haut dossier pour les dignitaires de l'Église dans leurs fonctions.

...ilz sont eslievez jusques au destre couste [l. cousté] de la mageste [l. magesté] royalle, et jusques aux chayeres d'evesques et d'arcevesques et des chapeaux rouges, qui sont tant desirez (Mézières, Songe vieil pèl. C., t.1, c.1386-1389, 477)

...et fu enterré en ladicte eglise entre le grant autel et les chaieres où se sient le prestre et diacre à la grant messe. (Baye, II, 1411-1417, 233)

Ceulx cy n'ont pas bonne fin ne bonne entention, mais estudient pour avoir honneurs et vanitez du monde. Les dyables leur presentent en leur entention bonnés, chapperons fourrez, chaires haultes et pareez, et a ceste entention prennent ilz le labour et l'estude que ilz en ont. (Déclar. Hyst. S., a.1449, 190)

Pour faire habiller le drap de deux letrins, la couverture et parement d'une chaère à asseoir le prélat durant la messe dudit seigneur, et pour la doubleure d'iceulx, où il y eut X aulnes de bougran (Comptes roi René A., t.2, 1453, 417)

Chaire cathedrale. Siège de l'évêque, dans une église cathédrale.

A donné oultre plus à icelle église, pour prier pour elle, les aournemens d'une chappelle, contenant cinq chappes, thunicque, dalmaticque, estolles, fanons, la couverture d'une chayère cathédralle, tous de soye perse ouvrés de broderies garnies de perles et de pierres moult richement. A donné pareillement deux draps d'or de broderie pour servir au grant auteul, l'un dessus et l'autre dessoubz. Esquelz draps est la passion Nostre-Seigneur Jhesus-Crist moult richement historiée. (Chart. J., Chron. Ch. VII, V., t.1, c.1437-1464, 210)

Chaire archiépiscopale. Siège de l'archévêque ; ici, p. méton., dignité d'archévêque.

L'archevesque de Coulongne (...) debouté de sa chayère archiepiscopale et cité metropolitaine, lui remonstra sa doleance [à Charles, duc de Bourgogne] (Molinet, Chron. D.J., t.1, 1474-1506, 29)

Chaire du choeur. Stalle.

...taffetas noir de Boullongne pour parer six autiers hault et bas et pour mettre tout environ les chaeres du cuer par dedens et le poulpitre, tant dehors que dedens, et pour faire les goutières et ciel de la chappelle de bois qui sera sur la présentation de la royne (Comptes roi René A., t.2, 1453, 404)

4.Siège utilisé pour les sorties (de personnages importants).

À Martin, le sellier, pour les traits de cuir de la chayère du roy, tant du cheval de devant, que de celui de derrière, et deux selles aux deux chevaulx (Comptes roi René A., t.2, 1477, 193)

...XIIII paulmes de drap pers (...) pour les deux paiges qui vont sur les chevaux de la chayère du roy (Comptes roi René A., t.2, 1479, 208)

Aprés ce fait, soudain on print le pape Et fut porté, comme on scet qu'on le porte, Dedens la chaire a tout sa blanche chappe, En une place qui grande se comporte, Hault en ung lieu comme sur une porte Ou fut ung hourt devant la dicte eglise (La Vigne, V.N., p.1495, 237)

Remarque : Doc. 1416 (pour une chaière de noier et d'ourme, assise sur 4 roes par manière d'un chariot pour porter et mener lad. dame [la reine] durant une sienne maladie) ds GAY I, 306a.

Chaire close. Siège fermé et couvert dans lequel on se fait porter.

...huit chaierres cloysses. (Comptes roi René A., t.2, 1462, 236)

5.Siège, tribune d'où l'on domine l'assistance que l'on instruit.

a)Siège professoral.

DOCTEUR. Ma chaire est elle [bien] en place, Et mon pulpitre ? Il me fault lire. (Moralité 1427 B.B., 1428, 110)

Quant les facultéz furent donnees a ces gens de monter en chayere, de lire, gloser, interpreter et autres choses faire (...) pluseurs varletz furent la qui pourtoient grans drageurs (Michault, Doctr. temps prés. W., 1466, 141)

Estes vous bien si tresoultrecuydé Que de reprandre ung docteur en la chaire ? (La Vigne, S.M., 1496, 335)

Lire en chaire. Professer, enseigner.

Quant est de l'autre question Que ci debatre oÿ avon, Je conseille qu'en soit jugié Selon ce qu'il est aleguié Par les advocas des Deduis, Qui d'en parler sont si bien duis Que nulz homs n'en pourroit plus dire Qui en chaiere en vouldroit lire. (La Buigne, Rom. deduis B., 1359-1377, 508)

Tenir chaire de qqc. Enseigner qqc..

De beau parler tiennent chayeres, Ce dit on, Neappolitaines, Et que bonnes sont cacquetieres Allemandes et Prucïennes. (Villon, Test. R.H., 1461-1462, 120)

Proverbe. On met le fol en chaire par defaut de sage

Mais vous sçavés que le saige dist qu'on mest bien le fol en chaiere par deffaute de saige (Percef. IV, R., c.1450 [c.1340], 188)

Mais quant a l'avantage, Point ne s'en trouve [de sages] ou guiere : Par deffaulte de sage, On met fol en chayere. (Prov. rimes F.M., c.1485-1490, 73)

Locution proverbiale. [Début inspiré par le prov. on met le fol en chaire par defaut de sage ; dans une série d'illustrations de la façon dont la Fortune agit en aveugle] Mettre le fou en chaire, le sage au fumier

Tu [Fortune] tolz aux preudhommes et donnes aux mauvais ! Le folz metz en chayere, le saige au fumier, le rude et mal entendant tu mets a la pourtraiture et aux suibtivetez, et le subtil et ingenieux mets en la charrue charier les pierres et les chailloux. (Percef. IV, R., c.1450 [c.1340], 1027)

Par métonymie. Mettre (un decret) en chaire. Publier et donner force de loi.

: ...se (...) cestui decret, qui n'est pas trop discret, entre les Crestiens sera mis en chaire, il est expedient que les cincq livres de la loy civile a toutes leurs gloses et interpretacions (...) soient mises ou ung feue, ars et brulez (Mézières, Songe vieil pèl. C., t.1, c.1386-1389, 499)

b)En particulier. Tribune élevée du haut de laquelle un prêtre s'adresse aux fidèles.

A la dextre de ycelle dame Sapience est le disciple aucteur et composeur de ce livre estant en chaire comme preschant a divers estas du monde que ilz sentent et gouttent de Dieu en bonté (Déclar. Hyst. S., a.1449, 134)

Semblablement ung autre docteur, ce mesme temps, à Rouen, dist en plaine chaire : 'Si je ne monstre qu'il soit ainsi que la Vierge Marie soit conceue en peché originel, je vuel que l'on m'apelle Huet' (Simon De Phares, Astrol., c.1494-1498, f° 149 r°)

...et monste le prescheur en chaire et dit ce que s'ensuit. (La Vigne, S.M., 1496, 330)

Pause de menestriers, tandis que l'evesque et ses gens vient, lequel se mect en sa chaire et chascun s'asiet selon son degré et monste le prescheur en chaire et dit ce que s'ensuit (La Vigne, S.M., 1496, 330)

Chaire de vérité. Chaire où l'on prêche l'Évangile.

J'ay entrepris a l'ayde de Dieu prouver et demonstrer, comme advocat et ploidoyeur contre erreurs et vices, et comme estant en la chayere de verité crestienne, que Ceulz yci sont bieneureux Qui les cuers ont doloreux. (Gers., Déf., 1400, 221)

Telles et semblables raisons mit beaucoup avant, comme manifesteur de vérité, qui ne doit estre celée en chayère de vérité mesmes, d'un excellent clerc, en telle compagnye et en tel haut et pondéreux cas, dont tant de maux pouvoient naistre ou tant de biens parfaire ou laissier. (Chastell., Chron. K., t.1, c.1456-1471, 80)

Et pour tant plus diffamer et esclandrir la personne du roy par l'univers du monde (...) ledit monseigneur de Charolois ou aucun de par luy ont fait prescher en chaire de verité, par les églises, ceste entreprise en sa personne, donnant titre et charge au roy qu'à ce il avoit entendu (Chastell., Chron. K., t.5, c.1456-1471, 116)

c)Chaire de judicature. Siège de celui qui rend un jugement.

Devant la royalle excellance En chaire de judicature Ne devons faire tel murmure. (Cene dieux, c.1492, 113)

B. -LITURGIE Tabernacle (où sont conservées les hosties consacrées).

...et puis sont là pluiseurs qui en grant cremeur et reverence recevent ledit corps saint et le assieent emprés l'autel dedens une chayere d'or. (Miélot, Faits st Thomas C., 1450, 126)

Ce glorieux corps saint doncques assis et colloquié en la chayere d'or en la maniere que dit est, les menistres de l'eglise s'en vont incontinent commencier les offices appertenans à la solennité de la sainte journee (Miélot, Faits st Thomas C., 1450, 127)

C. -TECHNOLOGIE Chaise, collier en bois enserrant le pivot au-dessous de la cage (du moulin à vent).

...4 bendes de fer mises a la kayere du dit molin pour renforchier ycelle et mieulx tenir lieu aux loyens qui soustiennent le dit moulin (Doc. 1396. In : Y. Coutant, Terminol. du moulin médiév. dans le comté de Flandre, 1994, 540)

...pour rapointer le kaijerre du mollin pour che que le mollin ne pooit tourner (Doc. 1465. In : Y. Coutant, Terminol. du moulin médiév. dans le comté de Flandre, 1994, 540)