CATHOLIQUE

adjectif et substantif

[T-L : catolique ; GDC : catholique ; FEW (II-1, 509b) : catholicus ; TLF (V, 309b) : catholique]

I. -Adjectif.

A. -[D'une chose, d'un ouvrage, d'un royaume, d'une conduite, de la doctrine...] Qui est propre à l'Église romaine et conforme à l'orthodoxie de sa doctrine.

Donques il semblet que il comeït au princes terrians la puissance de absoudre et de lier, quant aux choses temporeles, aultrement l'ordenance de Dieu et son Testament fust inparfet, que ne seroit pas chose catholique a dire, car Diex ne fit onques chose inperfette. (Songe verg. S., t.1, 1378, 66)

Par ces solutions et decisions catholiquez demoura Entendement assis et rendu en plus doulz repos de conscience, car des secrés de sa pensée furent baloiez tous scrupullez sur lez jugemens divins. (Chart., L. Esp., c.1429-1430, 85)

Et ce fust l'achoison qui si long temps endurcy les courages dez Romains contre la doctrine catholique, dont la terre romaine fut consacree du sang de tant de martyres, ains que les empereurs voulsissent recepvoir le nom crestien, imputans a criminelle inconstance et mesprison contre leur sang et leurs ancesseurs se ilz trespassoient la religion de leurs peres et les traditions de leurs majours. (Chart., L. Esp., c.1429-1430, 115)

Dy moy que jugeroit philosophie de la secte de Mahommet effrenee en luxure et desordonnee en delices de corps, quant toutes les sentences morales damnent excez et appreuvent moderation en delit, et atrempee parcité es oeuvres de la chair. De rechief voions comme sainte Eglise, catholique religion, honneure souveraine divinité, et pourvoit au regime de povre humanité. (Chart., L. Esp., c.1429-1430, 129)

...se souloit estre ung royaulme tres catholique, c'est de present ung royaulme dyabolicque, car il n'y a a paine ne foy ne loy, et y courent diverses heresies (Juv. Urs., Loquar, 1440, 360)

Estienne de Baugenci, (...) sans aver esté jamais à l'escolle escripvoit, parloit latin et dictoit et composoit livres de catholique doctrine (Simon De Phares, Astrol., c.1494-1498, f° 117 r°)

L'Église catholique

Je croy aussi en saincte eglise Catholique saine et entiere, La communion et franchise Des sains qui ont joie plainiere. (Marcadé, Myst. Pass. Arras R., a.1440, 281)

...la presente eglise catholique, qui milite en combatant contre ses adversaires, qui sont le deable, le monde et la char. (Somme abr., c.1477-1481, 99)

(La) foi catholique

Il est rendus à moy, voire par tel devis, Qu'il me dist de son gré à iestre conviertis A la foy catholicque et en fons bénéis. (God. Bouillon R., t.2, c.1356, 493)

Seigneur, ne vous alés boughant De la foy catholicque (God. Bouillon R.B., t.3, c.1356, 135)

Car, aprés la foy catholique, en quoy il [tel Roy terrien] est souffisanment instruit, et de laquelle il est soubz Dieu, aprés le pape, principal deffenseur, il ne pourroit meilleurs choses savoir ne plus profitables pour lui et pour son royaume, et aveques ce pour le salu de l'ame. (Oresme, E.A., c.1370, 98)

...ce tient la foi catholique Des crestiens. (Mir. Pierre Changeur, c.1378, 298)

...il est assavoir que la plus grant aliance qui se puist faire en ce monde en la foy quatolique c'est l'aliance de mariage [espirituel]. (Mézières, Vertu sacr. mar. W., c.1384-1389, 70)

...les invocacions cy-dessus dites, qui sont contre la foy catholique (Reg. crim. Chât., II, 1389-1392, 296)

Par foy, dist Uriiens, nous ne sommes pas cy venus pour estre soudoyers pour argent, mais pour essaucier la foy catholique et estre soudoier Jhesucrist. (Arras, c.1392-1393, 115)

...un seul dieu confessons, Et la vraye foy catholique En une eglise apostolique (Chr. Piz., M.F., II, 1400-1403, 107)

Ce vous puis je mettre au devant que, aprés le lien de foy catholique, Nature vous a devant toute autre chose obligiez au commun salut du pays de vostre nativité et a la defense de celle seigneurie soubz laquelle Dieu vous a fait naistre et avoir vie. (Chart., Q. inv., 1422, 10)

...et à l'entretenement et exaltation de la foy catholique (Fauq., III, 1431-1435, 122)

En Jhesus j'ey mon esperance Et de bom cueur luy crie merci, Et je veulx et vivre et mourir En la saincte foy katholique. (Myst. st Sébast. M., c.1450-1500, 115)

...quatre preudhommes (...) plains de verité et vertus (...), qui se nomment euvangelistes par les escriptures desquelz la vraie et saincte foy catholique est tenue enluminee et corroboree et sera, jusques en la fin des siecles. (Ev. Quen., I, c.1466-1474, 78)

On puet demonstrer en moult de manieres que Dieu est. Car ce tesmoingne la droicte et vraie foy catholique, la saincte escripture le dist et la comparoison des choses creés a lui, qui est createur, le demonstre estre. Premierement dont que Dieu est, la foy le tesmoigne, car la foy catholique croit Dieu, croit en Dieu, et croit a Dieu. (Somme abr., c.1477-1481, 99)

LE PRESTRE. A ceste heure cy treuve ouverte Clerement la foy catholicque. (Mir. st Nic. juif, c.1480-1500, 153)

...certaine grant partie de fust de la benoiste et digne Croix en laquelle Nostre Saulveur et Redempteur Jhesu Crist souffrit mort et passion, (...) laquelle feu de bonne memoire monsieur Sainct Charlemaigne, nostre predecesseur roy de France et principal fondateur de l'abbaye et monastere de Charroux ou diocèse de Poictiers, portoit sur luy toutes foiz qu'il alloit en batailles contre les infidelles et ennemis de la saincte foy catholique (Doc. Poitou G., t.12, 1482, 500)

Ne pas estre catholique. Ne pas être conforme au dogme ; d'où être suspect.

Et pource, Beau Filz, laisse aler les proverbes qui ne sont pas catholiques et fais vaillamment et par grace, comme dit est dessus. (Mézières, Songe vieil pèl. C., t.2, c.1386-1389, 362)

B. -[D'une pers.] Qui est fidèle à la doctrine de l'Église romaine et au pape.

Et [la doctrine d'Aristote] a esté translatee en pluseurs langages et exposee a tresgrant diligence de pluseurs docteurs catholiques et autres, et receüe en toutes lays et sectes renommees et tenue en grant auctorité des devant le advenement Nostre Seigneur Jhesu Crist environ cinq cens ans, et depuis jusques a maintenant par l'espace de mil trois cens soixante et dix ans. (Oresme, E.A., c.1370, 97)

O quelle resplendissant clarté espart sur son regne ung vertueux roy catholique ! Certes, comme en gettant ses rez sur la terre le beau soleil abat et depart les broullas, et rent le jour cler, ainsi le roy droicturier confont et deprime toute iniquité par l'esgart de sa prudence, et radresse toutez choses a honnesteté par l'onneur de ses justes faitz et renommee. (Chart., L. Esp., c.1429-1430, 45)

C'est a vous, sire, trop plus grant chose que de nom de roy catholique, faisant son devoir, que de grans richesses (Juv. Urs., Loquar, 1440, 374)

Il est de condition benigne Il est catholique il est digne Il est large et aumosnier Bon sera pour vous gouuerner Meilleur ie ne scauroye eslire. (Myst. st Martin K., a.1500, 267)

[P. oppos. à d'autres croyances ou religions]

Ensieut de l'aultre et grant empeschement qui empesche de l'un avoir l'aultre par mariage, c'est diverse religion ou diverse loy. C'est quant Anthoine est cristien et Jaqueline est juifve, sarrasine ou infidele. L'un a proprement parler est catholique et l'aultre est heretique. (Sacr. mar., c.1477-1481, 64)

Catholique à l'Eglise. Fidèle à l'Église.

...qu'il est catholique a l'Eglise (Bouvet, Arbre bat. R.-B., c.1386-1389, 567)

II. -Substantif.

A. -(Bon/vrai) catholique. Celui/celle qui est fidèle à la doctrine de l'Église romaine et au pape.

Et voloit sousmettre tous ses voisins crestiiens, especialment le roy d'Arragon qui s'appelloit Pierre, liquelz estoit bons et vrais catholikes. (Froiss., Chron. L., VI, c.1375-1400, 185)

Et comme le dit roy Jehan se vit amaladi, comme vray catholique il requist les sains sacremens (Chron. Valois L., c.1377-1397, 143)

Un chevalier a ancïen Un ceste court, bon catholique, Et qui aime le bien publique, Saige de droit naturel senz, S'a plus veü qu'homs de ceenz. (Gris., 1395, 9)

...après ce que comme bons catholiques, les diz Symonneau et ceulx de leur hostel qui sont bien XX. personnes et plus, furent revenus de oïr le service divin de leur dicte parroisse de Legé, où il a bien une grant lieue de distance, et qu'ilz eurent disné, s'en alerent cellui jour par devocion aux vespres à une autre eglise parrochial (Doc. Poitou G., t.7, 1417, 319)

Il affiert bien aux catholiquez savoir par quelle malice Mahommet seduisi tant de gens, et comme il tyra derechief les inconstans a folle et frustrative esperance. (Chart., L. Esp., c.1429-1430, 118)

Et se les catholiquez treuvent que Dieu pardurable ait voulu soy faire homme pour homme sauver, ceste creance n'est pas derroguer a sa majesté, ains est exaulcer et glorifier son humilité et sa clemence. (Chart., L. Esp., c.1429-1430, 129)

...en son temps n'avoit meilleur catholique que luy, ne qui plus amast Dieu et l'Église qu'il faisoit (Gruel, Chron. Richemont L., c.1459-1466, 228)

...il est notoire a tous bons et vrais catholiques que pour mettre et rediger par escript a la memoire perpetuele des crestiens, les sainctes et vraies parolles ensemble les vertueux euvres et fais de nostre benoit sauveur et redempteur Jhesucrist et de ses sains apostres, furent esleus quatre preudhommes d'entr'eulx (Ev. Quen., I, c.1466-1474, 78)

Et incontinent qu'il fut a Romme, ainsi que bon et loyal catholique, il alla en l'eglise monsieur Sainct Pierre de Romme (La Vigne, V.N., p.1495, 270)

Et soyent voz fais apparens D'estre tousjours bon catholicque, Et la faulce loy erronicque Confundez a vostre pouoir. (Myst. st Laur. S.W., 1499, 179)

Au féminin.

Et saiches que je scay bien que tu cuides que ce soit fantosme ou euvre dyabolique de mon fait et de mes paroles, mais je te certiffie que je suiz de par Dieu et croy en tout quanque vraye catholique doit croire. (Arras, c.1392-1393, 25)

Durant laquelle maladie fist plussieurs regretz et gémissemens, soy repentant merveilleusement de ses péchiez, comme une bonne et vraye catholicque doit faire. (Chart. J., Chron. Ch. VII, V., t.2, c.1437-1464, 35)

...maiz de leur voulenté indeue, la firent ardoir en icelle ville de Rouen publiquement, en luy imposant plusieurs maléfices, qui fut bien inhumainement fait, veu la vie et gouvernement dont elle vivoit. Car elle se confessoit et recepvoit par chacune sepmaine le corps de nostre Seigneur, comme bonne catholique. (Chart. J., Chron. Ch. VII, V., t.1, c.1437-1464, 122)

B. -Par extension. Croyant, fidèle à Dieu.

Cy commence la quarte partie du livre des hommes clers astrologiens et commance au roy David et finera à la transmigracion de Babillonne. David, roy et prophete en Jherusalem et tant ardant catholique, a bien monstré en ses euvres qu'il sçavoit de la science de astrologie (Simon De Phares, Astrol., c.1494-1498, f° 33 r°)

Cestui fut vray catholique et escripvit contre les Gentilz et aussi escripvit sur les mouvemens aucuns canons et sur les nativités. (Simon De Phares, Astrol., c.1494-1498, f° 90 r°)

Remarque : Forme catholite

Il fit tout ce qu'il pooit, et trop plus qu'il ne pooit, mais de ses freres crestiens et parens d'occident onques secours il ne pot avoit [l. avoir], afin que lesdites cites il peut garnir et retenir a la sainte foy catholite [sic] (Mézières, Sustance H., 1396, 55)