CARREFOUR

substantif masculin

[T-L : carrefor ; GDC : carrefour ; AND : quarefur ; DECT : carrefor ; FEW (II-2, 1400) : *quadrifurcum ; TLF (V, 236b) : carrefour]

A. -Au propre.

1.Croisement de routes, de chemins, de voies, carrefour.

...douce Dame, ne conustes pas bien, a ceo qe j'ai oÿ dire, vostre benoit douz enfant, si estoit il deffait et ledement apparaillee, quant vous l'encontrastes a carfouk. (Henri Lanc., Seyntz medicines A., 1354, 138)

En ce quarrefour me tendray Et si endroit l'attenderay (Mir. Theod., 1357, 91)

Bien avoit des gardes et des gais fuison espars parmi la ville, de rue en rue et de quarfour en quarfour. (Froiss., Chron. L., V, c.1375-1400, 153)

Pour la doutance de ce peril et de ceste aventure, dont il n'estoient pas bien asseuré, il faissoient dedens Paris toutes les nuis par rues et par quarfors grans gais et levoient toutes les quaisnes. (Froiss., Chron. R., X, c.1375-1400, 212)

...fait de neuf l'esseau ['conduit pour l'écoulement des eaux'] estant devant la croix de le carrefauc Jehan Gorren, lequel esseau estoit fondu. (Clos galées Rouen M.-C., t.1, 1378, 255)

...il deposant se esbatoit en la rue du Plastre, près du carrefour du Temple, environ heure de vespres (Reg. crim. Chât., II, 1389-1392, 166)

En ceste partie dit l'ystoire que l'endemain, par matin, fist le roy commander que tout noble et non noble feussent parez par les rues pour faire feste de la venue des deux freres et de leurs gens et que a chascun quarrefour eust menestriers, trompes, naquaires et tous autres instrumens qui pourroient estre trouvez en la ville et toute la melodie de quoy on se pourroit adviser pour festoier les damoisiaux. (Arras, c.1392-1393, 116)

Grant chemin fismes Tant qu'a un quarrefour venismes Et la endroit nous departismes, Car plus un chemin ne tenismes. (Chart., L. Dames, 1416, 302)

Des heritiers feu Denis de Torcy, pour leur maison audit carrefour, à l'enseigne de la Roze (Comptes Paris V.L.D., t.1, 1424-1425, 30)

Et y ot pour occasion de ladicte execution de justice pluiseurs gens d'armes et bourgois de Paris armez avec gens de trait assemblez es quarrefours et lieux convenables pour garder que aucune commocion ne fust faicte pour empeschier ladicte execucion. (Fauq., III, 1431-1435, 156)

...lesdictes dames, France et Angleterre, se rencontrerent en ung carrefour ou avoit une 'cité' nommee Arras (Juv. Urs., Aud. celi, 1435, 150)

...une autre piece en la rue de l'Erberie, à commencer à l'endroit du coing de la masure qui est devant la forge d'emprès Saint Germain le Viel, en venant vers le carrefour de Marché Palu, jusques à l'endroit de la deuxieme jambe de pierre qui est en l'ouvrouer du chaussetier (Comptes Paris V.L.D., t.1, 1443-1444, 375)

Mais prist son chemin avecques Guyon et s'en allerent aux escoutes. Et tant allerent qu'ilz vindrent en ung carrefour où se despartoient trois chemins. (Bueil, I, 1461-1466, 203)

Tant de beaux filz et belles filles, Parmy les citez et les villes Trespasser, laissans pere et mere Penetrés de douleur amere Par carrefours et par chemins. (Cene dieux, c.1492, 123)

Item, par la porte ou il passa, aussi par tous les carrefours ou il devoit passer (La Vigne, V.N., p.1495, 324)

2.[Comme lieu de communication, de rencontre]

[où se font les annonces publiques] Crier/publier qqc. par les carrefours/en plein carrefour/de carrefour en carrefour

LE CONTE. Je commans qu'il soit endité A hault cri, en plain quarrefour, Que tantost, sanz faire sejour, De chascun hostel un homme isse, Qui viengne vëoir la justice (Mir. enf. ress., 1353, 49)

LE ROY. (...) Je vueil que par les quarrefours Soit crié que nul ne remaingne Que tantost après moy ne veigne (Mir. roy Thierry, c.1374, 316)

Si en i ot biaucop noiiés, et, pour apaisier le demorant et oster les esbahis de leur effroi, on fist criier de par le roi, de quarfour en quarfour, que nuls sour le hart ne fourfesist as Parisiiens. (Froiss., Chron. R., XI, c.1375-1400, 80)

Trotim, mon bel ami courtois, Va tentost et isnellement, Sans faire nul sejournement, Crier a tous les carreffours Que chascun de par l'Empereur Vienne vëoir mectre a torment Jhesu, ce tresmalvoix truant (Pass. Semur D.M., c.1420 [1488], 201)

...ça, Brizart, pran ce mandemant Et le va crier haultement Par les carrefors de la ville, Mais en gardant tresbien le stille Du mandemant, sans fere faulte. (Myst. st Adr. P., c.1450-1485, 71)

Publié par les carrefours acoustumez a faire criz et a son de trompe par moy Gencian le Fèvre, sergent a verge... (Sent. Chât. Paris M., II, 1454, 790)

Il te fault aler sans arrest Lire ce patent autentique En chacun carrefour publique De ceste cité (Myst. Incarn. Nat. L., t.2, c.1454-1474, 11)

Et, le jour Saint Jehan Baptiste, XXIIIIe jour de juing, aucuns qui se baignoient à leurs plaisances en la riviere de Seine, par male fortune, se noierent. Et, pour cause de ce, fut crié par les carrefours de Paris que de là en avant nul ne feust si hardi de soy aler plus baigner en ladicte riviere, et que chascun tenist de jour devant son huis ung seau d'eaue, sur peine de prison et de LX sous parisis d'amende. (Roye, Chron. scand., I, 1460-1483, 49)

[où les condamnés sont montrés, parfois battus]

...delibererent et furent d'oppinion que, pour amende de justice, tous iceulx prisonniers fussent menez dimenche prouchain venant en ladite ville de Rungy, et que illec, à la pourcession que feroit le curé d'icelle ville, ilz feussent menez tous nus piez, et sanz chapperon et chemise, chascun tenant un cierge ou chandelle de cire en sa main, et, en après ce, eulx revestuz, feussent tous mis à l'eschiele ou carrefour et le lieu plus notable d'icelle ville de Rungy (Reg. crim. Chât., II, 1389-1392, 246)

...et qui a cause de ce avoit depuis esté constitué prisonnier par sentence du prevost de Paris, fut condampné à estre batu par les carrefours de ladicte ville et privé de toutes offices royaulx, et à estre ung mois encores en prison au pain et à l'eaue. (Roye, Chron. scand., I, 1460-1483, 82)

-- Et oudit temps, par la justice ordinaire de Paris, furent prins plusieurs povres creatures, larrons, crocheteurs et autres malfaicteurs, qui pour lesdiz cas furent les aucuns pendus et estranglez, et les autres batus au cul de la charette par les carrefours de ladicte ville. (Roye, Chron. scand., I, 1460-1483, 156)

...que tous ses biens fussent desclairés confisqués et apartenir a Amours ; et oultre qu'il fut trainé sus une cloie et batu par les carrefours de sions de vert osier et de branches de groseliers (MART. D'AUV., Arrêts Am. R., c.1460-1466, 10)

...la court les condempne tous deux a estre batuz par trois samediz de verges par les carefours (MART. D'AUV., Arrêts Am. R., c.1460-1466, 212)

[où des spectacles, des réjouissances peuvent être organisés]

En ceste partie dit l'ystoire que l'endemain, par matin, fist le roy commander que tout noble et non noble feussent parez par les rues pour faire feste de la venue des deux freres et de leurs gens et que a chascun quarrefour eust menestriers, trompes, naquaires et tous autres instrumens qui pourroient estre trouvez en la ville et toute la melodie de quoy on se pourroit adviser pour festoier les damoisiaux. (Arras, c.1392-1393, 116)

Et par espécial, tout le jour et toute la nuit découroit vin en aucuns carrefours habondamment par robinetz d'arain et autres conduis faiz ingénieusement, afin que chascun en prist pleinement à sa voulenté. (Monstrelet, Chron. D.-A., t.4, c.1425-1440, 17)

Si furent les rues a tous léz, a destre et a senestre, tendues somptueusement, et y avoit a tous quarrefours des personnages et des misteres de grant entendement, avec ce que toutes fenestres estoient garnies de dames et de belles damoiselles de la ville, dont l'aornement et la specieusité ammusoit les yeulz des entrans, car en y avoit si grant nombre et de si diverse beaulté que les yeulz ne s'en pooient ravoir ne les ceurs distraire. (Chastell., Chron. IV, D., c.1461-1472, 220)

Aux carrefours par mignons couraigeux Furent faitz hours, eschaufaux, oratoires Ou l'on vëoit misteres et beaux jeux Des croniques et antiques hystoires. (La Vigne, V.N., p.1495, 181)

S'ensuyvent les figures des histoires et misteres qui estoient en divers lieux par les carrefours et autres lieux ordonnez par ou le roy et toute l'armee devoit passer en Pyse. (La Vigne, V.N., p.1495, 202)

...tables mises et bancquetz par tous les carrefours a tous ceulx qui vouloient boire et menger. (La Vigne, V.N., p.1495, 275)

Item, par la porte ou il passa, aussi par tous les carrefours ou il devoit passer, y avoit eschauffaulx, misteres et histoires avecques leurs ditz et sentences par escript faitz, comprins d'entendemens merveilleux. (La Vigne, V.N., p.1495, 324)

B. -Par analogie. Plaque ou cercle de métal servant de point de jonction à plusieurs courroies d'un harnais.

...et le harnois fait de broderie et clouez de cloz d'or fin (...) et les caneffours [l. careffours] esmailliez de turterelles (Comptes Lille L., t.3, 1397, 135-136)

...un harnois à cheval (...) et les carrefours d'un groz boillon plat eslevé de cuivre doré (Ch. VI, D., t.2, 1422, 397)

C. -Au figuré.

1.Moment de la vie où il faut prendre une décision.

En cestui quayrefour doncques, Ardant Desir quel chemin prendra il ? En ceste grant perplexite [l. perplexité] que fera ? Se taira il ou il parlera ? (Mézières, Songe vieil pèl. C., t.1, c.1386-1389, 367)

2.Quadrivium, groupe de quatre arts libéraux.

...qu'il ait congnoissance du carrefour, c'est a dire des quatre sciences qui sont nommees arismetique, geometrie, astronomie, et musique (Saint-gille, Comment. A.Y. L., 1362-1365, 362)