BRAIE

substantif féminin

[T-L : braie ; GDC : braie ; AND : braie1 ; FEW (I, 478b) : braca ; TLF (IV, 882b) : braie]

I. -COSTUME

A. -Au pluriel. Caleçon collant, court ou long, porté par les hommes.

Vezci, sire, Ygnace, tenez, Tout nu en braies. (Mir. st Ign., 1366, 108)

'Il le fist prendre de ses varlez et le fist mener et courir tout nu en ses braies, et batre d'escorgiees et sonner la trompete devant lui et à chascun quarrefour crier son fait.' (Froiss., Chron. M., XII, c.1375-1400, 111)

...les chausses dudit Andry il mist et mussa en un tas d'aiz qui sont près de ladite riviere de Saine ; et sa robe, son chasperon, sa chemise et ses brais il avoit mises et portées en un tas de fiens (Reg. crim. Chât., I, 1389-1392, 129)

Item avoir prins à une lingiere sur Grant-Pont IIJ brayes de lin par elle vendues IIIJ s. (Reg. crim. Chât., II, 1389-1392, 440)

Toutesfois, pour abregier la besongne, puisque faire le convenoit, il les fist desvestir en la hale en purs lors braies et lors cemisses, nus piés et nus chiefs ; et la furent aportees toutes les clefs des portes et des guicés de la ville de Calais et celles dou chastiel ensi. (Froiss., Chron. D., p.1400, 844)

...et ancores les mors l'en menoit tout nuz à charretées, sans braies ne sans autre couverture, ou Marchié aux pourceaulx (Baye, II, 1411-1417, 85)

...trois pieces de toille à l'aulne dudit lieu de Troies pour faire trois paires de draps de lit pour le conte de Saint Pol, chemises, brayes, queuvrechiefz et coiffes, trente six frans ; A lui, pour 6 paires de robes, linges pour les trois paiges (Comptes Etat bourg. M.F., t.1, 1419, 75)

Et portent des bottes jusques aux genoulx et ont grandes brayes, les aucuns de veloux, les autres de fustenne ou de leurs autres drapz (La Broquière, Voy. Outr. S., c.1455-1457, 218)

Et a maistre Robert Valee, Povre clergon en Parlement Qui n'entent ne mont ne valee, J'ordonne principalement Qu'on luy baille legierement Mes brayes, estans aux Trumillieres, Pour coyffer plus honnestement S'amye Jehanne de Millieres. (Villon, Lais R.H., c.1456-1457, 17)

...trouva façon de prendre les braies du prestre sans ce qu'il fust de ame apperceu. (C.n.n., c.1456-1467, 333)

J'ay appetit D'arregarder s'il porte brayes. (Pass. Auv., 1477, 213)

Unes braies

...comme il passoit près de la ville de Clermont, trouva une haye à laquele pendoyent une chemise et une braye qui sechoient (Reg. crim. Chât., II, 1389-1392, 175)

...si perceurent (...) le pain bis, la peau du cheval, et unes brayes qui pendoient (C.n.n., c.1456-1467, 335)

- Qui ne m'entant n'a suivy les bordeaux - Soient frictes ces langues ennuyeuses ! Prince, passez tous ces frians morceaux, S'estamine, sacz n'avez ne bluteaux, Parmy le fons d'unes brayes breneuses, Mais paravant en estronc de pourceaux Soient frictes ces langues ennuyeuses ! (Villon, Test. R.H., 1461-1462, 115)

[Rare au sing. (ou mis pour unes braies ?)]

De la telle que je ay aporter Ungne braye luy fet (Pass. Autun Roman F., c.1400-1500, 200)

Homme et fame est chose prouchaine Plus que les aneaulx d'une chayne Qui sont l'ung dedens l'aultre enté, Car de leur franche volenté Se doivent si bien aproucher Et de leurs jambes accrochier, Sans moyen de barbe et de braye, Que l'ung autant de payne traye Que l'aultre en leur labourage S'ilz veulent faire bon ouvrage (Barbes brayes A., a.1450, 260)

Braies marinieres

...blanchet pour doubler les chausses dudit seigneur et pour unes brayes marinières pour le bastard (Comptes roi René A., t.2, 1453, 8)

De la teste jusqu'aus braies

Seur lui furent si encharnez, Qu'onques mais uns homs de char nez Ne vit homme avoir tant de plaies, De la teste jusques aus braies, Ne telles comme il li feïrent (Mach., P. Alex., p.1369, 270)

B. -Pièce d'entrejambe mobile.

...toutes chausses à braye et locquet seront bien garnyes dedans et dehors, et s'il y a deffault qu'elle ne soient garnies dedans jucques à l'atache de derrière, celuy qui l'aura fait sera tenu y mettre une lyeure (Doc. Poitou G., t.11, 1473, 357)

C. -MÉDECINE Brayer, bandage herniaire.

Se c'estoit hernie intestinale, on doit mollifier les intestins qui sont descendus en eaue de décoction de malve et bismalve et puis le doit on enverser et remettre les intestins en leurs lieux et puis il doit porter une braye de fer a une lievre en maniere d'ung demy cercle (Gordon, Prat., c.1450-1500, VII, 7)

II. -[Sens analogiques ; analogie de forme (?) ; idée vague de protection ou de support (?)]

A. -[Analogie de forme ?] Grand filet de pêche en forme d'entonnoir.

Courbre [l. Combre] , ramée et fagos de bois sont defenduz en tous temps à faire en riviere, les bas rebouer, le siffre, guarnis de valeiz, admendes, le pluseur, la truble à bois, la bourache, la chasse, le marchepiet, le cliquet, le rouable, braye à chauce orbe (Cout. bourg. glosé P.M., c.1380-1400, 296)

B. -ARCHITECTURE [Idée de protection, commune avec le sens I ?] Avant-mur servant à la fortification d'une ville, d'un château' (GD : 'Ouvrage de défense palissadé qu'on plaçait en avant d'une porte ou d'une fortification').

Et y a trois paire de brayes haultes et puissantes, et pluseurs tours es dictes braies. (Arras, c.1392-1393, 46)

... [Mélusine] fist bastir la ville de Lusignen et fonder les murs sur la vive roche, et la fit estoffer de fortes tours ; drues, machicolees et a terrace, et les murs machicolez, et alees au couvert dedens la muraille pour deffendre a couvert par les archieres autant bien par dehors comme par dedens, et parfons trencheiz et bonnes brayes. (Arras, c.1392-1393, 67)

Et fu la tour bien fossoye et les fossez bien curez, et bonnes, fortes et haultes brayes ; et autour, dehors les fossez, bons murs ; et fu la tour bien gueurlandee, et y ot deux paire de bons fors pons leveiz. Et y ot basse court, forte et bien muree, bons fossez, fors portes et bon pont leveiz. (Arras, c.1392-1393, 244)

En pou de temps ont maçonnez Grosses tours et bien façonnez, Et murs haulx comme elle devise, Bien fondez dessus la falise. Deux fors y fist et le donjon Et haultes brayes environ. (Coudrette, Mélus. R., c.1401-1402, 152)

...il y a brayes dessoubz les grans murs et deux paires de fossez (Lannoy, Voy. amb. P.H., p.1450, 104)

A la dextre partie de la haulte table dessusdicte et droit devant icelle estoit une grande, puissante et haulte tour representant celle de Gorchem à façon de pierre bleue, bachicolemens, faulces braies et tout, sur laquelle tour en l'esquarguette avoit ung homme qui... (La Marche, Mém., IV, Pièces annexées, p.1468, 124)

Remarque : Mabrien V., 1462, 28/11 (broyes).

Braie du donjon. Ouvrage de défense en avant du donjon.

...ce qui est en l'oratoire de la chappelle du boys de Vincennes ès brayes du donjon. (Invent. mobilier Ch. V, L., 1379-1391, 263)

Remarque : L'éd. propose le sens de 'bastion' mais cet ouvrage saillant de fortification ne fut adopté qu'au XVI^e s., d'apr. E. Viollet-le-Duc, Dict. raisonné de l'archit. fr. du 11^e au 16^e s., t. 2, 1875, s.v. bastion.

Fausse braie. Seconde enceinte terrassée comme la première, et qui n'en est pas séparée par un fossé, mais dont le terre-plein joint l'escarpe de la première enceinte.

...ilz avoient fait, sur les murs et es faulses brayes, de eschaffaulx couvers de feurre et de ramille moulliee pour rendre grant fumee (Bouciquaut L., 1406-1409, 144)

Et tandis que à force on rompoit la porte, monta Jehan de Chastelmorand, qui portoit le pennon du duc de Bourbon, sur une faulse braye (CABARET D'ORV., Chron. Loys de Bourb. C., 1429, 57)

...il y a une fausse braye de bonne muraille et haulte. (La Broquière, Voy. Outr. S., c.1455-1457, 151)

Et estoit ledit beau chastel ensaint tout autour, en lieu de faulces brayes, de murailles faictes de gros saphirs (RENÉ D'ANJOU, Cuer am. espris W., 1457, 158)

...la muraille d'icelle nouvellement faicte tant de tours, bollewers, comme faulses brayes, fossez à fons de cuve . (Lengherand, Voy. G., 1486-1487, 92)

Braie coulisse. Palissade de défense.

Grans cranequins, chaulces, brayes coulysses (La Vigne, V.N., p.1495, 131)

C. - 'Support des meules du moulin fait de deux traverses de charpente (Éd.).

...ce qui s'ensuit nagueires fait de neuf par ledit carpentier a icellui moulin, c'est assavoir ung no de XXII pez de long (...) ; item repparee la roe de bras et godetz (...) ; item une brye [l. braye ?] sur quoi sont assises les meulles dudit molin et le planchié a ce appartenant ; item deux queuecheux [v. chevecel] portans l'arbre d'icellui molin ; item unes tourtes et une arqueure et autres menues repparacions (Doc.1457. In : Brunel-Tardy, Paris, l'Église et le roi, 2016, 88)