BOURGUIGNON

adjectif et substantif

[T-L : borguignon ; AND : burgoignon ; FEW (I, 472b) : Bourgogne ; TLF (IV, 823a) : bourguignon]

I. -Adjectif.

A. -De Bourgogne.

Li esquiers bourgignons lor recorda le fait pour quoi il estoit la venus (Froiss., Chron. D., p.1400, 547)

...li quens de Neviers fu Paris approchant À noble compagnie de gens mout bien andans, Qui furent bourgegnon, qui furent combatant (Geste ducs Bourg. K., c.1410-1419, 503)

Et commença l'evesque de Constance a prendre la parolle et a reciter aux ambassaeurs bourguignons les offres et requestes que fais avoient pour et ou nom de leur maistre le duc (Chastell., Chron. IV, D., c.1461-1472, 48)

[Qualifie le souverain du duché de Bourgogne]

...li quens de Hainau et cil segneur de non Sont ychi envoiés par le duc bourgegnon (Geste ducs Bourg. K., c.1410-1419, 346)

...la matere sambloit estre assez en train et en bonne disposition de venir a joieuse fin, car le duc bourguinon n'y alloit a nulle malice ne a practique ne cautelle (Chastell., Chron. IV, D., c.1461-1472, 72)

Emploi substantival.

...lesquelz, après qu'ilz orent par lui esté oyz, les receut tres bien, et puis s'en alerent en Flandres, devers ledit Bourguignon et le conte de Charrolois, son filz. (Roye, Chron. scand., I, 1460-1483, 168)

B. -Qui est partisan du duc de Bourgogne contre le roi de France.

Si arriva la dame a Bruselles aveuc sa Parisienne (...), disant que c'estoit la plus femme de bien des aultres et celle a qui toutes bonnes chieres estoient deues, car elle estoit bourgongnonne treffort et de tout son corrage, et entre les aultres femmes parisiennes elle pooit beaucop valoir et servir a la nation (Chastell., Chron. IV, D., c.1461-1472, 238)

...chescune [à Paris] , par envie de l'aultre, voloit estre celle qui plus se monstreroit bourguignongne en ceur secret. (Chastell., Chron. IV, D., c.1461-1472, 240)

Et ne furent point François tant seullement affectéz a la royne [d'Angleterre] ne a son parti pour la remettre en sa couronne perdue, mes partie aussi, et principalement, sur espoir de vaincre et humilier l'autre partie adverse, a qui on donnoit grace d'estre bourguignonne (Chastell., Chron. IV, D., c.1461-1472, 277)

Et pour ce que ledit seellé contenoit comprins amys et alyez, nostredit cousin suppliant deist expressement audit Regnault, pour dire aux gens du duc qu'il entendoit excepter les Bourgoignons et Anglois, qu'il ne vouloit estre bourgoignon ne anglois. (Doc. Poitou G., t.12, 1475-1483, 47)

[Terme d'injure]

...et quant il fut près du dit exposant, l'appela larron, bourgoignon, et leva le dit pal pour ferir le dit exposant, lequel exposant resista de parole au dit Guillaume le mieulz qu'il pot. (Doc. Poitou G., t.5, 1387, 332)

II. -Substantif.

A. -Celui qui est originaire du duché de Bourgogne, habitant de Bourgogne.

...droit à ycelle heure que vous m'oez conter, Vinrent ly Bourguignon à Paris (Hugues Capet L., c.1358, 107)

Le duc de Bourgoingne ne mist pas en oubly ce qu'il promist à faire à sa belle ante, la duchesse de Braibant, mais ordonna environ IIIIc. lances de bonnes gens d'armes, Bourgoingnons et aultres, et en fist cappitaines deux chevaliers, le premier, messire Guillaume de La Trimoulle, Bourgoingnon, et l'autre, messire Sarvais de Meraude, Alemant, et leur dyst : ... (Froiss., Chron. M., XIV, c.1375-1400, 192)

Et furent ordonné ou premier assaut, dou matin jusques a prime, les Espagnols et les Genevois, les Prouvenchiaus et les Savoiiens et Bourgignons (Froiss., Chron. D., p.1400, 661)

[Le duc de Bourgogne à une Parisienne :] ...vous (...) pardonrez a ung Bourguegnon ses faultes, qui aultreffois a veu volentiers les Parisiennes (Chastell., Chron. IV, D., c.1461-1472, 239)

...car [le roi de France] craignoit fort que les affections des Parisiens ne tournassent de legier envers les Bourguignons (Chastell., Chron. IV, D., c.1461-1472, 241)

Viennent a moy Bourguinons et Flamans, Viennent a moy toutes sexes du monde, Viennent a moy Picars, Bretons, Normans Et toutes gens qui en amours se fondent (Cene dieux, c.1492, 45)

Burgonde.

En cellui temps estoit roy des Bourgoygnons Gundengus, le quel avoit quatre filz, tous de grant eage, c'est assavoir Gondobondus le premier, le second Godegisilus, le tiers Hilpericus et le quart Godomarus. (Bagnyon, Hist. Charlem. K., c.1465-1470, 4)

B. -Partisan du duc de Bourgogne contre le roi de France.

Monseigneur d'Alençon (...) procura et fist tant que le roy de Cecile et d'autres gens de bien lesserent le parti des Bourgoignons (Cagny, Chron. M., 1436-1438, 80)

Au temps de la guerre des deux partiz, les ungs nommez Bourgoignons, les aultres Ermignacs, advint a Troyes, en Champaigne, une assez gracieuse adventure (C.n.n., c.1456-1467, 449)

Et d'abondant avec cestes parolles [le duc de Bourgogne] dist en oultre : 'J'ai entendu que madame la prevoste est une tresmalvaise bourgongnongne, samblablement la Cosinette, et leur put le nom de Bourguignon au nez...' (Chastell., Chron. IV, D., c.1461-1472, 239)

Estre plus traistre qu'un Bourguignon. Voir traistre

[Injure] Bourguignon salé

Ce a bien esté a vous mal dit Dire que fammes habandonnees Sont a Paris ou alouees Les a ce fault, maistre enrimé, Infame Bourguignon salé Lequel est de vostre aliance. (S. fol, c.1480-1490, 8)