BISE

substantif féminin

[T-L : bise2 ; GDC : bise ; FEW (XV-1, 117a) : *bîsjo ; TLF (IV, 538a) : bise1]

A. -Vent du nord ou du nord-est, sec et froid, bise.

...elle [l'aigle] s'asproie Fort et droit et deligemment Et se conduit en l'element De l'air haut et bas a sa guise, Sans doubter galerne ne bise, Et si gaiement s'i deduit Qu'on a dou vëoir grant deduit. (Mach., D. Aler., a.1349, 362)

Car ce qu'estre soloit tout vert Estoit mué en autre teint, Car bise l'avoit tout desteint Qui mainte fleur a decopée Par la froidure de s'espée. (Mach., J. R. Nav., 1349, 138)

L'an mil CCCJX. et sexante, Eu temps que froide bise vente, Qui mainte fleur a decopée Par la froidure de s'espée (Mach., P. Alex., p.1369, 247)

Quant la bataille de la mer est vers septentrion, il en vient un vent qui est appellé bise (Corbechon, Propriétés, 1372, XI, 2, 184 r°)

Et affin que le vent n'y entre Car aussi bien en ceste guise Fut il [le 'sac', sorte de culotte] trouvé contre la bise. (Barbes brayes A., a.1450, 258)

LE IIe NAVETIER. Or sus, frappés dedans l'arnoy Vigoreusement, sans emport ; Sy serons plustost au droit port Arrivés qu'em faire faintise. Tous les fors vens, se n'est la bise, Ouvrent pour nous bien avancez. (Myst. st Adr. P., c.1450-1485, 169)

Tant donne on qu'emprunter convient ; Tant tourne vent qu'il chiet en bise ; Tant crye l'on Noël qu'il vient. (Villon, Poèmes variés R.H., c.1456-1463, 53)

Vente Neptunus, vente bise, Vente Zephirus ou auster, Ilz ne scauroient place exempter Que par Juno ne soit infaicte. (Cene dieux, c.1492, 133)

Plus tost que bise. Plus vite que le vent.

Haud segnieur de grant regnum, Commandés moy a voustre guise, Car je yray plus toust que bise Acomplir vous comandemant. (Myst. st Sébast. M., c.1450-1500, 262)

Pisser contre bise. Uriner dans le sens opposé du vent, en s'éclaboussant ; s'y prendre mal.

OGIER (en tenant le godet) Prestre, emplez ceste coquelourde, Que Diex vous tiegne en son servise. SAN GENESE (en verssant) Vous avez oissé contre bise, Sy vous est prins le mal roulant. (Mir. ste Genev. S., c.1410-1420, 139)

B. -Par métonymie. Direction d'où vient la bise, nord.

...Et tressaut et fretelle que foeille au vent de bise (Bât. Bouillon C., c.1350, 46)

Secondement, [il convient] que elles [les cités] declinent a la partie appellee bise ou septentrion ; car les cités qui sunt ainsi disposees sunt par ce plus fresches. (Oresme, Pol. Arist. M., c.1372-1374, 315)

Vent de bise

Seur james de fer [Fortune] est assise, En moustrant que par nulle guise Tempeste, orage, vent de bise, Fait ne parole, Ne crient cils ou elle s'est mise. Mais c'est couverture et feintise, Car les piez a de terre glise Gliant et mole. (Mach., R. Fort., c.1341, 39)

...li vens de bise Taillans, bruians, fort, roide et sec (Mach., D. Lyon, 1342, 203)

Or vient le vent de bise, or vient galerne, le vent de septentrion, et le perilleux vent d'aquilon. Or vient a l'encontre le chault vent de midy qui est appelle austral (...) et tous les autres vens interlineayres qui empaignent la nef par telle maniere que quant elle cuide aler avant, elle recule. (Mézières, Songe vieil pèl. C., t.1, c.1386-1389, 582)

Et mesmement le vent de bise Feis tu jadis estre amoureux D'Erudissë (Chr. Piz., Cent ball. amant dame C., c.1409-1410, 133)

...luy faire priere qu'il [vueille] estre intercesseur et moien envers Nostre Saulveur Jhesu Crist qu'il voulsist permettre que le vent de bise ne courust point, pour ce que par le rapport de tous medecins avoyent esté d'oppinion que ledit vent de bise, quant il venteroit, feroit moult de maulx, tant à la santé des corps humains que des biens de la terre. (Roye, Chron. scand., II, 1460-1483, 129)

Je sens icy du vent de bise. (Tr. Men., c.1480-1500, 293)

Par comparaison.

Et se Desirs m'assaut ou me travaille, Douce Pité veinquera la bataille Et Franchise, par s'espée qui taille Com vens de bise. Si que je sui de tout reconfortez, Que qu'il aveingne, et s'est mes confors tels Et tuit mi sort qu'il n'est pas homs mortel Qui peüst querre Dame où si bien peüsse estre assenez (Mach., Compl., 1340-1377, 260)

(De)vers bise

...on fait premiers le pelerinage a l'eglise du Saint Sepulcre, qui est au dehors de la cité, vers byse, mais elle est emmuree avec la cité (Vers. liég. Livr. Mandeville T.R., c.1375-1390, 44)

Bretaigne (...) s'estend du long vers bise et si a Gaule devers midy (Percef. I, T., c.1450 [c.1340], 61)

...son hoste lui dist que celle terre seoit devers bise (Percef. IV, R., c.1450 [c.1340], 981)

Tourner le cul devers la bise. Fuir dans le sens du vent (?).

Vous avéz estrainges maniere Et estes maulx homs a servir, Je ne vous saroye abelir. Vostre banniere est au vent mise, Tournés le cul devers la bise, Ne faictes pas chiere piteuse. (Pass. Semur D.M., c.1420 [1488], 7)