BARBIER

substantif masculin

[T-L : barbier ; GDC : barbier ; AND : barber1 ; FEW (I, 243b) : barba ; TLF (IV, 171a) : barbier]

Celui dont le métier est de faire la barbe et d'exécuter les opérations de petite chirurgie.

Elle manda priveement Ung sage et moult courtois barbier, Se ly fist rere et roongnier, Saignier, bagnier et estuver. (Dit prunier B., c.1330-1350, 88)

Et Midos li sos desprisoit La harpe, et le fretel prisoit, Mais Phebus en prist grant vengence, Car il fist tant par sa puissance Que Midos d'asne oreilles ot ; Mais ses barbiers, qui bien le sot, Maisement son maistre cela, Car il le dist et revela Que Mydos d'aumusses vermeilles Couvroit ses velues oreilles. (Mach., F. am., c.1361, 203)

A Henry des Gres, pignier, demourant à Paris, pour deniers à li paiez, qui deubz lui estoient, pour un estuy de cuir boully, poinsonné et armoié des armes de mons. le duc de Thouraine, pendent à un gros las de soie, garny de trois pignes, une broche et un miroir, pour pignier le chief dudit seigneur, et baillé à Sallomon, son barbier (Comptes argent. rois Fr. D.-A., II, 1387, 213)

...il requist audit barbier qu'il lui feist sa tonsure (Reg. crim. Chât., I, 1389-1392, 137)

...toutes les maisons (...) lesquelles habitoient moult de mainnagiers de pluseurs estas, marchandies et mestiers, comme tainturiers, escripvains, barbiers, couturiers, esperonniers (Baye, I, 1400-1410, 216)

Pour ce est il dit de Denis le Tirant que il craingnoit tant les rasouers du barbier que il brusloit sa barbe lui mesmes. (Chr. Piz., Paix W., 1412-1413, 144)

...Philippot Le Clerc, varlet de chambre et barbier de feu monseigneur (Comptes Etat bourg. M.F., t.2, 1420, 623)

Item, je laisse a mon barbier Les rongneures de mes cheveux (Villon, Lais R.H., c.1456-1457, 26)

Monseigneur l'official (...) fist venir le barbier (...). Et devant tous les assistens luy fist faire sa barbe et cheveulx (C.n.n., c.1456-1467, 533)

Et baillerent au Mareschal medecins, myres et barbiers pour faire garir ses playes. (Bueil, I, 1461-1466, 111)

...duquel pertuys les barbiers ostèrent des os, et après que les os furent ostez, Jehan Mestreau, barbier à Lodun, puriffia la ploye et guerit ledit Bernard (Doc. Poitou G., t.11, 1465-1474, 111)

...comme il advint de Denis le tyrant qui, par la crainte qu'il congneu que son peuple avoit de luy, il vint en tele diffidence de ses subgetz et de ses propres serviteurs qu'il ne se fioit en son propre barbier de faire sa barbe ou ses cheveulz mais, par la pauour qu'il avoit du rasoir, il bruloit a ung charbon ardant le poil de sa teste et de sa barbe si prez de la char que il le pouoit endurer (Fillastre, Traité Conseil H., c.1472-1473, 222)

A, barbier, vous m'avez coppé ! (La Vigne, S.M., 1496, 459)

Premier barbier

Oudit an, advint à Paris que ung nommé Daniel de Bar, serviteur de maistre Olivier Le Dain, premier barbier et varlet de chambre du roy, fut mis et constitué prisonnier en la court de Parlement, pour raison de plusieurs plaintes qui furent baillées à ladicte court à l'encontre dudit Daniel (Roye, Chron. scand., II, 1460-1483, 65)

[En matière de tonsure] Barbier juré / barbier expert. Barbier assermenté, maître de la corporation des barbiers.

...que presentement seroient mandez les barbiers jurez de la ville de Paris et autres plusieurs maistres expers oudit mestier, afin de veoir et visiter icellui prisonnier, et que l'en peust savoir la verité s'il avoit vray signe de tonsure ou caratere sur sa teste, ou non. (Reg. crim. Chât., I, 1389-1392, 485)

Mahiet Rabeuf, Jehan d'Andrezel, Guillemin Aubel, Guillemin Brebion, Pierre Bernart, Regnaut Videt, Guillaume de Houssay, Jehan Forget, Richart Le Tailleur, Regnaut Emar et Thomas Prestrel, tous barbiers expers et congnoissans oudit mestier, demourans à Paris, ausquieulx par ledit lieutenant fu fait commandement de par le roy qu'ilz alassent veoir et visiter ledit prisonnier, et rapportassent la verité de ce qu'ilz trouveroient du signe de tonsure que disoit avoir et porter icellui prisonnier sur sa teste. (Reg. crim. Chât., I, 1389-1392, 486)

Jehan de Chartres, barbier juré de la ville de Paris... (Reg. crim. Chât., I, 1389-1392, 534)

Ouyes lesqueles oppinions et veu ce present procès, ledit mons.. le prevost condempna ad ce ledit prisonnier, et incontinent fu fait rere tout jus par le barbier juré du roy nostre sire oudit Chastellet (Reg. crim. Chât., II, 1389-1392, 383)

Item, donne a Perrot Girard, Barbier juré du Bourg la Royne, Deux bacins et ung cocquemart, Puis qu'a gaignier mect telle peine. (Villon, Test. R.H., 1461-1462, 96)

Bassin à barbier. Voir bassin

Pour faire eaue rose sans chappelle, prenez ung bacin a barbier et liez d'une cueuvrechief tout estendu sur la gueule a guise de tabour (Ménagier Paris B.F., c.1392-1394, 273)

Par métonymie. Maison occupée par un barbier.

Item, en la Cité de Paris, auprez de l'ostel de l'Escrevisse, prez d'un barbier... (Reg. crim. Chât., I, 1389-1392, 41)

...item, un autre trou devant le mareschal et le barbier faisant le coing de la rue Saint Jehan, avalué à 1 toise (Comptes Paris V.L.D., t.1, 1455-1456, 869)

Voir aussi barbieur