BANDER

verbe

[GDC : bander ; AND : bender ; DECT : bender ; FEW (XV-1, 113a) : *bindo- ; TLF (IV, 126a) : bander]

I. -Couvrir d'une bande, d'un bandage, d'un bandeau.

A. -Emploi transitif.

1.Serrer (une plaie, une partie du corps blessée...) d'un bandage.

Quant li mort furent enterré Et tuit li navré defferré Des viretons et des sajettes Que li Turc leur avoient traites, Et que leurs plaies remuées Furent, lavées et bendées, Le prince et sa gent reposerent, Qu'onques Turq ne s'i opposerent, Car tuit avoient fait la vuide. (Mach., P. Alex., p.1369, 169)

Et le amenèrent moult foible et fort navré au dehors des batailles, dalés une haie pour li un petit refroidier et esventer, et le desarmèrent au plus doucement qu'il peurent, et entendirent à ses plaies bender et loiier, et rekeudre les plus périlleuses. (Froiss., Chron. L., V, c.1375-1400, 46)

Sa playe d'estroite maniere Fait bander, si que soit estanche. (Chr. Piz., M.F., III, 1400-1403, 105)

Marsilles si sent le coup, s'a la resne tiree, Au dehors de l'estour fut la teste bendee (Galien D.B., c.1400-1500, 101)

2.Couvrir (les yeux) d'un bandeau.

Le Credo ly fist dire mot à mot apriés ly ; Bender ly vot les yeux (God. Bouillon R., t.2, c.1356, 297)

Et premierement Mescreance clost et bande les yeulz de l'ame, affin que jamais ne voye ou congnoisce misericorde pour l'appeller. (Gers., Purif., 1396-1397, 66)

Ilz voient bien les laz qu'Amours leur tendent, Maiz de leur gré dedens les laz se rendent. Plaisir, Desir, ces deux les yeulx leur bendent, Si font hommage Et vont cerchant leur tresplaisant dommage, Vueillent ou non. (Chart., D. Fort., 1412-1413, 160)

Durant qu'on a les yeulx bandez Il y faict si bon sur le brun. (Myst. jeune fille L., c.1413-1445 [c.1530], 24)

Les yeulx bendés auras trestous Et, se trouver le peux [un blanc attaché au front, en manière de jeu] aux dens, Il sera tien. (Tr. Men., c.1480-1500, 289)

SECOND TIRANT. Il fault que les yeulx... TIERS TIRANT. On luy bende. (La Vigne, S.M., 1496, 342)

[En partic. à un condamné à mort]

Suer, preste moy ton cuevrechief, Pour bander les yeulz de mon chief. (Mart. st Pierre st Paul R., c.1430-1440, 145)

Mort bieu tu fais or de [l. orde] grimasse Sa, bander te veux ycy les yeux En despit de ton dieu jesus (Oudin, St Genis M.S., c.1490, 60)

ROMMAIN, sur le decolouer. Laisse moy faire ma priere A Jesu-Crist, le fruict de vie. (...) FIERAMORT. Je te l'acors, quant pour le cas, Mais haste toy tout en cest heure. Fay tost, plus icy ne demeure, Et puis te benderay les yeulx. (Myst. st Laur. S.W., 1499, 241)

Bander qqn. Couvrir les yeux de qqn avec un bandeau.

...menez es bois loing de leurs maisons, telement que ilz ne savoient où ilz estoient pour ce qu'ilz avoient esté bandez (Chancell. Henri VI, L., t.1, 1426, 347)

Bander qqn par les yeux

Et puis s'en ala mettre à deux genolz dessus ung petit carreau de layne aux armes de ladicte ville, qu'il mist à point et remua de l'ung de ses piez, où il fut ilec diligemment bandé par les yeux par ledit Petit Jehan, tousjours parlant à Dieu et à sesdiz confesseurs et souvent baisant ladicte croix. (Roye, Chron. scand., I, 1460-1483, 360)

3.Orner qqc. de bandes.

Les dames furent orfrisies, Drut perlees et bien croisies, Et li signeur avoient cor D'ivore bendé de fin or. (Froiss., Par. am., c.1361-1362, 63)

Et la sont (...) Li garnement a or bandé (Chr. Piz., M.F., I, 1400-1403, 139)

Et apprez entra messire Guillaume Jouvenal, chancellier de France, qui estoit monté sur une haquenée blanche, qui estoit vestu de robbe, manteau et chapperon d'escarlatte, fourrée selon l'estat royal, devant lequel ung homme de pied menoit un haubby d'Irlande, sellé d'une selle à femme, qui avoit une couvreture de velours, couverte de fleurs de lys d'or, et sur icelle selle y avoit ung coffret bendé d'or, d'ung pied de long ou environ, dedens lequel estoient les seaulz du Roy. (Escouchy, Chron. B., t.1, c.1453-1460, 236-237)

Pour avoir doublé et mis à point ung pourpoint à armes pour mon avant dit S et bendé le corps et ses manches de satin figuré parmi la toille (Comptes Lille L., t.1, 1454-1455, 448)

Aussi avoit vestu ung sayon de drap d'or, bordé et bendé de veloux noir (La Vigne, V.N., p.1495, 254)

4.Munir qqc. de bandes (de fer).

Ces ribaudiaux sont brouettes haultes, bendées de fer, à longs picos de fer devant en la pointe, qu'il font par usage mener et brouetter avoec eulx. (Froiss., Chron. R., X, c.1375-1400, 224)

...ung grant coffre de cuyr à feste bandé de fer blanc (Aff. Jacques Coeur M., 1453-1457, 624)

...deux grans coffres bendez de fer et estoffez de serrures, clefz, anneaulx et autres choses y servans (Comptes argentier Ch. le Téméraire H.B., t.4, 1471-1475, 101)

5.Par analogie. Envelopper (comme d'un bandeau).

Des mantiauls d'escallate le vont mont bien bendant. (Renaut Mont. B.N. V., c.1350-1400, 308)

B. -Participe passé en emploi adjectival. HÉRALDIQUE [De l'écu et de ses figures] Voir bandéTraversé de plusieurs bandes.

II. -Par analogie. [Anal. avec l'idée de tension qui est dans l'action de serrer un bandage] Bander (un arc, une arbalète...). Tendre avec effort.

...une arbaleste d'acier, que icellui de Curzay avoit toute bandée et le vireton dessus. (Doc. Poitou G., t.8, 1447, 429)

Les dessus nommez de ladite garnison délaisseront en icelle place toute la grosse artillerie, et autre que homme de guerre ne peut porter, et dont il ne se peut ayder sur sa personne seulement, et qui n'est point portative à cheval et à pié, et par espécial arbalestes qu'on ne peult bander aux reins. (Doc. 1451. In : CHART. J., Chron. Ch. VII, V., t.2, c.1437-1464, 273)

...et fist ledit de Fieffes descendre à pié sept ou huit archiers, et bender leurs ars et mettre leurs fleches en coche (Escouchy, Chron. B., t.3, Pièces justif., 1453, 432)

...ledit maistre Hector et deux autres compaignons tenans arbalestes bandées alèrent à l'encontre de ceulx qui estoient venuz à cheval (Doc. Poitou G., t.10, 1459, 163)

Quant Herculés et Jason eurent ratains ces Centaures, ilz avoient chascun un arc qu'ilz benderent. Puis escrierent les yvrongnes a mort et tirerent sus eulz (LEFÈVRE (R.), Hist. Jason P., c.1460, 130)

A Guillaume du Jardin, tapissier dudit sr - pour douze arcs à jalets, où il y avoit à chascun un fer ou millieu (...). Item, pour six arbalestres d'acier à jalets, le poliez à les bender, cordes et autres choses à ce nécessaires (...). Item, pour deux moles à faire jalets (Comptes hôtel rois Fr. D.-A., 1478-1481, 359)

Le grant bauldrier avecques le guindage Pour a deux coups l'arbaleste bender (La Vigne, V.N., p.1495, 213)

Et, le landemain, saillit ung arbalestrier avecquez son arbaleste bendée, lequel fut prins dudit Vigier. (Le Clerc, Interp. Roye, c.1502, 191)