BAISER

verbe

[T-L : baisier ; GDC : baisier ; AND : baiser ; FEW (I, 268b) : basiare ; TLF (IV, 44b) : baiser1]

A. -Baiser qqn

1.[Souvent précédé de acoler ou embrasser] Embrasser qqn sur la joue, donner l'accolade à qqn.

a)[En signe d'amitié, d'amour, de respect...]

...acoler et baisier Le vint, nom pas d'un seul baisier, Mais de plus de dis ou de vint, Voire de cent (Mach., F. am., c.1361, 236)

Si me sembloit qu'elle deïst : 'Baisiés moy !' (Mach., Voir, 1364, 236)

Son mal point tant ne li pesast, Que ne m'acolast et baisast. (Mir. Berthe, c.1373, 215)

Lors Verite la royne, par le conseil de sa suer Sapience, print l'espee de la main [de] Bonne Adventure et la bailla en la main dextre du jeune Moyse, en lui baisant et donnant la collee, en la vertu de la forge de verite inflexible et de vraye justice [empl. du pron. prédicatif avec le part. prés.] (Mézières, Songe vieil pèl. C., t.2, c.1386-1389, 465)

Lors [Remondin] vint a son seigneur [qu'il vient de tuer accidentellement] . Si le baise tout en plourant et triste de cuer que il ne disist un mot pour tout l'or du monde (Arras, c.1392-1393, 23)

Et lors print Remondin congié d'elle [Mélusine] en la acoulant moult doulcement, et la baisa tres amoureusement, comme celle ou il se confie du tout (Arras, c.1392-1393, 27)

Et issirent en bonne ordenance tout li signeur d'Engleterre qui la estoient, a l'encontre de li, et meismement li jones rois qui le trouva sus les camps montee sus une hagenee tres bien amblans et tres ricement aournee et paree, et le prist par la main et puis l'acola et baisa (Froiss., Chron. D., p.1400, 161)

La fu pris li congiés, et baissa la roine a son departir tous les enfans, l'un apriés l'autre, de Hainnau, et aussi fist son fil Edouwars. (Froiss., Chron. D., p.1400, 70)

Adont se traist la dame a mesire Gautier et l'enbraça moult doucement et le baisa, et puis apriés tous les aultres. (Froiss., Chron. D., p.1400, 526)

Si se baissa sur lui, vers terre, Pour lui baiser (Chr. Piz., M.F., II, 1400-1403, 320)

Alors Madame le fist lever, puis le baisa en lui disant : 'A Dieu soiez.' (La Sale, J.S., 1456, 73)

...vistement baise et accole, et le surplus qu'après ce ensuyt tout a son aise et loisir acheva (C.n.n., c.1456-1467, 51)

...la jeune fille (...) luy saillit au col et le baisa plus de vingt foiz. (C.n.n., c.1456-1467, 348)

Embrasse moy, ma doulce amie, Et baise la pouvre marrie ! (Pass. Auv., 1477, 265)

LA MERE. En vous baisant dessus la face, Adieu je vous dis, mon chier filz. (La Vigne, S.M., 1496, 301)

[L'amitié, l'amour n'empêchent pas des intentions moins nobles]

[L'usage du vin était interdit aux femmes romaines] ...de ce fut acoustume [l. acoustumé] que les hommes baiseroient les femmes de leur lignaige quant ils se rencontreroient pour savoir si les femmes avoient point beu vin (Gers., Gourm. II, G., 1402, 802)

Par métonymie. Baiser paix. Se donner l'accolade en signe de paix, conclure la paix.

Nous sommes gens fors et peuplus Pour guerre ouvrir, ou paix baisier, Autant qu'i sont et ung peu plus, Se ce vient a lances baissier (Molinet, Myst. st Quentin C., c.1482, 24)

b)[Dans un rite (adoubement, hommage)]

Aprez la messe, en cause d'hommaige, les oncles du roy baisierent le roys comme ses tenaulz et fievez et luy firent et jurerent foy et hommaige à tenir à perpetuelité. (Froiss., Chron. M., XIV, c.1375-1400, 81)

Li enfés se engenoulla devant son pere: li rois le prist par la main et le baisa et le fist chevalier, et puis le renvoia en l'ordenance de sa bataille, et pria et enjoindi as .IIII. chevaliers desus nonmés que il en fesissent bonne garde, et il respondirent, en enclinant le roi, que tout en feroient lor devoir. (Froiss., Chron. D., p.1400, 719)

c)[Dans une situation de trahison ou de violence]

Désirer avoir baisé qqn mort. Désirer la mort de qqn.

LE FEMME. Et sà, la main, mon doulx amy : Car de me lever ne suis forte. JAQUINOT. Amy ? mais ton grant ennemy ! Je te vouldroye avoir baisé morte. (Cuv. T., c.1475-1500, 69)

Baiser qqn

Escorpions se monstrerent Qui bonne chiere par devant Li firent [au soleil] et tost ensuiant De la queue le ferirent Et a mort livrer le firent. Aussi li fu escorpion Judas qui fist la trahison. Par bel semblant il le baisa, Puis aus Jüis il le livra. (Guill. Digull., Pèler. âme S., c.1355-1358, 330)

Emploi absolu.

Car, en bonne foy, tous ceulz icy faillent au besoing : de hoc Ecclesiastici tricesimo septimo ; et comme Joab ilz occient et fierent en baisant ; et a l'exemple d'un laron et d'un poisson qui se nomme polipus ilz occient en embrassant (Gers., Concept., 1401, 409)

Proverbe. Tel baise qui trahit

Quant je regarde ce forfaict, D'amour de femme quel prouffit ? J'aperçoy en ce lieu, de faict, Que telle baise qui trahist. (Myst. Viel test. R., t.5, c.1450, 348)

d)Baiser qqn par lignage. Saluer qqn en lui donnant un baiser (ce qui constitue la reconnaissance d'un lien de parenté).

...pluseurs gentilzhommes, nobles personnes de nom et d'armes, ont baisié et baisent par lignage, à cause de la ligne du dit Robin, la femme d'icellui, ausquelx il appartient de chair et est prouchain parent en la ligne de lui, et le clament leur parent. (Doc. Poitou G., t.6, 1398, 326)

...nous avons esté et sommes souffisanment informez que le dit Robin est noble personne, né et extraict de noble lignée en la ligne de son feu pere et mere, et que ilz ont tousjours veu reputer et tenir pour noble entre les autres nobles, chevaliers et escuiers, dames et damoiselles, et baisier à yceulx la femme du dit Robin par lignage à cause et en la ligne du dit Robin, est voix et publique renommée entre les nobles du païs de Loudunoys que il est noble personne. (Doc. Poitou G., t.6, 1398, 327)

e)Emploi pronominal réciproque.

...mais il n'en monstrerent nul semblant la endroit, ains se retrairent d'une part a un recoy, dont baisierent li uns l'autre plus de cent foiz et conterent de leurs besongnes ainsi qu'il estoit advenu a chascun. (Bérinus, I, c.1350-1370, 228)

Et alez, amis, et ne vous doubtez de rien. Atant s'entracollent et baisent. Et se part Remondin d'elle [Mélusine] , et monte a cheval. (Arras, c.1392-1393, 36)

...et le roy lui donna un gros dyamant, qu'il avoit, et là, devant tous, s'entreacolerent et baisierent à grans remerciemens, aussi à son filz. (Chr. Piz., Faits meurs Ch. V, S., II, 1404, 128)

Monsgr de Bethencourt et messe Gadiffer se tirerent à part et parlerent ensemble et s'entracolerent et beserent, pleurant l'un l'autre de grant joye qu'ils auoyent d'estre cause de mestre en voie de saluacion tant d'amez et de personnes. (Béthencourt, Canarien G., c.1490, 73)

2.Baiser qqn en la bouche

a)[En signe d'hommage féodal]

Et fisent la feaulté et hommage au dit duch, et li recogneurent toute amour, service et obeïssance, et li jurèrent, present le prince, et le baisièrent tout en le bouche. (Chron. R., VIII, c.1375-1400, 10)

Et le sire de Beaujé tenanz ses mains entre les mains doudit monsieur le conte, a fait et recongneu fidelité et homage lige audit Monsr le conte pour ly et pour ses hoirs et successeurs en le baissant en la bouche pour les chouses, fiez, forme et maniere contenues en une chartre publique devant ly lehue en romain de mot à mot (Titres Bourbon L., t.2, 1383, 4)

Ilz furent armés de toutes pieces jucques au heaume et deux des plus belles filles de l'oustel leurs chausserent a chacun leurs esperons. Et aprés cela fait, le duc les fist touz chevaliers et leur saignit leur espees et leur donna la collee et puis les baisa en la bouche, ainssi que acoustumé estoit en yceluy temps. (Charles de Hongrie C., c.1495-1498, 20)

b)[En signe d'amour]

Et comment elle s'abaissa Et en la bouche le baisa Plus de vint fois, voire de trente, Voire, par Dieu, plus de sexante. (Mach., F. am., c.1361, 239)

Adont le prist-il par la main, et me fut dit que, par confirmacion d'amour, il baisa le duc de Jullers, quant il fut levez, en la bouche, et puis son filz le roy de Boesme, et puis le duc de Braibant. (Froiss., Chron. M., XIV, c.1375-1400, 170)

Adont s'en vont les deux enfans agenoullier, et l'en remercient humblement. Et la dame les redreca, et baisa chascun en la bouche, tout plourant, car elle avoit grant douleur au cuer de leur departie, car elle les amoit d'amour de mere, non pas d'amour de faulse nourrisse. (Arras, c.1392-1393, 83)

Et puis s'approuche de luy pour tractier ung petit le desir de son cuer, et ne l'ose baisier en la bouche sy non és joues et ou menton pour la cause qu'elle estoit payenne. (Bagnyon, Hist. Charlem. K., c.1465-1470, 96)

c)En particulier. [De Judas]

Parle NOSTRE SEIGNEUR a ses disciples. Saichés, amys, que l'ung de vous, Qui en la plaice est avec nous, En la bouche me baisera Et es Juifz me delivrera. (Pass. Autun Biard F., 1470-1471, 77)

3.Baiser (une autre partie du corps)

[La main, en signe de gratitude, d'hommage]

Par foy, beaulx frere et monseigneur, dist Guyon, je vous en mercie humblement et le recoy [cette offre] de bon gré. Lors orent les Hermins si grant joye que ilz ne porent plus, et se agenoillierent devant lui et lui baisent la main a la guise du pays. (Arras, c.1392-1393, 142)

Celle royne tieulx regrais Disoit, en louant Hector tres, Disant que 'bien a sa semblance Apparoit sa haulte vaillance. 'Moult le prisoit, moult le louoit ; Du lieu partir ne se pouoit ; Au derrain, lui baisa la main, Dont l'espee tint soir et main (Chr. Piz., M.F., III, 1400-1403, 143)

Quant elle vint a Aurelianus, elle luy donna en sa main une piece d'or, et tantost celluy comme content baisa la main de la dame. (Bagnyon, Hist. Charlem. K., c.1465-1470, 4)

Lors print congié debonnayre et humain Le roy du pape, en luy baisant la main. (La Vigne, V.N., p.1495, 240)

[Le(s) pied(s), en signe de vénération, de gratitude profonde]

Frans homs, bien mercier vous doy (...). Certes, or vous vueil je baisier Et bouche et piez. (Mir. marq. Gaudine, 1350, 169)

A voz piez cheoir je me doy Et les baisier. (Mir. Berthe, c.1373, 249)

Lors prent Gieffroy congié du Pere Saint, et lui baisa le pié, et le pape lui donne sa beneïcon. (Arras, c.1392-1393, 275)

Mais ne cheminay pas gramment Quant de rechief Jhesus li doulz Se monstra ou moillon de nous Et nous laissa ses piez baisier (Marcadé, Myst. Pass. Arras R., a.1440, 262)

Ad vous j'ay toute ma fïance ; Voz piés baisarey de ma bouche. (Pass. Auv., 1477, 152)

Et les assistans luy conseillans [à Rollon] qu'il baisast le piet du donneur il ne se daigna agenoullier aux piez du roy (Juv. Urs., T. crest., c.1446, 67)

Se mettoit [le Pape Nicolas V] aussy assez souvent dedens sondit palais, en une grande salle, à l'issue de sa chappelle, où là aloient, par ordonnance, moult de pellerins de divers pays, pour baisier son pyé. Et en faisant ce que dit est, estoit souventes fois fort traveilliez et oppressez par les rudesses et boutteries du poeuple. (Escouchy, Chron. B., t.1, c.1461-1472, 321)

Baiser mains et pieds à qqn

Au bon Jhesus farons honneur, Et luy bayserons mains et piés, Pour ce qu'il est nostre saulveur. (Pass. Auv., 1477, 256)

Servir qqn jusqu'au pied baiser. Servir qqn avec une totale soumission.

Puis a la plus joyeuse chiere du monde rentrerent a Rains, laissant le povre corps tendant a poureture de l'empereur, quy tant estoit fortuné, que, non obstant sa magesté imperiale de jadis par laquelle il estoit servy jusques au pié baisier, il n'y avoit pas une creature quy se tournast pour l'ensevelir. (Jehan d'Avennes F., c.1465-1468, 116)

Baiser qqn au cul. Battre qqn au jeu.

Tu aras ton compte, Mes que m'ayes baisé au quu ! (Pass. Auv., 1477, 202)

4.Posséder charnellement (une femme).

Sa femme ses clefs luy embla ; Avec son ami s'assembla, Pour mener sa joliveté. Il la tint en grant priveté Et la reçut faisant grant joye. L'amant rit quant il tient sa proye ; Avoir ne puet qui plus luy plaise ; En despit du jalous la baise. (Le Fèvre, Lament. Math. V.H., c.1380, 110)

Ne la puet il par entrevalles Baisier tant qu'il soit rachaufé Sans se coucher a cul coyfé Pres d'elle si villainement. (Barbes brayes A., a.1450, 259)

...et en la baisant, luy pria doulcement qu'elle ne fut paoureuse et que de ce qui seroit entre eulx deux jamais nouvelle n'en seroit a personne vivant. (C.n.n., c.1456-1467, 387)

Quant le prestre a chanté et que les aucuns vont baisier a l'autel, ceulz en celle septmaine ne doibvent baisier femme nulle se ilz ne l'ont espousee, se tost aprés ne veulent avoir mal aux dens et a la teste. (Ev. Quen. II, c.1466-1474, 133)

Par le sancg que Dieu me donna, Je suis vostre mary Gauthier ; Plus jeune suis que devant hier, Ma suer, or vous vous vuelt baiser. (Arcel., Vieill. C., c.1480-1520, 608)

Emploi absolu. Accomplir l'acte sexuel.

...la cause de satiriazis foraine ce peut estre forte ymaginacion envers aulcune femme pour habiter ou pour baiser (Gordon, Prat., c.1450-1500, VII, 2)

Boire ypocras a jour et a nuytee, Rire, jouer, mignonner et baisier, Et nud pour mieulx des corps s'aisier, Les vy tous deux par ung trou de mortaise. (Villon, Test. R.H., 1461-1462, 117)

DEMANDE. Qu'est ce qui plus trahyt le cul d'une femme ? RESPONSE. Ce sont les cuillons, car en baisant, ilz le batent. (Devin. R., c.1470, 171)

Remarque : Allusion au prov. Tel baise qui trahit.

5.Par plaisanterie. [D'un animal] Mordre.

Ceulx de cheval le doivent ferir [l'ours] , en gietant, de leurs lances ou espieux et non pas assembler a li ne de l'espee, einsi comme on fet a un sangler, quar il acoleroit et bayseroit non pas trop gracieusement. (Gast. Phébus, Livre chasse T., 1387-1389, 230)

B. -Baiser qqc. Appliquer ses lèvres sur qqc..

1.[un objet sacré, un objet béni]

Mon seigneur, pour Dieu, qu'il vous plaise Qu'a genoulz, mains jointes, le baise Devotement [le lait nostre dame (une relique)] . (Mir. ev. N.D., c.1348, 82)

On se flechist devant l'autel, En baisant l'estole du prestre (Desch., M.M., c.1385-1403, 109)

Les sains furent apportez. Et jura Remondin que Jossellin avoit faicte la trahison, et s'agenoilla, et baisa les sains, et puis se rassist en sa chayere. Et Jossellin jura après. Mais a l'abaissier pour baisier les sains, il chancella tellement qu'il n'y pot oncques touchier. Et Oliviers jura après moult laschement, et se rassist en sa chaiere. (Arras, c.1392-1393, 62)

Aucuns magnifierent en saint Pierre l'onneur qui luy est fait par le monde es eglises et ailleurs par seigneurs et princes, tant soyent excellens, jusques a baisier non pas ses piés seulement mais ses os, sa robe et sa chayne. (Gers., P. Paul, a.1394, 487)

Le lundi ensuivant, quart jour de jenvier, pour ce que entrer devoit à Paris, se fist l'Empereur, en l'eglise de Saint-Denis porter devant les corps sains, et porter se fist entour les chaces, et baisa les reliques, le chief, le clou et la couronne. (Chr. Piz., Faits meurs Ch. V, S., II, 1404, 96)

Mais au saillir que Saintré fist, sa visire levee, il baisa sa bannerolle, et en disant sa beneisson que Madame lui avoit monstree, en faisant un tresgrant signe de la crois, puis la rebaisa et la bailla a un de ses conseilliers. (La Sale, J.S., 1456, 126)

Et puis s'en ala mettre à deux genolz dessus ung petit carreau de layne aux armes de ladicte ville, qu'il mist à point et remua de l'ung de ses piez, où il fut ilec diligemment bandé par les yeux par ledit Petit Jehan, tousjours parlant à Dieu et à sesdiz confesseurs et souvent baisant ladicte croix. (Roye, Chron. scand., I, 1460-1483, 360)

Florippes respont : «Vous pourriés bien troup demourer», et s'en va en sa chambre et ouvrit le couffre ou estoit la couronne de Nostre Seigneur Jhesucrist, et moult veneremment la baisa et la pousa sur le chief des barons. (Bagnyon, Hist. Charlem. K., c.1465-1470, 114)

Le poursuyvant print le cierge du duc d'Orleans, le baisa, et, en faisant reverance, le bailla au roy d'armes, et lequel appella le duc d'Orléans par ses tiltres et seignories, et luy porta son cierge et le luy presenta en baisant ledit cierge moult humblement. (La Marche, Mém., II, c.1470, 91)

En particulier. Baiser la paix. Mettre ses lèvres sur la patène (que présente l'officiant).

Et les prestres qui a telz boubans les voyent venir a l'aultel par semblant d'offrir a Dieu, et elles offrent au prince d'enfer qui est prince d'orgueil, se devroient tourner et n'attendre leur offrande. Et semblablement de la paix : on leur devroit atachier a un clou et l'alast la baisier qui vouldroit. Et sans faille celles dont nous parlons baisent bien l'otil que on dit paix, mais pour tant ne la prennent ilz mie (Chr. Piz., Trois vertus W.H., c.1405, 162)

Sus grant pont à Paris, (...) Firent vendre une pais c'on met à ces autés, C'on portoit à baisier quant Dieus estoit célébrés. (...) D'or fu et de pierrie ; et maint pierles frasés, Rubis et diamans furent autour entés. (Geste ducs Bourg. K., c.1410-1419, 373)

...quant il l'eut dit trois foiz [l'Agnus Dei] , et que son clerc luy bailla la paix pour baiser, la refusa. (C.n.n., c.1456-1467, 448)

Emploi absolu. Baiser à l'autel/à l'offrande. Baiser la patène ou le doigt du prêtre.

...elle s'agenouillera et inclinera devant le prestre sans baisier a l'offrendre et puis s'en revendra aprés lui. (MART. D'AUV., Arrêts Am. R., c.1460-1466, 104)

Quant le prestre a chanté et que les aucuns vont baisier a l'autel, ceulz en celle septmaine ne doibvent baisier femme nulle se ilz ne l'ont espousee, se tost aprés ne veulent avoir mal aux dens et a la teste. (Ev. Quen. II, c.1466-1474, 133)

Au figuré. Adorer, vénérer (une idole).

(Icy s'agenoillent tretous et le prestre [prent] l'encensoir et encense les ydolles et l'aultel puis sainct Martin passant par la dit.) SAINCT MARTIN. Hellas, qu'esse que vous pencez, Povres gens plains d'ydolatrie ? A vous bien dampner vous tencez De faire tant de broillerie : Cella n'est que mahommerie Que vous adorez et baisez (La Vigne, S.M., 1496, 433)

Baiser aux pieds une statue

...et laissa passer pardevant luy la licorne, et puis devant la dame de Plours se desfubla, et devant la vierge Marie s'agenoilla terre à terre et la baisa aux piedz moult devotement. (La Marche, Mém., II, c.1470, 202)

2.[un objet cher, désirable]

Ma dame adont par grans delis Me fist baisier le capelet (Froiss., Par. am., c.1361-1362, 81)

Mes secretaires qui fu la Se mist en estant et ala Cueillir une verde fueillette Et la mist dessus sa bouchette Et me dist : 'Baisiés ceste fueille !' (Mach., Voir, 1364, 238)

Faites moy donc tant d'amistaige Que puisse vostre bel'ymaige Baisier, pour guerir ma destresse ! (Narcissus, p.1426, 310)

Et puis lui dist : 'Monseigneur, il fault que ostiez d'autour de vostre col l'ordre du roy que y avez mise.' À quoy il respondi que voulentiers il le feroit, et de fait mist la main pour la cuider oster, mais elle tenoit par derriere à une espingle. Il pria audit de Saint-Pierre qu'il lui aidast à l'avoir, ce qu'il fist, et icelle baisa et bailla audit monseigneur le chancellier. (Roye, Chron. scand., I, 1460-1483, 357)

Pour congié prendre veulx baiser La pierre que clo le sepulcre. (Pass. Auv., 1477, 265)

Par analogie. Baiser (une bouteille, un verre). Appliquer les lèvres sur un récipient pour boire.

Et puis fist verser de l'autre vin a la damoiselle, qui ne vouloit nullement boire. Mais en la fin, voulsit ou non, elle baisa la tasse. (C.n.n., c.1456-1467, 214)

Goubelet, beau Gobelet, venés a moy de mactin ; De grant cuer vous baisarey, mes que soyes plein de vin (Pass. Auv., 1477, 178)

Mainte follie avez pensé Ma gracieuse godinette... Se j'eussë encor choppinette, Je la baisasse volentiers. (Sav. serg. T., c.1480-1490, 30)

Je m'y en vois tantost courir ; Je serai plus tost cy que la, Et ma boutelle baisee sera Avant que je voisse plus loing. (Mart. st Pierre st Paul, fragm. Anholt R., c.1480-1500, 188)

3.Baiser la terre

[Coutume paienne, pour s'attirer les faveurs de la divinité]

Et lors les Alemans, qui estoyent la plus forte bende, en nombre environ de .II^m., cuidant ce jour avoir hurd de la bataille, se mirent à genoulx selon la manière du pays et baisèrent la terre (Molinet, Chron. D.J., t.1, 1474-1506, 567)

[En signe de joie]

Cadmus, joyeux de si bonnes enseignes, En salua de joye les montaignes De l'environ et en baisa la terre. (Baude, Dictz moraulx S., p.1450, 84)

[À la suite d'un oracle]

...et, comme Brutus, qui un des princes estoit, sceust secretement ceste response, fist semblant que le pié lui fust glissié, et se laissa cheoir, et baisa la terre ; si fut jugié qu'il avoit baisié sa mere, si fu gouverneur des Rommains. (Chr. Piz., Faits meurs Ch. V, S., II, 1404, 56)

[En signe de vénération, de respect]

Or vous diray la contenance Quant il firent la reverence. Si tost comme il porent choisir Le soudan, sans penre loisir, Et tantost sans essoinne querre, Il leur couvint baisier la terre, Et à toutes leurs gens aussi, Qu'il le couvenoit faire ainsi. (Mach., P. Alex., p.1369, 197)

[En signe de vénération] Baiser la terre (devant qqn)

...soubdainement me gytay a leurs piez, nom mie seullement a genoulz mais toute estendue pour leur grant excellence, baisant la terre d'environ leurs piez, les aourant comme deesses de gloire (Chr. Piz., Cité dames C., c.1404-1407, 637)

4.Locution.

Baiser la pierre. Appliquer un baiser sur la pierre (contre laquelle le cheval vient de trébucher, pour conjurer le mauvais sort).

Un autre s'en va chevauchant Et va par le chemin brochant, Car en trop grant ire est entré Pour son cheval, qui a sopé, Si treuve une grant pierre bise, Qui est pres du chemin assise. Son cheval prent a reculer, Quant le cuide avant faire aler. Adonc li croist la felonnie, Si renie Saint Marie Se la pierre ne baisera (La Buigne, Rom. deduis B., 1359-1377, 105)

Baiser le babouin. Subir une contrainte, une humiliation.

Mais, au jour d'huy, a poine les riches et puissans hommes ne poevent estre constrains aux loix, tant a priere d'amys comme pour crainte ou pour baysier le babouyn. (La Sale, Sale D., 1451, 264)

Et prenoit et mettoit pied et fondement en si faites vanités et présomptions [le seigneur de Croy] que fortune ascoute de léger, et en fait souvent baiser le babouin au compagnon qui se présume en sa folie. (Chastell., Chron. K., t.5, c.1456-1471, 193)

Remarque : Cf. TLF III, 1180b, pour l'origine de la loc.

Baiser le siege. Renoncer à ses fonctions.

...grant desplaisanche ly ont dit et fait les alcuns, et puis se sont acordeis cheaz de conselhe les plus grans, que de toutes offiches soit priveis et si baise son siege (JEAN D'OUTREM., Myr. histors B.B., t.6, a.1400, 159)

Malvais vilains, or vous seray paiant che que me fesiste basier mon siege (JEAN D'OUTREM., Myr. histors B.B., t.6, a.1400, 169)