ASSERTION

substantif féminin

[GDC : assercion ; FEW (XXV, 528a) : assertio ; TLF (III, 686a) : assertion]

A. -Fait d'affirmer qqc. ; ce qui est affirmé.

Assés joyeuses me sont tes assercions et confesse que plus ardanment je commence des hors en avant prendre appetit en ceste maniere de amer, car ja avant tes preposicions aucunement tes amours me annuient. (Crap., Cur Deus, De arrha B.H., c.1450-1460, 271)

Affirmation catégorique.

Les choses cy dessus premises soient dictes sans assertion ou affirmation et à la correction des saiges et prudens hommes (Oresme, Monnoies W., c.1365, LXXXVI)

J'ay plus chier, avec les Academians, de toutes choses doubter, se autre voie je ne treuve, que folement acertener et determiner par perilleuse simulacion de science ce que je ne sçay pas et qui m'est mucié et celé, et encore par especial en ycelle chose en la quelle pres que tout le monde me contrediroit en tele assercion et affermement. (Foul., Policrat. B., II, 1372, 172)

Affirmation d'une croyance ; croyance (religieuse, supertitieuse).

Ilz [les martyrs] opposoient tout et mesprisoient tout pour confirmer leur foy et leur assertion (Gers., St Antoine G., c.1396-1403, 939)

En oultre que feist Male Voulenté pour oster paix ? Elle affubla ung autre mantel qui se nomme supersticion c'est a dire fole ou dampnable assercion comme des sorcieres ; et de telles creances contraires a bonne foy et a saincte religion elle promettoit merveilles (Gers., Noël, p.1404, 307)

B. -Déclaration.

1.[À propos d'une autorité] Proclamation.

Et, pour ce, donnons en mandement à noz amez et féaulx, noz conseilliers gens de parlement, au prévostz de Paris et à tous aultres nos bailliez, prévost, seneschaulx et aultres justiciers, à leurs lieuxtenans et à chascun d'eulx, si comme à luy appertiendra, que nostre présente assertions, déclaracions, révoccacions et ordonnances facent publyer, affin que nulz ne puist avoir de ce ignorance (Lefèvre St-rémy, Chron. M., t.1, c.1462-1468, 116)

2.Déclaration, témoignage.

Veez la retribucion, La soudaine mottion, Et le croire trop legier ; Veez la condempnacion Du peuple a l'acercion D'un faulx et faint messagier, Sanz la partie approuchier N'oir sa deffension (Desch., Oeuvres Q., t.2, c.1370-1407, 345)

3.A/par l'assertion de qqn. Sur sa déclaration.

...veus lesdites confessions et l'original d'icelles, qui sont tabellionnez soubz les signez de deux nottaires royaux, et que par l'inspeccion d'icelles, et aussi par l'ascercion desdiz commissaires, apparoit qu'il n'avoit point esté mis à question, mais avoit ycelles faites senz aucune force ou contrainte (Reg. crim. Chât., I, 1389-1392, 467)

...la partie citee ira devant les officiers de la jurisdiction temporelle et donra a entendre que la cause est pure prophane, et a son assercion sans veoir le libelle, on baillera une lettre par laquelle on fera inhibicion au juge ecclesiastique (Juv. Urs., Verba, 1452, 383)

Par assertion de la parole de qqn. Sur la foi de sa parole.

Nous avons ordené et ordenons que nulz de nostre Sanc et Lignaige, ou autres de quelque estat, dignité ou condition qu'il soit, des fleurs de Lis ou autres, ne sera doresnavant reçeu à faire Monstre par cedule, ou par assertion de sa parolle, mais sera chascuns tenus desores-mais de faire Monstre armée pardevant noz Genz, et lesdits Depputez ou Commis (Ordonn. rois Fr. S., t.3, 1355, 35)

C. -Acte par lequel est attesté la réalité d'un fait.

...quictance dudit maistre Thierry Le Roy contenant assercion sur la vacquacion desdictes journees et certifficacion de Jehan de Valery, maistre de la Chambre aux deniers de mondit seigneur (Comptes Etat bourg. M.F., t.1, 1419, 107)

Lettre d'assertion. Lettre de créance.

...soubz seel autentique ou collaccion en nostre Chambre des Comptes, ensemble lettres d'assertion desdis habitans d'avoir joy de nosdites graces (Trés. Reth. S.L., t.2, 1394, 387)

D. -[À propos d'une qualité] Manifestation indiscutable, preuve.

...car toutes ces choses dessus dittes sont pour avoir plus grant assercion d'amour a celui que tu dois amer, et que je prainne occasion de encommencier et dire la grant humilité de cellui tres hault et tres souverain espoux, cy excellant en ta creation et si humble en ta reparacion. (Crap., Cur Deus, De arrha B.H., c.1450-1460, 276)

Et neantmoins dedens ton ventre, Sans que pollution y entre, Sera conceu le Saint qui dit Sera Filz de Dieu, sans desdit ; Lequel de ton corps naquira Ainsy com entré y sera, C'est assavoir sans fraction. Oultreplus pour assercion Plus grant de la vertu divine, Saches que ta bonne cousine Elizabeth, dicte sterile, Par puissance de Dieu subtille En sa vieillesce conceu a Ung beau filz (Myst. Incarn. Nat. L., t.1, c.1454-1474, 304)