ARROI

substantif masculin

[T-L : aroi ; GD : aroi ; AND : arraie ; FEW (XVI, 698b) : *reþs ; TLF (III, 575a) : arroi]

A. -Ordre, ordonnance, disposition, arrangement.

1.[Idée d'ordre, d'ordonnance]

Pour ce furent estably roy Qu'acord meïssent et arroy, Orgueilleux feïssent plaissier, Malvais feïssent abaissier, Pour bons et pour bien soustenir. (Renart contref. R.L., t.1, 1328-1342, 37)

Ma dame, je croi Que Diex a mis ou tamps arroi Pour ce que vrai amoureus sons [Éd. : «bon ordre»] . (Froiss., Espin. amour. F., c.1369, 151)

DIEU LE PERE. Mes angelz, vecy vostre sire, Vostre roy, vostre cappitaine Qui d'une region loingtaine Au jour d'uy vous est reverty. Par un arroy bien assorty Venez et luy rendez hommaige (Gréban, Pass. J., c.1450, 439)

Bel arroi

Mais trop bien fu acompaingnie De chevaliers, d'escuerie, De dames et de damoiselles, (...) Et tout fu de si bel arroy Com ce qu'elle fust fille a roy. (Mach., D. Lyon, 1342, 176)

Au piet dou chastel descendirent Et en bel arroy [var. conroy] se meïrent (Mach., P. Alex., p.1369, 195)

Bon arroi

Alons les chiens querre Et les menons devant bonne erre En bon arroy. (Mir. st J. Paulu, c.1372, 100)

Il s'aliierent tout a li Et l'un a l'autre. En cel ali Furent trouvé en bon arroi Mort et navré dalés le roi. (Froiss., Pris. am. F., 1372-1373, 40)

Par arroi. Selon ce qui convient.

Chascun face paix par arroy Pour faire guerre veritable. (Régn., F.A., 1432-c.1465, 76)

Par bon arroi

Cheminons tost par bon arroy, Sans demouree. (Myst. st Christophle R., c.1350-1380, 25)

Car gent qui a descort en loy Ne s'aydera par bon arroy, Ne ja victoire n'aura gent, S'en une loy ne se maintient (Bouvet, Appar. Meun A., 1398, 20)

Et raison si vous amonneste De deffendre par bon arroy Vos pais (Robinet, Compl. François H., p.1420, 135)

Par arroi de qqn. Par l'arrangement de qqn.

Ce seroit cose mal discrée, Se l'ordenance estoit sceüe Ançois qu'elle fust pourveüe, Car on le fera par arroi, Et par l'ordenance dou roi Artus (Froiss., Méliad. L., t.1, 1373-1388, 69)

D'arroi. Bien aménagé.

Biau lieu y a pour deduire le roy (...). Chambres, sales et chappelle d'arroy, Et lieu plaisant en trestoute saison (Desch., Oeuvres Q., t.4, c.1370-1407, 95)

Sans arroi. Sans arrangement (ici, sans condition).

Marlinez et les villes dont par avant parloie, Qui astoient en wage por ladite monoie, Rent li dus à l'evesque quittement sens aroie ['sans condition'] (JEAN D'OUTREM., Geste Liège B.B., t.5, a.1400, 640)

2.[Idée de mise en ordre et de préparatifs]

Appareiller ses arrois. Faire ses préparatifs.

Mes Amours qui par bon eür M'en voloit geter pour aprendre, Entendoit forment pour moi prendre Et apparilloit ses arrois (Acart, Prise am. H., 1332, 13)

Apprester son arroi. Faire ses préparatifs (de voyage, de combat...).

Faitez apprester voz arrois Car vous serrez en nostre avantgarde (Héraut Chandos, Vie Prince Noir T., c.1385, 74)

Aprés gaires ne demora Qe tut son arrai appresta Et en Engleterre se vient Pur la maladie qui li tient (Héraut Chandos, Vie Prince Noir T., c.1385, 160)

Faire un / son arroi

Quant li princes venir le vit, Mout tres bonne chiere li fit, Et moult li demanda dou roy, Et s'il faisoit aucun arroy Pour eaus secourir et conforter. (Mach., P. Alex., p.1369, 170)

ROY DE GRENADE. (...) Prie chascun que son arroy Face pour moy venir aidier A mes ennemis brief vuidier Hors de ma terre. (Mir. Oton, c.1370, 329)

O ! mon doulx seigneur, je deprie A Dieu, qui te doint bonne foy. Amy, or parfay ton erroy. Tresdoulx Jesus, le filz Marie, Tout conclu je me ren a toy. (Myst. st Laur. S.W., 1499, 269)

Faire son arroi à / pour qqn

Très chers et très améz cousins, vendredi XXIe jour de ffeverer, partirent de nous à Mante deux de noz valletz à cheval pour aller dever vous ; et par chescun d'ycelx vous envoiasmes unes lettres contenantes entre les autres choses qe le parlement qe nous avons à Mante ovesqes les gentz de Monsegneur le Roi, il nous convenoit tenir plus long qe nous ne quidons pur certaines causes contenues en noz dites lettres, et pur ce vous escrissmes qe vostre arroi et ordenance qe vous faisez pur nous vous retardissez et aloingnissez jucques à X jours après la dimenche des Brandons (Doc. 1354. In : Bibl. Éc. Chartes 61, 1900, 276)

Or dist l'ystoire que Regnault et Anthoine vindrent a leur pere et a leur mere et leur acointtierent ceste querele, et comment ilz les voulzissent aidier a faire ceste emprise. Par foy, dame, dist Remond, c'est raison ; cy a bel commencement d'armes faire. Et je vous pry, dame, que vous leur faciez leur arroy tel et si honnourable que nous y aions prouffit et honneur. (Arras, c.1392-1393, 151)

Se mettre en arroi. Se préparer.

La se met chascun en arroy Pour chacier (La Buigne, Rom. deduis B., 1359-1377, 373)

DEUXIESME CHEVALIER. (...) ralons ment Devers le roy. LE PREMIER CHEVALIER. De ce nous fault mettre en arroy. Or avant ! (Mir. fille roy Hongrie, c.1371, 30)

...mectez vous en arroy Pour secourir a vostre chief ; Deffendez vostre noble roy Qui est en si tresgrant meschief. (Robinet, Compl. François H., p.1420, 83)

Il est temps de nous en aler ; Le prevost est levé, je croy. Seigneurs, metons nous en arroy, Allons nous en tousjours devant. (Gréban, Pass. J., c.1450, 282)

Mettre nous convient en erroy Et nous armer sans plus attandre. (Myst. st Adr. P., c.1450-1485, 20)

Pourtant metez vous en arroy : Avec moy vous fault touz venir. (Du Prier, Roy Adv. M., 1455, 44)

Ilz se viennent mectre en arroy Pour recepvoir le haultain roy Et le redempteur glorïeux. (Michel, Myst. Pass. J., 1486, 219)

Se mettre en arroi de + inf. :

Va t'en droit au palais du roy Et nous nous mettrons en arroy D'aler après. (Mir. st J. Paulu, c.1372, 130)

Pencés de vous mectre en arroy D'aller present parler au roy (Pac. Job M., c.1448-1478, 244)

Mettre qqn en arroi. Mettre qqn en état (de combat, de salut...).

Ainsin Saül fut le premier roy Que fut oncques en Israel, Lequel meit les gens en arroy Et en feit devoir a merveil. (MART. D'AUV., Mat. Vierge L.H., c.1477-1483, 28)

Cestuy Jhesus sera grant roy Et le sauveur de tout le monde Et mectra les gens en arroy Dont tu auras gloire parfonde. (MART. D'AUV., Mat. Vierge L.H., c.1477-1483, 62)

CHASSE Mettre [des animaux] en arroi

Mettre des chiens en arroi. Accoupler des chiens, les mettre deux à deux.

DEUXIESME VENEUR. Ces chiens nous fault mettre en arroy (Mir. st J. Paulu, c.1372, 101)

Mettre le faucon en arroi. Procurer au faucon tout ce qu'il faut pour son affaitage.

Ci devise comment l'en doit meitre son faucon en arroi et en ordenance. Les aprentis demandent au roi Modus qu'i leur die et desclaire la maniere du secont chapistre de fauconnerie. Modus repont : 'Le secont est comment l'en doit chillier, metre en anroi et porter son faucon...' (Henri Ferr., Modus et Ratio, Livre deduis T., c.1354-1377, 177)

Mettre arroi en qqc. Arranger qqc., préparer qqc..

Aiez un homme avecques toy Qui maite en ton deduit arroy, Car sanz ordenance nul fait, Saichez bien, ne puet estre fait. (La Buigne, Rom. deduis B., 1359-1377, 124)

Prendre arroi de + inf. Se disposer à qqc., s'y engager.

De cheminer prindrent arroy. (Renart contref. R.L., t.1, 1328-1342, 39)

3.En particulier. Ordre de bataille, disposition militaire pour le combat.

Les arbalestriers de Clermont, quant il veirent que leurs gens fuioient, furent de meilleur arroy que nulz des aultres, car ilz se mistrent en ung vignoble, et là s'arresterent et tendirent leurs ars, et monstrerent deffense et visaige. (Froiss., Chron. M., XIV, c.1375-1400, 223)

...s'il avient qu'aions bataille Nous y serons premiers, sanz faille, En bon arroy. (Mir. ste Bauth., c.1376, 128)

...et estoit conmandé de par les marescaus en l'une host et en l'autre que nuls ne se meuist ne brisast son arroi se les banieres des rois ne cevauçoient. (Froiss., Chron. D., p.1400, 335)

Car ilz estoient en moult bel arroy de combatre, par grans batailles a cheval et a pié (Bouciquaut L., 1406-1409, 234)

Il trouva les François en petite ordonnance et en petit nombre (...). Et pour ce que les Englois les virent en cest arroy, les vindrent assaillir... (Le Bouvier, Chron. Ch. VII, C.C.J., c.1451-1455, 71)

Et se par adventure, ilz chacent en arroy et tous ensamble, et viennent jusques là où est la grosse route, lesquelz sont en plusieurs batailles (La Broquière, Voy. Outr. S., c.1455-1457, 223)

A maints Lombards tenans la leur arroy, On fist croquer de trop dures chastaignes. (La Vigne, V.N., p.1495, 194)

Mettre en arroi

Honneur les mist tous en arroy Et, quant il furent en conroy, Tous les a fait agenoullier Pour Dieu et sa mere prier, Maiz il ont fait brieve oroison, Car Orgueil chevauche a bandon Ou premier front de sa bataille. (La Buigne, Rom. deduis B., 1359-1377, 242)

Se mettre en arroi

Quant les Sarrasins apperceurent si grant navire venir vers eulx, si ne scorent que penser, car jamais n'eussent cuidié que telle puissance de crestiens feussent si prez de la. Et toutes foiz se mettent en arroy en reculant. Mais nos galees les vont avironnant tout entour, et commencent a faire getter leurs canons moult horriblement d'un costé et d'autre. (Arras, c.1392-1393, 89)

Si se conmenchierent a estourmir et euls armer et mettre en arroi, qant la noise et li effrois conmenchierent (Froiss., Chron. D., p.1400, 619)

Et lors le guet fist appareillier le residu de la garnison tellement que, quant le cappitaine arriva, ilz saillirent au devant de lui ; et ceulx qui de dehors estoient, se mirent en arroy et vindrent le grant train, les lances sur les cuisses, jusques au boullevert. (Bueil, I, 1461-1466, 37)

...puis se mirent en arroy pour combatre (Saladin C., c.1465-1468, 59)

Sans arroi

[Avant la bataille de Crecy, l'indiscipline règne parmi les combattants qui prétendent tous être au premier rang] Et cevauchierent en cel estat sans arroi et sans ordenance si avant que il approchierent les ennemis, et que il les veirent en lor presence (Froiss., Chron. D., p.1400, 724)

Mais l'avant garde et li sergent Alerent sur eulx sanz arroy, Adont commença a desroy La bataille fiere et mortele (Chr. Piz., M.F., II, 1400-1403, 245)

Ja en l'estour a lait desroy, Car Florentinois sans arroy Au mains pluisours, voelent fuïr (Pastor. B., c.1422-1425, 204)

Nul arroi

Sitretos que les honmes de Dignant veirent ce mescief que la ville estoit gaegnie (...), si ne tinrent nul arroi, mais s'en fuirent li uns ça et li aultres la. (Froiss., Chron. D., p.1400, 587)

4.Moyen, manière d'arranger qqc., p. ext., moyen, manière.

Une lanche tenoit li roys dont dire doy ; Saudoine va ferir, qui fu de fausse foy : Ou blason l'assena par si tres fort arroy Que les ners en rompi (Bât. Bouillon C., c.1350, 12)

On ne prent mie en la riviere Tous les poissons d'une maniere, Ains sont pris par divers arrois, Li un a l'ain, li aultre as rois. (Echecs amour. K., c.1370-1380, 215)

...que ma fille puist avoir Tel nom que femme soit au roy. Or regarde par quel arroy Ce pourroit estre. (Mir. Berthe, c.1373, 162)

...pour Dieu que j'oie Que fait mon chier seigneur le roy : Ara il de paiz nul arroy Vers ses enfants ? (Mir. ste Bauth., c.1376, 136)

Ostons luy cest habit de roy Et le vestons en tel arroy Qu'il souloit aler par la voye, Et affin que chascun le voye En ses habis acoustuméz. (Gréban, Pass. J., c.1450, 319)

Faictes en lamentacion, Anges, en tres piteux arroy, Pour l'onneur de vostre bon roy Qui tel examen a souffert Et son precïeux corps offert A passion tant doloreuse. (Michel, Myst. Pass. J., 1486, 418)

Arroi de + inf. Manière de.

Car sus lui n'a tache, visce ne blame, Mais sens et bien et arroi de parler Arreement, mieuls que nulle aultre fame. (Froiss., Ball. B., c.1362-1377, 47)

Bel arroi

Daniel vint devant le roi Qui li dist par moult bel arroy... (Mach., C. ami, 1357, 28)

...et li conterent, Sagement et par bel arroy Toute l'entencion dou roy. (Mach., P. Alex., p.1369, 54)

Allés bien tost, a ma requeste, Saulter, dancer en bel arroy (Michel, Myst. Pass. J., 1486, 99)

Bon arroi

Pour gouverner de bon arroy Les provinces, y mist Sydrac Et Abdenago et Misac (Mach., C. ami, 1357, 18)

Et toutesfoiz ot chascun d'eulx vestue la cotte d'acier, et en bon arroy, comme gent duit du mestier d'armes. (Arras, c.1392-1393, 125)

...je vueil par bon arroy Maintenant cy ma court tenir Et tous mes sotz faire venir Pour me faire la reverence (Roy sotz, c.1450-1500, 211)

(Tout/tous) d'un arroi. (Tout/tous) d'une manière.

...Si que vos portez d'un arroi Pais et amor et loiauté Et toz dis soiez d'un secré, D'un cuer, d'un désir, d'un voloir (Songe vert C., c.1348, 531)

Car C. florins, tout d'un arroi, Rechuc a un seul don dou roi ['tous semblables, de même aloi, d'un seul et bon aloi ?'] . (Froiss., Joli buiss. F., 1373, 56)

Et me recorde des pucelles Et dist : 'Compains, oés d'icelles : Sept en y a, tout d'un arroi ; Dignes sont pour servir .I. roi...' (Froiss., Joli buiss. F., 1373, 128)

Quatre dames plaisans et belles Qui pas ne sambloient rebelles Ou premier pavellon vëysmes ; Ce nous sambloit c'oncquez n'aviesmes En telle ordonnance veües, Ne en tel atour congneües. Toutes estoient d'un aroy, Bien sambloient filles a roy (Livre amour. all. F., c.1398-1430, 6)

Dieu nous a faiz tous d'un arroy (Chast., Temps perdu D., a.1450, 21)

...qui vous aroit crachié Tous deux encontre la paroy D'une maniere et d'ung arroy, Si seriez vous sans difference. (Path. D., c.1456-1469, 62)

'Regime' vault autant que 'seignourie', Et de 'regir' est derivé 'le roy', Maiz tout cela provient de tyrannie, Car au premier tout estoit d'ung arroy ; Maiz les plus fors prindrent la pillerie, En submectant les gens a leur charroy. (Michault, Doctr. temps prés. W., 1466, 94)

5.État de ce qui est arrangé, p. ext., état, situation, condition.

[D'une chose]

...et quant le seignur s'en va, les ostiementz sont remys ariere en son lieu come ils estoient et sovent de pire aray q'ils devant ne feurent, et plus encombrent l'ostiel (Henri Lanc., Seyntz medicines A., 1354, 101)

Vers ça est la terre d'Europe, Vers la la terre d'Ethïope, Tous royaumes de noble arroy De quoy je suis seigneur et roy. (Gréban, Pass. J., c.1450, 144)

Dieu, ayde moy (...). Chef salutaire, Si te requier en bonne foy Que m'enseignes moien par quoy Je tourneray en autre arroy La chose que Esaü veult faire. (Myst. Viel test. R., t.2, c.1450, 172)

En Judee n'y a prince ne roy Qui tienne estat en sumptueux arroy Si triumphant, si hault et magnifique comme je fais (Michel, Myst. Pass. J., 1486, 467)

Tenir en arroi. Maintenir en bon ordre, en bon état.

...mon seigneur de Duriaume, Qui conmis est en ce royaume Garder et tenir en arroy Jusqu'a tant que viengne le roy (Mir. fille roy, c.1379, 29)

De grant arroi. De grande qualité.

Absalon, filz de David roy, Fist ung disner de grant arroy Au jour qu'on touzoit ses oueilles (Alecis, Passe temps P.P., 1480, 210)

Car luy, desirant estre roy, Fist faire ung char de grant arroy. (Alecis, Passe temps P.P., 1480, 235)

De petit arroi

Lance tenoit de bon outroy, L'espée de petit erroy. (Prisonn. desconf. C., c.1488-1489, 26)

[D'une pers.]

...chils me dist dou roy Dessus dit l'affaire et l'arroi (Froiss., Joli buiss. F., 1373, 59)

Chils qui vivoit en tel arroi Estoit fils et frere de roi. (Froiss., Joli buiss. F., 1373, 121)

Biau sire Diex, merci ! conment Me cheviray, n'en quel arroy Me mettray je ? (Mir. roy Thierry, c.1374, 333)

Je sui femme aussi que vous estes (...) Mais touz jours l'estat et l'arroy De chevalier ay maintenu, Tant que sui jusques cy venu. (Mir. fille roy, c.1379, 95)

A cent ans d'icy je m'attens Estre aussi riche que le roy : J'attendray, ce n'est pas long temps ; Lors serons de pareil arroy. (Meschin., Lun. princes M.-G., c.1461-1465, 56)

Car point ne fut en mont ne en roc lent D'aller au lieu que se tenoit le roy Outre les mons ; pourquoy en tel arroy, En tel point nous l'a livré la mort (La Vigne, V.N., p.1495, 315)

Mettre qqn en autre arroi / en tel arroi (que)

Car ch'estoit eschec a mon roy, Dont je fuy mis en tel arroy, Que j'en perdi mon roc senestre (Echecs amour. K., c.1370-1380, 130)

Hellas ! Bien suis en grant esmoy Quant je regarde mon seigneur Que l'on a mys en tel arroy. (Pac. Job M., c.1448-1478, 329)

Je vous metray, Home, je croy, - Se vous voulés croyre mes dis - Bien vistement en aultre erroy ! (...) Par meschant conseilh gouverné Avés esté, je le voy bien (Oliou, Mess. Arg. A., c.1470, 475)

Je vous mettray en tel arroy Que plus ne direz villennie Des haults dieux de la seigneurie. (Myst. st Laur. S.W., 1499, 231)

En piteux arroi

Venez le voir [Villon] en ce piteux arroy, Nobles hommes [les clercs exempts d'impôts et les gueux] , francs de quars et de dix, Qui ne tenez d'empereur ne de roy, Mais seulement de Dieu de Paradiz ; Jeuner lui fault dimenches et merdiz, Dont les dens a plus longues que ratteaux (Villon, Poèmes variés R.H., c.1456-1463, 68)

Ha, Judas, ha, povre Judas Tu es en bien piteux arroy ! (Michel, Myst. Pass. J., 1486, 33)

Voicy le roy de Rommanie Lequel estoit de vostre loy, Qui est mort en piteux arroy. (Myst. st Laur. S.W., 1499, 187)

(En) pauvre arroi

[Au début de la bataille de Crécy, un chevalier qui avait donné de bons conseils se désole qu'on ne les ait pas suivis] Sire, (...) il est tout bas vespres, et si avons le solel en l'oel. Et sont li nostre de povre arroi, car il entrerent ou tret des archiers, et s'en vont perdre sans raison, et puisque la cose est conmencie, on n'i puet remediier. (Froiss., Chron. D., p.1400, 730)

6.Ce qui est arrangé, ordonné ; dispositif.

Lors Desir comme diligent Fist faire ung champ de cor en cor Pavé de fins tappis d'argent A doubles lices de fin or ; Oncques Nabugodonosor Qui sur tous fut ung riche roy N'amassa sy noble tresor Comme estoit ce gentil arroy. (Taillev., Deb. cuer ueil D., c.1444, 209)

Piteux arroi :

Dedans mon jardin de Pensee, Avecques mon cueur, seul entray. (...) En gast, fleurs et arbres trouvay. Lors au jardinier demanday Se Desplaisance maleuree, Par tempeste, vent ou nuee, Avoir fait tel piteux array (CH. D'ORLÉANS, Rond. C., 1443-1460, 438)

B. -[À propos d'une pers.] Manière d'être ou d'agir (généralement avec une valeur positive).

1.Manière d'être, contenance, prestance.

Ha ! Dames, se j'ai Mespris, je vous crie merchi (...) Je vous voi si biel pourveües De sens, d'arroi et de maniere Que vous recevrés ma priiere (Froiss., Par. am., c.1361-1362, 46)

Et le veoit jone et gentille, Sage en maintien et en arroi (Froiss., Méliad. L., t.1, 1373-1388, 49)

[Lors du retour de la reine à Londres, Jean de Hainnaut] fu moult prissiés en arroi, en personne et en contenance. (Froiss., Chron. D., p.1400, 93)

Jamais ne leur tendroit raison Richesce en cellui estat, S'ilz ne sont remis en estat (...) En riens ne prisast leur arroy (Chr. Piz., M.F., I, 1400-1403, 66)

...sanz tarder, Vint la roÿne celle part, Qui de beauté ot si grant part, De sens, d'arroy et de maniere (Chr. Piz., M.F., II, 1400-1403, 267)

Et seront ceulx fuitifz trouvez (...), Dont les derrois, Les pou arrestez desarrois, Cuer mat soubz orgueilleux arrois, Ont deceu et dames et roys. (Chart., L. Dames, 1416, 281)

M'en entray ung peu plus avant Pour mieulx savoir de son arroy : J'y trouvay ung gentil gallant (Chans. XVe s. P., c.1430-1500, 80)

[Souvent avec un adj. à valeur positive]

Lors firent de Salomon roy, Cui Dieu donna si grant arroy Que puis que Adam fu formé, Ne fu de sens sy aorné, Fors Absalon tout seulement (Renart contref. R.L., t.1, 1328-1342, 45)

Sire, tant oy dire de bien dou roy, Tant est sages, preus et de bon arroy, Que je l'acort. (Mach., J. R. Beh., c.1340, 108)

...il fu fils le roy, Preuz, vaillans, et de bel arroy. (Mach., J. R. Nav., 1349, 230)

Tantost après vi une famme Plus belle et de plus noble arroy C'onques ne fu femme de roy. (Mir. march. larr., c.1349, 116)

Pour ce que tu es filz de roy Et que tu es de bel arroy, Un pou t'aprendray du mestier Qui affiert a bon fauconnier (La Buigne, Rom. deduis B., 1359-1377, 109)

Qui est celle De si noble et si friche arroi... ? (Froiss., Joli buiss. F., 1373, 69)

Maniere en plaisant arroi Est forment recommendee En dame, (Froiss., Joli buiss. F., 1373, 152)

...le plaisant viaire Simple et coy, Le gent corps, le bel arroy De ma dame debonaire A loisir remir et voy (Mach., Lays, 1377, 452)

Mais j'ay trop bien trouvé, chier sire, Un homme de si bel arroy Qu'il semble que se soit un roy, Tant est bel et de bel maintien, Et ses gens, ce vous di je bien (Mir. fille roy, c.1379, 64)

Apparent est par celui roi Qui tant estoit de fier arroi Q'il n'avoit doute de nul homme (Héraut Chandos, Vie Prince Noir T., c.1385, 96)

Gardez dont, belle seur, que voz cheveux, vostre coiffe, vostre couvrechief et vostre chapperon, et le surplus de voz atours soient bien arengeement et simplement ordonnez, et tellement que aucuns de ceulx qui vous verront ne s'en puissent rire ne moquer. Mais doit l'en faire de vous exemple de bon arroy, de simplesse et de honnesteté a toutes les autres. (Ménagier Paris B.F., c.1392-1394, 10)

Thideüs (...) Qui moult ert de courtois arroy Et trop amoit de grant amour Pollinicés, et le demour Lui conseille (Chr. Piz., M.F., II, 1400-1403, 302)

Je la voy de si noble arroy Com s'elle estoit fille de roy (Coudrette, Mélus. R., c.1401-1402, 142)

Ce semblent gens de noble arroy. (Gréban, Pass. J., c.1450, 80)

[À propos d'une figure du jeu d'échecs]

Elle fit son päon salir Et sa fierge tres avenant Pour parfaire le remanant. Quant ordené les ot a point, Elle, dont je ne me plains point, Du päonnet de bel arroy Me vint dire eschec a mon roy (Echecs amour. K., c.1370-1380, 138)

[Plus rarement, avec un adj. à valeur nég.]

Mal arroi

Or vous ay en brief racontee L'istoire, que j'oz moult nottee, En regardant en la paroy De Fortune de mal arroy (Chr. Piz., M.F., III, 1400-1403, 160)

Meschant arroi

Car vos trois meschans chevaliers, Meschans et de meschant arroy... (Gréban, Pass. J., c.1450, 429)

2.Manière d'agir, conduite, action.

Dou pays parti quant fu tamps, D'Amours le droit arroi sentans [Éd. : «règle»] . (Froiss., Espin. amour. F., c.1369, 120)

Cil par son arroy Me sachera hors des entrailles (Percef. IV, R., c.1450 [c.1340], 925)

Aristote, qui gouvrenoit le roy Alixandre par son sens tant prudent, S'il fut submis a ung grant desarroy Par sot plaisir et son lubricque arroy, Fault il dire, par ung vray jugement, Que la femme le dechupt faulsement ? (Michault, Procès honn. F., p.1461, 56)

En peine, travail et soucy Nous as mis par ton faulx arroy. (Myst. Pass. Troyes B., a.1482, 22)

Piteux arroi

Demenez lamentacion, Anges, et tres piteux arroy Pour la mort de vostre bon roy (Gréban, Pass. J., c.1450, 348)

Puant arroi

Tantost les orrez descliquer Leur gorge d'ung puant arroy (Rivière, Nef folz D., 1497, 613)

Au pluriel.

La fu Brichemer en deduit ; Avec les biches va en ruit, Et fu de septembre le mois Que joye ont en tous leurz arrois. (Renart contref. R.L., t.2, 1328-1342, 79)

Et, aprés, la nativité Vous fut monstree et les arroiz Des pastoureaulx et des trois roys (Gréban, Pass. J., c.1450, 136)

3.Contenance, assurance, réserve.

En ce temps en Grece ot ung roy Sage, courtois et plain d'arroy. (Renart contref. R.L., t.1, 1328-1342, 97)

S'on s'agenoulle devant toi Gard bien et ensieu sans desroi, Que ja ne le faiches lever Ainchois aies en toi arroi. (Jean De Le Mote, Voie d'enfer P., 1340, 31)

Car vostre amour m'a saisi Et si navré Que j'en perch sens et arroi. (Froiss., Joli buiss. F., 1373, 134)

[Néanmoins, le roi Philippe VI engage la bataille] se li mua li sans, car moult les avoit encargiet en grant haine, et perdi tout pourpos et arrois (...), et dist tout en hault : 'Par m'ame et par mon corps, je voi mes ennemis, mais je les voel aller conbatre...' (Froiss., Chron. D., p.1400, 727)

Sans arroi. Sans réserve.

Nompas si ouvertement Souspirer Et dementer Sans nul arroy. (Mach., Lays, 1377, 440)

4.État, rang.

De grand arroi

Il en y a une autre après En Boesme, fille du roy, Qui est homme de grant arroy, Puissant et noble. (Mir. ste Bauth., c.1376, 83)

Il est honme de grant arroy Et a mainctez gens dessoubz soy. Pour ce a tous je vous conmande Que tous ceulx qui sont soubz sa bande Vous tuhez et mectez a mort. (Pac. Job M., c.1448-1478, 261)

Noble arroi

J'ay circuy ja longuement La terre, pour trouver ung roy, Lequel est né nouvellement Pour adorer son noble arroy. (Myst. Rois A., c.1480-1500, 525)

De moindre arroi

Fille, vous estes de grant bien Et issue de grant lignie, S'en doit mieuls estre en vous lignie La parolle dou divin roi Qu'en nulle aultre de mendre arroi (Froiss., Dits Débats F., 1363-1393, 124)

De gentil arroi. De noble lignée.

Bien doy loer (...) La doulce vierge debonnaire, Qui tant m'a volu d'onneur faire (...) que j'avray roy A mari de gentil arroy (Mir. femme roy Port., c.1342, 166)

Ha, fille de roy De gentil arroy... (Taillev., Lai mort Cath. Fr. D., 1446, 244)

Au pluriel.

La est la vie de chacuns Empereurs et princes et roys, Et leurs estas, et leurs arrois Pourtraict (Chr. Piz., M.F., II, 1400-1403, 101)

C. -Apparat, magnificence.

...il n'est mie orendroit poins De faire noces ne l'arroy Tel conme il appartient a roy. (Mir. femme roy Port., c.1342, 181)

...que cele destruccion vendroit dont les causes estoient 'argent et or des convoiteux, array des clers trop curieux, arrogances des orgueilleux'. (Foul., Policrat. B., I, 1372, 83)

La n'ara pité nul opprobre Ne signourie point d'arroi (Froiss., Joli buiss. F., 1373, 75)

Hé Amours ! Amours nostre roy Et dieu terijen ! par l'aroy De vo noble et puissant demainne, Et qui sur creature humaine Devez avoir audition Qui par l'imagination De leur desir vous font honmage Et a vo pretieux ymage, Je vous suply tres humblement Que veulliés amiablement Entendre ma petition (Livre amour. all. F., c.1398-1430, 79)

JUDA. Si nous fault il sçavoir comment Nous pourrons congnoistre ce roy, Affin qu'il soit mis en arroy Et eslevé du premier sault. (Myst. Viel test. R., t.4, c.1450, 87)

Par arroi. En grande pompe.

Et ainsi, se nous concedons Qu'il soit Crist, mal y procedons Se nous ne venons par arroy Le prendre et faire nostre roy En fourme et vraye obeïssance [Éd. : «avec des soldats»] . (Gréban, Pass. J., c.1450, 208)

Et ainsi, se nous entendons Qu'il soit Crist, mal y procedons Se nous ne venons par arroy Le prendre et faire nostre roy En ferme et vraye obeïssance. (Myst. Pass. Troyes B., a.1482, 531)

Sans arroi. Sans apparat, sans pompe.

Dont tous les jours en requoy, Sans arroy, En guises plus de cinquante Me desvoy. (Mach., Lays, 1377, 355)

Vo mieulx vaillant portez tousjours honneur, A vo pareil parlez sans mais aroy Et au petit ne faittes ja anoy (Percef. lyr. L., c.1450 [c.1340], 70)

Faire qqc. de grant arroi. Faire solennellement qqc..

Encor le royaulme des cieulx Est fait semblable a ung grant roy Qui les nopces de grant arroy Fist pour son filz metre en honneurs. (Gréban, Pass. J., c.1450, 226)

D. -[Sens plus concr.]

1.Tout ce qui contribue à la prestance, à la bonne apparence, au prestige de qqn.

a)Train, équipage.

Comptant par ledit Jehan Luissier, par assignacion des diz trésoriers, pour quérir et achater vaisselle d'or et d'argent neccessaire pour l'estat et arroy de madicte dame la royne de Navarre (Comptes argent. rois Fr. D.-A., I, 1352, 81)

Ce nous sambloit c'oncquez n'aviesmes En telle ordonnance veües, Ne en tel atour congneües. Toutes estoient d'un arroy, Bien sambloient filles a roy (Livre amour. all. F., c.1398-1430, 6)

[Dans une représentation théâtrale] Disons que, ja soit ce que ce mistere fust celebré principalment par la misericorde piteuse de Nostre Seigneur, neantmoins Nostre Dame ot son temple et sa sale et son arroy et ordonnance comme il appartenoit a telz ouvragez tant merveileuz (Gers., Annonc., a.1400, 232)

Au pluriel.

Nous demorrons chi, atendans le roi et ses arrois (Froiss., Chron. D., p.1400, 725)

[Souvent avec un adj. à valeur positive]

Mes gens, metez vous en conroy Et en tres gratieux aroy Pour aller aveuc Franc Volloir (Livre amour. all. F., c.1398-1430, 43)

Parquoy soudain les seigneurs de l'eglise Et plusieurs autres a tout reliquïaires, Torches, flambeaulx, chandelles, luminaires, En grant triumphe et merveilleux arroy, Vindrent trestous jusqu'au logis du roy (La Vigne, V.N., p.1495, 243)

(En) bel arroi

...li enffant aloient a moult noble conroit (...) Et en moult biel estat et en moult biel aroit (Flor. Rome W., c.1330-1400, 152)

La roynne fu a palefroi Aournee de si noble atour, Que tout li monde[s] est entour Pour regarder son bel aroi. (Dame Lycorne G., c.1349-1350, 228)

Ce jour furent il sus les camps (...), si bien armé, si bien ordonné et en si tres biel arroi que grant biauté et plaisance estoit et fu dou veoir. (Froiss., Chron. D., p.1400, 335)

Nous sunmez tous en bel arroy : Chevauchons toust par ce chemin. (Pac. Job M., c.1448-1478, 248)

Chascun se mette en bel arroy, Prenons des paulmes beaulx rinceaulx, Draps doréz exquis et nouveaulx Et les estendons en la place Affin que l'asne dessus passe Du vray redempteur d'Israel. (Gréban, Pass. J., c.1450, 215)

Le IIJe jour d'icelle sepmaine vint en moult bel arroy le seigneur de Cliffort (La Sale, J.S., 1456, 177)

Et, quant ilz furent aux champs, ilz virent le duc Baudouin et les siens bien ordonnez, dont fort le priserent. Et aussi estoit-il fort à priser ; car il estoit en moult bel arroy et avoit belle et grosse compaignie avec lui. (Bueil, I, 1461-1466, 212)

(En) bon arroi

...il vinrent tout en bon arroi, et le plus vestis des draps de la livree que li contes donnoit (Froiss., Chron. D., p.1400, 59)

Car jennes gens qui desirent honneur, Quant veoir vont aucun royal seigneur, Ilz se doivent mettre de leur puissance En bon array, car cela les avance Et si les fait estre prisiez des gens, Quant on les voit netz, gracieux et gens. (CH. D'ORLÉANS, Ret. am. C., 1414, 4)

ARGENT. (...) Qu'est ce que vous fault ? dictes ! L'OME. Quoy ? Abillemens friques et gentilz, Pour moy tenir en bon erroy ! (Oliou, Mess. Arg. A., c.1470, 470)

(En / par) grant arroi

Je vous feray estre (...) Enfant de la chappelle au roy, Dont vous pourrez en grant arroy Encor venir. (Mir. st J. Cris., c.1344, 265)

Cil s'en parti qu'il fu delivres, En grant estat, en grant arroy, Si comme consillier dou roy. (Mach., P. Alex., p.1369, 235)

...ly anciens chevaliers Melusigne (...) avoit fait tendre en la pree sur la riviere grant foison de tentes et de paveillons, et avoit envoyé tout environ le pays querre vivres, foings, avoines et toutes pourveances de vivres et de vins, et paioit si largement que on l'en lui admenoit plus largement que il ne lui en failloit. Alain fu tout esbahi quant on lui compta le grant arroy et le grant appareil que ces gens faisoient, et ne scot que penser. (Arras, c.1392-1393, 52)

...il se departirent en grant arroi. Et monstroient bien, a l'estat que il tenoient, que il avoient or et argent assez (Froiss., Chron. D., p.1400, 253)

Li rois d'Engleterre (...) se departi de Gant en grant arroi de charroi et d'ordenance. (Froiss., Chron. D., p.1400, 416)

[Les Englois] se departirent de la chité d'Angouloime en grant estat et arroi (Froiss., Chron. D., p.1400, 658)

Tantost Amour, en grant arroy, Fist assembler son Parlement. En plain conseil mon fait contay (CH. D'ORLÉANS, Songe compl. C., 1437, 111)

(En) noble arroi

Les deux freres vindrent montez sur deux beaux destriers ; et estoit Uriiens tous armez, ainsi qu'il party de la bataille, l'espee toute nue ou poing et Guyon estoit vestu d'un riche drap de Damas bien fourré. Et aloyent par devant eulx XXX. des plus haulx barons en noble arroy (Arras, c.1392-1393, 117)

...la fu venu Layus (...) Avec sa gent, en noble arroy (Chr. Piz., M.F., II, 1400-1403, 288)

...par ce que ailleurs (...) [il est] largement explané quelle magnificence d'estat et de noble arroy ordinairement s'i moustrent [à la fête de l'ordre de la Toison d'or] ... (Chastell., Chron. IV, D., c.1461-1472, 275)

(En) riche arroi

Les amiraus devers le roy Alerent en moult riche arroy. (Mach., P. Alex., p.1369, 134)

Rare. [Avec valeur nég.] Pauvre arroi

Je voy venir en povre arroy Un homme que Dieux a moult chier. (Mir. st J. Cris., c.1344, 282)

b)En particulier. Vêtements.

Porte tousdiz joliz arroy, Soies en l'amoureuse loy Debonnaires, sages, preudoms (Cent ball. R., c.1388-1396, 13)

[Dans un cont. métaph.]

Le premier jour du mois de may, De tanné et de vert perdu, Las ! j'ay trouvé mon cuer vestu, Dieu scet en quel piteux array ! Tantost demandé je lui ay Dont estoit cest abit venu (CH. D'ORLÉANS, Rond. C., 1443-1460, 312)

c)Cortège, escorte.

L'archevesque respondy qu'il feroit bien le messaige. Dont ordonna-il son arroy et se mist au chemin (Froiss., Chron. M., XIV, c.1375-1400, 76)

Tant par fu riche sez arrois Car baniers ot vint et trois. (Héraut Chandos, Vie Prince Noir T., c.1385, 76)

[La comtesse de Montfort, allant en Angleterre] prist son estat au plus courtois que elle pot [et se fait accompagner d'une suite assez importante] (...). Nous laisserons un petit a parler de la ditte contesse de Montfort et de son arroi, et parlerons dou roi d'Engleterre (Froiss., Chron. D., p.1400, 561)

... [des dames] allerent veoir une procession (...). Si monterent a cheval les deux princes et se transporterent en ung lieu devant le palaix la ou ceste solempnité devoit passer, et estoient les dames aux fenestres droit a l'opposite, dont au milieu devoit passer tour [l. tout (?)] cely rice arroy (Chastell., Chron. IV, D., c.1461-1472, 244)

Tu es au lieu tres ententicque Ou gist et repose le roy Des clers, et trestout son arroy. (Feste roys, c.1475-1500, 304)

Je parle de ce que je voy, Je parle des mors et des vifz Et me mesle de tout arroy. (Sots Magn., a.1488, 203)

d)Monture.

Et entra la royne à cheval sur une basse haquenée blanche, la princesse de Piémont sur autre auroy [l. arroy] , et ses deux propres soeurs germaines avecques elle, à multitude d'autres dames et damoiselles de grand estat. (Chastell., Chron. K., t.5, c.1456-1471, 27)

Remarque : Interprétation de N. Dupire, Z. rom. Philol. 60, 1940, 274. L'éd. Kervyn de Lettenhove propose : «Auroy, voiture, coche (d'auriga, cocher, et de là le mot : aurigare, donné par Du Cange)».

2.[Dans le domaine milit.]

a)Équipage de guerre, équipement guerrier.

Ami, Il pert molt bien a vostre aroi, Qu'aves esté en grant tournoi. (Dame Lycorne G., c.1349-1350, 197)

L'an mil .CCC. sissante et uit Fu que passa parmi sa terre Li uns des enfans d'Engleterre, Lions, fils Edouwart le roi, En tres noble et poissant arroi. (Froiss., Pris. am. F., 1372-1373, 47)

b)Troupe qui escorte.

Le duc d'Irlande (...) se mist tout et son arroy sus la riviere de Morughue qui vient d'amont et entra en ung vaissel (Froiss., Chron. M., XIV, c.1375-1400, 74)

Par extension. Troupe.

Amys, toy vieng requerre : Mon filz s'en doit entrer en guerre, A ung tel jour contre le roy Mener sa gent et son arroy. (Renart contref. R.L., t.1, 1328-1342, 28)

N'avés vous en Escoce esté Et la demi an arresté ? En Engleterre et en Norgalles, Ou bien avés eü vos gales ? De la partir, aler a Romme En arroi de souffissant homme ? (Froiss., Dits Débats F., 1363-1393, 181)

Face dont mandement de roi, Viegne s'ent o tout son arroi (Froiss., Pris. am. F., 1372-1373, 139)

...pooient estre en se route et arroy environ sept cens hommes d'armes (Froiss., Chron. L., III, c.1375-1400, 170)

...chevauchierent (...) en ordonnance de bataille en trois arois (Froiss., Chron. M., XII, c.1375-1400, 318)

La tient sige luy noble roi Qui y fuist ove tout son arroy Disept mois en un tenant. (Héraut Chandos, Vie Prince Noir T., c.1385, 59)

Mes enfans, ma joye et confort, Dieu nous a au jour d'uy gardez Et par sa pitié regardez. Au jour d'uy vous avez congneu Comme Laban est survenu Sur nous avec son grant arroy Et nous a prins en desarroy En noz tentores reposans ; Or n'ont ilz esté si ozans De nous donner aucun assault, Car le vray Dieu, qui est la hault, Cella leur avoit deffendu. (Myst. Viel test. R., t.2, c.1450, 248)

Remarque : Lire a la roy 'au filet' ds le passage suiv. : Laisse, dit li chevalier, comme je fis povre esploit Quant j'amenai(t) Lion dou boix ou il estoit. Moult put heur trovai, mez corpz bien l'apersoit. Ma terre m'ait fait vandre, per foid c'est a boin droit Quant pour ung trouvér sus [forme lorraine de 'suis', G. Roques] ensi prins a l'aroy [Éd. : «être ruiné, déconsidéré»]. (Lion Bourges K.P.F., c.1350, 33).