ARDEMMENT

adverbe

[T-L : ardreardammen ; GDC : ardemment ; AND : ardaument ; FEW (XXV, 144a) : ardere ; TLF (III, 450a) : ardemment]

A. -Avec ardeur, avec passion.

Et aussi ceulx qui trop ardanment et sans discrecion se mectent a trop longuement penser a quelque chose, ou par affection desordonne comme sont ceulx qui folement ayment ou charnellement, comme aucunesfois on voit quilz en deuiennent folz et sans raison (Cib., p.1451, 213)

[Dans le domaine de l'amour]

Si se sent ardemment espris D'une douce dame de pris (Mach., D. Aler., a.1349, 262)

Ai my ! Or me font aultrement Amours constraindre, Quant celle qui j'ains ardanment, De tout mon coer, entierement, Ne voelt sa dureté noiant Müer ne fraindre. (Froiss., Par. am., c.1361-1362, 44)

D'autre partie, les joenes sont fais amis legierement et prestement et aimment ardanment ou forment. (Oresme, E.A., c.1370, 418)

Et toutdis regardoit li rois le gentilz dame si ardamment que elle en devenoit toute honteuse et abaudie. (Froiss., Chron. L., II, c.1375-1400, 132)

...le roy Ferrant (...) enama ardamment de forte amour une dame... (Froiss., Chron. M., XII, c.1375-1400, 248)

... [le duc d'Irlande aimait une suivante de sa femme] si ardaument que voulentiers il eust veu qu'il se feust desmariez (Froiss., Chron. M., XIV, c.1375-1400, 46)

Mais cilz qui ha merci, a ce où il tent, Si que Desirs à li plus ne s'apaire Si ardemment ne si desiramment, Eins amenrist et commence à retraire. (Mach., Bal., 1377, 559)

Souvienge toy que vie curial est de la nature des folles et dissolues femmes qui plus cherissent lez derniers venuz, et gettent les bras au col plus ardaument a ceulx qui les pillent et diffament, que a ceulx qui trop les ayment et servent. (Chart., L. Esp., c.1429-1430, 7)

Il n'y a nul tresor qui vaille La grant beaulté qui est en elle. A la veoir prens plaisance telle Que nul ne sauroit estimer ; Brief, je suis contraint de l'aymer Par amours. Quant je voy sa face, Mon cueur tresardemment s'enlace Dedens ma secréte pensée. (Myst. Viel test. R., t.4, c.1450, 174)

[Dans le domaine de la sexualité]

...je vous appreuve que le sexe feminin desire et appete la chose plus ardament que le masculin, se crainte ne moiennoit la influence. (Ev. Quen. II, c.1466-1474, 134)

[Dans le domaine spirituel]

Pour ce que elles durent sans fin et sont les tresors de l'ame qui est perpetuele, et les autres passent si comme fumee, de tant ceulz qui le goust en sentent et assaveurent les desirent ardemment plus que autre chose mondaine ne porroit estre desiree. (Chr. Piz., Trois vertus W.H., c.1405, 11)

La bouche prononce les parolles, maiz Dieu regarde le cueur. Sy doit estre en priant ton affection ardaument desireuse, car nul ottray n'est fait liberaument s'il est demandé non challaument. (Chart., L. Esp., c.1429-1430, 164)

Car je sens en ma char la loy de pechié contredisant a la loy de ma pensee et moy menant comme prisonnier pour obeir a moult de choses en la sensualité ; ne je ne puis a ses passions resister se ta trés sainte grace n'est assistente en mon cuer et ardaument infuse. (Internele consol. P., 1447, 243)

B. -Avec force, avec violence.

L'anemi estoit avec lui, Qui si ardanment le tempta Qu'il m'occist (Mir. st J. Paulu, c.1372, 144)