APPARTENIR

verbe

[T-L : apartenir ; GD : apartenir ; GDC : apartenir ; AND : apurtenir ; DECT : apartenir ; FEW (XXV, 34a) : appertinere ; TLF (III, 275b) : appartenir]

I. -Emploi transitif indirect.

A. -[D'une chose concr. ou abstr.]

1.Appartenir à qqn/estre appartenant à qqn

a)Être la propriété de qqn.

Nous, dist il, sommes pleige et fermances, qui sommes assez souffisant en ce qui nous appartient et en ce que nous povons prester et baillier, ce sont noz corps et noz courages. (Bers., I, 9, c.1354-1359, 9.18, 17)

...un breviaire appartenant audit abbé (Reg. crim. Chât., I, 1389-1392, 213)

...la tour de Tester, à une lieue près de Marcillac, à trois lieues prez de Rodès, laquelle tour lui appartenoit par succession de ses pere et mere (Reg. crim. Chât., I, 1389-1392, 254)

...demanda au dit Thomas dont il luy venoit [un diamant] , et qu'il estoit sien. A quoy le dit Thomas respondit au contraire que non, et que a luy appartenoit. (C.n.n., c.1456-1467, 392)

En particulier. [D'une terre, d'un royaume]

...la duché de Guerles luy retournoit et appartenoit (Froiss., Chron. M., XIV, c.1375-1400, 153)

Les terres que il tenoit deça la mer li estoient bien apertenans (Froiss., Chron. D., p.1400, 337)

...de laquelle chappellanie la collation apartendra au Roy nostre Sire et à ses successeurs Roix de France de plain droit (Baye, II, 1411-1417, 76)

Or te demande je doncques qui est le plus dommageable vice, ou a nous de abuser des estas oultre ce que mesure donne quand ilz nous appartiennent, ou a toy de les prendre telz qu'ilz ne t'appartiennent pas ? (Chart., Q. inv., 1422, 40)

...le royaulme d'Angleterre appartint au roy Charles dernier mort (Juv. Urs., Aud. celi, 1435, 181)

...or faut-il doncques que nous metons peine nous qui sommes ses hommes et ses serviteurs, qu'il ait le tribut de son payz, qui lui appartient, sur quoy nous sommes assignez des gaiges à nous ordonnez. (Bueil, II, 1461-1466, 83)

Il apporta au roy une lettre de deffiance de par ledict roy d'Angleterre (...), requerant au roy qu'il luy rendist le royaume de France qui luy appartenoit (Comm., II, 1489-1491, 31)

Ce neantmoins, ainsi qu'on dit pourtant, Elle [la place du Colisée] appartient et est de droit au roy. (La Vigne, V.N., p.1495, 235)

[D'un animal]

...une estable, en laquelle aussy estoient logiées plusieurs jumens appartenans au seigneur de l'ostel (Reg. crim. Chât., I, 1389-1392, 566)

b)Convenir, être approprié à.

[En vertu d'un mérite, de certaines qualités] Revenir à qqn, lui convenir.

Vos douces et amoureuses paroles, vos riches promesses, que je n'oseroie souhaidier ne desirer pour ce que telz biens n'apartient pas à moi (Mach., Voir, 1364, IV)

A tel prince loz appartient, Qui son peuple aime et en paix tient (Chr. Piz., M.F., I, 1400-1403, 141)

Car, supposé que oncques ne vault triumpher en char a l'entrer de Romme, ains syevy le char a cheval, disant que le triumphe ne appartenoit pas a lui, ains appartenoit a Livius, son compaignon, duquel la victoire avoit esté en son province... (La Sale, Salade, c.1442-1444, 46)

Mais, après que Julles Cesar retourna des parties de France et d'oultre les Alpes, les Rommains, à l'amonnestement du grant Pompée, lui reffuserent les honneurs et les triumphes appartenant à lui à cause des belles conquestes qu'il avoit faittes... (Bueil, I, 1461-1466, 53)

Le premier, croire Dieu estre, et le tiers, croire a Dieu et a ses paroles, apartient et est commun aux bons et aux mauvais, mais le second, croire en Dieu en le amant et tendant en lui par amour, apartient seulement aux bons. (Somme abr., c.1477-1481, 100)

[En vertu d'une essence, d'un état de choses]

Être l'attribut, le propre, l'apanage de.

Autres signes sont qui apartiennent aux haux contemplatifs, desquelz parlent saint Benard et maistre Richart de Saint Victor et autres, mais je les laisse. (Gers., Pent., p.1389, 82)

...quoy que a princes singulierement appartient clemence et debonnaireté, pour ce que puissance fait les seigneuries redoutables (Chart., Q. inv., 1422, 63)

En ce n'a point de repugnance, car Dieu le nous commande adfin que nous ne presumons point a nous devoir convenir ce que a Dieu seulement apartient. (Crap., Cur Deus, De arrha B.H., c.1450-1460, 183)

Et, posé que en guerre ne soient, se yre les surmonte [les princes] , elle leur fera oublier, comme dit ung poete nommé Thobie, justice, honnesteté, clemence, pité et toutes aultres vertus qui a prince appartiennent (Fillastre, Traité Conseil H., c.1472-1473, 245)

Mais ce jugement appartient à Dieu et ne le diz pas pour esclarcir seulement mon propoz, mais pour donner à entendre combien ung bon prince doit fuyr tel vilain tour et desloyaulté (Comm., II, 1489-1491, 140)

Être digne de.

Forment se repent de ce fait, Car c'est chose trop deshonneste Laide, villeinne, et scens de beste ; Ne tel chose à roy n'apartient En nulle maniere. (Mach., P. Alex., p.1369, 262)

...s'autre bien desiroie Que la joie qui me vient De toy, vers toy mesprendroie Et feroie Ce que faire ne devroie Et ce qu'à moy n'apartient. (Mach., Les lays, 1377, 345)

Être imputable à.

Cestui dist que à ung fol nulle euvre ne lui appartient pour ce que de riens ne scet bien user. (Simon De Phares, Astrol., c.1494-1498, f° 60 v°)

[En vertu d'une prérogative, d'une fonction] Être le propre de qqn, relever de qqn.

Et dit que le matin partir il se voulra, Et qu'il ait tel harnois qu'a lui appartendra. (Ren. Gennes D.B., c.1350-1400, 92)

Amis, je te dy sanz doubtance, Tel estat ne t'apartient pas. (Mir. parr., 1356, 64)

...et toutevoye par les ordonnances royaulx a vous [le roi] seul appartient la creacion des notaires. (Juv. Urs., Verba, 1452, 347)

...es ordonnances royaulx est contenu que a l'esglise en appartient la congnoissance et non au roy. (Juv. Urs., Verba, 1452, 382)

...servoit sa parroiche, chantoit messe et faisoit les aultres choses appartenant a curé. (C.n.n., c.1456-1467, 531)

2.Appartenir à qqc.

a)[D'un domaine] Faire partie d'un autre domaine.

...le Roy R[ichard] par ses lettres patentes granta a dite sire Gilbert et a Johane (...) le manoir de Neutoun Longevile ove touz les appurtenances et toutes autres manoirs, terres, prees, rentz, boys, molyns, porcions, droitures, seigneuries, issues, emolementz, revercions, hertages, a le priorie de seinte Foy de Longevyle appurtenanz (Lettres agn. L., 1412, 14)

b)[D'une chose concr. ou abstr.] Faire partie d'un ensemble d'éléments propres à un métier, un objet, une situation....

...des besoignes qui appartenoient à médicines (Froiss., Chron. M., XIV, c.1375-1400, 104)

...coses necessaires et appartenans à guerre (Froiss., Chron. R., XI, c.1375-1400, 199)

...tous les faiz ordonner Qui au commun gouvernement De maison sont appartenent (Desch., M.M., c.1385-1403, 137)

...toutes coses que a la feste pooit ou devoit apertenir (Froiss., Chron. D., p.1400, 155)

...ce que a son hiretage apertenoit (Froiss., Chron. D., p.1400, 465)

...toutes coses necessaires apertenans a une hoost (Froiss., Chron. D., p.1400, 746)

...et signera le greffier criminel les arrests, lettres et autres choses appartenans à l'office dudit greffier civil durant sadicte absence. (Fauq., III, 1431-1435, 169)

...et [certains prélats] ne yront ja en leurs esglises pour faire le cresme, les ordres et aultres choses appartenans a leur office et estat. (Juv. Urs., Nescio, 1445, 509)

Et là pareillement fut ordonné comme devant de l'asseurement de la compaignie et du logeiz, du guet et des escoutes, des barrieres et de tout ce qui appartenoit au cas. (Bueil, II, 1461-1466, 86)

Sur ce se commencerent toutes a elles lever et prendre leurs quenoilles, fuiseaux, fuseez, hepples, vertoiles, tourés et aultres bagaiges appartenans a l'art de filerie, pour elles retourner chascune a sa chascune. (Ev. Quen. I, c.1466-1474, 99)

'Aux aucuns est donné le sermon de sapience' pour parler des choses contemplatives et espiritueles. Aux aultres est donné 'le sermon de science' pour parler des choses temporeles et actives apartenans a la vie active. (Somme abr., c.1477-1481, 147)

c)Convenir à. ; être en rapport de convenance avec.

Ne la victoire appartenir Ne puet a la desconfiture (Mach., C. ami, 1357, 113)

Et endementiers la dame fist son appareil en la praierie dessus la fontaine, si grant et si noble qu'a dire voir, rien n'y failloit de chose qui appartenist a honnour, et feust pour recevoir un roy atout son estat et vous en parleray ça avant plus plainement. (Arras, c.1392-1393, 37)

Dit Vegece qu'en hault courage Point n'appartient orgueil (Chr. Piz., M.F., II, 1400-1403, 35)

Ypostasis selon le grec et subsistence selon le latin dist et signifie une chose distinguibile, c'est a dire une chose qui se puet distinguier et estre separee et a par elle, mais point n'est distincte ne determinee par aucune proprieté [...] apartenante a la dignité d'elle, come Pierre, qui est ung nom propre. (Somme abr., c.1477-1481, 129)

d)Relever d'(un domaine abstrait).

Et se vous dites que le pueple rommain n'apreuve mie ce que ses legions ont esté gardees par pays honteuse et inique, restitue donques les legions prises et desconfites en la main du victeur ! Car certes ce appartient aus drois des aliances, des feciaulz et des cerimonies et de foy et de loyaulté. (Bers., I, 9, c.1354-1359, 11.8, 20)

Une autre chose avint en celui an qui de soy fu assez petite, mais toutesfois fu elle appartenant a religion et aus coustivemens des dieux. (Bers., I, 9, c.1354-1359, 30.5, 54)

Car il n'est riens, qui à mal apparteingne, Qui en mon cuer ne soit (Mach., L. dames, 1377, 48)

Et ce n'appartient pas tant a philosophie comme fait savoir comment Dieu et les choses incorporelles sont en lieu, car si comme il appert yci par Averroïz, touz dient que Dieu est ou ciel comme en son lieu. (Oresme, C.M., c.1377, 278)

e)Emploi absolu.

Convenir (dans une situation donnée).

Alors le trenchecoille le mect a point du surplus qui en tel cas appartient (C.n.n., c.1456-1467, 405)

Être légitime, pertinent.

LE SAINT PERE, octroiant unes bulles faintives [au marquis qui veut changer de femme] . Ne requerez qui n'appartiegne ['vous ne demandez rien qui ne soit légitime'] (Gris., 1395, 73)

3.Appartenir (à) + inf.

a)Appartenir + inf. passif. Devoir' + inf..

Modus respont : 'Toutes choses appartiennent estre fait par moi ou en mon nom, ou autrement, se la parole n'estoit par moi ordenee, ce seroit confusion a celui qui la diroit...' (Henri Ferr., Modus et Ratio, Livre deduis T., c.1354-1377, 15)

b)Appartenir à estre/faire. Devoir exister, devoir être fait.

...a ce que nous povons percevoir de son estat et maintieng d'elle [Mélusine] , il convient qu'elle soit yssue de moult noble lieu. Et la cause qui nous muet de le voulentiers savoir, c'est pour ce que nous ne mespresissiemes pas de lui faire l'onneur qui lui appertient a faire, et c'est la cause qui nous muet de le voulentiers savoir. (Arras, c.1392-1393, 43)

Et furent toutes ordenances aministrees, qui apertenoient a estre et a avoir (Froiss., Chron. D., p.1400, 102)

...il fu recheus a toutes les solempnités qui i apertenoient à estre et à faire (Froiss., Chron. D., p.1400, 481)

c)Appartenir à + inf. actif. Être approprié pour.

Et autre chose ne print en ycelle aumaille, jà soit ce qu'il y eust plusieurs biens, comme aournemens appartenans à une eglise, chasubles et autres choses appartenans à dire et chanter messe. (Reg. crim. Chât., I, 1389-1392, 6)

B. -[D'une pers.]

1.Appartenir à qqn. Être lié à qqn par des liens de parenté.

Trais tost arier[e], ou tu avras hontaige ! L'estour feray contre le paien. Miedre de toy, de corps et de lingnie suis et plus que homme qui toy appartiengne. (JEAN D'OUTREM., Myr. histors G., a.1400, 47)

La belle Mirro y estoit avec aultres [princesses et dames] , a cause du roy Polus qui lui appartenoit par lignage. (LEFÈVRE (R.), Hist. Jason P., c.1460, 229)

...tous les maris de mes consanguines me sont affins et parents au premier genre d'affinité et en ces degrés en quelz leurs femmes me attiennent et apartiennent. Car s'aucune m'est affine au second degré de consanguinité, son mari m'est affin au premier genre d'affinité et au second degré. (Sacr. mar., c.1477-1481, 74)

2.Appartenir à qqc. Faire partie de, ressortir à qqc..

Et se nous disons qu'il fit nouvel homme, icelui ne fut pas de la lignie de Adam et, par consequent, il n'appartient de rien a humain lignage qui est descendus de Adam (Crap., Cur Deus, De arrha B.H., c.1450-1460, 214)

C. -Emploi impersonnel.

1.Il appartient. C'est juste, convenable ; il le faut.

LE CHASTELLAIN. (...) si devisons En quelle guise ouvrer pourrons Pour nostre honneur. LA CHASTELLAINE. Vous dites bien, mon chier seigneur : Il appartient. (Mir. femme roy Port., c.1342, 166)

Aussi feray j'et porteray Ce vaissel honnorablement. Il appartient bien vraiement, C'est chose digne. (Mir. ev. N.D., c.1348, 78)

Mon seigneur, vo vouloir ferons, Il appartient. (Mir. enf. ress., 1353, 76)

Je feray ce qui vous plaira, Sire, il appartient et est droiz. (Mir. Pierre Changeur, c.1378, 289)

Mere, ne vous desconfortez mie, Il n'apartient pas, levez sus, Venez seoir lez moy, ça dessus. Vostre vouloir sy est le mien (Mir. ste Genev. S., c.1410-1420, 82)

LE SECOND BERGIER. Ha, par Nostre Dame, Ung truant infame Gouvernera tout. LE TIERS. Il n'apartient pas. C'est aux trois estatz De tout gouverner. (Berg. agn. France L., 1485, 28)

Comme/ainsi qu'il appartient. Comme il convient (au regard de l'étiquette, de la situation...).

Je ne sui mie telz ne si sages que je vous sceüsse mercier ainsi comme il apartient de vos douces, courtoises et amiables escriptures (Mach., Voir, 1364, IV)

Et le lendemain vindrent ensemble a Saint Ylaire, et la fist on le service divin. Et la fut le jeune conte en estat de chanoine, comme leur abbés, et fist son deu comme il appertient. (Arras, c.1392-1393, 32)

Et [Eudes] fu porté ensevelir a Poictiers, en l'abbaye de Moustier Nuef, et fu fait son obseque moult richement, si comme il appertenoit. (Arras, c.1392-1393, 261)

[Le comte et la comtesse de Hainaut accueillent la reine d'Angleterre] moult doucement (...) ensi comme il apertenoit et que bien le sceurent faire. (Froiss., Chron. D., p.1400, 66)

Esperancë en vostre entendement Ayez tousjours a Dieu tant seullement (...) Contenez vous commë il appartient. (Régn., F.A., 1432-c.1465, 39)

Lors hastivement s'en va au roy et incontinent a genoulz se mist et lui fait sa priere ainsin qu'il appartenoit. (La Sale, J.S., 1456, 147)

Et elle, comme sage et bien aprinse, luy fist honneur et la reverence, comme il appartenoit. (C.n.n., c.1456-1467, 38)

Puis dist le Cappitaine au Mareschal : 'Or avant je vous prie que, le jour venu, vous façiez bonne diligence et que plus n'en soit parlé jusques au faire, adfin que aucun ne s'en apparçoive. Et le Jouvencel et moy ferons de nostre costé ainsi qu'il appartendra...' (Bueil, I, 1461-1466, 83)

...jugemens, confiscations et autres exploix de justice et de guerre, selon la teneur de sondit povoir, et icelles excecutées et fait excecuter, ainsi que en tel cas apartient. (Le Clerc, Interp. Roye, c.1502, 254)

Plus qu'il n'appartient. Plus qu'il ne convient.

Car telz honeurs mendres ou moiens, l'en les puet appeter et querir plus ou moins que il n'appartient. (Oresme, E.A., c.1370, 166)

Madame, vous soiés la tres bien venue ; et pour ce venés franchement avant et ne doubtés point le chemin plus qu'il n'appartient. (Percef. IV, R., c.1450 [c.1340], 556)

2.Il appartient à qqn/il est appartenant à qqn/il appartient à qqc.

a)Il appartient à qqn/il est appartenant à qqn

Cela convient à qqn (en vertu de son rang, de sa fonction).

...il n'est mie orendroit poins De faire noces ne l'arroy Tel conme il appartient a roy. (Mir. femme roy Port., c.1342, 181)

...se marier se vouloit Et il autant m'apertenoit Conme a vous, je la requerroye Pour lui (Mir. chan., c.1361, 149)

...comme il appartient a fame Venue de noble paraige (Desch., M.M., c.1385-1403, 45)

Maistre, puis que cest jeune damoiseau est frere du mary de ma niepce, je seroye mal courtoiz, puisqu'il est embatuz en nostre terre, se nous ne lui faisions recongnoissance si honnourable comme il lui appertient. (Arras, c.1392-1393, 125)

Beaulx seigneurs, je vous recommande ma terre et la vostre, et en faictes ainsi qu'il vous semblera pour le mieulx a l'onneur de moy et de vous ; car sachiez de certain, pour en mourir ne pour en estre desheritee, je n'auray ja le roy d'Aussay a mary, non pas que il ne vaille mieulx que a moy n'appertiengne, mais pour tant qu'il me veult avoir par force. (Arras, c.1392-1393, 148)

...il fist faire robes de hermite pour lui, pluseurs et moult simples, et pour son chapellain et pour son clerc, telles qu'il leur appertenoit. (Arras, c.1392-1393, 271)

Nostre chiere dame honnouree, Que toutes devons honnourer, Desvestir vous fault et parer De ceste escarlate vermeille, Car vostre beauté nonpareille Serra mieux en ce noble habit Qu'elle ne feroit en petit ; Et bien certes vous appartient, Car ceste honneur ne vous avient Fors pour le bien qui est en vous. (Gris., 1395, 39)

...et vous remercie de l'onneur qu'il vous a pleu me faire de m'avoir baillé si honnorable charge que vous avés fait, car il ne me appartenoit pas. (Rambaux Frise S., c.1450-1475, 62)

Cela est du ressort de qqn.

Mieulx vault vivre soubz groz bureau Pouvre (...) Qu'avoir esté seigneur... Que dis [tu, mon coeur] ? Seigneur, lasse ! ne l'est il mais ? Selon les davitiques diz Son lieu ne congnoistra jamaiz. Quant du seurplus, je m'en desmez : Il n'appartient a moy, pecheur : Aux theologiens le remectz, Car c'est office de prescheur. (Villon, Test. R.H., 1461-1462, 41)

b)Il appartient à qqc. Cela est lié à qqc..

Monseigneur, dist le forestier, a vostre plaisir. Ainsi se party du conte, et appresta tout ce qu'il appertenoit pour la chasse au jour que le conte lui avoit ordonné. (Arras, c.1392-1393, 18)

...se tenir Le peut (...) comme apartenir Doit a sa cruaulté, mourra (Chr. Piz., M.F., IV, 1400-1403, 21)

(Comme) au cas appartient. Comme cela est exigé, voulu par l'affaire, le délit.

Et ses choses furent signifiés à maistre Jehan Melot, prometeur dudit office, affin d'y pourveoir comme au cas appartendra par raison. (Reg. crim. Chât., I, 1389-1392, 246)

...l'en ne le povoit espargnier que de lui ne feust faite justice tele comme au cas appartient, c'est assavoir d'estre pendu. (Reg. crim. Chât., II, 1389-1392, 15)

...et, s'aucuns en treuve qui en soient chargez ou coulpables, de les prendre ou faire prendre au corps et leurs complices, ensemble tous leurs biens meubles et immeubles, et d'en faire telle pugnition qu'il verra au cas appartenir. (Le Clerc, Interp. Roye, c.1502, 229)

3.Il appartient + subst./pron.

Il appartient qqn. Qqn convient, est approprié.

...encontre bon demandeur Appartient bon escondisseur. (Mach., R. Fort., c.1341, 139)

...lesdiz des Comptes et Tresoriers et autres qu'il appartendra feront bonnes lettres et seureté ausdictes personnes pour recouvrer les sommes dessusdictes (Fauq., I, 1417-1420, 8)

Ce qu'il appartient (à qqn). Ce qui convient (à qqn).

Et quant tout ot fait par mesure, Sur le monde establi Nature, Selon ce qu'il apartiendroit, Et le cours comment il iroit (Renart contref. R.L., t.1, 1328-1342, 69)

...faire ce que il appartient et qu'il est de necessité (Froiss., Chron. R., XI, c.1375-1400, 5)

...lequel a dit qu'il fera tousjours ce qu'il lui apartendra à cause de son office à ce que lui sera ordonné et commendé de par la Court. (Baye, I, 1400-1410, 344)

Il appartient qqc. à qqn/qqc.

Il appartient qqc. à qqn. Qqc. revient à qqn, lui est dû.

Et la chose de ce monde par quoy j'ay plus de fiance en Dieu que mon cas se portera bien, c'est que je n'ay trompé nullui, et beaucoup de gens m'ont trompé. Et je vous certifie, mon filz, que je ne vous tromperay point. Aussi j'ay fiance que non ferez-vous moy ; car aux aultres hommes, de degré en degré chascun en son estat, il appartient foy comme aux roys. (Bueil, II, 1461-1466, 182)

Il appartient qqc. à qqc. Qqc. convient à qqc..

Vostre lieu est tout assigné S'ay tenu lictz et oratoires Et fait telles preparatoires Qu'il appartient a vostre estat. (Gréban, Pass. J., c.1450, 93)

Et doibvent tous [les canons] estre estoffez de piez de bois et de ce qu'il y appartient. (Bueil, II, 1461-1466, 47)

4.Il appartient (de/à) + inf. ; il est appartenant de + inf. Il convient de.

...pour ce, celui qui a science et n'a pas presentement consideracion ou usage d'elle et fait contre ceste science ce que il ne appartenist pas faire, il differe de celui qui a presentement la consideracion et l' usage de tele science. (Oresme, E.A., c.1370, 371)

...donner des dons la ou il apartenroit a faire (Froiss., Chron. D., p.1400, 253)

...et comme a tel luy faisoit la reverence et honneur qu'il appartient faire a roy de France (Juv. Urs., T. crest., c.1446, 39)

Comment se font les miracles. Pour ce que par la divine puissance se font les miracles, pour tant il est appartenant de traicter d'iceulz. (Somme abr., c.1477-1481, 162)

Il appartient à qqn (de/à) + inf.

C'est le rôle, le devoir de qqn de, il revient à qqn de.

...et li leur avoient leur duc moult bien dist que a chevalier appartenoit estre fier et cruel et non mie paré et aourné d'or et d'argent mes armé et avironné de fer et de courage (Bers., I, 9, c.1354-1359, 40.4, 73)

Et en celle meïsme maniere doit recevoir l'auditeur les choses dessus dictes, pour ce que il appartient a tout homme bien discipliné enquerir de chascune chose la certainneté selon la maniere et en tant comme la nature de elle le puet recevoir et le requiert. (Oresme, E.A., c.1370, 107)

... [le duc de Bretagne fit entrer les ambassadeurs du roi de France] et puis parla, car à luy il appartenoit de parler (Froiss., Chron. M., XIV, c.1375-1400, 16)

Haa, monseigneur, pour Dieu, laissiez telz choses ester. Il n'appertient point a si hault prince comme vous estes, mettre cure de enquerre de telz ars, ne de telz choses. (Arras, c.1392-1393, 20)

La mineur si est que (...) ne compette ou appartiengne a aucun juge ecclesiastique de congnoistre et ordonner (...) des contrais fais entre les personnes layes (Juv. Urs., Verba, 1452, 362)

...veu que il [un archevêque] estoit personne ecclesiastique (...) et que a luy ne appartenoit a dire oppinion prefixe (Juv. Urs., Exort., 1458, 409)

...il appartient aux roys de soustenir droicture et justice et de remettre les aultres roys et princes en leurs vrayes et justes possessions, quant on leur en tient à tort. (Bueil, II, 1461-1466, 156)

...et chascun disoit que à luy appartenoit de mener l'avangarde. (Comm., III, 1495-1498, 176)

C'est le privilège, l'apanage de qqn de.

...combien que au greffier premierement et principalment appartiengne de signer les arrestz, appoinctements et ordonnances de ladicte Court (Fauq., II, 1421-1430, 167)

Lui seul congnoist toutes choses subjectes au franc vouloir, qui se dist le 'liber arbitre', et les cogitations des hommes lui seul congnoist soy mesmes. Item a lui seul apartient par tout estre present, creer les choses de neent, faire et ouvrer en ung moment et en ouvrant estre en repoz (Somme abr., c.1477-1481, 149)

Il est convenable pour qqn de.

T'apartient il de Mahommet desdire Et detracter sa grant prehemynence ? (La Vigne, S.M., 1496, 143)

Il est appartenant à qqn (de) + inf. Il est important pour qqn de.

Virginité si a dit que moins n'estoit appartenant au vray Filz de Dieu avoir mere toudis vierge, especialment que point n'ayt esté violee par pechié quant a l'ame, que l'avoir vierge corporelment, de tant que virginité et intégrité de l'ame est plus noble et parfaicte que celle du corps. (Gers., Concept., 1401, 401)

[Avec un inf. subst.]

PREMIER CHANOINE. A l'arcediacre du dire En appartient. L'ARCEDIACRE. Vous dites voir (Mir. ev. arced., c.1341, 122)

Il appartient à qqc. (de) + inf. Il revient à qqc. de.

Donques appartient il a science moral considerer de amistié, puisque ce est bien moral. (Oresme, E.A.C., c.1370, 414)

5.Il appartient (à qqn) que + prop. sub.

[Au regard d'une situation] Il convient que.

...s'apartient Que soit fenis Mes cuers et peris (Mach., L. plour, 1349, 290)

Plus n'en di, qu'il n'apartient mie Que je des seigneurs chose die Qui leur puist ou doie desplaire. (Mach., C. ami, 1357, 130)

Il appartient bien que vous les oez et sachiez que il demandent (Froiss., Chron. M., XIV, c.1375-1400, 28)

...il faut et si apertient que nous alons (Froiss., Chron. D., p.1400, 675)

Or appartient que je vous compte la fin de mon emprinse. (C.n.n., c.1456-1467, 459)

Et pour tant il affiert et apartient que la paine soit infinie a perpetuité. Item la mauvaise voulenté des reprouvéz est eternele, pour quoy la paine doibt estre tele. (Somme abr., c.1477-1481, 177)

Pour ce que tu es le mieulx croyant en la loy de Machomet et le plus honnoré des hommes, il n'appartient pas que tu soies nourry de mesme viande que les hommes communs. Pour ce veez cy devant toy la viande que je ordonne de laquelle tu soiez servi et non d'autre. (Simon De Phares, Astrol., c.1494-1498, f° 121 r°)

[Au regard de l'ordre des choses, naturel ou social] Il est normal que, il est conforme à l'ordre des choses que.

HERODES [à Jésus] . (...) Il m'appartient que bon droit rende. Combien que de Juïfz entende Que tu soies bien mauvais hom, Ne te feray je que raison. Or me dy se ta loy nouvelle (Myst. Pass. N.S. R., c.1350-1370, 90)

Et donques ne appartient il pas que homme prudent ignore et ne sache quelles honeurs sunt deus a ses parens ne quelz a sa femme ne quelz sunt propres et avenans a ses enfans afin que parce qu'il retribue a chescun les choses qui sunt siennes, il soit fait juste et saint. (Oresme, Ycon. Arist. M., 1374, 836)

Appartient il c'uns chetis (...) sée a la table Audessus d'un homme honourable ? (Desch., M.M., c.1385-1403, 299)

Et pou me muet ce que allegue Nature, que brehaings et steriles ilz sont, car ta puissance est infinie, et mieulz appartient ce semble, que celle qui doit estre la plus merveilleuse des autres en toute beauté et bonté soit de toy formee merveilleusement et par miracle, que seulement par Nature. (Gers., Concept., 1401, 397)

[C'est un lion qui parle] Adonc dist en soy mesmes : 'Il n'apartient pas que une dent si noble touche a une beste si ville.' Car celluy qui est saige ne doyt blesser le fol ne avoyr cure de ses parolles, mais le fault laysser pour tel qu'il est. (Macho, Esope R., c.1480, 85)

Et, adoncques, le regnard luy respondit : 'Helas ! mon seigneur, il n'appartient point que tu menges le relief de ma table, mais, pour l'onneur de ta noble personne, je te conseilleray bien. Se tu me veulx croire, fay tant que tu trouves ung panier et je te enseigneray comment l'on prent le poisson...' (Macho, Esope R., c.1480, 161)

[C'est le paon qui parle] Ma chair est soefve et par dessus toutes chairs savoureuse et redolente. Pour quoy bien appartient que je soye prince des oyseaulx par dessus tous autres. (Colart Mans., Dial. créat. R., 1482, 180)

...et appartenoit bien que le roy eust assemblé de plus saiges hommes et cappitaines et se conseiller (Comm., III, 1495-1498, 173)

II. -Emploi pronominal. [D'une chose]

A. -[D'une chose] S'appartenir à qqn

1.Être du ressort de qqn.

'Or m'escoutés, seigneurs', dist le Chevalier du Papegau. 'L'aventure du tout s'apertient a moy jusques a tant que je seray retourné a court, et vous estez venus a moy pour me tenir compaignie et pour faire ma voulenté...' (Chev. papegau H., c.1400-1500, 79)

Et la justice de execucion est ceste, laquelle se appartient a tous princes et aultres seigneurs et dames qui ont seignouries a gouverner, pour reduire et maintenir chascun en sa doicte raison (La Sale, Salade, c.1442-1444, 9)

2.Être dû à qqn.

...partout reverence et obeÿssance s'apartiennent aux souverains (La Sale, Sale D., 1451, 98)

3.S'appartenir à qqn de + inf. Être à' + inf..

...lesquelz [exemples] s'appartiennent moult a tous princes de les veoir (La Sale, Sale D., 1451, 85)

B. -Emploi impersonnel.

1.Comme/ainsi qu'il s'appartient. Comme il convient.

Desquelles condempnacions, absolucions ou enquestes soyent fais procès, affin qu'en les puisse jugier, absoldre ou condempner, ainssy que le cas le requerra et esvidanment s'appartendra. (La Sale, Salade, c.1442-1444, 209)

Et bien congnoiz que, ce bien tu le veulx amer comme il s'appartient et garder ton amour sans lesion, il te promet et t'a promis plus grans choses donner et quy sera inestimable. (Crap., Cur Deus, De arrha B.H., c.1450-1460, 276)

2.Il s'appartient que + prop. sub.

Monlt noble est le don et les airres de laquelle il t'a doez, car il ne se appartient point que si grant et puissant seigneur donnast petite chose ; ne saige homme ne donne point grant chose pour ung petit de temps. (Crap., Cur Deus, De arrha B.H., c.1450-1460, 264)

D. -S'appartenir à/contre/de qqn/qqc.

1.Être comparable à qqn/qqc..

...nuls meschiez ne s'apartient Aus grietez que ses cuers soustient (Mach., J. R. Nav., 1349, 208)

Car chilz estoit li fondemens, Tant estoit grans ses hardemens, Qui toute Troye soubstenoit ; Nulz a li ne se apartenoit. (Echecs amour. K., c.1370-1380, 220)

Li rois d'Escoce les entent Volentiers et grans grés en rent Au roy Artus, et dist moult bien Qu'il ne scet nul roy terriien Qui s'apertiegne contre li, Tant a le cuer noble et joli. (Froiss., Méliad. L., t.1, 1373-1388, 94)

... [le roi d'Angleterre raconte à sa femme l'accueil qu'il a reçu en France] comment on l'avoit recueilliet et festiiet grandement, et des honneurs qui estoient en France, asquèles dou faire ne de l'entreprendre à faire, nulz aultres pays ne s'apertient. (Froiss., Chron. L., I, c.1375-1400, 96)

Il vont aus noces par jonesce, Et assamblent par grant leësce ; D'ournemens font grant appareil. Estat n'est a cestui pareil, Estat n'est qui s'i appartiengne. (Le Fèvre, Respit Mort H., 1376-1380, 84)

...adès me souvient De vo fine beauté, que qu'il aveingne, A cui nulle biauté ne s'apartient (Mach., L. dames, 1377, 48)

2.Convenir à qqc..

...pour doubte que les parties estoient de grant lignaige et que par ce aucun inconvenient n'en peust encourir, [le roi] envoya soubdainement fermer les portes, que nulz n'en peust yssir, et garder par gens bien armez ; et puis traist son conseil a part, et leur remonstra la querelle, et ilz lui en conseillerent ce qui s'en appertenoit. (Arras, c.1392-1393, 60)

Et quant se viendra au drecier si prennés vostres poyssons frit et mectés par beaux platz et dudit boullon par dessus, et sy n'y oubliés point la dragiee que s'y appartient. (Chiquart, Cuis. S., 1420, 52)

Ce sont les seremonies et ordonnances qui se appartiennent a gaige de battaille fait par querelle, selon les constitucions faictes par le bon roy Phelipe de France. (La Sale, Salade, c.1442-1444, 208)

Être inhérent à qqc..

Je ne croy point que mortalité s'apartiengne a nature pure, mais s'apartient a nature corruptible ou corrumpue. (Crap., Cur Deus, De arrha B.H., c.1450-1460, 224)

III. -Participe présent en emploi adjectival ou substantival.

A. -Emploi adjectival.

1.Appartenant. Convenable.

a)[Au regard d'une certaine idée des choses, d'une certaine situation]

...ceste guerre entre son fil et son païs estoit mal appartenans et li desplaissoit grandement (Froiss., Chron. R., IX, c.1375-1400, 201)

Je suppose troys choses : primierement, que Diex de sa puissance absolue povet preserver et garder la benoite Vierge de pechié originel. Secondement, que il la povet garder selon la puissance ordenee. Tiercement, je diz que c'estoit chose tres appartena[n]te et tres honeste que il gardat sa benoite Mere de pechié originel. (Songe verg. S., t.2, 1378, 251)

Par ainsy je fine la seconde partie de nostre sermon, et viens a la tierce que je despescheray tres briefment par respondre a deux briefves questions bien appartenentes et convenables. (Gers., Concept., 1401, 420)

Incontinant Que les verray, Je leur diray, Ce que sçauray, Qui sera lors appartenant (La Vigne, S.M., 1496, 326)

b)[Au regard de la loi relig., de rites relig.]

Et pour ce est ce chose avenante et appartenante qu'elle soit d'un corage oveques son mari et se acorde a lui et le serve jouxte son vouloir... (Oresme, Ycon. Arist. M., 1374, 829)

J'eusse grant volenté d'aler Au temple pour le sacrifice Veoir s'on le fait bien propice, Apartenant et convenable, Licite et assez raisonnable Selon la forme de la loy (Marcadé, Myst. Pass. Arras R., a.1440, 69)

2.Appartenant à qqn. Qui convient, approprié à qqn.

Et qu'elle die tousjours tres bonnes paroles et lui face service et obedience en choses avenantes et appartenantes fors qu'elle ne face quelconque chose laide ou villaine ou qui ne soit digne ou appartenante a elle. (Oresme, Ycon. Arist. M., 1374, 829)

...je prononce et me semble ainsi que nul tiltre ne peut estre duisant, nul si propre ne si appartenant a ce roy Charles qu'est cely de vertueux. (Chastell., Chron. IV, D., c.1461-1472, 319)

B. -Emploi substantival.

1.Parent plus ou moins proche ; parent et allié.

Car saichiez que g'y ai(t) ung mien appartenant ; Or vueilz de vous savoir se l'allez cognoissant. (Lion Bourges K.P.F., c.1350, 308)

Compains, se dist ly enffes, sy me va anoyant, Car je ne sçay qui sont ly mien appartenant ; Et je prie a Dieu qu'encor me face tant Que les puisse trouver, s'y lui vient a tallant. (Tristan Nant. S., c.1350, 265)

.V. Roys, une royne sont vo apiertenant. (God. Bouillon R., t.2, c.1356, 4)

Et Guillaumez estoit en ung desert manant ; N'en savoient nouvellez ly sien apertenant. (Hugues Capet L., c.1358, 42)

'Ha, parastre ! ' dit il, '(...) Tel blasme vous en vient, que tousjours ensuivant, En seront vilz tenus les vostre appartenant.' (Galien D.B., c.1400-1500, 53)

Se uns homs occïoyt son seigneur En ceste heure, il seroit greigneur (...) Que nul de ses appartenans. (Coudrette, Mélus. R., c.1401-1402, 119)

Puis Gerars, luy seul sans escuier, monta sur son cheval, que oncques ne volt souffrir de avoir compaignye d'omme ne de femme, tant luy fust pres appartenant. (Gérard de Nevers L., c.1451-1464, 23)

Mes vous separez de devant Et se de ce n'estes contant, Veult que tous ses gens y s'en aillent, Ceulx qui sont ses appartenant, Tout et incontinent s'en voisent. (Myst. siège Orléans H., c.1480-1500, 365)

Appartenant d'un nom. Porteur de ce nom.

Cares Lyndus florit en Chippre, lequel, pour l'excellance de sa science, environ ce temps fut aussi nommé Trimegeste ou Mercure tiers de ce nom. Il fut très expert en trois sciences, c'est assavoir en geometrie, arismetique et en astrologie, car les apartenans de ce nom Trimegeste sont estre erudict et parfait en trois singulieres sciences. (Simon De Phares, Astrol., c.1494-1498, f° 24 r°)

2.Appartenant à qqc. Celui qui a part à qqc..

Il n'est pas chose d'avoir a croire que, quant Dieu fit les hommes pour la restauracion des angelz qui cheurrent et pour acomplir le nombre de la cité, et que premierement il fit Adam et Eve et que de eulx devoient partir tous hommes, que il - ces deulx, Adam et Eve -, fussent seclus du nombre des appartenans a celle redempcion. (Crap., Cur Deus, De arrha B.H., c.1450-1460, 238)

IV. -infinitif substantivé.

A. -Ensemble de biens et de droits.

Mais la mercy Dieu et le bon chevalier qui le paÿs en a delivré [de deux lions] , nous sommes maintenant revenus a noz terres, tenemens et a tous noz manoirs. [var. sommes maintenant revenus a noz hiretages et appartenirs.] (Percef. II, R., t.1, c.1450 [c.1340], 394)

Et se jetta humblement devant sa mere et lui dist : 'Ma mere, je suis trop infortuné quant en la nouvelleté de la perte de mon pere vous me adnonciez la perdicion de mon appartenir et de ce qui par nature justement m'est deu...' (LEFÈVRE (R.), Hist. Troyes A., c.1464, 127)

Apanage.

Quant doncques fame est deue a la personne selon sa haultesse et que haultesse en soy n'a splendeur sy non de vertu, s'ensieut que vertu est le vray appartenir de haulte personne pour consievir tel tiltre. (Chastell., Temple Boc. B., 1463-1464, 145)

B. -Ce qui convient à qqn ; position, état.

...car ne pooit morir prince de nulle fame en crestienneté (...) qu'il [le duc de Bourgogne] n'en portast le noir et qu'il n'en feist le service a la congruité de leur appartenir et personnes (Chastell., Chron. IV, D., c.1461-1472, 225)

À/selon l'appartenir de qqn. Selon ce qui lui convient.

Aprés qu'il fust eslevé par dessus ces noeuf cieux ou noeuf lettres de son nom estoient escriptes et que les noeuf dames et les noeuf preux y estans l'eurent recoeully et bienvienné chascun a son appartenir, la noble dame Vertu le presenta devant Honneur (Molinet, Faictz Dictz D., 1467-1506, 56)

L'empereur ensemble les princes allèrent de pied jusques au hourd ; et, quant ilz furent montéz, ledit empereur et les electeurs, synon l'archevesque de Mayence qui se preparoit pour faire son relief, entrèrent par ung huys ad ce convenable dedens une maison et chescun d'eulx se habitua selon son appartenir. (Molinet, Chron. D.J., t.1, 1474-1506, 486)

C. -Estre à/en l'appartenir de qqn/qqc.

Être à la convenance de qqn.

...le duc Charles de Bourbon fust de son temps l'ung des meilleurs corps, fust à pié ou à cheval, et l'ung des plaisans et des mondains, non pas seullement des princes, mais des chevaliers du royaulme de France, et sçavoit des honneurs et gracieusetez du duc, son frere, prendre ce qui en estoit en son appertenir (La Marche, Mém., I, c.1470, 254)

Être à la mesure de qqc..

...quant la vengance n'en peut estre devers moy a l'appartenir du cas, au moins suppli je a la divine equité de lassus qu'en tempz et lieu m'en face droiture. (Chastell., Temple Boc. B., 1463-1464, 99)