AMONT

adverbe, préposition et substantif masclin

[T-L : amont ; GD : amont ; GDC : amont ; AND : amunt ; FEW (VI-3, 84-86b, 88) : mons ; TLF (II, 803b) : amont]

I. -Adverbe.

A. -[Empl. seul]

1.[Indiquant une situation dans l'espace] En haut, là haut.

...encontrerent a l'entree de la Sale amont le conte de Hainnau (Froiss., Chron. D., p.1400, 66)

...sus le mast amont avoit une grant couronne d'argent doré et d'or (Froiss., Chron. D., p.1400, 407)

Chil qui estoient amont traioient et jettoient as assallans (Froiss., Chron. D., p.1400, 471)

Aprés, il avoit ung royaulme en Espaingne qui avoit nom Conniendre, qui seoit sur la mere d'Affricque, ou Machomés fist une collompne de pire large et alant en stroitissant amont, et fut sy haulte que ung oiseaulx ne vouleroit mie a la point dessus. (JEAN D'OUTREM., Myr. histors G., a.1400, 97)

Et dedens estoit elle haulte et clere, faicte a voultes, si n'est de nulle maniere de pierres hu monde qui ait vertu, qui ne soient au ciel de la chambre amont, ouvrees a bestes et a oyseaulx et a fleurs et a maintes hystoires des anciens fais. (Chev. papegau H., c.1400-1500, 28)

Car il vey amont, au milieu de la sale, la gaiolle plaine de ampoulles de voire et de plusieurs malefices qui destournoient a veoir le chastel pour les enchantemens dont plaines estoient. (Percef. III, R., t.1, c.1450 [c.1340], 211)

Vers la partie la plus haute (d'un cours d'eau), celle qui est près de la source.

Et, se il ne le puet drescier, tantost il doit repasser l'yaue et ressentir la ou il est entré en l'yaue, et puis se doit arriere dedanz l'yaue bouter et flairier toutes les branches et rains qui sont sus l'yaue pour en assentir et tenir les rives une foiz amont et autre aval et puis dessa et puis dela bien longuement sanz soy annuier jusques atant qu'il l'ait drescié. (Gast. Phébus, Livre chasse T., 1387-1389, 133)

...li Escoçois avoient passet la riviere dou Thin amont viers les montagnes (Froiss., Chron. D., p.1400, 113)

2.[Avec un verbe marquant un déplacement]

a)[Mouvement ascendant] Vers le haut (à partir du bas).

L'escuier (...) monta les degrez amont en la chambre (Froiss., Chron. M., XIV, c.1375-1400, 55)

Si estoit yssus hors de la maison et avoit rampé amont, et d'encontre il trouva ces compaingnons qui aloient et venoient. (Froiss., Chron. M., XIV, c.1375-1400, 213)

...donques l'aer qui est desus elle ne l'empeescheroit pas que elle ne peust estre meue amont (Oresme, C.M., c.1377, 546)

On doit prendre le chien quant il a demi an passé et li tenir bien les quatre piez et li metre un baston au travers de la bouche, affin qu'il ne puisse mordre, et puis prendre la lengue et le ver, que vous trouverez dessoubz la lengue. Li ostez et fendez un pou la lengue, et puis passez une aguillee de fil entre le ver et la lengue, et puis tirez le fil amont a tout le ver. (Gast. Phébus, Livre chasse T., 1387-1389, 114)

Lors [ceux de la galère] tournent tout court a noz gens qui ja s'estoient mis en ordonnance, et leur dirent les nouvelles, et tantost tyrent les voiles amont. Et s'en vont a force de vent et de voiles (Arras, c.1392-1393, 124)

Et ainsi se rasseurerent les moines un petit. Mais quant ils le sceurent en convent, qui les veist aler et venir par leans et faire nett [l. net] partout et appareillier a leur povoir si richement comme se Dieu y feust descenduz. Et manderent au prieur, qui estoit embas a Quillebaston comment il venist amont, et que Gieffroy au grant dent estoit venuz layens en pellerinaige, a moult belle compaignie. (Arras, c.1392-1393, 277)

...elle les enmena amont ou chastiel (Froiss., Chron. D., p.1400, 526)

Montons amont, car il vous demandent et se voellent rendre (Froiss., Chron. D., p.1400, 692)

S. MATHIEU. Il n'est mais saison de tarder ; Montons amont, petits et grans. JOSEPH LE JUSTE. Vous dictez bien. (Icy montent amont et la s'appert Jhesus de rechief.) (Gréban, Pass. J., c.1450, 426)

Et aucunefois ilz veoyent venir amont grans crappaux qui avoient en largeur par le corps ung grant pié et tant estoient terribles a veoir que c'estoit horreur ; lesquelz, quant ilz se trouvoyent en l'eau coye, les poissons serpentins les engloutissoient. (Percef. IV, R., c.1450 [c.1340], 168)

...s'il estoit ore en ung lieu, incontinent couroit en ung aultre, puis amont, puis aval ; chascun de sez ennemis le craingnoit tant qu'il leur sembloit que tousjours au doz lez sievist et, a vous dire, il n'avoit point d'arrest (Comte Artois S., c.1453-1467, 43)

b)Vers la partie haute (d'un pays, par rapport à la partie basse qui est en aval).

Item, en montant amonlt vers Galilée, a la senestre partie est le lieu ou les anges apporterent a la doulce vierge Marie la palme, le jour de son Assumption (Voy. Jérus., c.1395, 17)

Maiz l'evesque et Radus des Preis le faisoient faire del avoir le Danois, car au temps qu'on refaisoit Tongre alat le Danois avec Charlez en Saxoingne, ou il (les) desconfi[t] les Saynes, et remontat amont. (JEAN D'OUTREM., Myr. histors G., a.1400, 67)

Et monterent sus lors cevaus a la vespree, et cevauchierent amont (Froiss., Chron. D., p.1400, 305)

Mais telle coustume y avoit En cel temps (...) Que charretier, ne li cheval, Alassent amont ou aval, Ja de nul ne fussent feru (Chr. Piz., M.F., II, 1400-1403, 179)

c)En arrière (sur un chemin), dans le sens du retour.

Et, si ses chienz ne le drescent [le lièvre] ne d'une part ne d'autre [du chemin] , si preigne [le veneur] amont le chemin, einsi comme il a fet aval, ou d'une part ou d'autre, le plus pres qu'il pourra du chemin, quar un lievre demuere bien aucune foiz pres dou chemin. Et, s'ilz ne le drescent ne aval ne amont, si preigne encore plus long tour et aval et amont, touz jours pres du chemin, et einsi le devroyent drecier, quar un lievre fuyt aucune foiz trop longuement le chemin. (Gast. Phébus, Livre chasse T., 1387-1389, 224)

3.Au figuré. [À propos d'une situation soc.]

De ses maistres ses subgetz fist, Et dessoubz luy trestous les mist, A son voloir mist et osta. Tant de degrés amont monta Que il fu des tresoriers maistre. Le plus grant de la court vault estre (Renart contref. R.L., t.1, 1328-1342, 31)

L'un se fist gentilz, l'autre non ; L'un sur l'autre vault avoir non, Le plus fort au fesble tolly. Ainsi furent les corps poly, L'un bien vestu, et l'autre mal ; L'un fu amonlt, et l'autre aval ; Qui plus tolly, plus fu greigneur, Qui plus ot, plus fist du seigneur. (Renart contref. R.L., t.1, 1328-1342, 37)

B. -Locution adverbiale.

1.Amont (et / ou) aval

a)Amont et aval

En haut et en bas, vers le haut et vers le bas.

[Avec un verbe indiquant un mouvement des yeux]

Si regarderent amont et aval, pour les enseignes raviser qu'ilz y avoient veües, maiz oncques ne sceurent tant querir qu'ilz sceüssent trouver la maison, pour ce qu'ilz avoient les enseignes perdues. (Bérinus, I, c.1350-1370, 417)

Et quant ilz furent sur la rive, qu'ilz ne porent plus aler avant, si s'aresterent et regarderent amont et aval, les ungs en mer et les autres en terre. (Chev. papegau H., c.1400-1500, 24)

Je regarde aval et amont Se les clouz tiennent bien dedens. (Gréban, Pass. J., c.1450, 332)

Et, quant les logeurs estoient arrivez au logeiz, fut-en en ville, villaige ou aux champs, chascun mettoit sa bannerette, qui estoit en ung baston ou en une petite gaullette, à la fenestre de son logeiz ou sur ung buisson, si aux buyssons estoit. Et, quant la puissance arrivoit, chascun regardoit amont et aval, et, là où ilz véoient l'enseigne de leur logeur, ilz y alloient tout droit, et leur logeur leur monstroit où ilz se devoient bouter. (Bueil, I, 1461-1466, 179)

Le chevalier trouva Richart en ung grant val ; Le duc le regarda et amont et aval, Plus noir le vit que meure et luy et son cheval ; (Et) avoit les dens plus blanches que neige ne cristal. (Rom. Richart C., a.1496, 54)

En tous sens, partout, en tout lieu.

Il doit mettre son cuer si hault Qu'il voie amont et aval Touz les pays et les contrees. (Dupin, Mélanc. L., c.1324-1340, 48)

Atant monta Famius a cheval, lui tiers de compaignons, et alerent querir Berinus amont et aval parmi la cité de Rome (Bérinus, I, c.1350-1370, 32)

Il couroit amont et aval (La Buigne, Rom. deduis B., 1359-1377, 186)

Li feux en pluseurs lieux se boute De par eulx aval et amont (Desch., M.M., c.1385-1403, 380)

Courez, ribaulx, courez, courez Comme chiens amont et aval ; Qu'en l'orrible puis infernal Puissiez vous retourner a joye ! (Gréban, Pass. J., c.1450, 231)

Daru, si Jupiter te gart, Va-t-ent crier de randonnee Amont et aval ma contree A touz mes baillifz et provostz Que devers moy viengnent bien tostz Pour cas et chose neccessaire. (Du Prier, Roy Adv. M., 1455, 138)

Voila messire Thudual ; Luy et ses gens je luy octroye A en faire amont et aval, A son plaisir, de ceste voye. (Myst. siège Orléans H., c.1480-1500, 562)

b)Amont ou aval. Dans une direction ou une autre.

Bien est voir que chienz viennent aucune foiz chassant jusques a une voye qui sera foulee et usee et batue et poudreuse, et donc les chienz passent la voye tout oultre, et le cerf aura fouy et refouy la voye ou aval ou amont. (Gast. Phébus, Livre chasse T., 1387-1389, 199)

c)Amont aval. En tous sens, partout, en tout lieu.

Tant les ay quis amont aval Que veés les ; sy parlés a eulx ! (Myst. st Clément Metz D., p.1439, 483)

2.Çà-(a)mont. Là-haut.

Accop, vien t'en a ceste feste ? Monte sa mont par ceste eschelle ! (Pass. Auv., 1477, 208)

Là-(a)mont. En haut, là-haut.

Pas ne les veulhes habandonner Pour ce qu'ilz ne sçavent qu'ilz font. Veulhe leur ta grace donner, Tu, mon pere, qui es la mont ! (Pass. Auv., 1477, 216)

3.Lassus amont. Là-haut.

Et quant ilz furent acordez ensemble, ilz dirent au Chevalier du Papegau ; 'Beau sire, vostre courtoisie vous a fait pardonner vostre mort. Alez, si esprouverez vostre aventure lassus amont. Nous avons tant de chevaliers ocis et d'autres gens, que nous n'en voulons plus ocire, se dieu plaist, ainçois voulons nous entrer en peril de mort que faire plus de maulx.' Moult fu liez et joyeux le Chevalier du Papegau de ce qu'ilz luy dirent, car il doubtoit moult la meslee d'eulx deux. Si est monté en une sale en hault (Chev. papegau H., c.1400-1500, 73)

C. -[Précédé d'une prép.]

1.D'amont

a)D'en haut, de la partie supérieure de qqc..

Une chappelle de samyt blanc pourtraicte de noir, en la table d'amont, de l'Annunciacion, du Crucifiement et du Couronnement, et, en celle de descoubz, Dieu en sa majesté ou mylieu, les quatre Evangélistes autour et plusieurs ymages (Invent. mobilier Ch. V, L., 1379-1391, 147)

...et au bout d'amont d'icelle montée faire une huisserie et un huis tout nuef de bonnes planches de chesne. (Trés. Reth. S.L., t.2, 1409-1410, 618)

Vomir, c'est expulsion de matiere contenue en l'estomac par les parties d'amont soit viande ou beuvrage ou sanie ou acetosité ou humeur quelconque sicomme sang etc. (Gordon, Prat., c.1450-1500, V, 10)

...ou c'est pour l'estomac ventosité et corrupcion faite es aultres membres qui sont envoyees aprés a l'estomac, si comme il avient en opilacion des veines miseraiques, aussi comme il avient pour les intestins d'amont ou pour mirac, de qui vient manie et mirachia comme dit est devant (Gordon, Prat., c.1450-1500, V, 11)

Je vous vueil advertir d'une chose, qui est bien neccessaire à ung chief de guerre et sert en logeis, en champ et à mettre sièges. Ce sont une manière de chaynes où il y a paulx ferrez d'ung bout, pointuz pour entrer en la terre, et de l'autre bout d'amont, ilz sont ferrez [en] moulgnons, affin que on les puisse cogner avecques un mail de fer. (Bueil, II, 1461-1466, 39)

b)D'en haut (vers le bas).

Mais le conte, qui moult doubta la mort, cuida saillir en une petite garite qui estoit prez. Et le pié lui failly, et tumba tout contreval le rochier, et fu tous desroez et mort avant qu'il venist aval. Gieffroy le regarde d'amont et le voit moult hideusement devoré. Mais sachiez qu'il n'en ot oncques pitié, aincois a dit : Faulx traitre (Arras, c.1392-1393, 268)

...une piere d'amont li fu jettee sus le brac et li rompi l'os (Froiss., Chron. D., p.1400, 359)

...le get des pieres qui venoient d'amont (Froiss., Chron. D., p.1400, 533)

[Dans un cont. métaph.]

Jadis d'Amour fus ou haut de la roe, Quant bien amés parfaictement amoye : Las ! et or suis d'amont cheux en la boe, Car Fortune me destourne la voye Vers la belle, ne ne veult que la voye, Dont au cuer ay plus de mille douleurs. (Recueil galant. V.-B., c.1350-1400, 11)

[Par rapport à un cours d'eau] De la partie la plus haute.

Je ne poroie aler non plus avant En cel estat, ne moi amoderer, Quant tous mes fes voeil bien considerer, Comme poroit une grosse riviere Venant d'amont prendre son cours arriere (Froiss., Orl., 1368, 108)

...une petite riviere qui vient d'amont et rechiet en la Tamise (Froiss., Chron. M., XIV, c.1375-1400, 68)

Premerement passé Guichert Chivillart ung navey qui venoit d'amont, et menoit ung cent et demi de duelle et une bote de vin qui estoit a Johan Blanc de Villefranche... (Journal Bellev. H.D., 1424-1425, 107)

[Par rapport à un lieu géogr.] (Qui vient) de l'intérieur des terres, (qui vient) de l'est.

C'est un tres bon deduit et plesant, et vaut mieux quant le vent vient d'aval que il ne fait quant il vient d'ailleurs, et que le temps soit un poi orbe et sans grant vent ; et dont passent miex les pinchons et plus bas que il ne font par cler tans, ne quant le vent vient d'amont. (Henri Ferr., Modus et Ratio, Livre deduis T., c.1354-1377, 301)

Vent d'amont. Vent d'est.

Les bergiers les appellent vent d'amont, vent d'aval, vent de bise, vent de escorchevel, vent de France, vent de galerne, et ainsi qu'il leur plaist. (Jean De Brie, Le Bon Berger C.W., 1379, 90)

...d'une part devers le vent d'amont... et d'autre part devers le vent de soulerre (Doc 1481. In : R. Ling. rom. 25, 1961, 421)

2.En amont. Vers le haut.

...quant le cerf est pris et on le veult escorchier, on doit mettre la teste du cerf contre terre et puis tourner tout le corps du cerf sus la teste, les quatre piez et le ventre en amont. (Gast. Phébus, Livre chasse T., 1387-1389, 177)

...et pour ce entra du corps Moyse grant partie dedans ladite roche, si comme il est apparant, especiallement dès les cuisses en amont. (Voy. Jérus., c.1395, 50)

...telle dame devroit estre despoillee toute nue dez la ceinture en amont et toute reze (La Sale, J.S., 1456, 305)

L'onocentaure est une beste moitié homme et moitié asne, portant en amont forme humaine et en bas forme d'asne, si comme dit Huguce. (Colart Mans., Dial. créat. R., 1482, 228)

Depuis ... en amont. Depuis ... jusqu'en haut.

...icelle cheminée refaire toute nueve de bas jusque hault, depuis le mantel en amont (Trés. Reth. S.L., t.2, 1409-1410, 602)

Le vaillant Gallafur (...) vey la pucelle nue, depuis la boudine en amont (Percef. V, R., t.1, c.1450 [c.1340], 236)

Au figuré. Dans une situation supérieure.

...l'omme qui par bon service veult venir en amont (Percef. VI, R., c.1450 [c.1340], 643)

3.Par amont. Là-haut.

Regardez, sire, vous plaist il ? Est il bien lÿé par amont ? (Gréban, Pass. J., c.1450, 304)

D. -Interjection. [Accompagnant un mouvement qui demande un effort pour remonter qqc.] En haut, hisse, levez.

Il convient tentost sens arrest Lever tout droit ceste maison. Or sus, cherpentier et masson ! Or sus, amis, amont ! amont ! (Myst. st Clément Metz D., p.1439, 401)

PYLATE. Prenez moy lances et paffus, Juisarmes, picques, estendars, Eschelles pavillons et dars ; Chascun saudars la main y tiengne Et chascun son cousté soustiengne De bonne puissance et rëalle. Amont ! GRIFFON. Amont ! CLAQUEDENT. Halle bois ! (Gréban, Pass. J., c.1450, 333)

ST JAQUES MINEUR. A peu tient que la roiz ne rompt. Sus, compaignons, amont ! ST ANDRY. Amont ! Les poissons sy tres drux y sont Que toute l'eschine me ploye. Sus, compaignons, amont ! (Myst. Pass. Troyes B., a.1482, 964)

II. -Préposition.

A. -Amont + subst. En haut de.

...elle qui parle (...) vint au bout des degrez en hault de sadite chambre (...) son huis fu rompu en pieces, et entrerent et monterent amont ycelle chambre quatre compaignons qu'elle apperceut bien (Reg. crim. Chât., II, 1389-1392, 508)

Et lors [Geoffroy] monte amont la tour et vint au plus hault estaige. Et ses freres et les barons demourerent dessoubz en moult grant freour que Gieffroy ne feust periz. Mais Gieffroy, qui ne creint rien, attent ou plus hault estage de la tour grant piece de temps et regarde s'il verra rien venir. (Arras, c.1392-1393, 297)

Charlez le roy fut noble, puissant et hardis : il sault en piéz et fiert Gerart de Durendal s'espee amont son heaulme sy qu'il l'at tout trenchiei[t] jusques la chaire. (JEAN D'OUTREM., Myr. histors G., a.1400, 30)

[Le subst. désigne un cours d'eau]

Et, s'ilz sont deux veneurs ou plus, l'un doit requerir et estre avec une partie des chienz de l'une part de la riviere, et l'autre de l'autre. Et, s'il voit qu'il ne fuye aval, il doit requerir amont l'yaue par la meïsme maniere, puis d'une part et puis d'autre, touz jours cornant requeste, afin que les compaignons vieignent la. (Gast. Phébus, Livre chasse T., 1387-1389, 207)

Et doit faire aler quatre varlez en queste, deux amont l'eaue et les autres deux aval l'eaue, les uns d'une part de l'eaue et les autres de l'autre part. Et, s'il a loutres ou pays, li uns ou li autres en encontrera, car loutre ne puet tousjours demourer en l'eaue qu'il n'en saille hors la nuyt (Gast. Phébus, Livre chasse T., 1387-1389, 247)

B. -Locution prépositionnelle.

Amont de + subst. En haut de.

Mais Barat est ja une liue Loing et Malice et Fauceté, Qui s'en fuient com ver beté, Et Couvoitise amonlt regarde D'un larris, si se prent bien garde Du pillaige, qui la estoit, Que Honneur fait mettre y avoit, Si l'a moustré a Pillerie. (La Buigne, Rom. deduis B., 1359-1377, 251)

[Le subst. désigne un cours d'eau]

Et le vallet du limier et les autres doivent touz jours querir par les rives et racines pres de l'yaue juques tant que aucun des chienz le treuvent. Et doivent estre deux ou trois vallez amont de l'eaue (Gast. Phébus, Livre chasse T., 1387-1389, 249)

Amont dessus + subst. Au sommet (qui est celui) de.

La Virge de grant signorie Fut ravie ou siegle de vie Amont dessus la trinitey. (Dupin, Mélanc. L., c.1324-1340, 218)

Amont parmi + subst. En haut, au milieu de.

Et lors feri le Chevalier du Papegau son ennemy amont parmy son heaulme, de toute sa force, qu'il luy a tranchié le heaulme par milieu tout droit (Chev. papegau H., c.1400-1500, 52)

Amont sus + subst. En haut sur.

Et quant il s'en aperceut, si s'efforça et fiert celluy a cuy il se combat ung grant coup et merveilleux amont sus son heaulme, si que il luy a toute fendu, et lui enbarre l'espee parmi la teste (Chev. papegau H., c.1400-1500, 60)

III. -Substantif masculin. Partie la plus haute de qqc..

...et de là en amont commençoient marches de degrez chargez de vaisselle, dont par les plus bas estoit la plus grosse, et par le plus hault estoit la plus riche et la plus mignote ; c'est assavoir par bas l grosse vaisselle d'argent dorée, et par l'amont estoit la vaiselle d'or garnye de pierrerie, dont il y avoit à très grant nombre. (La Marche, Mém., III, c.1470, 120)