AMOINDRISSEMENT

substantif masculin

[T-L : amenrissement ; GDC : amoindrissement ; FEW (VI-2, 124b) : minor ; TLF (II, 799b) : amoindrissement]

Diminution, réduction.

...une chose est toute qui n'a aucune diminution ne amenrissement et n'a riens dehors de lui. (Somme abr., c.1477-1481, 141)

Amoindrissement de + subst. désignant la chose ou la pers. diminuée

[D'une chose abstr.] Fait d'affaiblir qqc., affaiblissement de qqc..

Et dit saint Bernard sur Chantiques que ingratitude est ennemie de l'ame, amenrissement de vertus, dispercion de merites, perdicion de benefices. (Chr. Piz., Ep. Othea P., c.1400-1401, 276)

Quant une piece ot esté celle Cleolis ou dit ostage, elle se penssa que moult estoit grant amenrissement de l'onneur de la cité de Romme que tant de nobles vierges fussent tenues comme prisonnieres d'un roy estrange. (Chr. Piz., Cité dames C., c.1404-1407, 719)

O ! paresse, fait il, marrastre de vertu, ceulx qui par blandisses s'atraient à toy cheent continuellement de pis en pis, si que noctes l'enchoite de ceste parece estre l'ameurissement [l. amenrissement] de toute gloire, pour ce fait à fuir de toute puissance à homme par especial qui veult tendre hault. (Chr. Piz., Paix W., 1412-1413, 178)

Et en aviendra dommage et esloingnement aux humbles servans et amandrissement de voustre pouoir se par vous n'y est pourveu. (Lettres Chart., 1425, 362)

Quant j'eux consideré ces nobles proprietés je ne fus aucunement esbahy se ung tel oyseau tymbroit les blasons d'un tel hostel car la stabilité d'iceluy n'eust peu avoir si longue estendue, si continuelle ampliation de terre, ne si singuliere entretenue, se la noctue n'eust juchié par jour sur le heaulme d'iceluy et volé par nuyt sans sommeillier a la garde de ses subgetz et se par sa prudente souffrance il n'eust enduré l'abbay et soustenu les crys de ses ennemis qui tousjours finablement ont esté prins et desconfiz a leur coustange, et a l'amendrissement de leur honneur et puissance. (Lyon cor. U., 1467, 29)

[D'une pers.] Fait de déconsidérer qqn, dépréciation de qqn.

Et aincoires qui pis est, [maintes gens] les alleguent [les Evangiles des Quenouilles] plus par derrision et en mocquerie qu'ilz ne font par affection qu'ilz ayent a la grande substance qu'elles contiennent. Et ce font ilz tousjours en l'amoindrissement et reboutement des dames, dont c'est pechié et grant honte pour ceulx qui ainsi le font, car ilz ygnorent la grande noblesse des dames et les grans biens qui d'elles procedent. (Ev. Quen., I, c.1466-1474, 77)

Remarque : Cf. Doc. 1401. In : B. de l'Ac. royale des sc., des lettres et des beaux-arts de Belgique 3e sér. 12, 1886, 213 (Nous, par meure et très grande déliberacion, avons ordonné et par ces présentes ordonnons à tous noz amoureux subgès, de quelconques puissance, seignourie, auctorité ou estat qu'ilz soient, sans aucun excepter, qu'ilz ne facent ou par autre facent faire dittierz, complaintes, rondeaux, virelays, balades, lays ou autres quelconques façon et taille de réthorique, rimée ou en proze, au deshonneur, reproche, amenrissement ou blame de dame ou dames damoiselles).

Estre en amoindrissement de. Déchoir de.

Car fornication est abusion de son propre corps, selonc le dit de l'Apostole en la premiere Epistre aux Corinthiens ou .Ve. chapitre : 'Cilz qui fait fornication peche en son corps'. De che aussi est dit de rechief en Ecclesiastique : 'La file fole', c'est a dire indisciplinee et dissolue, 'sera en amendrissement' de son honneur et de ses parens. (Daudin, De la erudition H., c.1360-1380, 358)

Amoindrissement de + subst. désignant le responsable de la diminution

Amoindrissement de vieillesse. Affaiblissement dû à la vieillesse.

Je le dis pour ce que jusquez a present avons parlé et racompté les fais de maint preu et vaillans hommes en armes selon l'apparence de leurs fais que paravant avons recordé, mais pour ce qu'il y a a grant difference entre le verdeur de jennesse et la meurison de viellesse, combien qu'il y ait grant distance entre les fais de ceulx dont nous avons parlé du tamps de jennesse envers cellui advenir selon ce que chascun sent en lui par la froideur et amoindrissement de viellesse. (Percef. IV, R., c.1450 [c.1340], 482)