AMEREMENT

adverbe

[T-L : amerameremen ; GDC : amerement ; AND : amerement ; FEW (XXIV, 392b) : amarus ; TLF (II, 744a) : amèrement]

A. -Avec dureté, avec violence (dans le comportement, dans les propos...).

...l'encens de sainte deité Qui puis fu mis en croiz amérement (Mir. st Val., c.1367, 172)

...ce duc d'Irlande avoit une dame de mere, vaillante dame, et prude femme (...) laquelle n'estoit pas de l'accort de son filz, mais luy blasmoit amerement ses folies et luy disoit que Dieux s'en courceroit (Froiss., Chron. M., XIV, c.1375-1400, 47)

... [les Anglais] herioient amèrement le plat pays (Froiss., Chron. R., VIII, c.1375-1400, 104)

[Les médisants] seullent tuer Amerement L'amant, comment qu'il soit absent, Et tourmenter (Mach., App., 1377, 650)

...que tant me tarde que je la regrete chascun jour, comme cellui qui couroux, fain et defiance de confort, mainent douloureusement a son derrenier jour. Du sourplus ne fault faire enqueste ne demande, les oeuvres sont publiques et le tesmoing en est intollerable famine, qui encourt et courra sus a ung chascun si amerement que tart sera de regreter la passee habondance et vouloir par raison departir le demourant des choses consumees par oultraiges, et s'en ensuivra que Nature, qui chascun ensaigne à conserver sa vie par la recreation de mengier, laschera la bride et la licence de la ravir par force ou il sera (Chart., Q. inv., 1422, 22)

Sy tost que ces deux chevalliers s'entreveirent, ilz furent esmeuz l'un contre l'autre, car ilz tenoient tous deux que chascun pretendoit a avoir la pucelle, parquoy ilz se deffierent et puis picquerent bons chevaulx, les lances couchees, l'un contre l'autre. Carados, qui estoit trespreu chevallier, fery Ticon tant amerement qu'il l'emporta par terre tout estendut. (Percef. III, R., t.1, c.1450 [c.1340], 53)

Le mary, bon et sage, (...) se courroussa amerement encontre l'Escossois qui deshonorer le vouloit (C.n.n., c.1456-1467, 48)

...commença a soy dementer et crier plus amerement que devant. (C.n.n., c.1456-1467, 552)

Celuy [Jésus-Christ] qui la doit juger [l'âme] , l'a tant aymee et ayme qu'il a voulu mourir amoureusement et amerement pour la sauver (Disc. amour divine, 1470, 119)

Et le cheval leva le pié et, ainsi que le lion le regardoit, le cheval le frappa au front tellement qu'il luy rompit toute la cervelle et tomba le lyon a terre si amerement que a grant payne se peut il lever. (Macho, Esope R., c.1480, 113)

B. -D'une manière qui manifeste la peine éprouvée, avec affliction.

Et qu'avez vous, ma doulce suer, Qui si amérement plorez ? (Mir. Theod., 1357, 84)

Saint Pol le signifia en pluseurs des ses epistres : oncques homme ne ploura pour ses pechiez tant diligemment et amerement comme saint Pol plouroit pour ceulz d'aultruy. (Gers., P. Paul, a.1394, 511)

[Les conditions de la reddition de Calais] Qant il oirent ce raport, il conmenchierent tout et toutes a criier et a plorer si tenrement et si amerement que il ne fust si durs coers ou monde, se il les veist et oist euls demener, qui n'en euist pité (Froiss., Chron. D., p.1400, 842)

Quant le cheval se sentit ainsi excessivement chargié, il fist de grandes lamentations, en se repentant merveilleusement et amerement qu'il n'avoit aydé et supporté le dit asne de son excessive charge (Tardif, Apologues R., c.1493-1498, 78)

Messieurs, je vous veulx declairer Ung cas venu nouvellement, Duquel pouons bien souspirer Et lamenter amerement. (La Vigne, S.M., 1496, 575)

C. -Avec un sentiment amer, avec amertume.

...Sire, monseigneur de Bourgongne vous fait supplier le plus humblement que faire peut que ne prenez à desplaisance, si présentement et autreffois il vous requiert et a requis de grâce pour monsieur d'Alençon, car Dieu lui est tesmoin qu'il est amèrement desplaisant que monseigneur d'Alençon ait présumé faire chose que faire ne dust (Chastell., Chron. K., t.3, c.1456-1471, 469)