ADOUBER

verbe

[T-L : adober ; GD : adouber ; AND : aduber ; DECT : adober ; FEW (XV-2, 77-78) : dubban ; TLF (I, 731a) : adouber]

I. -ARMES, ARMURERIE

A. -Emploi transitif. Adouber qqn

1.Conférer les armes (chevaleresques) à qqn et le faire chevalier.

...a la Penthecoste aprés l'Ascensïon Vouldray que m'adoubez (Gir. Vienne D.B., c.1350-1400, 126)

En tel point l'adouba le boin roy Oriant Et le fist chevalier a le messe cantant. (Chev. cygne P., c.1356, 73)

Si conseille que le me donnez pour adoubber et faire chevalier, car voulentiers a de bons chevaliers en France. (Beufves Hant. I., c.1499-1503, 28)

Adouber qqn chevalier

Ains qu'i s'en feust allés, L'adouba chevalier, se dit l'auttorités, Le bon roy Grondebeuf qui tant fut naturés. (Tristan Nant. S., c.1350, 357)

Et Charlez l'espee Durendal gardat et la donat Rollant quant il l'adoubat chevalier. (JEAN D'OUTREM., Myr. histors G., a.1400, 58)

Participe passé en emploi substantival. Nouveaux adoubés. Chevaliers nouvellement reçus.

Les nouveaulx adoubez aussi Noblement s'i porterent, si Qu'ilz demonstrerent que vaillans Seroient, sans estre faillans. (Chr. Piz., M.F., III, 1400-1403, 149)

2.Par extension. Armer qqn.

Adont ala Henris cez frerez adouber, Il méismez aussy s'ala il enarmer ; Et quant il vit cez frerez ainsi abituer, Du gentil cuer qu'il ot, a pris à soupirer (Hugues Capet L., c.1358, 104)

[Contexte métaph., de Dieu]

...vive, vive nostre benoist dieu, qui ses chevaliers de telles armes scet adouber ! [Il s'agit ici du sacrement de baptême] (C.n.n., c.1456-1467, 430)

Participe passé. [D'une pers.] Équipé, armé, pourvu en armes.

Per neut, a mieneut, si voir que Dieu fuit nez, Lez meterait, biaulz sire, en la ville adoubéz. Se meterons a mort lez chevalier doubtéz (Lion Bourges K.P.F., c.1350, 848)

Adonc pria Ernault aux bourgois naturez Qu'on lui voulsist aider (...) Pour mener a Beaulande secours bien adoubez (Hern. Beaul. D.B., c.1350-1400, 80)

Nous avons en conseil trouvé Que vous tous soyez adoubbé Et fort armés sans contredit Al encontre de cet esprit, Qui veult emmener par haussage Et malgré nous l'humain linage. (Marcadé, Myst. Pass. Arras R., a.1440, 240)

Participe passé en emploi substantival. Homme en armes.

Je vous iray aidier a cent mille adoubés. (Huon Bordeaux B., c.1400-1450, 40)

B. -Emploi pronominal. S'armer de toutes pièces.

Ostes li empererez noblement s'adouba, Milles et Esmeréz (...) Se sont moult bien armé (Flor. Rome W., c.1330-1400, 159)

Chascun d'eulx s'adouboit Et furent bien .CM. de sa gent la endroit ; A la couverte s'arment, que nul ne le savoit. Les vesseaulx apresterent ; chascun s'appareilloit. (Tristan Nant. S., c.1350, 197)

Et quant Huë l'oït, si se va adoubant (Huon Bordeaux B., c.1400-1450, 55)

Or suz, amis, avançons nous, Et nous adoubons prestement ! ça, mes armes diligenment, Salmodin, car armé me fault ! (Myst. st Adr. P., c.1450-1485, 47)

...et, ce fait, il fist venir devant luy ceulx qui s'entremettoient de sez affairez et leur commanda que, le plus secretement que faire porroit, il feissent tendre et drechier une tente assez prez du lieu ou l'assemblee devoit estre et la porter son harnois pour soy adouber la journee ensievant que le jour du tournoy seroit (Comte Artois S., c.1453-1467, 5)

S'adouber d'(une arme). S'armer de.

Armure me deueis presteir, De quoy ie me puys adobleir (Sept péchés C., c.1300-1350 [p.1478], 218)

Celle [Dÿanire] , qui en ses lïens l'ot, Des armes et du glavelot S'adouboit, et l'arc et terquois Portoit la dame par degois (Chr. Piz., M.F., III, 1400-1403, 22)

Quant les deux chevaliers eurent fait leur poindre, cascun retourna a son heaume et les recoeillerent sans descendre, puis s'en adouberent et revindrent aincoires l'un contre l'autre. (Percef. IV, R., c.1450 [c.1340], 96)

II. -Par analogie.

A. -Emploi transitif.

1.Adouber qqn

a)Revêtir qqn.

Et furent departi de Coustant a che matin, Et furent adoubbé a guisse de tapin (Renaut Mont. B.N. V., c.1350-1400, 877)

Il l'a fait habiller [var. adouber] ainsi (Gréban, Pass. J., c.1450, 299)

...en une chapelle secrete devant il l'envoya [la femme] , et a son mary vint, qu'il adouba de son habit, et pour estre son lieutenant l'envoya devers sa femme [emploi ironique] . (C.n.n., c.1456-1467, 464)

Et le lendemain au matin, quant il se fu vestu et adoubé a façom de pucelle, il se party d'illec seul (LEFÈVRE (R.), Hist. Troyes A., c.1464, 154)

Adoubé de + subst. Revêtu de.

...et grandement s'esmerveilla de veoir ung sy beau jenne homme adoublé [var. adoubé] de robe deschiree, de chaperon souillié et ordoié (Jehan d'Avennes F., c.1465-1468, 15)

Ses champions, ses vassaux, ses saudars Armés au cler, adoubbés de healmes Saiges, soutilz, plains de science et d'ars ... Presenterent rainceaulx et verdes palmes (Molinet, Faictz Dictz D., 1467-1506, 103)

Et ainsy comme Herculés, le tres fort champion, flagelleur des larronceaux, adoubé d'une peau de lion, avoit de sa pesante machue enervé et dompté les terribles monstres (Molinet, Faictz Dictz D., 1467-1506, 50)

Au figuré. Adoubé de + subst. désignant une qualité hum. Revêtu, équipé de.

Faictes le benedicité, Ains qu'on serve du premier més, Affin que chascun desormais Soit de hardiesse adoubé. (Molinet, Myst. st Quentin C., c.1482, 319)

b)Soigner qqn.

...ce qui est fait est fait. Laissez vous adouber. [Il s'agit d'un prêtre qui, ayant feint d'être malade, vient d'être castré. Seul emploi dans le recueil, valeur ironique probable] (C.n.n., c.1456-1467, 405)

...la ou n'avoit point de feu, dont [il] se refroidit et mourut le jour propre pour ce que ne fut point adoubbé ne mis au point. (Lettres rémission René II P.D.H., 1491, 221)

c)Disposer, mettre en ordre (un groupe de pers.).

Saiges prelatz, curez constans et froitz (...) abbez, Vestuz de chappes et de riches orfrois (...) En ordonnance si tres bien adoubez Qu'on ne le peult coucher par escripture (La Vigne, V.N., p.1495, 164)

d)Mettre qqn en tel ou tel état.

Oultraige ! fait cellui à la chemise. Oncques à eulx ny à autre je ne feis desplaisir et si m'ont adoubé ainsi que vous veés. [L'homme est 'en sa cheminse, tout nu, moult fort lié par les piez et par les mains'] (Cleriadus Z., c.1440-1444, 146)

Par antiphrase. Mettre qqn en piteux état, le malmener, le maltraiter.

Lors print ung bisacq plain de plumes qui gisoit au milieu de la chambre et tant en baty le deable que tout le derompy et tellement l'adouba que les plumes lui entroient par tous les conduis du visaige. (Percef. IV, R., c.1450 [c.1340], 738)

LE QUART CHEVALIER. S'il n'eust tantost faict le depart, Je l'eusse moult bien adoubé. (La Vigne, S.M., 1496, 435)

[D'une pers.] Mal / mauvaisement adoubé / ainsi adoubé. Mis en piteux état, malmené.

Mais il ne trouva maison ne grange, ainchois se retrouva emmy la prayerie tout nud et sans clarté, fors seullement de la lune qui luisoit en ce point. Et quant il se vey ainsi adoubé, il s'en alla seoir sus ung perron qu'il trouva devant lui, et illecq se commença a complaindre et piteusement lamenter (Percef. III, R., t.1, c.1450 [c.1340], 349)

Mout furent les meschines mauvaisement adoubees. Sy commencerent a dire, quant le feu fut estaint, que oncques n'avoit esté fait sy grant oultraige. (Percef. IV, R., c.1450 [c.1340], 697)

Sy estoient des saillans dehors environ cent hommes armés, montés et bien en point, qui non accomptans encores à ce que virent d'Anglois, devant eux férirent dedans et leur portèrent du dommage assez grand, tuèrent aucuns, prirent prisonniers et en blessèrent grand nombre, combien aussi que de leur part il en y avoit de mal adoubés et de bien malades. (Chastell., Chron. K., t.1, c.1456-1471, 314)

Estre bien adoubé. Être bien loti.

Las, que je suis bien adoubbee Quant a tel sain je suis vouhee ! Reguardés cy quel cullerant, Il chante comme ung hupperant ! (Pass. Semur D.M., c.1420 [1488], 76)

2.Adouber qqc.

a)Mettre qqc. dans l'ordre que l'on juge convenable, préparer, apprêter.

Mettez vous tous a adouber Vous besoingnes pour prandre terre, Car nous n'avons riens au contraire. (Myst. st Adr. P., c.1450-1485, 183)

...comme le chariot estoit devant son hostel, et le charreton dedans, (...) qui l'adouboit... (C.n.n., c.1456-1467, 344)

...il demanda une bonne longue corde, et en lya et adouba son casier (C.n.n., c.1456-1467, 445)

Quant en quelque chambre voulez adouber lit ou couche a dormir, mettez le dossal vers midi affin que, se quelque pacient y couchoit, qu'il ait tousjours la clarté du jour sans grant veue de soleil, et au serain et au matin, le air de levant et ponent qui sentent ayr de montaignes et de fontaines ; et par ainsi moult tost poeult recouvrer santé a petis despens. (Ev. Quen., II, c.1466-1474, 140)

Ledit monseigneur le bastart avoit pour son estat à Gardane cinq personnes pour le servir et ung cheval à mes despens, et sont si déclarés, et plus madame de Pugniers pour le régir et gouverner et son filz René, ung serviteur nommé Léo pour cuysinier, ung paige nommé Ricart pour le servir, et une servente nommée Margarite pour adober sa chambre (Comptes roi René A., t.3, 1473, 21)

En particulier. Mettre en état de la matière brute avant de la traiter ; apprêter.

...ledit maistre fondeur et affineur sera tenu laver, adouber et ouvrer de toutes façons, tous les regretz et louppes estant de présent ou dit martinet, à ses propres despens et missions, excepté boys et charbon, comme dit est, dont on le fournira aux despens du Roy. (Aff. Jacques Coeur M., 1453-1457, 312)

CUISINE Préparer (un mets).

Et sachiés qu'en dedens ce terme il fut constraint d'apprendre a mengier les chars crues, car dame Famine les lui faisoit trouver delictables car il ne trouvoit point de feu pour les cuire ne creature qui lui adoubast. (Percef. IV, R., c.1450 [c.1340], 654)

Et ainsi comme aulcun de serviteurs du conte l'adouboient en la cuisine, ilz trouverent au ventre de celluy poisson ung sendal rouge en façon d'une petite pellote. (Belle Maguel. C., 1453, 42-43)

Adouber qqc. de qqc. Assaisonner.

Et, touchant le fait et usage, En cellui temps [d'épidémie] , de seur potage, Il est certain, sans dire fable, Que brouet de char convenable, Adoubé par art et pratique, D'aucune espice aromatique, Et de vinaigre ou de vinete, Est lors propice et chose nete. (La Haye, P. peste, 1426, 94)

b)Remettre en état, raccommoder, réparer.

Bertin de Boucourt, charpentier, a confessé que touz les tonneaux que il a pris a adouber de sire Johan de Laries (...) il doit deffonser d'un bout et de deux si mester est, et touz ceux qui ne sont pas de moezon [de capacité réglementaire] il doit retourner a droite moezon et en doit ouster tout aubour (Doc. 1332. In : P. Rézeau, R. Ling. rom. 78, 2014, 414)

He ! regardez, mon compaignon, comment mes soliers sont tout depeciez. J'en sui bien abaiee, et il n'y a encores que sis jours passez que je les avoi tout de nouvelle. Ore me faut aler à le saveteur de les adubber et quarrir de bons quarreaux et fors et de bon cuir de boef et bien espès, qu'ils me pourront longuement durer. (Man. lang. G., 1396, 78)

...adouber l'eschale de bois et la tire veille du reloge (Doc. 1414. In : P. Rézeau, R. Ling. rom. 78, 2014, 435)

En le quelle cipté demouray pres de ung mois jusques tant que le dit albre et la nef fusse adobee que en avoie grant besoing et moy estant en ceste fourtune fis a Nostre Seigneur le ourayson que s'en suyt. (Caumont, Voy. N., p.1420, 59)

Sy deux seigneurs avoient ung moulin commun et il y faillist aucuns amendemens comme meubles et autres choses, si l'un des seigneurs faisoit adouber ledit moulin sans requerir son parcionnier, celui qui ne seroit pas requis ne seroit tenu perdre sa part de ce que le moulin avoit vallu (Cout. instit. Anjou Maine B.-B., t.2, 1437, 105)

...deux marteaux de moulin et ung de montaigne pour adouber le fourneau (Aff. Jacques Coeur M., 1453-1457, 268)

...ledit gouverneur fera incontinent et sans délay vuider les eaues qui sont à l'entrée dudit voiage, et par les charpentiers de ladicte montaigne fera adouber et redressier l'entrée dudit voiage (Aff. Jacques Coeur M., 1453-1457, 350)

Au fontenier, pour avoir adoubbé la fontaine de la bastide de Masseille. (Comptes roi René A., t.1, 1476, 30)

...car le chemin est tel que la nature l'a faict et n'y a riens adoubé (Comm., III, 1495-1498, 161)

Panser (une plaie).

Cependant mons^r de Charrolois beut et mengea ung peu, et chascun en son endroit, et luy fut adoubée sa playe qu'il avoit au col. (Comm., I, 1489-1491, 35)

Participe passé. [D'une chose] Remis en état, réparé.

... a Jehan Ribaut, vicomte de Montivillier, commis sur le fait des reparacions des gallees du roy (...). Nous avons establi et ordené Jehan Brumen patron et gouverneur du lin de nouvel adoubé au dit clos. (Clos galées Rouen M.-C., t.2, 1369, 155)

Par antiphrase.

...et le bras senestre estoit tel adoubé qu'en trois lieux il ne tenoit fors a un nerf (Percef. IV, R., c.1450 [c.1340], 822)

c)Au figuré. Adouber la faute. Arranger, réparer.

Le bon homme, qui vieult entendre a adouber la faulte, lesse les parolles et s'en va bien doulant, car il amast mieulx a l'aventure, telx gens pouent ce estre, avoir perdu cent escuz d'or, mes a la dame n'en chault de tout cela. Elle le cognoist bien, il ne la mordra ja, quar el l'a autreffoiz veu. Briefment il court par la maison et ralie ce qu'il peut trouver de ses gens et fait le mieulx qu'il peut. (Quinze joies mar. R., c.1390-1410, 52)

Adouber qqc. avec qqn. Arranger, régler qqc. avec qqn.

Et si ne sçavoit le duc de Bourgongne adouber avecques eulx le faict dudict connestable (Comm., Mém. B., 1489-1491, 269)

B. -Emploi pronominal.

1.[Le compl. prép. désigne une chose concr.] S'adouber de qqc. Se vêtir, s'affubler de qqc..

Lors avoit ung astronomïen qui cuidoit de la fable des deables que ce fust verité. Si s'adouba de plumes en piés et en teste et en mains, ainsi conme la fable dist, et se mist sur une haulte tour, et vola bien par l'espace d'une stade ou de plus. (Renart contref. R.L., t.1, 1328-1342, 280)

2.Au figuré. [Le compl. prép. désigne une qualité morale] Se cuirasser de qqc..

...elle adossa la teneur feminine, et s'adouba de virile vertu. (C.n.n., c.1456-1467, 178)