ADJOINDRE

verbe

[T-L : ajoindre ; GD : ajoindre ; GDC : ajoindre ; AND : ajoindre ; FEW (XXIV, 160a) : adjungere ; TLF (I, 674a) : adjoindre]

I. -Emploi transitif.

A. -Adjoindre qqc. (à qqc.)

1.Mettre qqc. en plus d'autre chose ; l'ajouter, le joindre à qqc..

a)[Une chose concr.]

...du vostre (...) A pris, non pas une maison, Mais troys (...) Et les adjoint et adcueilli A la seue ou il demouroit (Mir. prev., 1352, 251)

[Une terre, une ville...] Annexer à.

Recepte des esplois eskeus en toute le terre d'Estmeng, c'est a entendre depuis que le dicte tiere fu raplickie et adjoinse a le prevostet de Maubuege (Arch. Nord, 1393, B 11300, f° 15, IGLF)

La ville de Lude fu adjoinsse a la ville de Tongrez et accordé fu ceuls de Lude yestre wardez de tailles. (Arch. Nord, a.1400, B 146, 1er cah., f° 6 v°, IGLF)

...le roy Phelippe (...) conclud adjoindre a son demaine les terres du roy Jehan (Juv. Urs., T. crest., c.1446, 95)

Emploi absolu. Adjoindre qqc. Mettre qqc. en plus, l'ajouter.

Le tiers aussi convient adjoindre, c'est asscavoir discretion, affin que en ichelle soit gardé maniere et temps et lieu. (Daudin, De la erudition H., c.1360-1380, 190)

b)[Pour introduire un énoncé en style dir.] Ajouter, dire en plus.

Pour che, aprés che que l'Apostre eut dit aux Ephesiens : 'Filz, obeïssiés a vos parens', il adjoindy : 'Et vous peres, ne veulliés provoquier ou esmouvoir vos filz a ire'. (Daudin, De la erudition H., c.1360-1380, 233)

...quant ilz dirent [ajoinstrent] : 'Et le sommes venus adourer' [Var. ds VIGNAY, ms. BNF fr. 241, a.1348] (Batallier, Lég. dorée D.-L., 1476, 205)

Et puis il dist et adjoint en nombre singulier 'Sire, Dieu'. (Somme abr., c.1477-1481, 124)

Adjoindre que

...en quoy il dit vray, mais il adjoint, par manière de repreuve : que par ceste paix... (Chastell., Vérité mal prise K., c.1460, 318)

2.Mettre ensemble des choses concrètes, de manière qu'elles soient étroitement unies, qu'elles forment un tout.

Ce miraicle te plaise faire, Mon tresdoulx sauveur debonnaire ! En celle foy je la mettray [la main coupée] Et a son bras luy adjoindray, Et vous ferés vostre plaisance. Cy joigne la main au bras, et soit joincte. (Myst. st Adr. P., c.1450-1485, 186)

3.Ajouter qqc. (d'abstr.) en complément à qqc. d'autre.

Et ilecquez chiés les dieux privez et en maisons privees a li roys Latins avecquez Enee fait privee aliance, laquele il a adjoint a l'aliance publique premierement faite (Bers., I, 1, c.1354-1359, 1.9, 5)

...en son euvre elle adjoigne Souvent au doulx quelque chose qui poigne (Chart., D. Fort., 1412-1413, 166)

[D'une chose]

Aucune fois la concurrence Des signes et les mocions Avec les opposicions Les font l'une a l'autre conjoindre, La mauvaise a la bonne joindre En tel signe que bien s'avient Que la bonne male devient Et la mauvaise devient bonne, Selon ce que le signe ordonne Et le regart de la planete, Qui par force avec soy a trette Celle qui a luy se conjoint, Et a sa nature l'ajoint, Soit bonne ou male sa nature, Selon art et selon droiture Des cercles et du firmament (Desch., Oeuvres R., t.8, c.1370-1407, 277)

B. -Adjoindre qqn (à / avec qqn)

1.Adjoindre qqn à / avec qqn

a)Ajouter qqn à qqn, mettre qqn avec qqn.

Lors a li roys des princes des Albains ordenés en peres et en senatours, afin que le senat creust a son endroit, et i a adjoins et esleus ceus que on disoit Tullies, Servilios, Quincios, Geganios, Curacios, Cloelios. (Bers., I, 1, c.1354-1359, 30.2, 51)

...et pour ce aus troys centuries que jadis Romulus avoit establi, c'est aus Rannenses, Ticienses et Lucerez, il a adjoint autres centuries de gens de cheval, lesquel il denoma de son nom. (Bers., I, 1, c.1354-1359, 36.2, 62)

Au passif. Être réuni à.

Au jour du jugement, icelui meyme corps resuscitera au commandement de Dieu et sera ajoint a son amie (...) [dans la gloire] les noeces de vous et de celui [Jésus-Christ] seront faites et celebrees, et la serés inseparablement ajointe a luy (Anon. chartreux, Doctr. Ste Ecriture, c.1400-1500, 170)

b)Associer qqn à qqn.

Or le porta au plus bel et au plus doux qu'il pooit, et passa le temps jusques à la fin de may le XXVIIIe jour que ce bon prince, espérant de pooir vaincre et amollir le coeur de son père et de le faire ploier à ses prières et remonstrances, mist sus arrière son ambassade, et aveuques messire Guillame de Coursillon qui jà avoit ouvert et commencé la matère à mener, adjoingny le prieur des Célestins d'Avignon (Chastell., Chron. K., t.3, c.1456-1471, 59)

Au passif. Estre adjoint à qqn à + inf. Être associé à qqn pour' + inf..

A quoy Danger et Male Bouche qui estoient adjointz a veoir juger le decret des dites crieez disoient que les dits amoureux opposans se abusoient bien de y venir par opposicion (MART. D'AUV., Arrêts Am. R., c.1460-1466, 126)

c)Adjoindre qqn à soi. Se concilier qqn, le rallier à sa cause.

Comme li Samnicien d'autre part n'eussent fait nul appareil, ou pour ce que il vraiement couvoitoient la pais, ou pour ce que il dissimuloient, affin que il concilliassent et adjoinssissent a eulz les Tarentins (...) il commencierent a crier et a dire que il voloient estre en l'auctorité et en l'ordonnance des Tarentins (Bers., I, 9, c.1354-1359, 14.6, 25)

2.Adjoindre [des pers.]

a)[L'obj. désigne ici, p. méton., un aspect de la pers.] Unir.

Maiz, quoy que la grandeur a lee Si qu'esgarer S'y puet on sans terre apparer, Jamaiz ne pourra separer Noz cuers qu'Amours fait reparer Ensemble et joindre En un seul vouloir que conjoindre Les fait, et comme egaulx adjoindre Sans qu'il y ait greignieur ne maindre. (Chart., L. Dames, 1416, 237)

b)Rapprocher (des armées) pour le combat ; mettre aux prises.

Je vous feray cy aultre parson : je suys armeit pour faire estour contre les IIII miedre de vostre oust, sy les faitez venir avant ; se je ne les conquier, vous avreiz la terre ; ou vous en ralleiz en vostre pays et nous laissiéz la sainte terre que Dieu nous at promis. Se de ces II ne vouleiz nulz faire, sy faite la tierce : c'est que a demain adjoindans noz oustz ensemble et ait chascun ce qu'il peult conquere. Et je vous ay convent, se vous esteiz desconfis, ne demourat ne royaulme ne region qu'il ne [soit] ars et les gens mis a mort. (JEAN D'OUTREM., Myr. histors G., a.1400, 80)

infinitif substantivé. [À propos de combattants] Fait de se trouver en contact, rencontre.

Atant commence la merlee. (...) Maint Lupalois chiet a l'adjoindre. (Pastor. B., c.1422-1425, 219)

II. -Emploi pronominal.

A. -S'adjoindre. S'unir, s'associer.

1.[De pers.]

Mais, dès l'heure que tous les princes et les grands de ce royaume se perçurent comment ceste maison de Bourgongne, dont il tenoit sa force et redoutance, commença à luy tordre le col et à se refroidir envers luy, à mainte cause et titre, eux tous alors, maltraités et mal menés de long temps, luy commencèrent à tourner face aussi ; et faisans fondement sur le duc de Bretagne, que le roy vouloit traiter dehors raison, s'ajoignirent en sa querelle (Chastell., Chron. K., t.5, c.1456-1471, 126)

2.[De choses abstr.]

...ou grace de Dieu et vertu d'omme se adjoingnent (Chart., L. Esp., c.1429-1430, 136)

B. -S'adjoindre à / avec qqn / qqc.

1.[D'une pers.]

a)[De Dieu] S'unir, se joindre à qqn.

...Dieu s'est a eulx adjoint et aglutiné et les a amez, combien plus s'est il adjoint a ceste vierge en laquelle il prist nostre humanité (Mir. st J. Paulu, c.1372, 92)

b)S'associer à qqn, s'allier à qqn.

...il dampta et veynquist tout le nom des Latins et prist Cornicule Ficulvee, Vecus Camerie et Crustemene, Ameriole, Medulle et Nomence, tant du peuple latin comme de tous qui aus Latins se estoient adjoins en leyssent les Romains. (Bers., I, 1, c.1354-1359, 38.4, 66)

Ce sont ceulx qui se sont adjoins et aliez a voz desloiaulx et rebelles (Chart., Q. inv., 1422, 18)

S'adjoindre (à qqn) à + inf. S'associer (à qqn) pour' + inf..

...il n'en voult faire semblant, ainçois se vint adjoindre par parolles a confermer la belle bourde que sa femme luy bailloit (C.n.n., c.1456-1467, 128)

S'adjoindre avec qqn. S'associer avec qqn.

Et comme le cas tient du vraisemblable, et que le sire de Rubenpré est vostre neveu, conduiseur de ceci, et que vous et toute vostre ligne portez haine et machination contre le comte, avez peur que ne soyez défaits par luy, et à ceste cause vous vous estes ajoints avecques le roy son ennemi, pour avoir port (Chastell., Chron. K., t.5, c.1456-1471, 162)

DROIT S'associer avec une des parties (pour l'aider dans sa défense).

Le duc de Bourgoigne dit que, comme ait esté ceans proposé contre une epistle Tholousainne par le procureur du Roy, le duc de Berry et l'Université de Paris, et il soit informé qu'elle soit moult diffamatoire contre l'onneur du Roy, de son sanc et de son Conseil, il se adjoinct avec lesdiz procureur du Roy, de Berry et de l'Université, et tient les conclusions faictes par les dessusdiz comme faictes par lui, et aussy pareillement s'adjoinct avec les dessusdiz à l'encontre de messire Guigon Flandin, que l'en dit compositeur de ladicte epistle, en faisant pareilles conclusions comme autrefoiz ont esté faictes par les dessusdiz tant contre ladicte epistle que contre ledit Guigon, et requiert ce estre registré et en avoir lettre. (Baye, I, 1400-1410, 163)

Aprés lesquelles defenses proposeez, les gens d'Amours qui se estoient adjoinctz avecques le dit amant, disoient que ceste femme n'estoit pas digne qu'on parlast d'elle devant les gens de bien (MART. D'AUV., Arrêts Am. R., c.1460-1466, 141)

S'adjoindre avec qqn à + inf. S'associer avec qqn pour + inf..

...si ont requiz que la Court s'adjoigne avec eulx à faire ladicte poursuite (Baye, II, 1411-1417, 100)

c)S'adjoindre charnellement à qqn. Avoir des relations sexuelles avec qqn.

Cil qui voit en songe qu'il pisse en un vaissel d'argent, s'il est roy ou aucun des grans seigneurs, il s'ajoindra charnelment a la plus belle de ses ancelles ; s'il est du peuple , il joyra de sa propre femme ; et s'il est souffrecteux, il aura une femme riche en amie ou en espeuse. (Expos. songes B., 1396, 88)

2.[D'une chose abstr.] S'attacher à.

Mais s'Amours qui mon mal apointe Vous eüst pointe De telle pointe, Tost fust desjointe De moy l'ardeur qui s'i ajoint (Mach., Lays, 1377, 290)

III. -Participe passé en emploi adjectival ou substantival.

A. -Emploi adjectival.

1.[D'une chose]

a)Placé à côté, ajouté.

Pour faire 1 noef piler adjoint d'empres le mur de la sale d'Inde, montant jusques a le couvreture, au lés devers la grande cappelle, refaire tous noés les crestiaus et reffentes d'iceuls. (Arch. Nord, 1360, B 15279, f° 16 v°, IGLF)

[D'un vent] Collatéral.

Ce vent en a qui lui sont adjoins dont l'un est vers septentrion et est eppellé vent Vultem (Corbechon, Propriétés, 1372, XI, 3, 184vº)

Baston adjoint / rime adjointe. Vers ajouté.

...il est ung bastons en la balade qui est joinctz a la croisie, come cy le poés veoir, et l'appelle on rimes ajoincte, et se fait en la balade de .VIJ. bastons (...), cestuit adjoinct baston se fait au premier d'un double rondel ou d'un double balade (Traité art rhétor. L., c.1433-1466, 207)

b)Adjoint à qqc. Ajouté à qqc..

Item, sanz muer la figure des autres porcions qui sont denomees par nombre nomper, et sanz mouvoir la premiere soit la tierce adjoincte a la premiere (Oresme, C.M., c.1377, 236)

Le premier enseignement est aprés que l'omme est levé du matin il doit laver ses yeulx de eaue clere et froide, car les yeulx doivent estre mondifiés pour oster les infections adjoinctes aux paupieres et environ les yeulx. (Rég. santé corps C., 1480, 4)

2.[D'une pers.]

a)Adjoint par mariage. Uni par mariage, marié.

[Dans un cont. métaph.]

...la très noble cité de Lacedemonye (...) est cler espech lumiere et demonstrement de la foy et amour de femme adjointe par vray mariage (La Sale, Sale D., 1451, 130)

b)Associé, allié.

...si que en quelconque deffaillance qui onques avenist des compaingnons du nom latin descrivoit on a Romme dix legions et quatre oulz atout lesquelz l'en faisoit guerre aucune fois en quatre lieux, c'est a dire en Etrurie, en Ombrie aveuques les Gaules adjoinz ennemis, et en Sannie et en Lucanie (Bers., I, 9, c.1354-1359, 19.3, 35)

c)Adjoint à qqn

[Sans idée d'une aide auxiliaire] Associé à qqn.

L'EMPEREUR. A qui es tu ? LE HERAULT. Au Roy de Barbarie, Lequel, adjoinct a sa chevalerie, Paix et acort vous demande humblement. (La Vigne, S.M., 1496, 252)

Rallié à qqn.

Les Fidenates, qui estoient colonie romaine, c'est a dire bastide faite du peuple des Romains, adjoins ad soy lez courages de ceus de Vege (Bers., I, 1, c.1354-1359, 27.3, 46)

d)Adjoint avec qqn. Uni, associé avec qqn.

[Loth, porte-parole du peuple à Appollon :] Zechius et Zethephius te mercient du grant honneur que tu leur fais, et eulz adjoins avoeuc le poeuple voeulent que tu ayes sus nous et la cité souveraine seignourie. Et pour ce ne quiers plus pensees tant contrepesees, ploye toy selon le goust de nos desirs ! (LEFÈVRE (R.), Hist. Jason P., c.1460, 181)

DROIT Associé avec qqn pour le soutenir.

...le procureur de l'Université de Paris, adjoint oudit procès avec ledit inquisiteur, avoit consenti que ledit Faudin fust eslargi (Fauq., II, 1421-1430, 47)

En la court de seans s'est assiz ung autre procés entre une trés belle dame et le procureur general d'Amours avec elle adjoinct, demandeurs en cas d'excez et de delict, d'une part, et une vielle chamberiere, deffenderesse, d'autre part. (MART. D'AUV., Arrêts Am. R., c.1460-1466, 98)

B. -Emploi substantival.

1.Celui qui est associé à qqn, allié, partisan.

...des choses dessusdictes escriptes par ledit de Bourgoingne, semées et divulghiés par aucuns de ses adjoings et complices (Doc. 1414. In : MONSTRELET, Chron. D.-A., t.6, c.1444-1453, 155)

...considérées les malices qui se forgeoient et traitoient soubs la main de la royne, ne de ses adjoints, pour venir férir sur le duc de Bourgongne sans titre et sans cause sinon de hayne volontaire, il sembleroit que ce qui autrement en est advenu, a esté par jugement de Dieu (Chastell., Chron. K., t.4, c.1456-1471, 67)

...assez savez, les questions et differences qui (...) ont esté entre nous et aucuns seigneurs, et leurs adjoinctz et adherens (Lettres Louis XI, V., t.3, 1465, 6)

2.Celui qui est placé à côté de qqn pour l'aider.

a)Celui qui assiste et supplée un autre dans une fonction.

...commettons que, adjoint avec toy un prodomme du païs non suspet, tu, sur les choses dessus dites et chascune d'icelles, appellé à ce nostre procureur et ceulz qui seront à appeller, enquierez diligenment la verité, et l'enqueste que faite en aurez, renvoie feablement enclouze souz les seaulx de toy et de ton dit adjoint, à noz dites gens de noz comptes (Doc. Poitou G., t.2, 1348, 410)

Chascun tabellion aura ung adjoinct quant il passera lectres, ou appellera deux tesmoings qui seront nommez en la lectre. (Cout. instit. Anjou Maine B.-B., t.2, 1437, 210)

b)Celui qui assiste qqn, qui aide qqn pour exécuter qqc..

...ledit Jaquet Colin n'osoit proceder a l'execucion dudit testament, ni a faire faire inventaire des biens demourez du decès dudit deffunct, sans avoir un coadjuteur avecques lui, mesmement que ledit Colin disoit que ledit Ravenel, par son dit testament, avoit voulu et ordonné que lesdiz Colin et Cordouennier peussent prendre un adjoinct avecques eulx, attendu qu'ilz ne savoient ne lire ne escripre (Sent. Chât. Paris M., II, 1454, 521)