OEUVRER

verbe

[T-L : ovrer ; GD : ouvrer1 ; DECT : ovrer ; FEW (VII, 365a) : operari ; TLF (XII, 433b) : oeuvrer]

I. -Emploi intransitif.

A. -[D'une pers.]

1.Agir, oeuvrer.

Selon c'on a [selon ce qu'on a, dont on dispose] l'on doit ovrer. (Dupin, Mélanc. L., c.1324-1340, 97)

Mais cils feus ne s'en puet partir, Tant que je l'en fais departir ; Et quant je voy que li temps vient Qu'a euls revenir appartient, Pour joie d'amours recouvrer, Je lais Grace et Franchise ouvrer Et Pitié la trés debonnaire. Ces trois leur donnent tel salaire Qu'il reçoivent de jour en jour Cent joies pour une dolour. (Mach., D. verg., a.1340, 32)

Et Loiauté Si li deffent a faire fausseté. Mais s'il eüst par mon conseil ouvré, Quant sa dame ot nuef ami recouvré, Il n'eüst pas Continué l'amour ; car, en tel cas, Se la dame chante en haut ou en bas, On doit aler ou le trot ou le pas. (Mach., J. R. Beh., c.1340, 122)

Nompourquant s'il fust de si bas Qu'osé l'eüsse sans debas Baudement requerir a vendre, Et on en vosist dou mien prendre, J'en vosisse trop plus baillier Que drois ne m'en osast taillier. Mais il n'estoit pas ensement, Se couvint ouvrer autrement. J'en laissay Amours couvenir, Pour ce que bien puet avenir Qu'Amours fait tele chose avoir Qu'on n'averoit pour nul avoir. (Mach., D. Aler., a.1349, 311)

Elle commande qu'on oublie Et mort d'amant et mort d'amie, Pour ce qu'on n'i puet recouvrer Par grant avoir, ne par ouvrer. (Mach., J. R. Nav., 1349, 211)

...Dont je vueil faire une demande, Se de la chose qui amende On doit avoir cuer esperdu, S'elle a un petit nom perdu Pour un plus grant nom recouvrer, Par nature ou par bien ouvrer ? Je respon qu'einsi n'est il mie ; Car ce seroit grant derverie. (Mach., J. R. Nav., 1349, 222)

Guillaume, sachiez sans mentir, Qu'ensement avez vous ouvré. S'en avez un dueil recouvré Qui vous venra procheinnement, Et se vous durra longuement, Voire, se ne vous repentez. (Mach., J. R. Nav., 1349, 267)

Certes ne savoit qu'il faisoit, N'il n'en ouvra pas conme sage (Mir. mère pape, c.1355, 381)

Mais ouvrez touz d'art de dyable, Vous crestiens. (Mir. st Ign., 1366, 95)

Sire de Lesparre, je pense Que vous savez assez la cause Dont ceste assamblée se cause. Vous avez ouvré follement, Et mauvais consaus vraiement Vous a si meü, que de fait Au roy de Chypre avez meffait. (Mach., P. Alex., p.1369, 242)

Et ja Ihesu Cris ne consente Qu'en fil de roy traïson s'ente, Car mieus vaurroit mort par honnour Que vivre à tele deshonnour ; En ce cas, especialment, Car trop ouvreroit folement Et trop griefment se mefferoit Li homs qui traïson feroit, Comment qu'en nul cas rien ne vaille. (Mach., P. Alex., p.1369, 264)

Et, s'il vous plaist, venrez veoir Conment sur son frére ouverra, Et se santé recouvrera Par son ouvrage. (Mir. emper. Romme, 1369, 302)

Mais il puet estre que un homme ait vertuz et se dorme et que il ne oeuvre jamais en sa vie selon celles vertuz. (Oresme, E.A., c.1370, 112)

...car nous y regarderions et nous seroit aussi comme examplaire, et ainsi nous ne pourrions mieulx ouvrer et acquerir les biens dessus diz. (Oresme, E.A., c.1370, 116)

...car en toutes autres estudes ou besoignes de quoy il est art ou science, l'en peut dire ceste verité general, c'est a savoir, que il convient labourer et ouvrer et non pas faire negligence. (Oresme, E.A., c.1370, 330)

...les choses y sont esté prez mal portées, si comme vous avez veu et sceu que, se Dieux proprement n'y eust ouvré, le royaulme d'Angleterre eust esté perdus et destruit et esilliez de luy-meismes sans recouvrier. (Froiss., Chron. M., XIV, c.1375-1400, 26)

Et le duc de Bourgoingne et autant bien les aultres nobles et haulx barrons de France et du conseil du roy sentoient le duc de Bretaigne en grant different contre le royaulme, et avoit ja commenchiet à ouvrer : merveilleusement, et monstroit par ses euvres qu'il avoit autant chier et plus la guerre que la paix au royaulme de France. (Froiss., Chron. M., XIV, c.1375-1400, 231)

Car je me doubt que ses cuers pourveüs Ne soit d'ami ; ce me tient en errour. Et d'autre part Doubte de son refus Fait demourer en moy Honte et Paour ; Et s'est li dons de si haute valour De sa mercy, que je ne l'os rouver. Pour ce en lairay Grace et Franchise ouvrer Et Loyauté pure qui m'aidera, Tant que Pité ou Amour li dira. (Mach., L. dames, 1377, 18)

Et apperceurent sur la roche de la Fontaine de Soif grans trencheiz et arbres abbatus d'une part et d'autre, dont ilz se prindrent fort a merveiller, car oncques mais n'y avoient veu trencheiz. Remondin, qui bien s'apperceut que sa dame avoit ouvré, se teust. (Arras, c.1392-1393, 33)

... se il puet avoir le confort et l'aide des Alemans..., il pora bien adont desfiier le roi de France et demander son droit ; mais toutesfois nous disons et mettons avant que riens n'en face, si sace la volenté de ceuls que je vous ai nonmés. Et vela le consel et la response sus vostre demande, que je vous donne. Chil signeur d'Engleterre generaument respondirent et dissent : 'Grant merchis, et nous ouverrons apriés vostre consel.' (Froiss., Chron. D., p.1400, 251)

Et pour empetrer grace de dire chose sans erreur de la benoite Divinité et Trinité, pour nous enluminer chose aussy fructueuse, pour nous esmouvoir a bien ouvrer et Dieu amer, saluons le saint temple, la sale et habitacle singulier de la Divinité, la Vierge glorieuse (Gers., Trin., 1402, 151)

Et conditions et muances De l'actuèle maladie, À la savance et industrie Des Maistres et Phisiciens, Qui visitent les patiens Et oevrent en particulier En quelque suppost singulier (La Haye, P. peste, 1426, 159)

Bonnes gens tres bien vous sçavez Ou au moins sçavoir le devez Que l'homme qui laboure ou oeuvre Et en oeuvrant commence ung oeuvre, S'il ne maine a conclusion Son oeuvre et operacion, Son labeur petit lui proffite Et guieres n'acquiert de merite (Marcadé, Myst. Pass. Arras R., a.1440, 216)

Le cours et mouvement violent est quant les choses sont constraintes d'estre hors de leur propre lieu, comme quant les choses griefves sont desseure et les legieres en bas. Mais le cours ou mouvement voluntaire est en ceulz qui ont ame, quant elles courent ou euvrent. Et ceste motion est moyenne entre le mouvement naturel et le violent (Somme abr., c.1477-1481, 144)

Quant dont Dieu repreuve et dampne les mauvais, il euvre selon sa justice. Quant il predestine, il euvre selon la grace et misericorde, laquelle pas forclost justice. (Somme abr., c.1477-1481, 168)

LE GREFFIER. Ha, sainct Nicolas glorieux, Tu oeuvres par dessus Nature. Par courtoisie, est malheureux. Helas, or il [le chrétien] est mort parjure ! (Mir. st Nic. juif, c.1480-1500, 143)

Oeuvrer de sa teste. N'en faire qu'à sa tête.

Remarque : HENRI FERR., Modus et Ratio T., c.1354-1377, gloss. (ouvrerde sa teste).

Oeuvrer selon qqc. (des principes)

Or est il certain que quiconques personne oeuvre selonc vertu il aimme ouvrer selonc vertu, et par consequant il a en ce delectacion. (Oresme, E.A.C., c.1370, 126)

[D'une collectivité, d'une entité collective]

Et aussy pour quelles causes unes policies euvrent bien civilement et autres font le contraire. (Oresme, E.A., c.1370, 540)

[D'un animal]

...nobles chevaux, bon bestail bien mengant et bien ouvrant (Foul., Policrat. B., V, 1372, 405)

[À propos de rapports sexuels] Agir.

LA SERVE. (...) Je voy bien que venez couchier Avecques ma dame en ce lit. A touz deux soit joie et delit. Je m'en vois reposer aussi ; (...) Ouvrez en con de vostre famme. (Mir. Berthe, c.1373, 171)

Participe présent en emploi adjectival. Agissant, efficace.

Car les gens ne sont pas fais medicins operatis et bien ouvrans selon medicine par les escriptures des livres de medicine, combien que les aucteurs temptent et se efforcent de dire et de mectre en escript pas tant seulement les curacions, mais avecques ce la maniere comment il convient faire les cures en divisant les especes et les manieres des maladies singuleres et en monstrant comment l'en doit les choses appliquer a chascune. (Oresme, E.A., c.1370, 539)

2.En particulier.

a)Agir par le travail, travailler.

...doresenavant nous ne ferons ouvrer esdites forteresses, quant il plaira à nous ou à nostre lieutenant, que de la somme de cent livres parisis pour une année, et tant et non plus nous y loira y faire mettre, nous premierement, la prioré de Donchery, les habitants de Donchery (Trés. Reth. S.L., t.2, 1348, 119)

Ce jour ala li roys jouer Pour veoir et pour ordener La maison de la Marguerite Qu'au deviser moult se delite. Avec les esclaves trouva Le vallet ferré qui ouvra, Et à son col portoit la terre Dont li cuers le destreint et serre. Li roys n'en fist onques samblant, Einsois seur son mulet emblant Passa le chemin et la voie (Mach., P. Alex., p.1369, 265)

Car il convient que il [telz gens] remuent leur loges ou tentoires et leur mesnage et leur bestes, et ce leur est grant peine, car il ne sunt pas acoustumés a oeuvrer. (Oresme, Pol. Arist. M., c.1372-1374, 61)

Auquel lieu de Paris il vendi sondit cheval, se vesti de neuf bien et honnestement, et, en cest estat, se tint long temps sanz rien fere ou ouvrer, jusques ad ce que tout l'argent qu'il avoit fu despendu, tant au jeu de dez comme en la taverne, comme aus filletes de vie. (Reg. crim. Chât., I, 1389-1392, 61)

...il avoit esté et fu né en la ville d' Ay, près de Chasteau-Thierry, en laquelle ville d'Ay et environ il a bien ouvré ès vignes VIIJ ans ou environ (Reg. crim. Chât., I, 1389-1392, 239)

Auquel prisonnier il lessa une besche et une truelle, afin qu'il ouvrast et feist sa besoingne comme enchargé li avoit (Reg. crim. Chât., I, 1389-1392, 393)

Onques [Griseldis] oyseuse N'est d'ouvrer vertüeusement, Puis pense du gouvernement De l'ostel, puis est ses mestiers D'accorder les familïers Du marquis s'ilz se sont mellez (Gris., 1395, 48)

...des cousturers qui savent bien oeuvrer et ignellement coustre (Man. lang. G., 1396, 48)

Trois remedez y sont : Le premier : fuyr oiseuseté, comme fist Nostre Dame qui tousdiz ovroit ou labouroit ou estudioit hors les heures du repos et du menger. (Gers., Annonc., a.1400, 236)

Et furent tantos ouvriers mis en oevre, bos amenés et achariiés, et estoient bien .CC. carpentiers ouvrans. Et furent fait chil enghien, nonmés kas, sus quatre grosses nefs, a la devise et ordenance des deus mestres enghienneours qui menoient les ouvriers. (Froiss., Chron. D., p.1400, 669)

Maçons, couvreurs, qui font maisons, Y oeuvrent en toutes saisons (Chr. Piz., M.F., I, 1400-1403, 138)

Et sur ce sera commencié à ouvrer le plus tost que faire se pourra, et premierement au pont dudit Petit Chastellet (Baye, I, 1400-1410, 225)

Il sera dit que les orfevres qui ne ont esté approuvez ne tesmoingnez souffisans par les gardes dudit mestier d'orfavrerie aux generaulz maistres des monnoies, ne par eulz receuz en baillant caucion selon les ordonnances royaulz, avant ce qu'ilz puissent ouvrer comme maistres dudit mestier d'orfavrerie, seront par lesdiz gardes examinez (Fauq., II, 1421-1430, 305)

Dont, tout ce jour, a cause de ce partement n'y eust homme qui ouvrast ne bouticle n'y eust ouverte, neant plus que le jour de Pasques. (La Sale, J.S., 1456, 205)

...nostre orfevre avoit tant de gens qui pour luy ouvroient que force luy fut le chareton avec luy et sa femme en son lit heberger. (C.n.n., c.1456-1467, 66)

...voyant son mary chacun jour continuer la diligence et entente de soy lever pour ouvrer et marteler, [elle] s'advisa qu'elle employroit avecques son curé le temps qu'elle estoit habandonnée de son mary (C.n.n., c.1456-1467, 493)

...j'ay ouvré huyt jours ou tant Sur deux clochers merveilleurs haux Et n'ay eu pour jour que deux saulx. (C. Riffl., c.1480-1520, 59)

Le roy ce dit jour souppa auprés du dict pont pour veoir ouvrer ceulx qui le faisoient. (La Vigne, V.N., p.1495, 306)

Ouvrer en qqc. Travailler à qqc..

La Court, oye la requeste du procureur du Roy, a enjoingt aux Tresoriers qu'ilz facent ouvrer sans intermission es reparacions du Palais (Fauq., I, 1417-1420, 6)

b)Oeuvrer pour qqn. Agir, intercéder pour qqn (auprès de Dieu).

Dame, qui pour tes amis oevres Vers Dieu ton glorieux enfant... (Mir. parr., 1356, 60)

c)MÉDECINE Faire une intervention.

Cirurgie est science qui enseigne la maniere et qualité d'ouvrer, principallement en tranchant, en consolidant et en faisant aultres oeuvres de mains, garissant les hommes selonc ce qui est possible. (Panis, Guidon, 1478, chap. sing.)

...ouvrer en membres mols et en membres durs (Panis, Guidon, 1478, chap. sing.)

...ouvrer en appostemes, (...) en playes, (...) en ulceres, (...) en restauracions et (...) en articulacions d'os et en aultres ou chiet operacion manuelle. (Panis, Guidon, 1478, chap. sing.)

Aussi appert que il convient le cirurgien en ouvrant artificiellement sçavoir les commancemans de medicine et avec ce est convenable que il sache aulcun peu des aultres ars. (Panis, Guidon, 1478, chap. sing.)

Cyrurgie est science qui enseigne la maniere et qualité de ouvrer en chars, en nerfs et en os par les mains de l'omme (Prevost, Cir. Guill. Salicet, 1492, pref.)

B. -[D'une chose] Agir, opérer.

Et afin que le feu ouvreroit plus fort en son corps et mieulx le ardroit, ilz getterent en celui feu grant quantité d'oile (Jean Le Long, Voy. Odoric A.M., 1351, 13)

Se la medecine laxative boute hors telles humeurs comme nature mettroit hors s'elle povoit ouvrer, icelles medecines sont prouffitables ; laissier et reposer du contraire. (Saint-gille, A.Y., 1362-1365, 71)

Et chascune chose oeuvre plus efficaument et plus fort presente que absente. (Oresme, E.A.C., c.1370, 219)

...se lesdites poudres avoient ouvré, bien seroit, et que, ou cas que elles n'auroient aucunement besongnié, ilz lui bailleroient d'autres poudres nouvelles (Reg. crim. Chât., I, 1389-1392, 455)

Et quant Madame oÿt nommer Matheline de Courcy, pensa bien que amours d'enfance et ygnorance y ouvroit (La Sale, J.S., 1456, 15)

...que, aprés ce que la medicine sera prinse, [le malade] se repose affin qu'elle soit comprinse de nature jusques que commance a ouvrer. (Panis, Guidon, 1478, tr.VII, doct.1, chap.2)

II. -Emploi transitif indirect.

A. -Oeuvrer à qqc.

1.[D'une pers.] Travailler à qqc., oeuvrer à qqc..

Quant uns bons procès vient en fourme, Et je perçoy qu'on l'en deffourme, J'y puis bien tellement ouvrer Qu'il puet sa fourme recouvrer. Se trop y a, j'en puis oster. (Mach., J. R. Nav., 1349, 199)

Mais de li pleins Fu, regretez et plourez longuement Par grans souspirs getez parfondement, Si que Juno y ouvra tellement Que pour ses plains En deus oisiaus mua leurs corps humains Qui sus la mer volettent soirs et mains. (Mach., F. am., c.1361, 167)

C'est la quinte raison et convient supplier et est verité que en telles operacions ou les choses delitables meuvent nostre volenté, elle meïsme y euvre et confere et s'i acorde et les poursuit et s'i delicte. (Oresme, E.A.C., c.1370, 179)

...la Trinité (...) ouvra a l'incarnation (Jean Golein, Rational B.D., c.1370-1372, 321)

Pour quoy, très redoubtez sire, en la presence de vostres oncles, nous vous supplions humblement, ainsi que subjetz doivent prier à leur seigneur, que vous ouvrez à ces besoingnes, par quoy le noble royaulme d'Angleterre et la noble couronne qui vous vient de si noble roy que du plus vaillant roy qui y fust onques depuis que Angleterre fut scituée et habitée, soit soustenue en prosperité et en honneur, et le menu peuple qui se plaint tenus et gardez en droit et raison ; (Froiss., Chron. M., XIV, c.1375-1400, 26)

...il se acompaigna deux ans ou environ par le moyen du dessus nommé Thierry, qui ouvroit lors avecques lui à servir les maçons à Saint-Martin des Champs, à Paris. (Reg. crim. Chât., II, 1389-1392, 38)

De laquelle ville de Vendosme il seul se parti, et vint ouvrer à soyer blez en la ville de Yenville en Beausse (Reg. crim. Chât., II, 1389-1392, 270)

...depose par son serement que il congnoist ladite Colete depuis VIIJ mois en ença et par ce que il l'a veu demourer en l'ostel de sa mere et ouvrer au touret. (Reg. crim. Chât., II, 1389-1392, 529)

Tant y ont oeuvré que Cartage Ont reffaicte grant, haulte et large (Chr. Piz., M.F., III, 1400-1403, 264)

...après que l'euvre fut ployé, et de devises ung millier, et jour assigné d'encores ouvrer a ce devant, monseigneur part (C.n.n., c.1456-1467, 41)

...il s'employa a recoigner ce devant. Et tant et si bien y ouvra, par continuacion de temps, que ce devant fut trestout asseuré [Cont. érotique] (C.n.n., c.1456-1467, 41)

2.[D'une chose] Tendre à qqc..

Et pour ce, selon verité, les corps du ciel ne attaignent ou aquierent par leur mouvement quelcunque perfection fors tant seulement que par telz mouvemens il sont appliquiéz deuement pour oevrer a la fin pour quoy il sont ou furent creés (Oresme, C.M., c.1377, 508)

B. -Oeuvrer de qqc.

1.S'occuper de qqc..

La dame bien s'i acorda Et hautement li recorda : 'Biau sire, bien avez ouvré D'avoir bon conseil recouvré.' (Mach., J. R. Nav., 1349, 192)

LE BAILLIF. (...) Ceste dame, que veez cy, A mort un anfant qu'elle avoit, Du quel encore elle gisoit. Pour ce la tien je prisonniere. Or dites en quelle maniere J'en ouverray. (Mir. enf. ress., 1353, 45)

Li dieus qui point ne faut ne ment, Qui n'a fin ne commencement, Qui est fermes, justes, estables, Regnans sans fin et pardurables, A veü et congnut les ouevres De quoy tu as ouvré et ouevres. (Mach., C. ami, 1357, 32)

Celle paix Rommains n'agreerent, Ains moult tost gens y envoyerent, Et ceulx, qui l'avoyent promise, Si en oeuvrerent d'aultre guise. (Chr. Piz., M.F., III, 1400-1403, 256)

Ces phisicïens m'ont tué De ses brouliz qu'ilz m'ont fait boire (...) Ilz en oeuvrent comme de cire ['Ils nous manient comme de la cire' (Ed.)] . GUILLEMETTE. Helas ! (Path. D., c.1456-1469, 108)

Gérer (une difficulté, un problème...), y faire face.

Il est bon que nous le mandons a noz amis et parens et a tous ceulx qui ont esté de ceste fole aliance. Et Garnier respont : C'est verité. Et lors le manderent a tous. Et chascun d'eulx s'appareille pour venir devers Montfrin, pour avoir conseil comment on pourroit ouvrer de cestui fait, ne se ilz pourroient trouver voye comment ilz se peussent excuser devers Gieffroy. (Arras, c.1392-1393, 207)

Exercer son activité dans (tel domaine).

...et que sadite femme et enffens il avoit lessiée puis trois sepmaines ença, et s'en estoit venus à Paris pour gaigner et ouvrer de pionnerie, pour ce que l'en n'en ouvroit point ou pays dudit lieu de Jargueau, duquel mestier il est. (Reg. crim. Chât., I, 1389-1392, 93)

... [elle] cogneut et confessa estre née de la ville de Rouen, en laquele elle a demoré tout le temps de sa vie, ouvré de carder et filer laine et lin, sans aucune autre chose quelconques (Reg. crim. Chât., I, 1389-1392, 306)

Il sera dit que les frepiers ne pourront ouvrer de draps neufs au dessus de douze sols parisis l'aulne, et jusques à ladicte somme et au dessoubz la Court leur permect de ouvrer de draps neufs jusques à ce que autrement en soit ordené (Fauq., III, 1431-1435, 9)

Ouvrer du mestier de/de son mestier. Voir mestier

Lequel prisonnier, sur ce juré et par serement, cogneut et confessa estre nez de la ville de Paris, en icelle ville avoir ouvré du mestier de cordouenier, dont il est ouvrier (Reg. crim. Chât., I, 1389-1392, 269)

...il est vacabond et ne euvre aucunement de son mestier (Reg. crim. Chât., II, 1389-1392, 480)

...quand il viendra près et il vouldra veoir que c'est pour ouvrer de son mestier, je me leveray (C.n.n., c.1456-1467, 403)

Participe présent en emploi adjectival. Mestier oeuvrant. Métier artisanal.

...item, s'il y a aucun brasseur brassant ou fevre forgant ou boulengier fournant ou d'autre mestier ouvrant qui touche le fait de ladicte forest, il paye chacun de soy par chacun an au roy notre sire aux termez saint Michiel et Pasquez par moytié cinq solz en la main dudit alloueur (Hector De Chartres, Cout. R., 1398-1408, 97)

Participe présent en emploi substantival. Oeuvrant du mestier de. Travailleur, ouvrier du métier de....

Dit oultre que lui, un nommé Henry le Sauveur, dit le Convers, et autres ouvrans du mestier des basses euvres, estans en l'ostel Guillaume d'Anfrenet, tresorier des guerres, en ycellui temps fu par ledit Henry fait certain larrecin oudit hostel (Reg. crim. Chât., I, 1389-1392, 13)

Praticien.

Les sectes qui couroyent en mon temps entre les ouvrans de cest art (...) furent cinq : la premiere fut de Robert [l. Rogier] , Rolant et des quatre maistres (...), la seconde fut de Brun et Thederic (...), la tierce secte fut de Guillaume de Salicet et Lenfranc (...), la quatriesme secte fut de tous les chevaliers theodoricum [l. theotonicorum] et de ceulx qui ensuyvent batailles (...), la quinte secte est des femmes et de plusieurs ydiotez qui toutes maladies remettent aux saintz (Panis, Guidon, 1478, chap. sing.)

2.Travailler à partir de qqc. (d'une matière), travailler qqc..

...aussi comme nous voions des arts manueles, que l'en oeuvre plus proprement d'une matere que d'autre. (Oresme, E.A., c.1370, 106)

...et derrenierement en la maison maistre Jehan de Breubant, tous orfevres, esquieulx lieux, ou en aucun d'iceulx, il ne ouvra oncques de ladite monnoye. (Reg. crim. Chât., I, 1389-1392, 482)

Et dist que d'iceulx coings ilz ouvrerent et forgerent l'espace de deux mois, et non plus, de ladite monnoye de VIIJ deniers par. la piece. (Reg. crim. Chât., I, 1389-1392, 491)

...elle l'a veu ouvrer de layne au touret bien et soigneusement (Reg. crim. Chât., II, 1389-1392, 526)

...environ l'heure de vespres, que la bonne femme estoit a l'ostel seulette, ce patient la vient trouver, ouvrant de soye (C.n.n., c.1456-1467, 535)

3.Agir par, agir en vertu de.

Tres chiers sires, on n'averoit jamais fait ; ce seroit trop grans cruaultés a faire morir tant de peuple. Moult en i a qui n'i ont nulles coupes, quoique il soient la enclos. Ouvrés de humelité : prenés la ville et le chastiel, et donnés tout le demorant congiet. (Froiss., Chron. D., p.1400, 840)

...car toutes gens quy en Dieu croient et le redoubtent et oeuvrent de justice, Dieu les accepte et les a pour agreables (Crap., Cur Deus, De arrha B.H., c.1450-1460, 190)

...car Apius (..) disoit qu'on devoit ouvrer de seignourie et de fait et que, qui en pugniroit aulcuns des plus sedicieulx, les aultres se tayroient (La Sale, Sale D., 1451, 179)

Remarque : Pour les empl. trans. dir., v. ouvrer1. Les deux verbes peuvent rimer

Mais Dieu premierement ouvroit La fourme comme vray patron, Et puis dame Nature ouvroit A l'exemple de son patron (Taillev., Songe thois. D., 1431, 60)

Voir aussi ouvrer1