ESTUDIANT

substantif masculin

[T-L : estudïant ; GDC : estudiant ; FEW (XII, 313a) : studium ; TLF (VIII, 306b) : étudiant]

Jeune homme qui suit un cursus scolaire.

...et celles choses doivent esmouvoir les estudians qui veullent aprendre l'art de medecine, car ilz doivent estre beningnes et docilles ou ensaignables, maiz avec ce ilz doivent estre attentis, curieux, labourans (Saint-gille, Comment. A.Y. L., 1362-1365, 369)

Et estoient pour le temps les estudians introduiz en grec et a Romme et aillieurs, et les sciences communelment bailliees en grec (Oresme, E.A., c.1370, 101)

..et ce jour le Pape me fist son referendaire et me bailla le role des estudians Prouvenceaulx de l'université d'Avignon. (Le Fèvre, Journ. M., c.1380-1390, 35)

...parce qu'il ne curoient des bons estudians et promovoient adulateurs et leur lignage et autres par malveses faveurs. (Oresme, Ycon. Arist. M., 1374, 820)

Et pour ce que le clerc de l'eschevinage de Cambray estoit venus excuser les eschevins dudit Cambray sur ledit fait, et aussy avoit requiz le conseil de maistre Pierre d'Ailly, evesque dessusdit, qui estoit nez de Compiegne, et avoit esté estudiant et après maistre du college de Champaigne dit de Navarre, et qui avoit eu ses estas par le Roy de France et par son moien, car il avoit esté son aumosnier et thresorier de la Saincte Chappelle, que fust oiz avant ce que la Court appoinctast sur la besoigne, fu ordonné qu'il seroit oiz, et seroit dit audit clerc de l'eschevinage de Cambray que ne se partist juques à ce que la Court averoit parlé à lui (Baye, I, 1400-1410, 53)

Si te promets que n'estoient pas seulz ses bien faiz et aumosnes, car cuides tu les povres escoliers, estudians, qui estoient par lui soustenus, tant de freres mendians comme d'autres, religieux et seculiers, et à ceulx qui la feste de leur degré avoient à faire, ce n'estoient se merveille non de la grant quantité des aumosnes qu'il y faisoit (Chr. Piz., Paix W., 1412-1413, 155)

...par quoy les clers et estudians es universités seroient despourveuz de benefices et de toutes promocions en l'estat de l'Eglise, et par ce seroient les estudes et universités desertez et desolées (Fauq., I, 1417-1420, 62)

...afin que les serviteurs du Roy, de monseigneur le Daulphin et des autres seigneurs et les bons estudiant de l'estude de Paris et autres puissent estre pourveuz, chascun selon son estat et degré (Fauq., I, Pièces diverses, 1417-1420, 95)

...cité tres riche en toutes choses, opulant en air, fleuve ou riviere, a estudians tres convenable (Juv. Urs., Loquar, 1440, 357)

Son pere, Pierre Juvenal des Urssins, le laissa josne estudiant a Orleans (Juv. Urs., Nescio, 1445, 477)

ESTOURDI. Tant j'ay chiffré mainte lesson Quant j'estoyë estudiant. (Est., p.1460, 23)

...où sont mes suppostz ? [Où suis je ? vient on plus ceans ?] Je cuide qu'ilz ont prins campos, N'auray je plus d'estudians ? (Sots gard., a.1488, 99)

Estudiant en telle matière

Item a poures estudiens en theologie séculiers [il est recommandé de faire des aumônes] (Gers., Gourm. I, G., 1402, 800)

De Charlemaine les histoires Content auctentiques et voires Comment estudiant estoit Es ars liberaux, et mettoit En ses palais en escriptures Moult noblement les pourtraitures De sciences, et pour l'amour Qu'ot a science, sanz demour L'université fist de Romme Venir a Paris (Chr. Piz., Chem. estude P., 1402-1403, 250)

...car nous voyons evidemment que, aux estudians es ars liberaulx et en phillosophie moralle ou naturelle, on baille peu de viandes et de plaisances corporelles (Bueil, I, 1461-1466, 26)