ETERNEL

adjectif et substantif masculin

[T-L : eternel ; GDC : eternel ; FEW (XXIV, 238a) : aeternus ; TLF (VIII, 237b) : éternel]

I. -Adjectif.

A. -Qui n'a pas eu de commencement et n'aura pas de fin, qui est hors du temps.

Silvestres a bien declairé La treble eternelle unité (Mir. st Sev., 1362, 228)

...Trinité est unité En singularité de .III. Personnes, par eternel drois (Chr. Piz., M.F., II, 1400-1403, 110)

...Dieu, qui n'est pas fait, mais est eternel (Juv. Urs., Verba, 1452, 221)

Que Dieu le Pere est eternel sans principe et sans fin, il se demonstre et preuve par ce qu'il est tres puissant, tres sage et tres bon. (Somme abr., c.1477-1481, 107)

Et que plus est, comme dist Saint Augustin, tout le mal que l'homme seuffre est qu'il use des choses espiritueles et eterneles comme des choses materieles et transitoires. (Somme abr., c.1477-1481, 117)

Secondement par faulse lumiere, et ce advient quant on mesure les choses eterneles selon les natureles. (Somme abr., c.1477-1481, 134)

Quant les saints docteurs dient que predestination se aide par orisons, pas n'est a entendre telement que chose temporele soit cause de l'eternele, mais quant a l'effect de ce que fait predestination (Somme abr., c.1477-1481, 168)

S. NICOLAS. En ce trosnë et souverain empire, Par trinité essence tres unie, Dieu eternel ou tout mon voloir tire Pour atirer ta grant grace infinie, Je te magnifie (Mir. st Nic. juif, c.1480-1500, 101)

B. -Qui est sans fin.

Puis prist mort sa char vierge et nette Pour nous rendre vie eternelle (Mir. st Sev., 1362, 234)

...sire Diex, A l'ame de ce povre corps Soiez doz et misericors, Si qu'en paine perpetuelle Ne soit, mais en gloire eternelle Vous puist veoir ! (Mir. fille roy, c.1379, 22)

...et se en cest estat moroit, sans doute elle yroit en eternelle dampnacion. (Gers., Concept., 1401, 401)

...il nous promet donner ses dons de grace, il nous promet donner finablement ses dons de gloire eternelle. (Cib., p.1451, 188)

...la remuneracion de ceulx qui regnent justement sera regner (...) et de ceulx qui injustement, la dampnacion eternelle (Juv. Urs., Verba, 1452, 219)

...le sang de nostre redempteur nous a racheté de la mort eternele et de la subjection et servitude du deable (Somme abr., c.1477-1481, 127)

Du LIVRE DE VIE dist ung docteur notable Hughes de Saint Victor : le livre de vie est duquel le commencement est eternel, l'essence incorruptible, la congnoissance vraie (Somme abr., c.1477-1481, 158)

Le tiers est la preparation de la paine eternele en l'aultre siecle advenir. (Somme abr., c.1477-1481, 170)

Leurs pouoirs ne sont poinct mortelz, Car ilz ont puissance eternelle (La Vigne, S.M., 1496, 433)

Et dudit voyage de Liege, très hault et puissant prince, il ne vous en est demouré que le deshonneur et la foy que avez par droit perdue ; lesquelles choses dureront par eternelle memoire envers tous les princes qui sont nez et à nestre. (Le Clerc, Interp. Roye, c.1502, 262)

Flamme eternelle. Enfer.

...ces pervers enfans Sont digne d'estre mis en flamme Eternelle, le corps et l'ame. (Rivière, Nef folz D., 1497, 579)

C. -[P. exagér., avec valeur de superl.] Très grand, immense.

De vostre bonté eternelle, Noble roy, je vous remercie. A moy n'appartient chose telle ; C'est de vostre grant courtoisie Et de vostre grace planie Que me presentez tant de biens (Myst. siège Orléans H., c.1480-1500, 510)

Patron eternel. Dieu.

...mondit seigneur et ceulx de sa bende arrivèrent en la ville de Corfou, renddans graces au Salvateur, remerciant le patron eternel qui leur avoit sauvé les vies. (Molinet, Chron. D.J., t.2, 1474-1506, 513)

II. -Substantif.

La premiere [raison] est, car l'homme pecha en son eternel, c'est a dire en Dieu, qui est eternel, et pour tant a juste cause sera et doibt estre pugny en l'eternel de Dieu. (Somme abr., c.1477-1481, 176)