ESTABLE

substantif féminin

[GDC : estable ; AND : estable1 ; DECT : estable2 ; FEW (XII, 222b) : stabulum ; TLF (VIII, 200a) : étable]

A. -Abri pour les chevaux et autres animaux domestiques.

Escuier, sanz plus estre cy, Prenez en l'estable un cheval Et s'alez au giste a Loncval: Vous avez assez heure et temps (Mir. nonne, 1345, 342)

Atant ilz yssirent de la prison, et la dame leur delivra tout leur hernois et puis les mena en l'estable ou leurs chevaulx estoient, si mist chascun la selle sur le sien. (Bérinus, II, c.1350-1370, 97)

Mon asne vois mettre en l'estable Et si tost con mis l'i aray, Certes veoir encore iray Que tu feras. (Mir. mère pape, c.1355, 397)

...le stavele de leurs chevaz (Hemricourt, Miroir Hesb. B.B., 1353-1398, 385)

Ce n'est qu'une estable a chevaulx, Ou il a foing et pou litiere (Desch., M.M., c.1385-1403, 287)

Item, confessa que, à la Saint-Martin derrenierement passé, il print et embla, en la bourse du varlet Gilot Le Belocier, d'Aunoy, qui dormoit en un lit en l'estable aus chevaux, IIJ petis florins de Florence et un autre grant estrange. (Reg. crim. Chât., I, 1389-1392, 223)

Le page du bon home est avecques les pages de ses amis en l'estable et leur compte comment la dame fait le malade, tant est courrocee que leurs maistres sont liens. (Quinze joies mar. R., c.1390-1410, 53)

...et, par ce, le temple de Dieu est fait plus ort que une estable a pourceaux (Gers., Annonc., a.1400, 236)

A ces mos il se tinrent tout quoi, et il issi hors de sa cambre et vint viers son estable et ses cevaus, et quida monter sus et partir par derriere et aler sa voie, mais il ne pot. (Froiss., Chron. D., p.1400, 638)

...et puys viennent a l'estable, sy prinrent II ronsins et prinrent VI carois de vitailhe (JEAN D'OUTREM., Myr. histors G., a.1400, 216)

Or pert il bien que tes jugemens ne sont pas pareilz a ceulz des hommes, car qui fut oncques en ce monde plus povre que toy, quant il te plot naistre en un povre estable commune en lieu destourné entre bestes mues en temps d'iver, envelopé en povres drapelléz (Chr. Piz., Trois vertus W.H., c.1405, 222)

LE SOT Par ma foy, vecy bonne fable, On le fist mettre en une estable Prés les latrines de la court. (Gaud. sot, c.1450, 12)

Lors le seigneur de Saintré print soubz le bras Madame et en sa chambre et ses femmes mena, aussi damp Abbé tira en une autre, et en demantiers que en leurs chambres ilz se aisoient, il dist a son maistre d'ostel qui incontinent qu'ilz seroient a table que les chevaulz fussent sellez et bridez en l'estable et tous pretz a monter (La Sale, J.S., 1456, 292)

Nous avons, dit elle, en cest estable ung asne que nous y mettrons, si vous me voulez aider. (C.n.n., c.1456-1467, 381)

Quant une femme entre au matin en son estable pour moudre ses vaches, s'elle ne dist : 'Vous sauve Dieux et saincte Bride', volentiers les vaches, du pied de derriere regibent et souvent brisent le pot ou respandent le lait. (Ev. Quen., I, c.1466-1474, 98)

Je tourneray ses palais en estables, Ses grans chasteaulx en ruÿneuses granges (Lyon cor. U., 1467, 35)

Mayne ces chevaulx en l'estable, Puis apprés, par bonne façon, Pence d'aller mectre la table. (La Vigne, S.M., 1496, 201)

Valet d'estable

Aux varlez d'estable ferez Savoir que d'esveillier se painent Noz chevaulx et les nous amainnent Aux champs ou tout a pié irons, Et la dessus nous monterons Trestouz ensemble. (Mir. st Lor., 1380, 128)

Proverbe. Il est bien tard de fermer l'estable quand le cheval est parti/perdu

Il fait bon fermer l'estable avant que le cheval soit perdu. (Arras, c.1392-1393, 74)

Mais ung proverbe nous dist que il est bien tart de fermer l'estable quant le cheval est pardu. (Apoll. Tyr Z., c.1400-1500, 115)

Car trop tard est fermée estable Quant le cheval n'est plus estable. (Alecis, ABC P.P., 1451, 28)

Est tarde, nimium tarde ['Il est tard, trop tard'] A cheval perdu clore estable (Molinet, Faictz Dictz D., 1467-1506, 776)

...il n'est pas temps de fermer l'estable quant les chevaulx sont perdus (Macho, Esope R., c.1480, 222)

Et incontinant ledit Geuffré Cueur crya à ses gens : 'Ouvrez la porte, car il n'est pas temps de fermer l'estable quant les chevaulx sont perduz !' (Le Clerc, Interp. Roye, c.1502, 180)

[Allusion au prov.]

Vous voulez clorre l'estable quant le cheval est perdu. (Froiss., Chron. M., XIV, c.1375-1400, 145)

Vous ressamblez celui, bien m'en vois percevant, Que quant il ait perdut son destrier aufferant, Qu'aprés sa perde vait sa stauble bien fermant. (Lion Bourges K.P.F., c.1350, 167)

Vous ressamblés, dist la voix, celui qui ferme l'estable quant le cheval est perdu, et puis donne la charge de sa perte a celui qui n'y a couppe. (Percef. IV, R., c.1450 [c.1340], 234)

Faire de salle estable. Changer les conditions, boulverser (un état de choses).

Or est maintenant autrement, Car toudiz est en mouvement Le monde, qui n'est point estable. Tantost a fait de salle estable. (La Buigne, Rom. deduis B., 1359-1377, 202)

B. -Par extension.

Séjour, domicile, logis.

La fist ses varlès leur estable [pour lui-même et Meliador] En .I. lieu moult inhabitable De fueillies et d'arbrissiaus. (Froiss., Méliad. L., t.1, 1373-1388, 188)

N'est riens estable au siecle varïable ; L'ung quiert estable et l'autre est voyagiere (Molinet, Faictz Dictz D., 1467-1506, 342)

Garnison.

Nous avons donné et donnons plain povoir et auctorité de mettre estables de gens d'armes, de cheval et de pié, en nos Chasteaux (Ordonn. rois Fr. S., t.8, 1400, 375)

Entrepôt.

Pourquoi il a esté regardé et consideré des bourgois, marchans et juréz de chescun des lieus dessusdiz que il seroit profitable chouse a ceux de tout cest pais de remuer l'estable a Bruges ou la ou il seroit plus profitable (Hist. industr. commerce F., 1331, 69)