AGÉ

adjectif

[T-L : ëagier ; GD : eagier ; GDC : eagié ; FEW (XXIV, 237a) : aetas ; TLF (II, 104b) : âgé]

[D'une pers.]

A. -Qui a tel âge.

1.Au comparatif. au superlatif.

a)Au comparatif.

[Hermondine :] Mon chier pere, pour Dieu merci ! Que volés vous faire de moy ? Trop sui jonete, par ma foy, Pour entrer en ce mariage (...). Laissieme encor .I. peu attendre Tant que soie plus eagie Et a ce faire encoragie. (Froiss., Méliad. L., t.1, 1373-1388, 48)

Et quant la femme est jenne le mari la peut miex doctriner a sa volenté que se elle estoit plus eagie. (Oresme, Ycon. Arist. M., 1374, 816)

...une petite femme plus aagée que son mary, vestue pareil que son mary. (Reg. crim. Chât., I, 1389-1392, 465)

Et a un filz chevalier, aussi aagié comme est mon filz ainsné. (Arras, c.1392-1393, 54)

...de bonté, beaulté, genteté, [la fille d'un marchand] passoit toutes les filles d'elle plus eagées. (C.n.n., c.1456-1467, 31)

Le premier qui se mit devant, ce fut le duc Naymes atout ses cheveulx meslez, car il estoit aagé plus que nully des aultres. (Bagnyon, Hist. Charlem. K., c.1465-1470, 86)

Estre agé de qqn. Être son aîné.

Tous lesquelz (...) auquel le procès fu leu mot après autre, furent tous d'oppinion, consideré que ledit prisonnier confessoit estre agiez d'une sienne suer qu'il a ou pays de sa nativité, et laquele a jà eu enfans en mariage, et qui est de l'aage de XVIJ ans et plus, qu'il estoit prenables de recevoir pugnicion de justice (Reg. crim. Chât., I, 1389-1392, 237)

b)Au superlatif.

...diray des dittes branches ains que du fruit, c'est assavoir des freres du dit roy, encommençant au plus aagié après le roy Charles, lequel fu appellé Louys, duc d'Anjou et de Toureine (Chr. Piz., Faits meurs Ch. V, S., I, 1404, 134)

Le plus agé. Qqn de plus âgé (que qqn d'autre).

Et pour vray l'accusation de l'enfant auchunefois fait plus a peser que du plus eagié, selonc le dit de Seneque ou .Ve. livre de ses Proclamations : 'Rien n'est qui soit plus certain que che qui est tesmoignié par l'enfant, car il est aux ans parvenu pour entendre et non pas aux ans esquelz il doie faindre ou mentir'. (Daudin, De la erudition H., c.1360-1380, 267)

2.[Éventuellement modifié par les adv. environ ou plus] Agé de + num. cardinal + an/mois

...veu sa personne, qui est aagiée de XXVJ ans ou plus (Reg. crim. Chât., II, 1389-1392, 272)

Cedit jour, s'est levée la Court à VIIJ heures pour aler aux exeques de messire Phelippe de Molins, evesque de Noyon, qui est trespassé puiz huit jours, aagié de IIIJxx ans et plus, et reputé sage. (Baye, I, 1400-1410, 283)

Le duc de Bourgongne, la duchesse sa femme, et leur filz, aagé d'un an ou environ (Fauq., III, 1431-1435, 152)

Il estoit vieil homme, et elle trés belle, frique, mignote jouvencelle, aagee de XV ans. (Nouvelles inéd. L., p.1452, 12)

...Jehan Taillé, texier en linge, povre homme aaigé de cinquante ans (Doc. Poitou G., t.10, 1461, 282)

Dame Ysengrine estoit eagie de .LXV. ans ou environ ; belle femme avoit esté en son temps, mais elle estoit devenue fort ridee. (Ev. Quen. I, c.1466-1474, 82)

...elle estoit gentil femme eagie de environ soixante ans. (Ev. Quen. I, c.1466-1474, 89)

Et estoit icelle dame eagée de quinze ou seize ans ou environ (Faits Lalaing K., c.1470, 7)

...ledit suppliant aagé de XIII à XIIII ans ou environ (Doc. Poitou G., t.12, 1476, 90)

Ou temps Moïse fut fondée celle noble cité de Lacedemone à Lacedemon, filz de Semellé, et Dardane, par Dardanus, filz Jupiter, et mourut Moïse, aagé de cent XX ans. (Simon De Phares, Astrol., c.1494-1498, f° 25 v°)

...Jehan de Chabannes, aagé de dix huit moys ou environ (Le Clerc, Interp. Roye, c.1502, 162)

Agé au dessus de. Âgé de plus de.

...la Court a ordonné et ordonne que ledit curé aura par maniere de provision (...) pour la funeraille de chascun chief d'ostel de sa parroice XV solz parisis, soit homme ou femme, et de chascune autre personne non faisant chief d'ostel, aagée au dessus de sept ans, XIJ solz parisis, et de chascun enfant de VIJ ans et au dessoubz XXX deniers parisis (Baye, I, 1400-1410, 166)

B. -[Rel. à une période partic. de la vie de qqn]

1.Majeur ; qui a l'âge requis pour telle chose, telle fonction. (antonyme nonagésousagé)

Et après ce, Eudeline, aaigiée fille dudit feu Pierre, vint et fu presente par devant nous (Phil. Vi Valois, Doc. paris. V., t.2, 1342, 153)

Dont se le pechié des eagiés filz qui sont leurs maistres est imputé aux parens, de tant plus le pechié de cheulx qui sont josnes et fraisles, qui ne scevent la distance entre bien et mal, sera aux parens imputé et demandé. (Daudin, De la erudition H., c.1360-1380, 163)

Le roy demande : à combien d'aage est un enfant en aage ? Response : le filz est aagiéz à XX ans et un jour et la fille à XV ans et 1 jour. (Cout. bourg. glosé P.M., c.1380-1400, 216)

...le chevalier et sa femme sont mors et laissent pluseurs enfans, dont il y a une fille aagée et les autres enfans sont soubz aagiéz, qui aura le gouvernement de ces enfans ? (Cout. bourg. glosé P.M., c.1380-1400, 218)

Item, il veult et ordonne, que se Loys de Trye, son filz et de sa dicte femme, va de vie à trespassement avant ce qu'il soit aagié, qu'il soit mis et enterré ou milieu de lui et de sa dicte femme en la dicte eglise. (Test. Parlem. Paris T., 1401, 302)

Et declairons par ces presentes que lesdiz enfans et nepveux seront aagiez aussitost qu'ilz auront vint ans acompliz, et, se plus tost de vint ans ilz sont mariez, soient filz, soient filles, ilz seront tenuz et reputez pour aagiez aussi tost qu'ilz seront mariez. (Paris domin. angl. L., 1431, 336)

Mais enffans coustumiers soient filz ou filles sont aagez à quatorze, et sont abilles en la poursuite de leur droit (Cout. instit. Anjou Maine B.-B., t.3, 1463, 459)

Et quant au surplus desdictes terres et seignouries qui furent et appartinrent audit d'Allenchon, [le Roy] les laissa et volt que elles fussent et demourassent ausdis enfans d'Allenchon, tant masles comme femelles, pour en joyr et user par lesdis enfans, soubz la main du Roy, jusques à ce que chascun d'eulx fussent en aage ; et apprez qu'ilz seroient aagez, par leurs mains, comme de leur propre chose (Escouchy, Chron. B., t.2, a.1465, 361)

Agé de/pour + inf.

Tous lesquelx delibererent et furent d'oppinion (...) qu'il feust pugniz comme larron, c'est assavoir pendu, et qu'il estoit homme capable de punicion, et agiez pour recevoir tele pugnicion (Reg. crim. Chât., I, 1389-1392, 235)

...veu l'aage et personne d'icellui prisonnier, delibererent et furent d'oppinion qu'il estoit personne agiée de prendre et recevoir pugnicion de justice (Reg. crim. Chât., I, 1389-1392, 238)

...par Geraut du Seel, escuïer, oncle de lui qui parle, il fu presenté audit duc, disant qu'il estoit personne aagée et souffisant pour le servir et soy armer (Reg. crim. Chât., II, 1389-1392, 186)

...Anthoine de Carnazet, qui pour lors estoit assés aagé pour soy deffendre (Le Clerc, Interp. Roye, c.1502, 270)

[D'un animal] Adulte, propre à la reproduction.

En aoust l'en treuve bien des perdriz qui en cest an furent couvees au plus tart, et se adouerent ['s'accouplèrent'] plus tart que les autres, et n'estoient pas assez eagees quant la saison de chauchiee ['d'accouplement'] fut, et ne sont pas toutes reparees ['pleinement adultes'] ou moiz d'aoust (Ménagier Paris B.F., c.1392-1394, 160)

Par analogie.

Et quant aucune vente [Éd. : «partie de forêt vendue pour être exploitée»] a esté usée en ladicte forest, elle leur doibt estre livrée et rendue [aux coustumiers d'Evreux] par le verdier pour y user de lours coustumes tant en pasturage que en autres choses, si tost que la revenue [Éd. : «jeune bois qui revient sur une coupe»] en sera aagée suffisamment et que elle aura esté veue par ledit verdier, elle sera rendue quant elle sera rendable et deffensable. (Hector De Chartres, Cout. R., 1398-1408, 250)

En composition.

Non agé. Mineur ; qui n'a pas l'âge requis pour telle chose, telle fonction. (antonyme agé)

...que aucun ne aucune ne soient si hardis d'acheter soye, cendail, aiguilles, ne autre marchandise qui appartienne à la mercerie, de personne non agée ne de personne servant à autruy (Mét. corp. Paris L., t.2, 1408, 253)

[Même sens] Sous agé/sousagé

Le roy demande : le chevalier se muert et a pluseurs enfans soubz aagiéz, la dame demeure en vie. Qui a le gouvernement, ou aura, de ses enfans soubz aagiéz ? Response : la mere en aura la garde devant tous (Cout. bourg. glosé P.M., c.1380-1400, 215)

...Guillemin Byam, soubzaagé et orphelin de l'aage de XIX ans ou environ (Chancell. Henri VI, L., t.1, 1424, 98)

Emploi substantival. Le moindre agé. Le mineur.

...se je demande, par procés, à aucun tuteur heritages ou meubles et aprés liticontestacion, le mendre aagié dit qu'il ne veult pas que plaidoie plus contre son tuteur et qu'il y proteste qui ne lui nuyse, ledit mendre ne sera pas à ce oïz (Cout. bourg. glosé P.M., c.1380-1400, 121)

2.Qui a un certain âge ; vieux, âgé.

Et n'i a point de difference se aucun est joenne d'aage ou se il est joenne de meurs et assez aagié (Oresme, E.A., c.1370, 107)

...un chevalier du clos de Constentin, nommé messire Jehan de Sezay, lequel est homme bien aagez (Reg. crim. Chât., I, 1389-1392, 59)

...lui [un povre et ancien homme jadis menestrel de guiterne] veant qu'il estoit aagiez homs et ne povoit doresenavant user sa vie ne espargnier aucune chose audit mestier, s'estoit et est parti de Paris (Reg. crim. Chât., II, 1389-1392, 521)

...attendu que ledit Boschet estoit bien aagiez et foible et maladiz (Baye, I, 1400-1410, 64)

...et voicy deux vieillars se arresterent devant moy si tres eagiez et si ancians (Premierfait, Cas nobles hommes G., 1409, 96)

...je leur respons [à mes contradicteurs] que pour pareilles causes je ne me teray point, car je me sens aagé et fort debrisé et maladif (Juv. Urs., Loquar, 1440, 366)

Et le Roy leur respondist : 'J'ay ordonné vostre demeure, pour ce que je ne vueil pas desgarnyr mon royaume de gens de guerre et aussi que vous estes aagez et avez assez esprouvé vos personnes...' (Bueil, II, 1461-1466, 174)

...car toutes deux estoient desjà princesses eaigées et hors de bruyt [Marie d'Anjou, 40 ans et Isabelle de Portugal, 48 ans] . (La Marche, Mém., II, c.1470, 54)

On raconte semblablement d'un ancien et fort eagié pere qui fut ainsi soustenu de sa fille. (Colart Mans., Dial. créat. R., 1482, 231)

Emploi substantival.

Tous christiens dontques, non pas seulement enfans mais aussi les eslevéz et aigiés, doivent volentiers recepvoir discipline (Daudin, De la erudition H., c.1360-1380, 201)

[P. méton. du subst.]

...les corps aagiés (Saint-gille, Comment. A.Y. L., 1362-1365, 221)

[D'un animal]

...ceulx [les espaignolz] qui sont jennes (...), ne sont pas bons, pour ce qu'ilz queurent trop devant et trop loing de l'esprevier (...). Et pour ce je croy que les espaingnolz aagez qui queurent ainsi comme deux ou troiz toises devant l'esprevier sont bons. (Ménagier Paris B.F., c.1392-1394, 144)

Par analogie.

...ensi comme de l'osier que on ploie jeune autour de son doi, et, quant elle est aagée, on n'en peut faire sa voulenté, ensi est il dou jeune roi de France et sera (Froiss., Chron. R., X, c.1375-1400, 244)