VILITÉ

substantif féminin

[GD : vilité ; FEW (XIV, 449b) : vilitas ; TLF (XVI, 1151a) : viletévilité]

A. -Pauvreté, misère, indigence.

Einsinc Girarz et Berte en tres grant vilitey Desservoient dou ciel la grant sublimitei (Gir. Ross. H., c.1334, 179)

Et s'il avient que la fenme crieme l'offense ou le esclandle d'autrui, de la negligence de aournement ou pour la vilité de vivre ou de vesture, escoute che que dist Jerome a Marcelle de Blesille vesve parlant : Se vesture non aournee scandalise, aucun soit dont scandalisié de saint Jehan lequel, vestu de poil de cameau, se caindoit de une cainture de peau. (Daudin, De la erudition H., c.1360-1380, 434)

B. -Bas prix.

Et moy, fault il point que je baille Mes vignes a grant vilité [ms. vilicé] , Ce quil vault ung liars pour maille, A fornnir ma necessité ? (Croix Faub. T.C., c.1450, 173)

C. -Vileté, bassesse. (synonyme vileté)

Et ad ce s'acorde assez le Philosofe octavo Phisicorum, la ou il dit que, quant un honme saint et parfait voit la villité dez desirs charnelx, il lez deboute de luy et lez a en grant heyne. (Songe verg. S., t.2, 1378, 227)

...et pour ce ilz furent ingraz a Dieu et cheurent en horribles erreurs, en ydolatries et en vilité contre nature, et nierent la provision franche de Dieu et la remuneracion des bons en l'autre vie, et la punicion des mauvais... (Gers., Trin., 1402, 162)

De tieulx dons bien t'en devoye glorifier et toy garder de le perdre, affin que tes grans ornemens tu ne maculez point et que telle beaulté tu ne desturpasse et que tel honneur tu ne voulssisse corrumpre ne telle souverainnetey, affin que, se tu le perdoie, que ne fusses tous temps miserables et avec la miserableté tu ne souffrasses grans dommaiges et reprobacion et vilité. (Crap., Cur Deus, De arrha B.H., c.1450-1460, 275)

Dont plainne tu estoye de toute vilitez, reprovee de toutes creatures. (Crap., Cur Deus, De arrha B.H., c.1450-1460, 279)

Et comment dont, se tu te congnois estre celle ou que tu fussez telle, comment veux tu demander si briefment et si tost entrer en ces chambres de toutes grans puritez, de toutez beaultez, de toutez chastetez, ce tu ne es trouvee par aucunes grant diligence estre reparee de toutes vilitez, et [ce] que tu soye trouvee en ta premiere beaulté ? (Crap., Cur Deus, De arrha B.H., c.1450-1460, 279)

Grant privaulté engendre vilité (Coquill., Oeuvres F., 1478-p.1494, 114)

Helas ! las ! povre maleureux, Souffreteux, Disetteux, Remply de toute villité, Tu as maintenant ouvers les yeulx Oultrageux ; Tu vois mieulx, Mais c'est a ta pudorité. (Myst. Pass. Troyes B., a.1482, 57)

Cueurs plains d'incrudelité, De vilité, Luy rendez vous tel salaire Que, pour monstrer verité, A porté La mort qui plus doit desplaire ? (Myst. Pass. Troyes B., a.1482, 804)

Remarque : Myst. Viel test. R., c.1450, v.1199 (vilité) ; OLIVIER MAILLARD, Serm., 1475. In : Chrestom. R., 220 (vilitez) ; MICHEL, Myst. Pass. J., 1486, 198 (vilité) ; RIVIÈRE, Nef folz D., 1497, 546, 461 (vilitez)...

Voir vileté

Orthographe	Genre	Nombre	Phonétique
vilité	féminin	singulier	\vi.li.te\
vilités	féminin	pluriel	\vi.li.te\