TRUANDAILLE

substantif féminin

[T-L : trüandaille ; GD : truandaille ; FEW (XIII-2, 331b) : *trugant ; TLF (XVI, 708a) : truandtruandaille]

A. -Ceux qui truandent, canaille, mendiants, gueux.

Et li mandèrent que il volsist ouvrir les pas et les destrois de son royaume... as pelerins de Dieu... Li rois dan Piètres de ces nouvelles ne fist que rire, et respondi qu'il n'en feroit riens ne que il n'obeiroit ja à tel truandaille (Froiss., Chron. L., VI, c.1375-1400, 189)

Avant, yssiez hors truendaille ! (Jeu st Den. S., c.1380-1400, 120)

Et me dit on pour reconfort Que mieulx vault que je me marie Que non, et pour avoir lignie, Afin que mon renom ne faille Et que garçon ne truandaille N'aient après ma mort le mien (Desch., M.M., c.1385-1403, 37)

Alés, truandaillie deshonete, A grant desroy. (Myst. st Sébast. M., c.1450-1500, 72)

Orde puante villenaille ! Vous estes meschans truandaille (RENÉ D'ANJOU, Cuer am. espris W., 1457, 92)

C'estoit une place imprenable De leur taudis et bouloart, Pour les François fort dommageable ; Nul n'ossit aller celle part. Or avez vous de part en part Nestoyé ceste truandaille (Myst. siège Orléans H., c.1480-1500, 441)

LE COQUIN. Quelque denier ou quelque maille Ou quelque bon loppin de pain Au povrë homs qui meurt de fain. LE PRINCIPAL. Va le empoingner par la main Et m'admaine celle truandaille. L'ERMITE. Vous n'avez garde que g'y faille, Je vous le vois querir soudain. (Sots gard., a.1488, 102)

Or ça ! le grant dyable en ayt joye, De ceste belle truandaille ! Fieramort, dessus eulx qu'on maille, Et les trainons hors de ce lieu. (Myst. st Laur. S.W., 1499, 221)

Allez vous en appertement Sanglante puante merdaille Vous nestes tous que truandaille Vous perdez tous nostre heritage Se chascun de vous nest plus sage Nous serons trestous affamez (Myst. st Martin K., a.1500, 179)

Au pluriel.

[Toi, la vieillesse] Tollu m'as [à la belle Heaumière] la haulte franchise Que Beaulté m'avoit ordonné Sur clers, merchans et gens d'Eglise, Car lors il n'estoit homme né Qui tout le scien ne m'eust donné, Quoy qu'il en feust des repentailles, Mais que lui eusse abandonné Ce que reffusent truandailles. (Villon, Test. R.H., 1461-1462, 53)

Il vient ung tas de truandailles Qui prennent moutons et poulailles (Gens nouv. P., c.1461-1500, 126)

B. -Manière de truand, comportement de truand.

LE GALLAND. (...) Et que dit-on et que faict-on ? Chose qui vaille ! LA FEMME. Non, par ma foy, des truandailles A assez ; mais non aultre chose. (Sav. Calb. T., c.1475-1500, 150)

Remarque : Autres ex. : CHR. PIZ., M.F., I, 1400-1403, 100 (var. du v. 2689, merdaille / truendaille) ; Myst. Viel test. R., t.4, c.1450, 341 ; t.5, 295 ; MOLINET, Myst. st Quentin C., c.1482, 69...

Orthographe	Genre	Nombre	Phonétique
truandaille	féminin	singulier
truandailles	féminin	pluriel