TEMPORALITÉ

substantif féminin

[T-L : temporalité ; GDC : temporalité ; FEW (XIII-1, 181b) : temporalis ; TLF (XVI, 40b) : temporalité]

A. -Tout ce qui se rapporte au pouvoir et aux possessions terrestres, ordre des choses temporelles. (antonyme espiritualité)

...nous qui laissons la temporalité et prenons l'esperitualité avons esperance d'avoir gloire avec toy et a cent doubles serons remuneré. (Jean Golein, Rational B.D., c.1370-1372, 383)

Et par ce, nous est donné a entendre qu'un seul doit estre souverain en l'esperitualité, et que les grandes causez temporeles doivent resortir a lui ou a autre souverain en temporalité. (Oresme, Pol. Arist. M., c.1372-1374, 291)

Se lez Sains Peres de Ronme font decrés ou decretales, ordenances ou establisemens, touchans la temporalité dez Roys, princes ou aultres seigneurs terrians, entre vous, clers, lez appellerés ou tandrés pour Dret, se vous voulés. (Songe verg. S., t.1, 1378, 22)

...c'est assavoir que le Saint Pere n'a point de pover de faire loy ou constitucion de la temporalité, quar il n'a pas puissance ne seignorie en la temporalité, mez en l'espirituauté seulement. (Songe verg. S., t.1, 1378, 23)

Car celuy qui depyse le comandemant de l'Impereur se juge soy maimes et ne sera pas sanz poine entre lez honmes ; et sont toutes choses de l'Impereur, et puet tout ce qui appartient a la temporalité. (Songe verg. S., t.1, 1378, 48)

Une terre est temporelle. L'autre terre est espirituelle. La tierce est personnelle. La premiere appartient a la chose publique, la seconde a l'Eglise, la tierce a chascune personne. Quant a la temporalité de la chose publique c'est certain, selon toutes hystoires des rommains qui parlent de ce temps, que paix universele fut donnee par tout le monde qui estoit lors subject a l'empire de Romme (Gers., Noël, p.1404, 300)

...et, moyennant bonne voulenté, faictes, Sire, que en chascune terre tant de temporalité comme de l'espiritualité, tant en universel comme en singulier, la part et le don de bonne paix soit ottroyé par vous, qui estes Dieu benoit en eternité, auquel soit gloire es cielz la sus. Amen. (Gers., Noël, p.1404, 314)

SAINCT MARTIN. (...) Gardez vous donc de ses durs sors et charmes [du diable] A celle fin qu'en Dieu soyez parfaict. Servez le bien, tant de dit que de fait, Sans plus pencer a la charnalité ; Habandonnez peché laict et infect Et les secretz de temporalité. (La Vigne, S.M., 1496, 373)

Biens terrestres.

...il promettoient temporalitez (Jean Golein, Rational B.D., c.1370-1372, 354)

B. -En particulier. Biens d'une communauté ecclésiastique, juridiction temporelle d'une autorité ecclésiastique, domaine temporel.

... li evesques de Cambrai... perdoit en Haynnau toutes les revenues de sa temporalité (Froiss., Chron. R., IX, c.1375-1400, 147)

...ung baillif que le roy mist en Rouen nommé Oudart d'Atainville (...) perturba la jurisdiction de l'eglise tant en temporalité comme en espirauté en moult de manieres (Chron. Valois L., c.1377-1397, 243)

...car la justice seculiere, toutez foys qu'elle se voudret venger dez clers, metteret la temporalité de l'Eglyse et dez clers en sa main, laquelle chose seroit contre rayson. (Songe verg. S., t.2, 1378, 196)

Le jour precedent, l'abbé de Marseille fist hommage lige de sa temporalité. (Le Fèvre, Journ. M., c.1380-1390, 158)

...la temporalité ne se regle point sur l'espirituel (Cout. bourg. glosé P.M., c.1380-1400, 113)

Et vous please savoir, (...) que sur la voidance de l'eveschee de W[ircestre], que se fait maintenant par la mort del darrein Evesque illeoques, j'ay escript a nostre tresredoubté seignur le Roy, que nulle grant ou doun se face a nully des temperaltees del dit eveschee durante la voidance d'icelle. (Lettres agn. L., 1401, 401)

Comme (...) monseigneur l'evesque d'Alby, qui à present est, et son official, et aussi le juge de sa temporalité (...) eussent esté adjornez en la Court de Tholouze (Baye, II, 1411-1417, 202)

...mectre la temporalité et revenue de leurs bénéfices [des gens d'Eglise] en nostre main, (...) et (...) la bailléz a regir et gouverner a gens récéans et solvables pour en respondre et rendre compte et reliqua (Pol. Louis XI, G., Pièces justif., 1462, 419)

...le prouffit, revenu et émolument de la temporalité de l'éveschié de Verdun que avons fait prendre et saisir en nostre main, à l'occasion de certains grans cas, crimes et délitz, tant de crime de lèze-majesté, commis par l'évesque de Verdun, que autrement (Archives servit. Louis XI, T., 1474, 70)

...si tost que aucunes des eglises cathedrales ou autres beneffices electifz et prelatures de nostre royaume est vacant, mesmement quant telles eglises sont fondées et dotées de temporalité par nous ou nosdicts predecesseurs (Lettres Ch. VIII, P., t.2, 1488, 258)

Droit dû au roi sur le temporel des juridictions ecclésiastiques vacantes.

...exemptons lesdiz XII. principaulx eschevins de toutes commissions et charges publiques, de lever d'icy en avant aucunes tailles et subsides, temporalitez ne autres choses. (Doc. Poitou G., t.11, 1472, 298)

Orthographe	Genre	Nombre	Phonétique
temporalité	féminin	singulier	\tɑ̃.pɔ.ʁa.li.te\
temporalités	féminin	pluriel	\tɑ̃.pɔ.ʁa.li.te\