SIGNET

substantif masculin

[T-L : signet ; GD : segnet ; FEW (XI, 607b) : signum ; TLF (XV, 493b) : signet]

A. -Instrument servant à marquer.

...mesures et saings, seignez, Lignes, proporcions trouverent, De quoy toute riens mesurerent (Chr. Piz., M.F., II, 1400-1403, 119)

DRAPERIE Cachet dont on se sert pour marquer les draps.

Et tout a fait que on ara peset les dras dessus dis, li XIII Hons et li drapiers les doivent rewarder ; et tous chiaus qui leur sanleront boin et souffissant, li prouvos u li mayres les devera a fait faire signer en leur presenche dou darrain signet, en viermelle cire fondue a candeille, sour le drap ; et devera-on mettre le signet au dos dou drap apries le premier ploit. (Drap. Valenc. E., 1344, 300)

Remarque : Doc.1348 (Tournai, signet) ds GD VII, 356b.

B. -Petit sceau ou bague servant à sceller, cachet gravé sur une bague.

Quant le sauf conduit fust escript, il fut sceellé du grant sceel et du signet du roy (Froiss., Chron. M., XIV, c.1375-1400, 103)

En tesmoing de ce, j'ay signé ces presentes lettrez de mon propre signet manuel et seellé de mon seel. (Chartes Abb. St-Magl. T.F., t.3, 1376, 463)

Madame la Roynne se parti de Paris pour aler à Guise le derrain jour de May et me laissa à Paris pour ses besongnes et me bailla son signet pour lettres missibles. (Le Fèvre, Journ. M., c.1380-1390, 527)

Item en un certain jour que un nommé maistre Hugues de Colombe demourant derriere Saint-Andrieu-des-Ars ot eu afaire et compaignie charnele à lui en un sien jardin et qu'il ot mis à terre un signet d'or estant en son doy et qu'il se fu trait en arriere, elle print ycellui signet, lequel elle vendi à un nommé Perrin Morel (Reg. crim. Chât., II, 1389-1392, 439)

Ce jour, messire Guillaume de Dormans, arcevesque de Senz, a fait dire au graphier (...) que ledit arcevesque, puiz VIIJ ou X jours, avoit perdu son signet. (Baye, I, 1400-1410, 83)

Ce signet d'or je luy donray ; Par ainsi la preserveray, Se je puis, de faire aulcun mal. (Myst. jeune fille L., c.1413-1445 [c.1530], 35)

En dormant, ceste garse cy Ung signet d'or si m'a osté De mon doy. (Myst. jeune fille L., c.1413-1445 [c.1530], 40)

...et aussi un peu de menu fretin d'argent, tant en aneaux comme en signez (Paris domin. angl. L., 1424, 139)

...et pour plus grande seureté bailla audit secretaire ung sien signet d'or pour porter audit duc, lequel signet il recongnut bien, car plusieurs foiz il l'avoit veu. (Monstrelet, Chron. D.-A., t.3, c.1425-1440, 227)

Et pensez que j'estoye habille, J'avoye argent, les beaulx signetz, Tous les jours mes cheveulx pignez, Fines chausses, belle saincture, Ferret[z] d'argent, de l'estature. (B. veoir, p.1480, 16)

Autour du col chaynes, coliers, carcans, Bagues de pris richement emaillees, Gros braceletz, signetz, boucles, brocans, Ymaiges d'or de grans espritz taillees (La Vigne, V.N., p.1495, 218)

Portant aux doys verges, sinetz, aneaux, Rubis, saphirs, turquoyses, dyamans (P. moyne, a.1500, 45)

Et ce pendant, icelluy bastard releva icelluy homme tumbé, et en le relevant mist la main en sa bource, en laquelle trouva deux pieces d'or et ung signet pesant quatre escus ou envyron. (Le Clerc, Interp. Roye, c.1502, 178)

Sceau apposé à une lettre close, à un document.

En tesmoing de ce, nous avons fait mectre a ces lettres le seel de la chastellerie de Poissy, avecques nostre signet (Chartes Abb. St-Magl. T.F., t.3, 1328, 66)

...par les tesmoing de ceste lettre seelléez de nostre signet dont nous usons à present en absence de nostre seel. (Trés. Reth. S.L., t.2, 1346, 69)

Et toute ce qui fait et passé sera par les noef personnes dessus dites, tant eschevins comme esleus, par le grigneur partie d'eulx se passera en compte et des mises ainsy passées se fera une cedule qui sera signée du signet des eschevins (Hist. dr. munic. E., t.2, 1358, 114)

Chiers amis, a fin que vostre affection soit plus encline a ma plaisance, en avant je ne vous voel riens celer, mais tous mes secrés amoureus segnefiier et escrire par lettres seelees desous ce signet. (Froiss., Pris. am. F., 1372-1373, 58)

Encores trouvai je ou cofin Unes lettres faites en prose, Sus les queles le signet Rose Avisai : bien le reconnui. (Froiss., Pris. am. F., 1372-1373, 148)

...et ycellui adjornement ou lettres d'adjornement faire seeller du signet de la Chambre dudit Parlement (Fauq., I, 1417-1420, 208)

...ay receu voz lettres en forme de plaquart, à moy adréçans, escriptes le XIIIe jour de ce mois, lesquelles, adfin qu'il me appère que le contenu vient de vostre sceu et propre mouvement, avés signé et escript vostre nom, et à ycelles fait mettre vostre signet. (Doc. 1424. In : MONSTRELET, Chron. D.-A., t.4, c.1444-1453, 220)

...comme il peut plus à plain apparoir par les parties et pieces en ung feuillet de papier cy rendu, et par mandement de mesdits seigneurs ensemble atachié sous l'ung de leurs signés (Comptes Paris V.L.D., t.1, 1427-1428, 176)

Donner en la sale parée, Dessoubz l'imperial signet, Le Xe jour de jullet. (Myst. st Adr. P., c.1450-1485, 34)

...de mectre ausdits mandemens, par lui [le prothonotaire] ainsi veuz et visitez, une vérificacion par une atache en parchemin soubz son signet et seing manuel, par laquelle il se consentira, avecques condicion ou sans condicion, au contenu ausdits mandemens (Roi René vie L., 1458, 285)

Oudit temps et ou moys de Juing, le samedi XIIIIe jour d'icellui moys, ung qui avoit esté de l'ostel du roy et qui avoit falcifié son signet et cellui de l'un de ses secretaires, et à ceste cause avoit fait et signées plusieurs lettres et baillées en diverses villes de ce royaume, où il avoit au moien d'icelles prins plusieurs sommes de deniers ou nom du roy et icelles à lui appliquées, fut pour ledit cas ledit delinquant son procès fait de par le prevost de l'ostel du roy ou son lieutenant et depuis envoyé audit lieu de Paris. (Roye, Chron. scand., II, 1460-1483, 52)

SAINCT MARTIN. Il convient donc que tu t'apreste De voir ung petit ceste lectre Et, sans actendre plus grant feste, Que ton signet y vueil mectre. EMPEREUR. Cella ne vous veulx poinct promectre, Mais le veulx faire vistement ; Puisqu'a ce me voulez commectre, Sa, une plume appertement ! (Pause. Il signe la lectre.) (La Vigne, S.M., 1496, 508)

Et, quant ledit admiral eut ouvert lesdittes lettres et veu le signet dudit conte, lequel il congneut bien, sans aucunement veoir la substance les getta par terre, comme par despit, en regardant autour de luy s'il verroit personne de ses gens pour le faire prendre, en disant audit Voyaul qu'il le feroit getter en ung sac en la riviere. (Le Clerc, Interp. Roye, c.1502, 145)

Scellé.

Or, ça, seigneurs, le monument Signeray, la pierre est remise. (Adonc signe le monument d'un signet). Or advisez cette devise, Veez vous ce signe nouvel. (Marcadé, Myst. Pass. Arras R., a.1440, 234)

C. -Par extension. Marque, signe.

1.Marque, signe de reconnaissance.

Et aus autres qui li demandent grace, et qui veulent seruir, il ne donne que son signet, le quel il font porter deuant eulz a vne lance pendant (Mandeville, Voy. L., p.1360, 272)

Et lors la Riche Precieuse de sa propre main mist son signet a la dicte epystre, c'est assavoir la juste languete de sa veritable balance. Et apres l'Amoreuse y mist sa clef doree, Allegresse son bouffeau de flourectes et Bonne Adventure s'espee a deux tranchans. (Mézières, Songe vieil pèl. C., t.2, c.1386-1389, 450)

Marque extérieure d'une dignité, d'une charge ou d'une fonction.

Nous veons que aucun puet porter le nom d'autruy, soit Impereur ou Roy, et en ce il ne luy fait aucune injure, mez luy fait grant honeur, conme dit la loy (...). Car plusieurs puent avoir un meismez nom (...) ; donques, par semblable, plusieurs puent porter unes meismez armes ou un meismez signet. (Songe verg. S., t.1, 1378, 288)

2.Ruban placé entre les feuillets d'un bréviaire, d'un missel, et permettant de retrouver commodément tel ou tel passage.

Et premierement, pour avoir histoirié et vignetté le calendrier dudit breviaire et fait les signetz y partinens en chascun des douze mois de l'an, au pris de 24 s. pour chascun mois font 14 £ 8 s. (Comptes argentier Ch. le Téméraire B.F.L., t.3/2, 1470, 575)

Remarque : Doc.1377, 1404 et 1408 ds GAY II, 349a.

3.ASTR. Cordon, fil auquel on attache le plomb d'un cadran et sur lequel on mesure l'angle.

À Oudot de Douay, changeur, demourant à Dijon, pour une once et ung treseau d'or fin que semblablement MS a fait prendre et achetter de lui pour faire deux signets d'or à cadran (Comptes Lille L., t.1, 1431-1432, 263)

Orthographe	Genre	Nombre	Phonétique
signet	masculin	singulier	\si.ɲɛ\
signets	masculin	pluriel	\si.ɲɛ\