SERVITEUR

substantif masculin

[T-L : servitor ; GDC : serviteur ; FEW (XI, 547a) : servitor ; TLF (XV, 419b) : serviteur]

A. -Celui qui est ou se met au service de qqn, serviteur.

1.Celui qui est au service de qqn, valet, domestique.

Viandes et verges et fais est affreant a l'asne, pain et discipline et ouvrage appartient au serviteur (Daudin, De la erudition H., c.1360-1380, 182)

Car quant sires, qui vuet honneur Et qui het toute deshonneur, Vuet faire ordener une chose, Se son serviteur s'i oppose, Qui plaint et pleure ce qu'il donne, S'onneur esteint et abandonne, Si que ce sont larmes perdues, D'envie nées et venues. (Mach., P. Alex., p.1369, 52)

Mon serviteur appelleray. Venez a moy, venez, Lorens : Vostre enque et la penne vous rens (Mir. st Alexis, 1382, 351)

...il estoit varlet et serviteur de messire Guy Buverail, prestre, chanoine du Sepulcre (Reg. crim. Chât., I, 1389-1392, 281)

...messire Guillaume Cassinel, chevalier, maistre d'ostel de la royne, a dit et affermé que ycellui prisonnier n'est point serviteur ne officier de la royne (Reg. crim. Chât., II, 1389-1392, 458)

Il [le roi] a ja fait son testament, et donne a ses serviteurs tant que chascun s'en tient a bien paiez... (Arras, c.1392-1393, 114)

Ledit chevalier a esté son temps et est garniz de mauvaises gens et serviteurs bateurs et crimineulx (Baye, I, 1400-1410, 100)

...ycelle gent Estoient comme li sergent Et serviteurs et serveresses Tres diligens (Chr. Piz., Chem. estude P., 1402-1403, 91)

Jonas, le desloyal tirant qui ot fait occire Zacharie, pour ce que preudoms estoit, refu occis par ses propres serviteurs. (Chr. Piz., P.V.H., 1416-1418, 23)

À Jaquot Pain et Vin, serviteur ou nom de messire Jehan de Bourbon, chevalier, son maistre, la somme de cinquante frans, pour amener et passer à monstre trente hommes d'armes qu'il avoit promis amener soubz et en la compaignie dudit sire de Thoulonjon (Comptes Etat bourg. M.F., t.2, 1419, 573)

Et environ quatre heures fut portée ladicte royne depuis l'ostel de Saint-Pol à Paris jusques dedens ladicte eglise de Nostre-Dame, en une lictiere en figure de royne, par ses familiers et serviteurs. (Fauq., III, 1431-1435, 167)

...non obstant qu'il fut serviteur et extrait de lingnie sans mencion (La Sale, Sale D., 1451, 164)

...a tant vindrent femmes et serviteurs qui bien beneirent monseigneur et le deshouserent (C.n.n., c.1456-1467, 114)

...en la conduicte d'un serviteur de la dicte damoiselle [il] vint arriver a l'ostel, ou il fut receu bien honnestement. (C.n.n., c.1456-1467, 486)

Le maistre d'ostel et tous les autres de ses serviteurs commencerent a rire (C.n.n., c.1456-1467, 583)

Je suis homme d'auctorité, Subgiet es romains impereurs ; Toutesfoiz j'ey mains serviteurs, Qui vont et vienent a tous lieux Et si sont tout ce que je veulx [Réf. à Luc 7, 8] (Pass. Auv., 1477, 129)

SAINCT MARTIN [à son père] . De ce faire maintenant m'entalente Si vous supplie d'amour begnivolente Que me donnez l'un de vos serviteurs : C'est Francequin et puis, sans longue actente, Dessus les champs nous serons viateurs. (La Vigne, S.M., 1496, 193)

Et, ce fait, après plusieurs autres parolles, ledit conte, ses gens et le serviteur dudit archevesque allerent disner en la ville dudit Sancerre. (Le Clerc, Interp. Roye, c.1502, 178)

Collaborateur, assistant.

Maistre Jaques des Muchos, procureur et serviteur de maistre J. de Corbye, s'oppose que nul ne soit receu en son office de maistre des Requestes de l'Ostel sans le oïr. (Baye, II, 1411-1417, 137)

...ung procureur en parlement (...) entre aultres ses serviteurs avoit ung clerc habile et diligent (C.n.n., c.1456-1467, 91)

Ung tel cardinal m'a chargé expressement que je luy trouve un serviteur pour estre son notaire (C.n.n., c.1456-1467, 284)

Y vindrent aussi tous les archevesques, evesques, protonotaires, referendaires et aultres officiers et serviteurs des cardinaulz en grant multitude (Chastell., Chron. IV, D., c.1461-1472, 247)

[Cont. métaph.]

Mon filz, puis que sommes d'acord Et que estes serviteur de (la) mort, Comme moy, faisons bonne chere. (Cene dieux, c.1492, 125)

Emploi adjectival.

Des XXX escus qui resteront, tous semblables vous en ferez faire de beaus harnois de draps et vestirez voz gens serviteurs de vostre livree quant chevaucherez (La Sale, J.S., 1456, 69)

Proverbe.

...ce que dit le proverbe commun : «à tel maistre, tel varlet ou serviteur» (Chr. Piz., Faits meurs Ch. V, S., I, 1404, 194)

2.Celui qui est ou qui se met au service d'un grand seigneur.

Je, vostre tresobeissant serviteur (...) ose et presume ce present petit oeuvre, a vostre requeste et advertissement mis en terme et sur piez, vous presenter [Dédicace du recueil] (C.n.n., c.1456-1467, 22)

Et alors le seigneur de Buoeil, ammiral de France, qui aultreffois avoit esté principal gouverneur du daulphin, prist la parolle et dist ainsi : 'Je suis serviteur et bien tenu a monsr (...). Mes, a parler a la verité, il s'est mal conduit envers le roy...' (Chastell., Chron. IV, D., c.1461-1472, 51)

Icelluy conte de Sainct Martin fut natif de Piedmont, et serviteur du duc de Milan (La Marche, Mém., I, c.1470, 315)

...et puis, par ordre, je suyvray mon propos jusques à l'heure que je devins son serviteur, et continueray jusques à son trespas. (Comm., I, 1489-1491, 3)

Entre les autres y veint Philippes des Essars, serviteur du duc, et Guillaume de Souplenville, serviteur de monsr de Lescun (Comm., I, 1489-1491, 239)

Le seigneur de Contay, serviteur du duc de Bourgongne... (Comm., II, 1489-1491, 49)

Celui qui est au service de Dieu (ou du diable).

De che dist saint Pol : 'Le serviteur du Seigneur doit estre a tous debonnaire, et soy rendre abile pour aprendre' (Daudin, De la erudition H., c.1360-1380, 61)

Au contraire aussi, comme obedienche fait l'omme serviteur de Dieu, ainssi inobedienche ou propre volenté le fait serviteur du Dyable. (Daudin, De la erudition H., c.1360-1380, 222)

...les escoliers et serviteurs de Dieu qui faisoient le divin service à S. Caterine (...) furent en ce service delessiez et dechacez, quant les ennemiz de Dieu et persecuteurs survindrent (Baye, I, 1400-1410, 102)

Adont tous les serviteurs de la croix qui au crucifix se sont confermez en leur vie approcheront de Jhesucrist leur juge, en grant confidence (Internele consol. P., 1447, 42)

Regarde a moy selon la magnitude de ta bonté et selon la multitude de tes miseracions, et exaulce l'oroison de ton povre serviteur exilé loing de toy en region de umbre de mort. (Internele consol. P., 1447, 265)

Dieu, qui ses serviteurs et champions garde et preserve, l'avoit aultrement disposé (C.n.n., c.1456-1467, 423)

Serviteur de l'Eglise. Celui qui a voué sa vie au service de l'Église.

L'ARCHIDYAQUE. (...) Si voullez faire ung successeur Et de l'eglise ung serviteur, Attendu que je ne suis plus. (Myst. st Bern. Menth. L., c.1450, 103)

[Dans une formule de politesse] Humble serviteur

Vostre serviteur à jamais, Robertet. (Robertet, Oeuvres Z., c.1450-1500, 116)

Escript à Mon, ce derrenier d'aoust Vostre serviteur et leal amy Robertet. (Robertet, Oeuvres Z., c.1450-1500, 135)

Je suis vostre humble serviteur Et si me recommand du cueur Tousjours a vostre bonne grace. (Myst. st Laur. S.W., 1499, 168)

Vostre très humble et obéissans subget et serviteur : Loys. (Le Clerc, Interp. Roye, c.1502, 333)

Soubscriptez : Vostre très humble et très obeissant subgect et serviteur, Anthoine de Chabannes (Le Clerc, Interp. Roye, c.1502, 374)

3.[Dans le domaine du service amoureux]

Car il n'est nulle que je clame, Ne qui se puist nommer, de vray, Ma seule souveraine Dame, Fors que vous, a qui me donnay Le premier jour que regarday Vostre belle, plaisant, beauté, De qui vray serviteur mourray, En gardant tousjours loyauté (CH. D'ORLÉANS, Compl. C., 1433-p.1451, 267)

...ma tresredoubtee dame sans per, aiez de vostre serviteur mercy et ceste foiz plaise vous moy pardonner (La Sale, J.S., 1456, 234)

Ma leale et bonne maistresse, veez cy vostre humble et obeissant serviteur, qui après Dieu n'ayme rien en ce monde si lealement que vous. (C.n.n., c.1456-1467, 166)

Ne demoura gueres que le bon serviteur, sans faire effroy ne bruyt, vint hurter a la chambre (C.n.n., c.1456-1467, 186)

...si vous estiez telle que vous devriez, vous n'[eussiez] pas tant attendu de bailler confort et garison a moy, vostre obeissant serviteur, qui savez certainement que je vous ay loyaument servie et obeye. (C.n.n., c.1456-1467, 210)

Ceste vaillante preude femme (...) avoit pluseurs serviteurs en amours, pourchassans et desirans sa grace (C.n.n., c.1456-1467, 241)

...elle estoit trop courtoise de faire plaisir aux serviteurs des dames. (Tardif, Facéties Pogge D.H.-P., c.1490, 140)

Serviteur d'Amour

...Amour, qui bande les yeulx de ses serviteurs, les bouscha (C.n.n., c.1456-1467, 163)

...Amour, qui ses serviteurs loyaulx aide et secoure quand bien luy plaist, leur appresta ung jour tresdesiré (C.n.n., c.1456-1467, 434)

Estre retenu serviteur

...d'une tresbelle damoiselle qui mariée estoit, dont le bruit n'est pas si pou cogneu que le plus grand maistre de ce royaume ne se tenist treseureux d'en estre retenu serviteur (C.n.n., c.1456-1467, 182)

...[il] se trouva tant et si bien en la grace d'une belle damoiselle qu'il en fut retenu serviteur. (C.n.n., c.1456-1467, 227)

4.Serviteur (d'une divinité). Adorateur.

...touz les serviteurs de l'avugle deesse sont avuglés et tresbuschiez finablement en la fosse de perdicion. (Foul., Policrat. B., V, 1372, 292)

B. -Celui qui rend service à qqn dans une occasion particulière.

Ce bon voisin et amy (...) se tappit au coing d'une forte haye espesse, duquel lieu luy apparoient toutes les entrées de la maison au dit marchant, dont il estoit serviteur et grand amy en ceste partie. (C.n.n., c.1456-1467, 442)

S. NICOLAS. Pour faire a mon serviteur [le juif] joye, Ceste ame remettray au corps. Sus, anges, que chascun s'employe De chanter quelques beaux accors ! (Mir. st Nic. juif, c.1480-1500, 147)

Celui qui veut servir qqn, qui veut le bien de qqn.

Au contraire dist saint Augustin ou livre de ses Confessions : 'Sire, cheluy est tres bien ministre ou serviteur a toy, qui ne regarde pas a oÿr de toy che qu'il voulra, mais plustost voulra che qu'il te plaira' (Daudin, De la erudition H., c.1360-1380, 239)

...j'auray acquis un vray ami et serviteur, Dieux ! (Chr. Piz., Trois vertus W.H., c.1405, 115)

Orthographe	Genre	Nombre	Phonétique
serviteur	masculin	singulier	\sɛʁ.vi.tœʁ\
serviteurs	masculin	pluriel	\sɛʁ.vi.tœʁ\