SERVITERESSE

substantif féminin

[GD : serviteresse ; FEW (XI, 547b) : servitor]

Servante.

Il [le mari] le doit traitier honnourablement, c'est que pas ne le tiegne pour vile comme serviteresse mais honnorable comme compaigne. Pour che dist on la fenme non pas estre faite du chief ou des piés de l'omme mais du costé, affin que pour che soit donné a entendre qu'elle ne doit pas estre dame ne chamberiere mais compaigne. (Daudin, De la erudition H., c.1360-1380, 311)

...Car vieilles gens sont souffraiteux : Tant aient avoir et chevance, Nulz pour eulx secourre n'advance ; Serviteresses, serviteurs Sont leurs hoirs et executeurs, Et les demainent durement. (Desch., M.M., c.1385-1403, 6)

Et de rechief que pour avoir lignee et representacion de son mary apres [l. aprés] la mort d'icelluy, elle en laissa son lit et le soulaz de son mary, et luy bailla Agar sa chamberiere et la fist dame, et elle treshumblement devint serviteresse et humble servant (Ménagier Paris B.F., c.1392-1394, 62)

Et sachiez que communement telles femmes d'estrange pays ont esté blasmees d'aucun vice en leur pays ; car c'est la cause qui les amaine a servir hors de leur lieu. Car s'elles feussent sans tache, elles feussent maistresses et non serviterresses -- et dy des hommes autel. (Ménagier Paris B.F., c.1392-1394, 128)

...pour l'amour de nostre Seigneur (...) desiroit [sainte Colette] fervament d'estre serviteresse d'aulcunes bonnes et devotes religieusses (Pierre De Reims, Vie ste Colette U.A., 1447, 15)

...quant j'ay sceu que les deux chevaulx estoient a deux damoiselles, pensant que ce fussent de vos serviteresses, je suis venu icy pour oyr nouvelles de vous. (LEFÈVRE (R.), Hist. Jason P., c.1460, 162)

'Mon amy [le messager de Zeus] ,' respondy Danés [Danaé] , 'sauf vostre honneur le roy Jupiter n'est mon serviteur. Ainçois je meismez suis sa tenue et sa serviteresse, et le remercye de ses largesses...' (LEFÈVRE (R.), Hist. Troyes A., c.1464, 195)

Le curé de Sainct Brise avoit une serviteresse nommee Beatris (Molinet, Faictz Dictz D., 1467-1506, 885)

...elles [les religieuses] , leurs officiers, serviteurs et serviteresses demourans en l'enclos de leur église (...) entendent seulement au service divin qui se fait de jour et de nuit (Cartul. Flines H., t.2, 1487, 863)

Item delivere a Aneken servitres dudit singneur oultre XX patar... (Terre Jauche D., 1491-1492, 263)

Au figuré.

...par vertu de ceste maison, son humble serviteresse, laquelle il a incorporée en toute dilection et confidence, il est parvenu paisible à la couronne (Chastell., Chron. K., t.4, c.1456-1471, 10)

...il sembloit qu'il [le roi de France] le fist par argu encontre la maison de Bourgongne, sa léale serviteresse, et espécialement contre le comte de Charolois (Chastell., Chron. K., t.5, c.1456-1471, 96)

Orthographe	Genre	Nombre	Phonétique
serviteresse	féminin	singulier	\sɛʁ.vi.t(ə).ʁɛs\
serviteresses	féminin	pluriel	\sɛʁ.vi.t(ə).ʁɛs\