SERMENT

substantif masculin

[T-L : sairement ; GD : serement ; GDC : sairement ; DECT : sairement ; FEW (XI, 34b) : sacramentum ; TLF (XV, 390b) : serment]

I. -Acte par lequel on prend Dieu à témoin de ce qu'on promet, de ce qu'on affirme.

A. -[Comme acte officiel]

1.[Selon un rituel convenu (on jure sur un objet symbolique, la Bible, des reliques...)]

Et se fait (...) Robin et Cuignet eussent juré et fait serment l'un envers l'autre, sur le pain et le vin, que de chosse qu'il avoient à faire ensemble, ilz ne révèleroyent ne accuseroyent l'un l'autre, pour mourir. (Ch. VI, D., t.2, 1417, 202)

...car ils avoient fait serment sur les saincts Évangiles de Dieu d'estre bons et loyaulx au roy et à la couronne de France (Chart. J., Chron. Ch. VII, V., t.2, c.1437-1464, 331)

Fera le roy à l'entrée de ladite ville de Bourdeaulx (...) le serment sur le livre et sur la croix, ainsi qu'il est accoustumé, de tenir et maintenir les bourgeois, marchands, manans et habitans de ladite ville de Bourdeaulx et du païs de Bourdelois (...) en leurs franchises, privilèges, libertez (Chart. J., Chron. Ch. VII, V., t.2, 1451, 283)

...j'envoye le seigneur de Montagu le Blanc à Angiers pour faire le serment sur la vraye croix de monseigneur Saint Laux, de me estre doresavant bon et loyal (Lettres Louis XI, V., t.6, 1476, 54)

Remarque : Dict. encyclop. du Moy. Âge, t.2, 1997, 1425.

2.En particulier.

a)[Féodalité] Serment de fidélité que prête un vassal à son seigneur.

Et avec ce li revela Li princes, et y appella Monsigneur Jehan de Gaverelles, Qui fu à dire ces nouvelles Sans plus, pour porter tesmognage Par tous païs, que son hommage, Foy, serement, fraternité Avoit vers le roy acquité. (Mach., P. Alex., p.1369, 255)

Et adoncques le conte de Duraine fist les feaultés et serment au roy Cleriadus tout ainsi que il appartient. (Cleriadus Z., c.1440-1444, 533)

...Pierre de Laval, archevesque et duc de Reims, nous a aujourd'huiz fait en nostre personne le serment de féaulté, que tenu nous estoit de faire à cause de la temporalité dudict archevesché (Cartul. Laval B., t.3, 1474, 272)

Remarque : F.L. Ganshof, Féodalité, 3e éd., 1957, 44 et suiv.

Serment corporel. Serment que le vassal non lige fait en levant la main (à la différence de celui que le vassal lige fait en touchant les évangiles).

...Ysabiaulz Patrie, jadis femme feu Piere du Rivau, (...) nous a dit et revelé et afermet par son serement corporel, lequel nous avons receu de la dicte Ysabeau, sur ce que li diz feu Pieres, ou temps qu'il vivoit, ot et prist, à cause de prest à usure, de Jehan Phelippe, lombart (Doc. Poitou G., t.3, 1351, 64)

Avoir le serment à / de qqn

[Le seigneur de Simay, ambassadeur du duc de Bourgogne, au roi de France :] Je suis vostre homme et ay le serment a vous. Aussy messire Simon et moi nous sommes chevaliers et ne vouldrions dire chose que veritable. Et par la foy que je vous doy et sur nostre honneur, nous vous certiffions que monsieur le duc ne sceust onques de ladicte venue (Chastell., Chron. IV, D., c.1461-1472, 59)

Faire le serment à qqn

Et s'appelloit la ville Monfortin, Appartenant a seigneur Jacques Conte, De qui personne ne doit tenir nul conte, Car il avoit fait au roy le serment Et se fÿoit en luy si grandement Que, pour garder de faire ung tel desordre, Il l'avoit fait des chevaliers de l'ordre. (La Vigne, V.N., p.1495, 242)

b)[En justice]

...après ce qu'il orent juré aus sains Evangiles de Dieu de dire verité, cogneurent et affermerent par leurs sermens que ilz sont nez de la ville de Houdan, à une petite lieue dudit lieu de Heudouville (Reg. crim. Chât., I, 1389-1392, 285)

Lequel juif present, juré par le serment acoustumé à faire en sa loy, en mettant la main sur sa teste, dit et afferma, en la presence dudit prisonnier, que verité est (Reg. crim. Chât., II, 1389-1392, 132)

c)[Dans une situation d'hostilité, de conflit ; domaine militaire, à la guerre, au combat, au tournoi...]

Cy apprès s'enssievent les troiz sermens que sont tenus de faire les combatans. (La Sale, Salade, c.1442-1444, 217)

Et quant ilz furent en leurs pavillons et qu'ilz eurent faiz leurs serremens, et puis de leurs pavillons boutez hors (...) alors se partent comme lyons deschainez. (La Sale, J.S., 1456, 184)

Mais comment seront elles certaines de la mort de leurs espoux ? Response : par le serement et jurement de cellui soubz qui ilz ont milité et des compaignons qui ont bien congneu la mort d'eulz. (Sacr. mar., c.1477-1481, 72)

Et, pour plus grant fermeté, nous en bailla en plege nostre très chier et très amé frere le duc de Bourbonnois et d'Auvergne, et avec ce nous en bailla son scellé. Non obstant tous lesquelz sermens, seuretés et promesses, et en venant directement contre iceulx, ledit de Nemours a de rechief contendu par tous moyens à luy possibles de soubsciter nouvelles divisions et mettre sedition en nostredit royaulme par plusieurs dampnables moyens (Le Clerc, Interp. Roye, c.1502, 243)

Remarque : J. P. Jourdan, Pas d'armes, joutes et tourn. ... au XVe s., 1981, 59 ; 179.

Faire serment de + inf.

Et semblablement monseigneur de Bourgongne fist serement pareil de servir loyaument le Roy et obeir à lui (Fauq., I, 1417-1420, 157)

Prendre / recevoir le serment de qqn. En recevoir un engagement solennel de fidélité.

Après lequel appoinctement ainsi fait, le roy envoya audit lieu monsr le cardinal de Bourbon, monsr le chancellier, messire Guiot Pot, bailly de Vermendois, messire Phelippe de Crevecuer, seigneur de Cordes, gouverneur de ladicte ville, et autres nobles hommes, pour prendre et recevoir les seremens des habitans dudit Arras. (Roye, Chron. scand., II, 1460-1483, 46)

Et aprés soupper, le roy print le serment des ditz pays, puis s'en alla coucher en son logis. (La Vigne, V.N., p.1495, 267)

Et de rechief les dictz ambassadeurs venyciens refirent arriere le serment comme le roy l'avoit faict, disans que les ennemys du roy estoient les leurs, et qu'ilz vouloient servir le roy de cueur, de corps et de biens. Monsieur d'Angiers receult leurs sermens, presens monsieurs de Cornouaille, monsieur d'Ambrun avec autres prelatz. (La Vigne, V.N., p.1495, 320)

d)[Selon le statut social qui exige un engagement par serment]

...que nuls varlés ne aultres, quelz que il soit, ne se melleche de mieure waranche ne de ouvrer en mollin de waranche, dessy atant qu'il ait fait serment es mains des dis maïeurs (Hist. industr. drapière Flandre E.P., t.3, 1382, 24)

Ce sont les sermens que doivent faire les conseillers et advocas en chacun Eschiquier et au commencement d'icellui (Echiq. Normandie S., 1390, 59)

Le samedi 4 mai 1415, Jehan du Brueil (...) fist le serment pour estre sergant ou messier au lieu de La Chapelle, en tel cas acoustumé, en la main de maistre Jehan de Breban, licencié en loix, garde d'icelle juridiction de La Chapelle pour les religieux de Saint-Martin (Livre raison St-Martin-de-Pontoise D., 1415, 165)

Ce jour, maistre Robert de Saulz a esté receu en office de conseillier clerc en ladicte Chambre des Enquestes et a fait le serement acoustumé. (Fauq., I, 1417-1420, 157)

[À propos d'une pers.] De serment. Assujetti par son statut social à un engagement par serment.

...aprés alloient par ordonnance les arbalestriers, archiers, canonniers et autres gens de serment d'icelle ville (Entrées roy. G.L., p.1464, 192)

[P. allus. au serment que prête un membre d'un ordre de chevalerie de respecter les statuts de cet ordre] Frere de serment. Voir frere

B. -Par extension.

1.Promesse faite à qqn, engagement pris auprès de qqn en prenant Dieu à témoin.

...laquelle chose n'est autre riens ne mais coulourer de faulceté, tricherie et barat par dire mençonges par grans sermans parjurés afermeement. (Chr. Piz., Paix W., 1412-1413, 165)

...pour les causes dessus dictes, elle se tient pour acquittée et desobligée de son serment et promesse qu'elle jadiz luy fist. (C.n.n., c.1456-1467, 179)

Lui promist ledit roy qu'il le feroit et le mist contre son serment en une forteresse pour le faire besongner à force, lequel lui fist l'or, duquel furent faiz les vielz nobles d'Angleterre, ainsi que on dit pour tout vray en Engleterre. (Simon De Phares, Astrol., c.1494-1498, f° 128 r°)

Affirmation de serment

...que la parolle yssant de la bouche dudit prince soit creue sans affirmacion de serment (Chr. Piz., Paix W., 1412-1413, 164)

S'acquitter de son serment. Tenir ses engagements.

'...N'est merveille se vous vous esmaiez, Car bien est drois que dolente soiez. Mais vraiement On trouveroit plus tost aligement En vostre mal qu'en mien'. - 'Sire, et comment ? Dites le moy, et de vo sairement [var. serment] Vous aquitez.' - 'Moult voulentiers, mais que vous m'escoutez, Et que vo cuer de tristesse gettez, Par quoy toute vostre entente mettez A moy oïr.' (Mach., J. R. Beh., c.1340, 66)

Dire / jurer / promettre qqc. par son serment

...et aussi fut présent Jehan de la Halle, sergent pour le temps, qui nous dist par son serment que, ou temps et au terme dessus diz, ledit viconte l'avoit charché de... (Cartul. Hôtel-Dieu Cout. L., 1333, 160)

Je vous jure par mon serment Que... (Marcadé, Myst. Pass. Arras R., a.1440, 74)

Je te promet par mon serment Que (Lord. Tart Ab. L., a.1465, 161)

Ledit jour vint en la chapelle de ceans, Jehan Minot (...) qui disoit par son serment que... (Mir. ste Cath. Fierbois C., 1470-1483, 13)

...messire Remon Guerin (...) jura par son serment que... (Mir. ste Cath. Fierbois C., 1470-1483, 20)

Errer contre son serment. Enfreindre son serment.

Par foy, dame, s'il se puet excuser qu'il n'ait pas erré contre son serement ne faussé ne enfraint l'ommage que il doit, j'en seray tous liez, et seray cellui qui voulentiers le recevray en ses excusacions, lui et ses complices. (Arras, c.1392-1393, 209)

Faire serment de qqc. Promettre solennellement qqc..

Conte, je vous fas assavoir, Puis que j'en ay fait serement, Je le tenray certainement (Mir. fille roy Hongrie, c.1371, 4)

Et je vous fas bien assavoir, Puis que serement en ay fait Et veu, je le tenray de fait (Mir. fille roy, c.1379, 39)

Faire son serment de + inf.

Et après ce convient qu'ilz facent serment de garder les dames et pucelles du royaume et de deffendre toutes justices et querelles dont ilz seront appelez pour les soustenir. (Percef. IV, R., c.1450 [c.1340], 56)

Faire son serment que. Faire le serment de.

L'ystoire dit que le gallaffre de Bandas et le soudant de Barbarie et le roy Anthenor d'Anthioche et l'admiral de Cordes, ces quatre avoient fait leur serement que jamais ne fineroient jusques a temps qu'ilz auroient destruit le roy Uriien de Chippre et le roy Guion d'Armenie, son frere. (Arras, c.1392-1393, 213)

Froisser son serment. Enfreindre son serment.

Eneas jut soubz sa courtine Et tant y fut qu'il l'engroissa Et que son serement froissa. (Le Fèvre, Leesce V.H., c.1380-1387, 77)

Jurer / promettre un serement

Quant li corbiaus vid l'avoutire, Il les commença a maudire Et si jura grant serement Qu'il yroit dire ynelement A Phebus la grant lecherie Qu'il a veü en son amie. (Mach., Voir, 1364, 688)

...les sairmens que tu as iureit et promis aux lignies de ton pueple (Psaut. lorr. A., 1365, 152)

Li roys s'en coursa durement, Et jura moult grant sairement Qu'il n'avoit homme en son païs, Tant fust grans, osés ne hardis, Ne frere, n'autre, tant l'amast, S'il le coursoit, qu'il ne coursast. (Mach., P. Alex., p.1369, 260)

Jurer sur tous les serments

Vous me [Mélusine] jurerez sur tous les seremens que preudoms doit faire, que le samedi vous ne mettrez jamais peine a moy veoir ne enquerre ou je seray. (Arras, c.1392-1393, 26)

Rompre un serment. Enfreindre un serment.

...qu'il ne voulloit point ronpre son serment qu'il m'a fait (Lettres Louis XI, V., t.9, 1481, 71)

Sauver un serment. Voir sauverTenir ses engagements.

Non obstant, puis que l'ay promis, Il me fault mon serment sauver, A cest don ne veul contrester Pour l'honneur de ces princes cy. (Marcadé, Myst. Pass. Arras R., a.1440, 85)

Serment (de) Mahon. Serment sans valeur.

Je croy que vous venés savoir no porcion, Vous pensés a tenir le sairement Mahon (Cuvelier, Chans. Guescl. F., c.1380-1385, 51)

2.[Comme affirmation forte de la véracité d'une parole]

... [le mari] afferma par ung bien grand serment que jamais n'avoit veu chose si tresbien ressembler le cul de sa femme (C.n.n., c.1456-1467, 26)

Mon serment

Mon serment ! c'est ung bel ymage Pourtrait et paint à son debvoir (Arcel., Vieill. C., c.1480-1520, 604)

POVRE. Mon serment, Homme n'est soubz le firmament Qui m'ait donné chose du monde. (La Vigne, S.M., 1496, 546)

Par mon serment

Il respondi moult doucement : 'Dous amis, par mon serement, Vous soiez li tres bien venus. Longuement vous estes tenus De moy viseter et vëoir....' (Mach., F. am., c.1361, 188)

Mon amy, ne dites pas une aultre foiz que je vous aye fait mettre vostre argent, car, par mon serment, je ne donne pas de robe qui soit au monde une maille, mais que je soye chaudement. (Quinze joies mar. R., c.1390-1410, 12)

Par mon serment, il me sembloit Que mes boiaulx deussent saillir. (Narcissus, p.1426, 284)

Lors, dist l'Empereur, par mon serment jamais je ne veis advenir une telle merveille. (Miélot, Mir. N.D. L., 1456, 118)

...par mon serment, a dire entre vous et moy, mon plus grant regret si est qu'il fault que je meure avant que savoir et sentir des biens de ce monde. (C.n.n., c.1456-1467, 347)

Grant mal sera, par mon serment, De faire morir Jehan babtiste. Il n'est homme que n'en soit triste. (Pass. Auv., 1477, 97)

FRIPPIER. Par mon serement, Prenez la et vous en allez ! (La Vigne, S.M., 1496, 550)

[Dans un cont. judiciaire]

'...Je croy trop bien qu'il ne partit pas sans proye, mais qu'il y eust entré a force, par mon serment, non eust. - Est il ainsi ? dit le prevost. - Oy, par mon serment, dit le bon compaignon...' (C.n.n., c.1456-1467, 160)

[Formule exprimant sans plus une grande surprise]

Et qu'est cecy, par mon serment ? Je cuide que je l'ay actaint. Le baston ma lance en est taint. Je croy que veez cy de son sang. (Pass. Auv., 1477, 231)

Happe cousin, happe cela : Par mon serment, voicy merveille. (P. Jouh. D.R., a.1488, 35)

Pour mon serment

Atrampez ung peu vo corage, Mon seignieur, car, pour mon serment, Mon maistre ne sçay pas comment Il est perdu (Myst. st Bern. Menth. L., c.1450, 95)

Serment de la messe

Serment de la messe, Vessi une ostesse ! (Oliou, Mess. Arg. A., c.1470, 489)

3.[Comme acte blasphématoire]

Jurer le vilain serment. Prendre Dieu à témoin de façon sacrilège ou impie ; blasphémer, proférer un jurement.

...dit fu et deliberé que, pour le delit commis par icellui prisonnier en jurant icellui villain serement, il soit condempné, mis et tourné ou pilory, ès hales, puis heure de prime jusques à heure de nonne (Reg. crim. Chât., II, 1389-1392, 357)

Jurer le vilain serment de Dieu

...par temptacion de l'ennemi, jura une foiz le vilain serement de Dieu, en disant qu'ilz ne entreroient pas en ycelle chambre. (Ch. VI, D., t.2, 1388, 174)

II. -Par métonymie. Groupe de personnes ayant prêté le même serment et formant un ensemble organisé sur le plan professionnel, corporation, corps, métier, communauté.

A. -Corporation, corps, métier.

...les colleges et sermens des arbalestriers, archiers et canonniers (Entrées roy. G.L., 1463, 187)

En particulier. Les monnayeurs.

...oye la supplicacion de Martin Masse, monnoier du serement de France, homme de bonne vie et de bonne renommée (Phil. Vi Valois, Doc. paris. V., t.2, 1347, 289)

De la partie de noz amez les Prevostz, Ouvriers et Monnoyers de noz Monnoyes du serment de France, Nous a esté humblement exposé... (Ordonn. rois Fr. V.B., t.11, 1419, 1)

...en certaine cause pendant ceans entre les ouvriers et monnoiers du serement de l'Empire, d'une part, et les ouvriers et monnoiers du serement de France, d'autre part (Fauq., II, 1421-1430, 354)

...et quant au surplus, qui touche le general debat d'entre lesdiz du serement de France et du serement de l'Empire, la Court dit que les ouvriers et monnoiers dudit serement de l'Empire, jà receuz et qui ont fait leur espreuve en la monnoie de Paris ou en autre monnoie royal du royaume de France, pourront ouvrer et monnoier es monnoies royaulz d'icellui royaume monnoie blanche et noire, pareillement que ceulz dudit serement de France. (Fauq., II, 1421-1430, 359)

Remarque : F. Lot, R. Fawtier, Hist. des instit. fr. au Moy. Âge, t.2, 1958, 250.

B. -Communauté.

...ledit bailli [de Rouen] a refusé de rendre et baillier audit archevesque l'evesque d'Avranches, bachelier en theologie, maistre Jehan Basset, prebstre, maistre en ars, licencié en decret, Jehan de Laleu, licencié en lois, Jehan Segneur, clers non mariez, estans du serement de ladicte Université, et pluiseurs autres clers et prebstres, prisonniers audit lieu de Rouen (Fauq., III, 1431-1435, 90)

Remarque : Forme seurement, par croisement avec sûr : BOUVET, Arbre bat. R.-B., c.1386-1389, 225 (...ilz doivent garder le seurement qu'ilz ont fait a leur seigneur).

Orthographe	Genre	Nombre	Phonétique
serment	masculin	singulier	\sɛʁ.mɑ̃\
serments	masculin	pluriel	\sɛʁ.mɑ̃\