SADE

adjectif

[T-L : sade ; GD : sade1 ; DECT : sade ; FEW (XI, 201b) : sapidus]

A. -Qui plaît au goût, savoureux.

Vez la cy [la pomme] si bonne et si sade ; C'est droite santé a malade : Or la mengiez. (Mir. abbeesse, 1340, 76)

...qui conforter me voloit Des maus dont mes cuers se doloit, Car il n'est viande si sade Com bon confort a un malade (Mach., R. Fort., c.1341, 58)

...il me souvient de la tresdouce pasture et sade nourreture dont vous m'avés si doucement nourri et repeu (Mach., Voir, 1364, 368)

Esperance qui m'asseüre, Joie sans per, vie à mon vueil, Dous penser, sade nourriture, Tres bon eür, plaisant accueil Et maint autre grant bien recueil, Quant Amours m'a tant enrichi Que j'aim dame, s'aten merci. (Mach., Bal., 1377, 548)

Chacun scet que les racines cuites et de petit priz sont saines et sades a mangier. (Mézières, Songe vieil pèl. C., t.1, c.1386-1389, 335)

B. -Par extension. [D'une pers. ou d'une chose]

1.Agréable, gracieux, charmant.

Ou se hors dou païs vues traire Et aler en estrange terre Honneur et vasselage aquerre, Soit en Castelle ou en Grenade, Qui est une voie moult sade, En Alemaingne, en Rommenie Ou en Prusse ou en Lombardie, Plus priveement t'aideras Dou tien que ne l'emprunteras. (Mach., C. ami, 1357, 116)

Car voirement, tant qu'a ce fait, Ens ou douls viaire parfait De ma dame et de sa samblance Qui est sade, vermelle et blance, Fui en peu d'eure si atains Qu'encor en est mes coers tous tains. (Froiss., Par. am., c.1361-1362, 54)

Item, pour ces veilles flestries Qui ont la coulleur sale et fade, Vecy, en escript, drogueries Pour leur faire le visaige sade. (Dorib., p.1480, 250)

Agréable à la vue, élégant.

Vous me semblez ung dorelot, Sade, faictis, propre et mignot, Ung droit petit dimenchereau. (Copp. lard., a.1488, 163)

Dessus le chief la bien clere sallade A cloux dorez fourniz de pierrerie, Dessus le dos le hocqueton fort sade Tout sursemé de fine orphaverie (La Vigne, V.N., p.1495, 213)

2.[D'une pers., de son coeur, de son comportement...] Doux, aimable, charmant.

Quant elle ot finé sa balade, Qui moult me fu plaisant et sade Dedens le cuer et a l'oïe, Pour ce qu'onques mais armonie Si trés douce n'avoie oy, Moult durement m'en esjoy. (Mach., R. Fort., c.1341, 106)

Douce Pensee est une chose Qui est en cuer d'amant enclose, Engendree par Souvenir - D'ailleurs ne puet elle venir - Si douce et si melodieuse, Si plaisant et si amoureuse, Qu'il est po de choses plus sades A cuers qui d'amours sont malades. (Mach., C. ami, 1357, 76)

Oïl, dame, de sentement Et de coer amoureus et sade Ai ordonné une balade (Froiss., Par. am., c.1361-1362, 79)

Mais ainçois fis ceste balade De joli sentement et sade, Et en ces lettres l'encloÿ, Dont ma dame moult s'esjoÿ (Mach., Voir, 1364, 182)

...ç'a fait vostre filz vraiement, Qui m'a tant ris, (...) Et d'un ris sade. (Mir. Clov., c.1381, 257)

...Jhesus le mire sade (Chr. Piz., M.F., II, 1400-1403, 111)

A ! vray Dieu, quel ambassadeurs ! Pluseurs a il le cuer sy sade De m'envoyer telle ambassade Comme Flaterie et Envie ? (Pouvre peuple H., c.1450-1492, 220)

Item, a la Grosse Margot, Tres doulce face et pourtraicture - Foy que doy, brulare bigot, A si devocte creature, Je l'ayme de propre nature, Et elle moy, la doulce sade -, Qui la trouvera d'aventure, Qu'on lui lise ceste ballade. (Villon, Test. R.H., 1461-1462, 124)

Tirez vous sça, mon sade groing. Si je puis, vous serez jolye Quoy qu'i couste. (P. Jouh. D.R., a.1488, 19)

Et la le roy, pour le plus abregé, Acompaigné de princes cinq ou six, Dix jours entiers fut plaisamment logé. Tant qu'il y fut, le tres humain et sade Ouÿoit sa messe comme bon catholique A Saint Laurens, puis a la Nuncïade (La Vigne, V.N., p.1495, 220)

Remarque : FROISS., Méliad. L., 1373-1388, gloss. ; DESCH., Oeuvres R., t.8, c.1370-1407, 25 ; Chasse am. W., a.1509, gloss. ...

Orthographe	Genre	Nombre	Phonétique
sade	masculin	singulier	\sad\
sade	féminin	singulier	\sad\
sades	masculin	pluriel	\sad\
sades	féminin	pluriel	\sad\