RESERVATION

substantif féminin

[T-L : reservacïon ; GDC : reservation ; FEW (X, 296a) : reservare ; TLF (XIV, 939a) : réservation1]

A. -Fait de réserver, de se réserver qqc..

1.[En gén.]

La roïne de Naples ne pooit donner ne reserver l'iretage d'autrui, et, se il estoit enssi que la reservation fust bonne et li dons utilles... si dissoient il que elle ne l'avoit pas fait deuement (Froiss., Chron. R., X, c.1375-1400, 173)

...vous prions (...) que se aucun droit vous pretendez en ladicte seigneurie par aubenaige ou autrement, soubz couleur que estes hault justicier en vostre eveschié, vous le vueillez donner et transporter pour ceste foiz audit Odet, en lui ostant la reservacion que luy avez faicte en sa reprise de ladicte place de Queue de Mouton. (Lettres Louis XI, V.M., t.10, 1463, 198)

Remarque : G. LE MUISIT, c.1347-1353, ds T-L ; JEAN GOLEIN, Rational B.D., c.1370-1372, gloss. ; DESCH., Oeuvres R., t.8, c.1370-1407, 108.

Prérogative qu'on s'arroge.

...pour ce que pluseurs par adulation ou par ignorance ont persuadé as Sains Peres que il usoient de plenitude de posté et de reservations merveilles et de nouvelles exactions (Oresme, Pol. Arist. M., c.1372-1374, 160)

2.En particulier. Usage par lequel le pape se réserve la collation d'une catégorie de bénéfices dans une province, un royaume ou même toute la Chrétienté (reservation generale), ou la collation de tous les bénéfices d'un clerc décédé ou d'une église particulière (reservation speciale).

Et pour ce que nous pallons de benefices, considerons conment le Pape, par sez reservacions, si destruit le service divin. (Songe verg. S., t.1, 1378, 97)

...soubz umbre de certaines reservations que l'en dit avoir esté faictes d'iceulz benefices par nostre Saint Pere (Baye, II, 1411-1417, 156)

...non obstans quelxconques reservacions generales ou especiales de quelconque personne que ce feust, defenses, expectacions ou graces (Fauq., I, Pièces diverses, 1418, 86)

...pour selon ce restraindre et moderer la reservacion et disposicion des benefices que le Pape vouloit generalment à soy atraire sans limitacion ou moderacion (Fauq., II, 1421-1430, 202)

...et depuis lui escripviz qu'il voulsist pourveoir maistre Benoist de Jehan, (...) dudict evesché, ledict cas advenant, et aux chanoines de ladicte eglise qu'ilz ne voulsissent faire aucune chose au prejudice de ladicte reservation ne de mon vouloir et intencion. (Lettres Ch. VIII, P., t.4, 1494, 136)

Ce droit conféré par le pape.

Et ad ce qui touche l'arcevesqué de Vienne, où l'en dist qu'il n'y a pas de compeditteur, le Roy est mal informé, car avant la resignacion de quoy on parle, qui se trouvera inutille, monseigneur, par bulle et brevet du Pappe, en avoit expresse reservacion (Doc. 1452. In : ESCOUCHY, Chron. B., t.1, c.1453-1460, 436-437)

B. -Réserve que l'on formule, exception.

1.[En gén. ; souvent en contexte nég.]

Le duc Aubert et son frere et le prelat dessus nommez, qui moiens estoient de ces choses, se traierent devers l'empereur et son conseil, et luy remonstrerent comment le duc de Jullers, son cousin, de bonne voulenté l'estoit venu veoir, et se vouloit mettre purement, sans reservation aulcune, en son obeissance et commandement, et le recognissoit à souverain et liege seigneur. (Froiss., Chron. M., XIV, c.1375-1400, 169)

...li contes de Montfort ... fist tant as bourgois et a ceuls dou pais entours que il le rechurent a signeur et li fissent feaulté et honmage, et toutes les solempnités auteles conme elles apertiennent a faire as dus de Bretagne, sans nulles excepsions ne reservations ; (Froiss., Chron. D., p.1400, 464)

...c'est assavoir le col coppé et escartelé et confiscacion de biens sans aucune reservacion (Juv. Urs., Exort., 1458, 410)

Exception, exclusion.

[Le duc de Lancastre, sur ordre du conte de Northumberland, a été empêché d'entre dans une de ses villes. Le conte s'excuse en disant qu'il a agi sur ordre du roi et qu'il fallait le 'réserver', l'exclure] 'Comment, respondi li dus, ... dites-vous que il convenoit reservation sour moi, qui sui oncle dou roi ... ?' (Froiss., Chron. R., X, c.1375-1400, 134)

2.En particulier. DROIT Fait de réserver un droit dans un acte, clause restrictive.

...par ycelles retentions et reservations estoient entrez en l'obeissance du roy d'Angleterre, et de ce avoient fait expresses protestations, et prins et levé sur ce instrument. (Instruct. ambass. Ch. V, D., 1368-1369, 132)

Item, et pour ce que souvent ung ou plusieurs garans sont appellez, soit pour garantir, adjoindre, prendre la deffence ou les sommer sauf a l'appelant a deffendre, et combien que par ladicte reservacion l'appelant soit entier a deffendre, supposé que de tous les garans luy faillissent du tout, si peut l'appelant delayer sans soi arrester a garant delivreur jusques a ce que les garans soient venus a court et qu'il ait responce d'eulx, ce que aucunesfoiz ilz le [l. ne] font, jusques a ce qu'ils aient eu tous leurs delaiz coustumiers et après demandent la veue, qui sont longueurs infinies et sumptueuses, la court a ordonné que doresenavant, en telle maniere d'appeaulx de garans (...) l'appelant fera diligence telle qu[e]...: ... (Echiq. Normandie S., 1462, 136-137)

...nous entendons qu'il joysse de nostredict don sans aucune restrinction ou reservacion (Lettres Ch. VIII, P., t.3, 1491, 193)

Au pluriel.

...se nostredit oncle trespassoit sanz hoir masle procreé de son corps et du corps de nostredicte tante (...) ...par les reservacions dessuz declarees... (Ordonn. Ph. le Hardi, Marg. de Male B.-B., t.2, 1387, 757)

...icellui de Belleville nous ait baillé, transporté et délaissé par eschange, pour nous et nos successeurs à tousjours, les ville, chastel, baronnie, terre et seigneurie de Montaigu en Poictou, avec et soubz les condicions et reservacions plus à plain contenues èsdictes lettres de traictié (Doc. Poitou G., t.11, 1474, 417)

Ce sont les quatre restrinctions, modifications et reservacions faites touchant les haultes justices nouvellement créés [sic] et octroyées par le roy a plusieurs prelats et seigneurs temporels du pays et duché de Normendie (Echiq. Normandie S., 1474, 177)

Dudit Guillaume le Vigneron, pour la permission à lui faicte de povoir ediffier ung petit ouvrouer (...) moiennant 16 s. p. de rente, (...) durant les vies de lui et de Marion, sa femme, soubz les condicions et reservacions contenues en semblable partie du compte finissant 1483 (Comptes Paris M., t.2, 1488-1489, 417)

Orthographe	Genre	Nombre	Phonétique
réservation	féminin	singulier	\ʁe.zɛʁ.va.sjɔ̃\
réservations	féminin	pluriel	\ʁe.zɛʁ.va.sjɔ̃\