REFORMATION

substantif féminin

[T-L : reformacïon ; GDC : reformation ; FEW (X, 193b) : reformare ; TLF (XIV, 615b) : réformation]

A. -Action de réformer qqc., réforme de qqc..

Mes en commune policie et en aristocracie la multitude non pas la populaire mes la multitude et congregation universele de tous les princeys ou offices et des principalz citoiens a la souvereine domination et la correction ou alteration des particuliers princeys ou offices et le ressort ou cognoissance des tres grandes questions, et a elle appartient la reformation de la policie, et composer ou muer ou approver et accepter les lays (Oresme, Pol. Arist. M., c.1372-1374, 274)

Dont il est ainsi que toute la substance en groz de cestui livre ou songe, parlant moralment, n'est autre chose que la venue en esperit de nouvel en ce monde de la royne Charite, Sapience et Verite, et de ses trois compaignes, a la requeste et supplication d'Ardant Desir et de sa suer Bonne Esperance, en personne de tous ceulx qui desirent la reformation de tout le monde et de la crestiente. (Mézières, Songe vieil pèl. C., t.1, c.1386-1389, 96)

...et ont esté leues parties de certeinnes ordonnances faictes et advisées par certains commissaires deputez de par le Roy sur la reformation du bien et proufit du Roy et des seigneurs, du bien publique de tout le royaume. (Baye, II, 1411-1417, 115)

...nous avons esté informez que ladite refformacion est et sera au desplaisir de pluseurs advocaz et praticiens en court laye, qui par le moyen d'icelle doubteront perdre grant partie de leurs pratiques et prouffiz particuliers (Roi René vie L., 1460, 292)

Item, demandoient que on leur bailiast et delivrast la ville de Paris à leur voulenté, affin de avoir reparacion des choses ci devant dictes et par eulz aleguées, et aussy affin de avoir l'effect desd. choses par eulz demandées et justice des choses que ilz disoient avoir esté malfaictez par le roy, et que reparacion et reformacion fussent faictes des cas dessusdiz (Maupoint, Journ. paris. F., p.1465, 64)

Remarque : MOLINET, Faictz Dictz D., 1467-1506, gloss.

Action de modifier, de corriger un acte pour l'améliorer.

...lequel avoit icelle somme fait délivrer en la ville et cité de Romme pour convertir en la réparacion d'aucunes églises d'illec et autres piteux usaiges, en quoy par l'ordonnance de nostre saint père le pape, MdS estoit tenu pour la réformacion de la dispensacion de son derrenier mariage, laquelle estoit deffectuié en aucuns poins (Comptes Lille L., t.1, 1424-1425, 208)

[À propos de l'Église, du Pape, des moeurs ecclésiastiques...]

...s'ensuye incontinant la refformacion de sainte Eglise (Jean De Montreuil, Lettre prince G.O.O., 1394, 35)

Je renvoye les peres et les meres et les autres a leurs consciences. Je tiens que la reformacion de l'Eglise se doit faire par eulz. (Gers., Concept., 1401, 429)

...oudit saint general concil, qui (...) est principalment institué, establi et ordené pour extirper les heresies qui pullulent en pluiseurs parties de la crestienté, pour la reformacion des meurs du clergié (Fauq., III, 1431-1435, 34)

Ou moys de janvier ensuivant dudit an LXXXV, fut [publié] à son de trompe, par les carrefours de Paris, les lettres patentes du roy nostre sire, qui contenoient comme de toute ancienneté il ait esté permis aux roys de France par les sains peres papes que de cinq ans en cinq ans ilz peussent faire assembler tous les prelas du royaume de France pour la reformacion et afaires de l'Eglise, ce qui de long temps n'avoit esté fait (Roye, Chron. scand., II, 1460-1483, 5)

Et singulierement fut creé icelluy concile à l'encontre et à la refformacion de Pape Eugene (La Marche, Mém., I, c.1470, 260)

...mais pour ne s'estre point bien acquitté à la refformation de l'Eglise, comme il devoit (Comm., III, 1495-1498, 144)

[À propos d'une institution religieuse] Action de redresser la règle d'un ordre, d'une communauté religieuse.

Ce jour, ou Chastellet fu ordonné par messire Ja. de Ruilly, president, et les commissaires ordonnez que la lettre octroiées aux Freres Mineurs sur la reformation des dames de S. Marcel, in juris subsidium, seroient limitées (Baye, I, 1400-1410, 190)

...pour le grant zele et singulier desir que avons à la reformacion des Jacobins et Freres Prescheurs du couvent de nostre bonne ville et cité de Troyes (Lettres Ch. VIII, P.M., t.5, 1497, 148)

B. -En particulier.

1.Action conduite par un reformateur, par un officier chargé de redresser les abus commis par les représentants royaux (prévôts, gruyers...) dans l'exercice de leur fonction.

...mandons, commettons et enjoignons estroitement (...) que tantost et senz delay, vous vaquiez ou fait de la dicte reformation (Pouv. réform. D., 1357, 77)

...pour ce requeroient lesdis prevost et procureur, attendu que ladicte reformacion n'estoit mie de grant prouffit au Roy ne à la chose publique, mais, comme prejudiciable et dommagable, avoit esté revoquée, ainsy que dit est, que la Court voulsist sur ce adviser et pourveoir, afin que lesdictes lettres de revocacion feussent seellées pour faire cesser ladicte reformacion (Fauq., I, 1417-1420, 125)

Item et n'y auroit point de mal que le roy ordonnast certains commissaires qui feissent une bonne reformacion sur ceulx qui ont trop mengé et eu des biens sans cause (Juv. Urs., Nescio, 1445, 551)

...combien que vous ayons naguaires escript (...) de tout ce qui est venu et viendra ens, à nous appartenant à cause des refformacions, execucions, condennacions d'amendes, composicions, sentences, declaracions, confiscacions et jugemens et autres exploiz faiz par nostre dit cousin, (...) il n'a peu obtenir lesdictes expedicion et verifficacion des lettres de don (Lettres Louis XI, V., t.4, 1469-1472, 164)

...pour ces causes, considerations et autres à ce nous mouvans, avons de nostre grace especial, pleine puissance et auctorité royale, confermé et confermons par ces presentes toutes lesdittes reformations, executions, condempnations d'amendes, compositions, sentences, declarations, jugemens, confiscations et tous autres explois de justice et de guerre, avec tout ce que par nostredit cousin ou de par luy par vertu de ses lettres et commissions a esté fait, besongné, executé esditz pays (Le Clerc, Interp. Roye, c.1502, 255)

[À propos de l'institution d'une forêt]

...Pierre de Sainct Jehan (...) et Jean de Crespy, commissaires de par (...) monsieur le duc de Bourbonnois sus le reformation de se forest de Hés (Cartul. Beauv. L., 1377, 669)

Estre en reformation. Exercer ses fonctions de reformateur royal.

Ce jour, m'a esté commendé de faire lettres par maniere de mandement à J. d'Aunay, bailli de Chaumont, que l'en disoit estre à Provins en reformation (Baye, II, 1411-1417, 248)

Commissaire de la reformation. Inspecteur chargé de réprimer les abus commis par les agens royaux et de veiller aux droits du roi.

Ce jour, les presidens et conseilliers des Enquestes ont adverti la Court des plaintes que pluiseurs faisoient de pluiseurs exploiz que on disoit avoir esté fais par les commissaires de la reformacion (Fauq., I, 1417-1420, 202)

Lettres de la reformation. Ordre de mission donné aux réformateurs royaux.

Ce jour, furent leues et publieez en la Chambre dudit Parlement les lettres, par lesquelles le Roy avoit revoqué la puissance des reformateurs et les lettres de la reformacion. (Fauq., I, 1417-1420, 211)

2.Reformation (des monnaies). Changement de la valeur d'une monnaie (sans en faire la refonte).

...onquel temps ont esté levées plusieurs tailles, dixiesmes, demy dixiesmes, imposicions, maletoltes, réformacions et plusieurs autres manières d'avoir finances. (Monstrelet, Chron. D.-A., t.2, c.1425-1440, 317)

A noz amez et feaulx les generaulx conseillers et commissaires par nous deputez sur le fait de la refformacion de noz monnoyes et autres abuz, et aussi des nouveaulx acquests, salut et dilection. (Doc. Poitou G., t.7, 1426, 428)

Orthographe	Genre	Nombre	Phonétique
réformation	féminin	singulier	\ʁe.fɔʁ.ma.sjɔ̃\
réformations	féminin	pluriel	\ʁe.fɔʁ.ma.sjɔ̃\