QUINT

adjectif et substantif masculin

[T-L : quint ; GD : quint ; FEW (II-2, 1481b) : quintus ; TLF (XIV, 171a) : quint]

A. -Cinquième.

1.[Dans une ordination, une succession...]

...li aisné (...) morut sanz hoir. (...) li secons (...) sanz lignie trespassa : Ainsi du tiers, du quart, du quint, Du sixiesme et setiesme advint. (Mir. nat. N.S.J.C., c.1343, 236)

Pour che est il dit ou livre de la Division des sciences que la premiere science est celle de la langue, la seconde logique, le tierche est scienche de doctrine, la quarte est science naturele, la quinte divine, la .VIe. civile (Daudin, De la erudition H., c.1360-1380, 76)

Li quars [le soleil] estoit resplendissans, Et s'estoit rouges comme sans. Li quins fu d'estrange maniere : Or tenebreus et obscurs yere, Or regettoit une clarté Comme espars dessous obscurté. (Mach., F. am., c.1361, 237)

Se au doulz chant de la vierge quinte... (Mach., Voir, 1364, 756)

Ci fine le quint livre d'Ethiques. (Oresme, E.A., c.1370, 329)

Apres il met la quinte rayson. (Oresme, C.M., c.1377, 102)

La quinte joye de mariage si est quant le bon homme qui est marié, par les grans travaulx et paines qu'il a endurees et portees longuement, est mat et las et est ja sa jeunesse fort resfredie. (Quinze joies mar. R., c.1390-1410, 90)

Cy nous dit l'ystoire que, au VIJe an ensuivant, Melusigne porta le quint enfant, et enfanta a son droit terme un filz qui ot a nom Regnault. (Arras, c.1392-1393, 80)

LE QUINT CHEVALIER qui moult estoit ancien (Gris., 1395, 10)

Entandz le quint [commandement] , ce tu n'ez rude, Quil dit ne doix larecin faire, Ne nulle riens a nul fortraire, De l'autre n'avoir nulle chose. (Pass. Semur D.M., c.1420 [1488], 97)

...pape quint de ce nom (Monstrelet, Chron. D.-A., t.2, c.1425-1440, 239)

Le quint degre qui est le souuerain contemplacion appartient aulx parfais. Les moyens degrez comme meditacion oroison et vertueuse operacion appartiennent aulx prouffitans, et de tant que on en monte plusieurs de tant plus on approche a perfection. (Cib., p.1451, 177)

Or est vespre et matin levé, Et nostre quint jour achevé. (Myst. Pass. Troyes B., a.1482, 30)

L'on dit que cestui Audoxus fut celui qui donna l'invencion de fere le theatre merveilleux in Heraclea, lequel est compté entre les sept miracles du monde pour le quint. (Simon De Phares, Astrol., c.1494-1498, f° 50 r°)

Quint element. Quinte essence. Voir essence

Item, .IIII. elemens corruptibles et materielz sont et le quint element incorruptible, c'est le ciel et est appellé la quinte essence. (Oresme, C.M., c.1377, 466)

Quinte nature. Voir nature

[Postposé à un nom propre (prince, pape...)]

...au temps du regne du roy Charle quint, pere du Roy present (Baye, I, 1400-1410, 142)

...dont, par la grant puissance que il [l'empereur Frédéric II] avoit, donna moult a souffrir au Pappe Innocent quint et a tous ceulx qui l'esglise soustenoient. (La Sale, Salade, c.1442-1444, 171)

...lesquelles choses, c'est assavoir les livres et Cosmographe furent puis translatées et leur commens pour le roy Charles le Quint à Paris en langue françoise. (Simon De Phares, Astrol., c.1494-1498, f° 85 r°)

MUSIQUE Note quinte. Note chantée en quinte.

Remarque : DESCH., Oeuvres R., t.8, c.1370-1407, 269.

2.Emploi substantival.

a)Cinquième partie d'un tout.

...et par ce, nostred. frère ait tenu et possidé , et encores posside en sa main les trois quins d'icelle terre et chastellenie de Ranroet (Actes Jean V Bret. B., t.4, 1431, 1)

De Philippot Courtillier, demourant à Paris, pour une autre amende en quoy il a esté condempné, le 27e jour de fevrier ou dit an 1442, tauxée à 16 s. p., dont le quint en appartient à l'annonceur (Comptes Paris V.L.D., t.1, 1442-1443, 313)

b)Quint double. Cinq fois autant.

...la lay Socrates souffroit que un homme peust avoir plus que l'autre des biens meublez ou des fruiz siques au quint double (Oresme, Pol. Arist. M., c.1372-1374, 89)

B. -REDEVANCE

1.Quint denier. Cinquième du prix d'une acquisition dû au seigneur du fief en cas de revente.

...le droit de quint denier qu'il avoit en ladite vendue, il avoit de grace remis et quitté audit monseigneur le conte de Flandres (Trés. Reth. S.L., t.2, 1371, 194)

Et avec ces choses avons fait aus diz mariez paier et delivrer comptans trente et trois mile franz d'or, que yceulx viconte et vicontesse en ont eu, franchement, sanz rabat ne deducion de quins deniers ne autres devoirs pour ceste cause (Doc. Poitou G., t.5, 1378, 87)

...la question des executions et justicez, qui sont à faire, tant pour les debtes dehues au seigneur, pour ses explois, pour ses rentez, pour peinez ou quint denier donné au seigneur (Hist. dr. munic. E., t.1, 1379, 398)

Emploi substantival. [P. ell. de denier]

...tout le dessus dit fief, ainsi qu'il gist et se comprent, justice et seignourie, de tous quinds, douaires, assennes, parchons et provisions de vivre (Hist. Lille T., t.2, 1391, 473)

...en enquérant aussi de toutes amendes, quinz, deniers, reliefz, rachaz et autres droitz deubz ou recélez audit seigneur, selon la forme et teneur desdictes lettres royaulx (Cartul. Hôtel-Dieu Cout. L., 1409, 228)

...délaissons, de grâce espécial, par ces présentes, pour luy, ses hoirs, successeurs et ayans cause, les chasteaulx, chastellenies, terres et seigneuries de Chastelnau, de Montmiral et de Villeneufve en Albigois, ainsi qu'elles se comportent et extendent avecques leurs appartenances et appendences quelxconques, tant en chasteaulx et autres édifices, droiz et devoirs de guet, justice et juridicion, haulte, moyenne et basse, mère mixte et impère, hommes, hommaiges, les ventes, quins, requins, deniers, foires, marchez, four à ban (Archives servit. Louis XI, T., 1470, 33)

Remarque : Cf. aussi GD VI, 518c, s.v. quinte².

2.Quint de sel. Redevance s'élevant au cinquième du prix de vente du sel.

Des impositions de XII d. pour livre, XIIIc de buvraiges et quint de sel cuilliz et levez ou plat païz de la viconté d'Avrenches (Compte Navarre I.P., 1367-1371, 20)

Orthographe	Genre	Nombre	Phonétique
quint	masculin	singulier	\kɛ̃\
quinte	féminin	singulier	\kɛ̃t\
quints	masculin	pluriel	\kɛ̃\
quintes	féminin	pluriel	\kɛ̃t\