PLUMAIL

substantif masculin

[GD : plumail ; FEW (IX, 85a) : pluma ; TLF (XIII, 596a) : plumail]

Ornement de plumes qui surmonte une coiffure (en partic. un casque), plumet, panache.

Et lendemain les Florentins vindrent devers lui et lui firent révérence papale, et estoient environ trois cens chevaulx, entre lesquelz avoit dix-huit chevaliers vestus de vermeil, à beaulx plumaulx pailletez d'or, et avoient six trompètes, deux héraulx, et dix hommes jouans d'instrumens de musique. (Monstrelet, Chron. D.-A., t.2, c.1425-1440, 73)

Comme a dire que ilz estoient tous seigneurs riches, poissans et, a cause de la bonne ville, estoient de paremens, de Plumaulx et d'aultres choses aparentez bien en point. (La Sale, Salade, c.1442-1444, 197)

Et sur les harnas du Roy estoit une courniole couverte d'orfaverie. Et sur son cheval estoit un pers velours, tout tissu de grandes fleurs de lis d'or moult riches, et batoit jusques à terre. Et avoit ung chanffrain d'acier, sur lequel avoit ung très bel plumail. (Monstrelet, Chron. D.-A., t.5, c.1444-1453, 304-305)

...le penaguier qui a faiz deux plumailz noirs pour ledit seigneur (Comptes roi René A., t.1, 1453, 378)

...ledit de Varie a receu pour lui plusieurs sommes de deniers tant pour ses gaiges de sondit office de chapelier que pour plusieurs parties de pleumes et pleumaux par lui livrez au Roy, aux gentilzhommes de sa maison et ceulx de sa garde par l'ordonnance dudit seigneur (Aff. Jacques Coeur M., 1453-1457, 517)

...À Martin, paige des paiges, pour fil de fer et papier lombart, qu'il achapta pour faire deux plumailz, qu'il fist dudit papier et d'or clicant, quant monseigneur fist dancer la moresque du roy Adrastus, et pour ungs sizeaux pour découpper ledit or clicant et papier (Comptes roi René A., t.3, 1478, 48)

...deux plumaulx à mectre sur sallades faictes de fil d'or tret (Invent. biens Ch. Savoie T., 1484, 348)

PREMIER ESCUYER. Pour m'abiller de riche orphaverie Et appointer de joyaulx et de bagues, Je ne suis pas en trop grant resverie, Car j'ay plumaulx, bauldriers et larges dagues ; Pour mieulx gorrer et faire de grans bragues, Le beau pourpoinct, la cappe bigarree, Longues manches, fines, larges et vagues, Et puis la chaulce en tryumphe barree. (La Vigne, S.M., 1496, 168)

Locution figurée. Mettre le plumail au vent. Abandonner la partie.

Se jadiz je fuz de leur [Amours] renc, Je declaire que n'en suis maiz ; Car j'ay mis le plumail au vent : Or les suive [les amants] qui a actente ! De ce me taiz doresnavant, Car poursuivre vueil mon entente. (Villon, Test. R.H., 1461-1462, 69)

Orthographe	Genre	Nombre	Phonétique
plumail	masculin	singulier	\ply.maj\
plumails	masculin	pluriel	\ply.maj\