OSTAGE

substantif masculin

[T-L : ostage2 ; GDC : ostage ; DECT : ostage2 ; FEW (IV, 491b,492a) : hospes ; TLF (XII, 686b) : otage]

A. -Personne livrée ou reçue comme garantie de l'exécution d'une promesse, d'un traité, d'une convention..., otage.

Quant Honte te vint assaillir, Tes cuers estoit au defaillir, Ne ploiai je pour toi mon gage ? N'onques n'i ot nul autre ostage Fors moi, qui en fis la bataille A mon espee qui bien taille, Et la rendi plus desconfite Que ce qu'elle fust en soubite. (Mach., Voir, 1364, 378)

...s'ainsi est, de son ostage Demant justice. (Mir. Amis, c.1365, 35)

Li contes de Hainnau, qui chiés estoit de toute cel hoost, qant il fu bien consilliés, envoia .I. hiraut deviers le duch de Normendie, qui li remonstra conment chil dou castiel de Thun avoient bien tenu lor convenante et que, dedens les .XV. jours que mis i avoient, secours lor estoit venus, pour quoi ils voloient ravoir lors ostages. (Froiss., Chron. D., p.1400, 402)

...et y fut envoyay celui Anjourrand pour ce qu'il estoit moult affin de l'un des otages dudit roy Jehan et aussi du prince de Galles. (Simon De Phares, Astrol., c.1494-1498, f° 130 r°)

Avoir qqn en ostage. Disposer de qqn comme otage.

...il ont mes enffans en ostages pour moi vers euls et les feroient morir se je ne retournoie (Froiss., Chron. R., X, c.1375-1400, 104)

Bailler/ livrer/delivrer otage (de qqc.). Remettre un otage (en gage de qqc.).

Et sachiez que, se vous estes desconfiz, vous et vostre pere, n'eschapperez ja que vous ne soiez tous deux penduz ; et vostre adverse partie n'en auroit ja moins, s'ainsi lui en avenoit. Delivrez vous et bailliez hostages. Tout premiers vostre pere demourra. Et lors le fait mener par quatre chevaliers en une forte tour. Lors dist a Remondin : Sire chevaliers, bailliez ostages. Lors se met avant son oncle Alain et ses deux filz, et bien jusqu'a quarante chevaliers, qui tous dirent d'une voix : Sire, nous le plegons. (Arras, c.1392-1393, 61)

...nous vous tauxons [le roi d'Ausay] a restituer a ma damoiselle tous ses dommages, tant de larrecins, comme de pillaiges de proies, de bestes et de toutes autres choses, au regart de preudes hommes, dignes de foy, qui seront esleuz pour le dommage tauxer ; et de ce vous livrerez bons hostages et le jurrez par vostre foy et sur Sainctes Euvangiles, et par vostre seelle, a emplir et enteriner tout ce dessus dit. (Arras, c.1392-1393, 168)

...on avoit baillié hostages pour delivrer lesdis ville et chastel audit IIJe jour, ou cas que audit jour ilz n'auroient secours de gens plus fors en certaine place advisée. (Fauq., II, 1421-1430, 122)

...la ville et chastel de Yvery, assegiez par le duc de Bedford, auquel on avoit promis et baillié ostages de delivrer ycelle ville et chastel, se, le XIIIJe jour de ce mois, ne survenoit secours plus fort (Fauq., II, 1421-1430, 139)

Encores voullons et ordonnons que le vaincqueur honnourablement s'en parte a cheval (...). Et lui seront ses pleiges et hostaiges delivrez. (La Sale, Salade, c.1442-1444, 223)

Demeurer pour otage. Être otage pour, servir de gage pour....

Et, pour ce faire, demourerent pour hostages Jaques Le Maire, bourgois de Paris, qui estoit cappitaine dudit Saint-Cloud, et ung homme d'armes de la compaignie dudit de Breszé, estant aussi audit pont de Saint-Cloud. (Roye, Chron. scand., I, 1460-1483, 61)

Tenir ostage. Servir d'otage, de garant.

...car dez plus notables de son lygnage, et deux bourgoys de chascune cyté de son royaume alerent en Engleterre pour tenir obstage, juques a tant que le dit traitié fust, de point en point, tout aconpli et enteriné. (Songe verg. S., t.1, 1378, 272)

Avec moy, et pour toy mieulx asseurer, amenray de mes homez pour tenir hostages (Gérard de Nevers M., c.1451-1464, 168)

Remarque : Aussi HENRI FERR., Modus et Ratio T., c.1354-1377, gloss.

B. -Par métonymie. Fait d'être retenu en otage.

Seigneurs, vous les actendez en vain, car ilz sont demourez pour l'ostaige a la damoiselle [var. demourez en hostage pour la damoiselle] . (Percef. I, R., t.1, c.1450 [c.1340], 371)

C. -Garantie, gage, caution.

(Estre/mettre/bailler...) en ostage

...amours fine le me commande, Et deduis vuet que j'y entende ; Et toutevoie ne vuet mie Deduis nulle grant muserie. Avec mon cuer y ha bon gage, Car mes corps en est en ostage, Qui jamais jour ne cessera Jusques atant que fais sera. (Mach., F. am., c.1361, 144)

Las ! si n'est riens qui ne me soit contraire Et si ne voy mais goute en mon affaire, Si me couvient mes maus souffrir et taire. Et en ostage Suis, ou petit puis de mon honneur faire, Car juenes sui, si me deüsse traire, Pour mieux valoir, ou vaillance repaire. Or sui en cage, C'est a dire que je sui en servage (Mach., F. am., c.1361, 157)

...Neauhou, où les diz messagers Jaques et Bloville furent en hostage tant que la finance deue pour le Pont d'Ouve fust poiée (Compte Navarre I.P., 1367-1371, 222)

...son compaignon laissa en ostaige pour lui en la prison la mort actendant en cas que à jour ne retourneroit. (Chr. Piz., Paix W., 1412-1413, 153)

...et par marché fait avecques lui, sur le louaige de XI chevaux qu'il a baillez pour mener de ceste ville de Rouen à Dreux le sire de Talbot et autres Anglois d'Angleterre, qui estoient en hostaige en ceste dicte ville (Escouchy, Chron. B., t.3, Pièces justif., 1450, 377)

Et, le lundi ensuivant, les Bouirguignons se vindrent monstrer devant Paris, entre lesquelz y estoit monseigneur de Saint-Pol, pour parler auquel le roy yssy dehors Paris, et parlerent ensemble bien deux heures. Et, pour s'en retourner seurement, le roy bailla pour lui en hostage monseigneur le conte de Maine, qui demoura en l'ost desdiz Bourguignons jusques au retour dudit monseigneur de Saint-Pol. (Roye, Chron. scand., I, 1460-1483, 104)

Si je [Jésus] suis lié, mis en ostage, O filhes de Jherusalem, Par verité vous dy 'Amen', Q'ung temps sera que vous arés Tant de maulx que vous mauldirés Vostre naiscence et vostre vie. (Pass. Auv., 1477, 190)

...et par les seigneurs de Thebes esleuz avecques autres chevaliers, pour aller devers le roy Epamundian, querir le puisné filz Emuchas en ostage, pour certain argent que son pere avoit emprunté (Simon De Phares, Astrol., c.1494-1498, f° 51 v°)

Et sur le tart le prince de Tharente vint parler au roy joignant l'artillerie, dont monsieur de Ligny et monsieur de Guyse estoient en ostaige jusques a son retour. (La Vigne, V.N., p.1495, 255)

Voir aussi hostage

Orthographe	Genre	Nombre	Phonétique
otage	masculin	singulier	\ɔ.taʒ\
otage	féminin	singulier	\ɔ.taʒ\
otages	masculin	pluriel	\ɔ.taʒ\
otages	féminin	pluriel	\ɔ.taʒ\