OCTROI

substantif masculin

[T-L : otroi ; GD : otroi ; DECT : otroi ; FEW (XXV, 819b) : *auctorizare ; TLF (XII, 402b) : octroi]

A. -Fait d'octroyer.

1.Fait d'octroyer, de donner par faveur, don.

...Et jure que, se li gardien A ce tuit s'assentoient bien Qu'il eüst le don et l'ottroy De la grant joie, ja par soy Ne li iert li dons ottroiez, Mieus ameroit estre noiez. (Mach., D. verg., a.1340, 41)

Et quant je puis apercevoir Qu'il est dignes de recevoir La joie qui est nompareille, Sachiez que, qui vueille ou ne vueille, Moult trés liement li ottroy De la joie don et ottroy. (Mach., D. verg., a.1340, 48)

Mais recouvrez, ressuscitez de mort, Riche au dessus, pleins de grant reconfort, Et sans anoy Fui, quant me dist : 'Amis, a ti m'ottroy De trés bon cuer.' Et ce trés dous ottroy Cent mille fois me fist plus grant qu'un roy ; Si que la joie Ne porroit nuls raconter que j'avoie. Car tant fui liez que je ne l'en pooie Remerciër ne parler ne savoie. (Mach., J. R. Beh., c.1340, 81)

Faire le doy, Se je l'aim et croy ; Car de moy A l'ottroy Et de mon cuer vray, Qui maint en soy, Dont tel bien reçoy Que puis n'oy Grief anoy Que je l'enamay. (Mach., R. Fort., c.1341, 19)

Et je te promés, par ma foy, Que m'amour et le cuer de moy Aras toudis aveques toy, Et sans fausser Seray tienne, faire le doy ; Et se tu ne prens cest ottroy, Jusqu'a mort me verras, ce croy, Desconforter. (Mach., F. am., c.1361, 222)

Onques si bonne journee Ne fu adjournee Com quant je me [de]parti De ma dame desiree, A qui j'ai donnee M'amour et le cuer de mi. Car la manne descendi Et Douceur aussi, Par quoi m'ame saoulee Fu(s)t dou fruit de doulz ottry Que Pité cueilli En sa face coulouree. La fu bien l'onnour gardee Et la renommee De son cointe corps joli, Qu'onques villeine pensee Ne fu engendree Ne nee entre moi et li. (Mach., Voir, 1364, 360)

Et celluy qui bat sa femme, n'a depuis jamais grace ne octroy de Nostre Dame se premier n'a obtenu pardon de sa femme (Ev. Quen., II, c.1466-1474, 118)

Donner l'octroi de. Faire le don de.

Et quant je vi Que ma dame m'appelloit son ami Si doucement, et que le dous ottri M'avoit donné de s'amour, sans nul si, Se je fui liez, Douce dame, ne vous en mervilliez. (Mach., J. R. Beh., c.1340, 80)

Mais li lieus fu si savoureus, Si biaus, si gens et si faitis, Que mes maus fu tous anientis Eins que de la me departisse, Quelque doleur que j'en sentisse, Car tele chose m'i avint Que mes cuers joieus en devint, Qui s'ensieut de fait d'Aventure, Ou de Fortune, ou de Nature. Et puet estre que tuit cil troy Furent a moy donner l'ottroy De pais, quant Amours en ouvra Qui doucement m'en recouvra. (Mach., D. Aler., a.1349, 385)

Faire (l') octroi de. Faire le don de.

LA DAME. (...) Pour ce, vierge d'excellent pris, De ce me vueillez faire ottry, Que, se ne le suis [grosse] , je vous pri De cuer que ma prïere oiez (Mir. enf. ress., 1353, 6)

Lasse ! einsi m'a mes felons cuers trahi, Car onques jour vers mon loyal ami Qui me servoit et amoit plus que li N'os cuer meü Que de m'amour li feisse l'ottri. Or sçay je bien qu'il aimme autre que mi Qui liement en ottriant merci L'a reçeü. Si le m'estuet chierement comparer, Car je l'aim tant c'on ne puet plus amer. (Mach., Motés, 1377, 495)

Faire l'octroi de qqn. Faire ce que qqn souhaite.

Se vous voulez user et faire mon octroy, Aujourd'ui me povez garder de grant ennoy (Hern. Beaul. D.B., c.1350-1400, 20)

Faire en sorte que.

Sire Naason, faictes l'ottroy Pour rendre ce Jhesus confus. (Myst. Pass. Troyes B., a.1482, 424)

En particulier. [Lang. de l'amour] Fait d'accorder son amour, faveur.

Car, dame, se vous l'avouez, La serai ou je sui vouez ; Et ce non, il faurra partir Mon cuer et morir com martir Pour vous trés dolereusement, Qu'a moy n'apartient nullement, Dame, que je face depri A vous de joie ne d'ottri ; Car refus de dame perit En amant cuer et esperit, Chiere dame, et se je l'avoie, Certes, bien sai que je morroie. (Mach., R. Fort., c.1341, 135)

Car en autel dangier se couche Comme s'il l'avoit dit de bouche, Pour tant qu'on y puet sousposer, Croire, penser et pourposer Les escondis et les ottris, Les briés dons et les lons detris, De quoy bonne Amour ceaus demainne Qui elle tient en son demainne. (Mach., D. Aler., a.1349, 248)

Et s'il avient par aventure Qu'Amours face tant et procure Qu'amans soit d'un ottri servis, Pour tant qu'il n'est pas desservis, Il li couvient près resgarder Comment il le puist bien garder, Pour tant que la dame est si chiere Qu'amans n'i a riens que priere, Se li couvient plus travillier, Ou li estas puet perillier, Se li amans ne le norrit. (Mach., D. Aler., a.1349, 251)

Si vous pry, franche damoiselle, que vous me faciez octroy de vostre amour, car je suy vostre tout entierement. (Bérinus, II, c.1350-1370, 44)

Et en dolour qui trop dure Dolereusement langui, Quant meri D'ottri Ne d'esperance seüre Ne m'a encor esjoy. (Mach., Ch. bal., 1377, 595)

Si que, tres bele, où j'ay toute m'atente, Qui me poez dou tout faire ou deffaire, Pour Dieu merci, ne soiés d'otroy lente, S'à mon voloir ne puis devers vous traire ; Car je n'oy riens ne voy qui me puist plaire, Eins avès tous mes regrés et mes pleins, Dame, comment que vous soie lonteins. (Mach., L. dames, 1377, 125)

Honte, paour, doubtance de meffaire, Attemprance mettre en sa volenté, Large en refus et lente d'ottroy faire, Raison, mesure, honneur et honnesté Doit en son cuer figurer, Et mesdisans seur toutes riens grever Et estre en tous fais amoureus couarde, Qui de s'onneur vuet faire bonne garde. (Mach., L. dames, 1377, 181)

Car savour Et doucour D'ottroy Nuit et jour Font sejour En soy. (Mach., Les lays, 1377, 343)

Et se servi longuement Vous ay, dame, et loyaument, Senz nul ottry, Se j'ay par vo gré servi, Certeinnement, Mon service hautement M'avez mery Et mon desir acomply Tres doucement. (Mach., Les lays, 1377, 458)

Cent mille foiz vous doy remercier, Chiere dame, de vostre doulz octroy, Car vous m'avez fait plus riche d'un roy Et plus d'onnour que ne puis souhaidier (Desch., Art dictier R., 1392, 283)

On ne doit faire octroy, se non Quant la requeste est avenant, Car se l'onneur ne retenon, Trop petit est le remenant. (Chart., B. Dame, 1424, 346)

...et comment fera cellui qui n'a point l'octroy de dame ? (La Sale, J.S., 1456, 231)

2.En particulier. DROIT Fait d'octroyer, d'accorder, de concéder qqc..

...cest acensement, bail et octroy fait, c'est assavoir tout pour et parmi le pris et sonme de trente six livres par.. tant de fons de terre conme de crois de cens ou rente annuel et perpetuel (Chartes Abb. St-Magl. T.F., t.3, 1359, 233)

...messire Pierre Boschet, secont president, dist que ladicte impetration et octroy avoit esté fait en son prejudice (Baye, I, 1400-1410, 63)

...pour raison de quelzconques collacions de benefices, ou dons et octrois de segneuries, terres, rentes, revenues ou possessions (Fauq., II, 1421-1430, 171)

Concession d'un droit ou d'un privilège.

Des habitans de la ville de Gand, lesquelz depuis le jour de la Nostre Dame mi aoust l'an mil quatre cens et unze que l'ottroy qu'ilz avoient de feu monseigneur, que Dieu pardoint, pour faire courre assiz en ladicte ville expira, ont par le sceu et consentement de Godefroy Le Sauvage, lors receveur general de Flandres, fait courre, lever et cueillir assiz en icelle ville jusques au rappel de mondit seigneur (Comptes Etat bourg. M.F., t.3, 1418-1420, 418)

B. -Accord, acceptation ; autorisation ; possibilité accordée.

1.Accord, acceptation, consentement.

Car nient plus qu'Anemis les pult à mal enforchier, ne les veult Dieu, par sa force, rameneir ; Mains, s'à bien veulent retourneir, Legirement aront merchi. S(e) yraie à mon fils, por l'ottry Auoir de luy, por rauoier, Car l'orison veulhe ensauchier De saint hermite mon amy. (Sept péchés C., c.1300-1350 [p.1478], 222)

...la seconde si fu de l'umble et paisible octroy et concession, quant l'ange lui ot dit la maniére et elle respondi : Ecce ancilla domini (Mir. Theod., 1357, 79)

...l'ottroy de celle requeste. (Chr. Piz., M.F., II, 1400-1403, 271)

...et il me requist d'amer et vous a l'autre lez, sachiez que il avroit l'escondit et vous l'octroy. (Percef. I, R., t.1, c.1450 [c.1340], 433)

...mais non obstant ce, quelques paroles ou emprises qu'il eust volonté de faire, sy estoit tousjours que ce fust du congé et octroy de son souverain seigneur le duc de Bourgongne (Faits Lalaing K., c.1470, 164)

Doncques, pour continuer mon propoz, y a-il roy ne seigneur sur terre qui ayt povoir, oultre son dommaine, de mectre ung denier sur ses subgectz sans octroy et consentement de ceulx qui le doyvent payer, sinon par tyrannie et violence ? (Comm., II, 1489-1491, 217)

2.Accord, autorisation, permission.

Dont l'Apostre, quant il dist a Thimothee : 'Je veul que les plus jesnes vesves se marient', il ajoint apréz pour [quoy] il permet cest octroy : 'Desja aucunes sont declinees apréz Sathan'. (Daudin, De la erudition H., c.1360-1380, 429)

...a la court d'Arragon il seroit delivré par ung chevalier qui ja en avoit l'octroy du roy (La Sale, J.S. E., 1456, 218)

Octroi de + inf. Autorisation de faire qqc..

Ce mesme jour, la Court a dit que les procureurs et advocas du Roy seront comprins en l'octroy du Roy fait à ladicte Court de non paier taille. (Fauq., I, 1417-1420, 6)

...tant fist par dons et par [promesses] qu'il eut octroy de faire tout ce qu'il luy plairoit (C.n.n., c.1456-1467, 365)

Par l'octroi de qqn. Avec l'autorisation de qqn.

...en laquelle ordonnance aussy ne sont pas compriz rentes à vie ou à volenté que prennent par nostre octroy aucuns noz officiers par les mains du changeur de nostre tresor ou de nos vicontes et receveurs (Baye, I, 1400-1410, 33)

3.Ce qui est accordé à qqn, mis à la disposition de qqn ; possibilité accordée à qqn.

À l'octroi de qqn. À la disposition de qqn.

Et s'arez le royaume du tout a vostre otry. (Hugues Capet Lab., c.1358, 101)

Avoir l'octroi de qqc. Avoir la possibilité, la permission de qqc..

Mes ministres batailleront Que les Juïfz n'eussent l'ottroy De moy tenir. (Gréban, Pass. J., c.1450, 287)

Or paix, villain, fault il parler ? Se ceste nuyt ycy vous dure, Vous en aurés mainte plus dure, Mais que nous en ayons l'octroy. (Myst. Pass. Troyes B., a.1482, 730)

Donner l'octroi de qqc. Donner la possibilité de qqc..

Et ainsi que Nature ly en donna l'otry Le prist a enamer (Hugues Capet Lab., c.1358, 128)

Orthographe	Genre	Nombre	Phonétique
octroi	masculin	singulier	\ɔk.tʁwa\
octrois	masculin	pluriel	\ɔk.tʁwa\