MURMURATION

substantif féminin

[T-L : murmuracïon ; GD : murmuracion ; GDC : murmuration ; FEW (VI-3, 231a) : murmurare]

Bruit de protestation, de mécontentement, de plainte, de récrimination.

...quant il [Jésus] tolleroit et souffroit les murmuracions contre lui et les crachemens (Jean Golein, Rational B.D., c.1370-1372, 312)

Mais Desirs et Merancolie, Doubtance de perdre m'amie, Longue Demeure, Longue Attente Du vëoir, Pensee Dolente Et ce que je n'ai congnoissance Ou elle maint ne acointance, N'en ce monde n'a creature Qui li die ce que j'endure, Font souvent murmuration En mon cuer et rebellion, Et si estaingnent la lanterne D'Espoir qui la cité gouverne ; Dont il faut que li las s'enfuie Par nuit, dont durement m'anuie. (Mach., Voir, 1364, 442)

'...Nous vauldrons trop mieulx, si nous sommes raffresquis en nostre pays, que si nous demourrons ychi en painne et en langour.' Tant en parlerent à messire Jehan de Hollande que uneffoiz il remonstra les murmurations, que ces Anglois faisoient, au duc de Lancastre. (Froiss., Chron. M., XIV, c.1375-1400, 114)

...chevaliers et escuiers de ce pays de Bourbonnois et de Forois se resvilleront et se trairont celle part, et tout le pays aussy ; ilz n'y demouront point quatre jours que ilz seront enclos et assiegé (...) telz effrois et telz murmurations courroient parmy la ville et chité de Clermont (Froiss., Chron. M., XIV, c.1375-1400, 221)

...on s'esmerveille grandement en France de ce que à obeissance, là où vous devez avoir, vous ne voulez venir ne descendre, tant que pluseurs murmurations en sont à la court du roy et ens es hostelz de ses tenables, affin que plainement vous soiez plainnement sommez (Froiss., Chron. M., XIV, c.1375-1400, 234)

'...Et pour especiale penitence, corespondant au contraire de vostre ardant et male volunte, je vous laisse,' dist la royne, 'vostre ennemie, celle que tant avez haye, appelle pauvrete, non pas d'esperit, laquelle de vostre part sera trop bien accompaignee d'orgueil, d'avarice et de murmuracion et d'envie, comme jadis je laissay aux Gregois apres le scisme conforme...' (Mézières, Songe vieil pèl. C., t.1, c.1386-1389, 275)

Et si vous souvient bien, madame, dudit Aaron de son mistere et de sa division par la murmuracion de Marie, suer de Moyse, qui devint meselle, par l'absorbiment de Dathan et d'Abiron, de leur mesgnie et congregation. (Mézières, Songe vieil pèl. C., t.1, c.1386-1389, 286)

Grandes murmurations et escandles conmenchierent a monter en Engleterre a l'encontre dou roi et de ce Hue le Espensier, tant des nobles conme des prelas et marceans, et disoient ensi l'un a l'autre qant il se trouvoient : 'Nostres rois se mesuse trop mallement par l'enort et consel de ce Hue le Espensier...' (Froiss., Chron. D., p.1400, 54)

Qant les Englois veirent le dangier ou il estoient (...) grande murmuration se conmença a eslever en l'oost. (Froiss., Chron. D., p.1400, 137)

Et dura chils affaires bien .I. an, dont grans murmurations estoient parmi les bonnes villes de Flandres, et disoient toutes gens : 'Chil de Gagant nous ostent le pain de la main.' (Froiss., Chron. D., p.1400, 271)

Toutes mes conspiracions, Maulvaises murmuracions... (Prières saints R., t.2, 1400-1500, 169)

...c'est assavoir se rendra humble vers lui en fait, en reverence et en parole, l'obeira sans murmuracion et gardera sa paix a son pouoir soingneusement (Chr. Piz., Trois vertus W.H., c.1405, 53)

Pour quoy est à doubter qu'il n'en viengne moult grans maulx, considéré la murmuracion du clergié, des nobles et du peuple. (Doc. 1405. In : MONSTRELET, Chron. D.-A., t.1, c.1425-1440, 118)

Lequel ilz livrèrent aux Anglois, non pas sans la desplaisance et murmuracion de pluseurs du royaume (Chart. J., Chron. Ch. VII, V., t.3, Fragm. hist., p.1436, 234)

Luy [Adam] et sa femme, en unyon, Ont peine, traveil et souffrance, Sans nulle murmuracion, Mais que de doloir leur offence. (Myst. Pass. Troyes B., a.1482, 79)

[Avec une valeur plutôt positive (la protestation étant en faveur de qqn qui doit être soutenu)]

...grande murmuration se montoit en Engleterre de nobles et dou menu peuple, et disoient : 'Nostres sires, li rois, a trop grant droit a l'iretage et couronne de France...' (Froiss., Chron. D., p.1400, 230)

Chil Jaquemés d'Artevelle parla si proprement a la plaisance dou peuple, qui la estoit asamblés pour oir ce que il voloit dire, que qant il conclut son sermon, une vois generaus et murmurations se esleverent en disant : 'D'Artevelle a bien parlé et par grande experiense, et est dignes de gouvrener et excerser le pais de Flandres.' (Froiss., Chron. D., p.1400, 414)

[Protestation intérieure]

[Qqn se tait mais n'en pense pas moins] Li signeur et li prelat regarderent l'un l'autre, et fissent silense une espasse que nuls ne parloit, mais grande murmuration avoit entre euls. (Froiss., Chron. D., p.1400, 232)

[Allégorie]

Encores en y a des dames assez qui sont bien a prisier, qui en ma forge scevent tresrichement forgier ; c'est assavoir Inobedience et Detraction, Susurraction et Murmuracion (Mézières, Songe vieil pèl. C., t.1, c.1386-1389, 320)

Orthographe	Genre	Nombre	Phonétique
murmuration	féminin	singulier	\myʁ.my.ʁa.sjɔ̃\
murmurations	féminin	pluriel	\myʁ.my.ʁa.sjɔ̃\