MORTEL

adjectif

[T-L : mortel ; GD : mortel ; GDC : mortel ; AND : mortel ; FEW (VI-3, 147b) : mortalis ; TLF (XI, 1098b) : mortel]

A. -Qui est sujet à la mort.

1.[D'un être vivant]

...il appartenoit bien que celle qui estoit fille de roy ne feust espouse mais que a roy, et non pas mortel, mais incorruptible et inmortel pour sa perpetuelle incorrupcion (Mir. ev. arced., c.1341, 103)

...touz sommes de cest accort De touz les mortelx diex laissier Et nous au vray Dieu adressier (Mir. Clov., c.1381, 273)

...elle est une povre creature mortele, fresle et pecharresse (Chr. Piz., Trois vertus W.H., c.1405, 29)

Corps mortel

Ne sces tu que tu es une miserable creature, fresle et subgiecte a toutes enfermetéz, et a toutes passions, maladies et aultres douleurs que corps mortel puet souffrir ? (Chr. Piz., Trois vertus W.H., c.1405, 14)

Considere aussi comment le corps obeist a lame quant a soy mouuoir, et puis considere comment le corps est corruptible et mortel, et que en ce vaissel corruptible y a si noble tresor comme lame qui est faicte a lymage de la saincte trinite. (Cib., p.1451, 186)

En après, pour ce que toute chose doit justement au sien estre rendu, puisque ce corps mortel que nous portons n'est que de terre, il est bien raison et expediant que le livrons et rendons à la terre et aux vers de la terre, engendré(e) à estre d'iceulx rongé(e) et consummmé(e) en terre (Le Clerc, Interp. Roye, c.1502, 282)

Homme mortel

Et de ce dist Remigius ou comment sus un livre que fist Marcianus Cappella que les Grecs disoient que chascun honme a un tel ange avecques soy lequel les philosophes appellent prestitem, id est, prepositum : prevost, et que chascun honme mortel a .II. autres anges appellés genius bonus et genius malus (Oresme, C.M., c.1377, 290)

...Remond, qui s'en entre dans sa chambre et se couche en son lit, si doulens que oncques homs mortelz ne le fu plus, et faisoit les plus piteux regrez que oncques nulz homs mortelz ouist retrere. (Arras, c.1392-1393, 243)

C'est pitiez, quant tel convoitise Homme mortel si fort atise, Qu'il consent, tant de sanc espandre Et si convient ou rendre ou pendre (Chr. Piz., Chem. estude P., 1402-1403, 16)

L'homme ne puet avoir aide Puisqu'il convient qu'on lui aide Se ce non par homme mortel Qui ait a passer le morsel De la mort, comme Adam a eu (Marcadé, Myst. Pass. Arras R., a.1440, 6)

[En cont. relig., où l'on distingue la vie mortelle sur terre et la vie éternelle au paradis] Mortelle vie. Voir vie

...tant conme nous sommes en ceste mortel vie. (Mir. st Val., c.1367, 123)

Mais, se Dieu plaist, je vous pourverray si bien que vous vous tendrez pour bien contente, avant que je parte de ceste mortel vie, et aussi seront tous les barons de mon regne. (Arras, c.1392-1393, 120)

...madame Jehanne de Duras (...) qui a esté la derraine de celle ligniee audit royaume ; laquelle trespassa a Napples de ceste mortel vie, le jour de nostre dame de fevrier, en l'an mil quatre cens et trente quatre (La Sale, Salade, c.1442-1444, 165)

Qui court par ceste voie il quiert la beatitude, conforte toy donques et fay tes oeuures vertueusement, ceste voie de bonne operacion a son louyer toutes les foys que sommes fatigez des labeurs de ceste mortelle vie (Cib., p.1451, 178)

Emploi substantival. Celui qui est sujet à la mort, qui doit mourir à un moment ou à un autre.

Il dist que nature n'a pas fait sentir la musique du ciel aus oreilles des mortelz et pour ce l'en ne peut pas dire proprement quelle elle est. Item, les proporcions des sons celestielz sont armoniques. (Oresme, C.M., c.1377, 478)

Ilz honnouroient tant science Qu'ilz reputoient deité D'estre en si hault degré monté, Et les aouroient com dieux, Non obstant ne loise aux mortieulx. (Chr. Piz., Chem. estude P., 1402-1403, 224)

Dieux immortelz, soyés aux mortelz doux (Cene dieux, c.1492, 111)

'Premierement doncques, considerans nul chose estre parfaicte si finablement elle ne retourne dont elle a prins son estre et sa naissance ; considerant aussi et creans fermement nostredicte ame, comme de nostre pere Adam et de tous aultres mortelz, estre [créee] de Dieu tout puissant, qui de neant a crée toutes choses...' (Le Clerc, Interp. Roye, c.1502, 282)

Faire mortels. Tuer.

...et estoit plus songneux et plus penssant es choses auenir que es choses presentes et estoit fieble de rains, et fort de poiterine et de courage et ses horions contendoit tous iours faire mortelx et tournoyoit volentiers en court de grans seigneurs pour trouuer proye honnourable et vers son ennemy auoit regart terrible. (Best. hérald. H.E., c.1435-1450, 477)

2.[D'une chose] Voué à disparaître.

Et ne convient pas soy assentir a ceulz qui disoient que homme doit seulement sentir et savoir choses humaines, ne homme mortel ne doit savoir fors seulement choses morteles. (Oresme, E.A., c.1370, 523)

Monde mortel

Haa, dist Presine, qui bien le savoit, faulses et mauvaises, et tres ameres et dures de cuer, vous avez mal fait, quant cellui qui vous avoit engendrees vous avez ainsi pugny par vostre faulx et orguilleux couraige, car c'estoit ce ou je prenoye toute la plaisance que j'avoie en ce monde mortel, et vous la m'avez tollue. (Arras, c.1392-1393, 12)

...affin que par leur exemple, allocucion et par bonne doctrine, je peusse plus legierement et seurement passer le tres brief et tres perilleux pelerinage de ce mortel monde (Gers., Concept., 1401, 388)

B. -Qui cause la mort, qui conduit ou qui peut conduire à la mort.

Faites tost, levez sus, levez, Si vous en venez au mostier. Certes, un mortel encombrier Vous y est sours. (Mir. ev. arced., c.1341, 114)

Se la vessie est incisee, telle solucion est mortel incision ; l'incision du cervel est mortelle, du cuer, du dyafragme, des rains, des bouiaux gresles, de l'estomac, du foye. (Saint-gille, A.Y., 1362-1365, 91)

...la male morsure Que fist Adam ou mortel fruit veé (Mir. Barl. Josaph., c.1363, 301)

En ce temps (...) messires Charles (...) tenoit son hostel ens ou chastiel de Roem et ne savoit riens des rancunes mortèles que li rois ses pères avoit sus le roy de Navare. (Froiss., Chron. L., IV, c.1375-1400, 176)

Anciiennement avoit eu en le ville dou Dan une guerre mortel de deus rices hommes naviieurs et de leurs linages. (Froiss., Chron. R., IX, c.1375-1400, 161)

Lors respondy Remondin que jamais ne le pourroit croire que tel chose feust veritable, car ce seroit contre raison que nulz homs peust avoir bien ne honneur pour faire mortelle trahison. (Arras, c.1392-1393, 21)

Lors vient la damoiselle a la fenestre et regarde le mortel abbateiz et horrible bataille. (Arras, c.1392-1393, 162)

Quant l'ennemy voit sa parrochienne tellement pourmenee et actraictee, que elle est plaine de playes mortelles, et gist ou lit de la mort, il huche sa fille Cruaulté et la maudicte procession dessus nommee pour l'ensevelir. (Gers., Purif., 1396-1397, 66)

...li chastelains (...) s'estoit trouvés par pluisseurs fois en batailles mortels sus les Turs, mais toutdis a son honnour il en estoit issus (Froiss., Chron. D., p.1400, 738)

Mais des crestiens c'est dommages, Qui pour envie des hommages Et d'estranges terres conquerre, S'entreoccient par mortel guerre. (Chr. Piz., Chem. estude P., 1402-1403, 16)

...ou se tu ne leur pourchaces pour ce que tu ne peux, au moins leur portes tu mortel haine. (Chr. Piz., Trois vertus W.H., c.1405, 16)

Une certaine et vraie doctrine, Cueillie ou champ de Médicine, Pour savoir les causes à droit De la boce qui lors régnoit, Et aussi pour y obvier À si grant mal, mortel et fier (La Haye, P. peste, 1426, 12)

Lequel serment nous ordonnons que soit le derrenier des troiz sermens pour la mortelle hayne qui est entre eulx. (La Sale, Salade, c.1442-1444, 219)

Et semblablement des journees et bactailles royalles sans nombre, le plus des gens avoir perdu par leurs oultrecuidances et mortelles voullentez, reffusans les humains partis (La Sale, Salade, c.1442-1444, 237)

...Feru d'un aspre cop mortel Par ton regard dont je suy mas ! (Taillev., Deb. cuer ueil D., c.1444, 204)

Et sur ces paroles tous furent pour assembler : la fut la tres fiere, cruelle et mortelle bataille qui eust fait du mal assez (La Sale, J.S., 1456, 220)

Puis que mon mal est incurable et mortel (...) loé soit Dieu, je prens la mort en gré. (C.n.n., c.1456-1467, 141)

...vint descendre ses parolles a parler de sa maladie, qui estoit mortelle et incurable (C.n.n., c.1456-1467, 141)

...l'amour d'entre eulx deux a ceste occasion en fut redoublée, qui entre aucuns mal conseillez eust engendré discord et mortelle hayne. (C.n.n., c.1456-1467, 214)

...en beaucoup de perilz et de mortelz assaulx s'estoit trouvé (C.n.n., c.1456-1467, 350)

...advint que ung jeune filz bourreau à Paris, nommé Petit Jehan, filz de maistre Henry Cousin, maistre bourreau en ladicte ville de Paris, qui desja avoit fait plusieurs exploiz de bourreau, et entre les autres avoit coppé le col de messire Loys de Lucembourg, connestable de France, fut tué et murdry en ladicte ville de Paris au pourchas d'un menuisier nommé Oudin du Bust, natif du pays de Picardie, qui avoit conceu hayne mortelle contre ledit Petit Jehan, pour raison de ce que ledit Petit Jehan avoit frapé ou batu longtemps par avant ledit du Bust, pour noise qu'ilz eurent ensemble (Roye, Chron. scand., II, 1460-1483, 58)

En ladicte année, es mois d'aoust et septembre, ung chevalier du pays du Liege, nommé messire Guillaume de la Marche, dit le Sanglier d'Ardaine, fist et conspira guerre mortelle à l'encontre de très noble prince et très reverend pere en Dieu mons. Loys de Bourbon, evesque de la cité de Liege, qui avoit par avant nourry ledit Sanglier d'Ardaine, pour le tuer et meurdrir, et après ce fait de mettre et faire evesque dudit Liege le frere dudit Sanglier. (Roye, Chron. scand., II, 1460-1483, 118)

Ennyvrons nous de cest infame Venin mortel et pestifere, Affin de tout le monde infere Sans espargner seigneur ne dame. (Cene dieux, c.1492, 126)

LE ROY DE BARBARIE. (...) Pour ce il convient que, par mer et par terre, Qu'on face tant que, la bas, on l'enterre Et, pour ce faire, empoignez tous voz lances ! Exhibez luy guerre si tresmortelle Et si acreuse qu'en la vie immortelle Jamais ne soit la pareille apperceue ; Et d'une mort que poinct ne soit mort telle, Je vous enjoingts que sur luy on martelle Pour la grant hayne que j'ay sur luy conceue. (La Vigne, S.M., 1496, 227)

Coup mortel. Voir coup

Lieu mortel. Endroit du corps où une blessure entraîne la mort.

...neuf ou dix playes, tant sur la teste que en autres parties de son corps, les aucunes desquelles on dit estre en lieu mortel (Doc. Poitou G., t.8, 1447, 430)

Mortel cousteau. Couteau de la mort, qui donne la mort.

Ce monde n'est perpetuel, Quoy que pense riche pillart ; Tous sommes soubz mortel coustel : Ce confort prens, povre viellart, Lequel d'estre plaisant raillart Ot le bruyt, lors que jeune estoit, C'on tendroit a fol et paillart Si, viel, a raillier se mestoit. (Villon, Test. R.H., 1461-1462, 50)

Ennemi mortel. Celui qui hait son ennemi au point de souhaiter sa mort.

Conmant est ce que te reçoit Cilz folz peuples desconfortez Qui tu es annemis mortez ? (Jour Jug. R., c.1380-1400, 238)

Ve cy mes annemis mortieulx Qu'entre vous me viennent querir, Saichiez qu'il me feront morir. Levez sus, je les ay oys. (Marcadé, Myst. Pass. Arras R., a.1440, 137)

RELIGION [La mort spirituelle] Peché mortel. Voir pechéPéché qui cause irrémédiablement la mort de l'âme.

Mais il a fait pechié mortel. (Mir. femme, 1368, 184)

Et il appert le contraire par la decretale qui conseille que non face pour eviter pechié mortal et qui suppose que il est allegué et prouvé ou cogneü que il l'a espousee et que il ne peut prouver que elle est sa cousine. (Oresme, E.A.C., c.1370, 318)

Beau frere, par l'arousement Qu'en fait d'yaue par dehors En la getant desus le corps, De tout pechié, soit venïel Ou mortel ou originel, Dieu par dedens l'ame netoye, Et grace ly donne et octroie (Mart. st Pierre st Paul R., c.1430-1440, 133)

Et si vous donneray fin au sauvement des vrays et loiaulz amoreux touchant le VJ^e pechié mortel, qui est de gueule. (La Sale, J.S., 1456, 26)

...je ne puis ma mort fuyr n'esloignier sans faire et commettre peché mortel ! (C.n.n., c.1456-1467, 143)

LE PRESTRE. Bel amy, j'ay de toy pitié, Or vien ung peu plus près de moy Et tout premier confesse toy, Je te prie, des sept pechez Mortelz dont tu es empesché, Et puis après je te recorde Des oeuvres de misericorde (C. Riffl., c.1480-1520, 60)

Ame mortelle. Âme promise à la damnation, à la mort spirituelle.

Mauldite soit l'ame mortelle De ceulx qui sont de ce cas cause ! (Pass. Auv., 1477, 259)

Par extension. [Pour marquer une gravité exceptionnelle] Extrêmement pénible.

Laquelle pensee donna depuis ung tresmortel encombrier a la belle, bonne et sage Joiie (Wauquelin, Manequine C.T., a.1448, 120)

Lors fut a Madame mortel force et desplaisance de laissier son confesseur (La Sale, J.S., 1456, 300)

...madame, a qui vous [feriez] mortel desplaisir s'elle savoit vostre desordonné vouloir. (C.n.n., c.1456-1467, 81)

...ses yeulx fist estre notaires de pluseurs entretenances a son tresgrand et mortel prejudice. (C.n.n., c.1456-1467, 178)

Ilz promisrent sur foy et honneur, s'ilz n'ont mortel exoine, qu'ilz se rendront au lieu au terme limité. (C.n.n., c.1456-1467, 242)

La bonne dame est desolee De ce que fortune luy baille, Car il n'est confort qui luy vaille, Tant est sa tristesse mortelle. (Myst. Pass. Troyes B., a.1482, 500)

[Dans la phraséologie amoureuse]

...les yeulx d'elle, archiers du cueur, descocherent tant de fleches en la personne dudit bourgois que sans prochain remede son cas n'estoit pas maindre que mortel. (C.n.n., c.1456-1467, 23)

C. -Qui est relatif à la mort.

LE ROY DE BARBARIE. (...) Vous sçavez bien que nous avons tenu Cestuy pays sans cause et sans querelle, Et jusques cy a esté maintenu A fine force et par guerre cruelle. Trop a esté sans deffence mortelle, Dont m'en repens ; sur ce, mes bons amys, Dorenavant ma volunté est telle Que laissé soit et de tous poincts remys. (La Vigne, S.M., 1496, 250)

Mortel congé. Congé que l'on prend d'une personne juste avant la mort de celle-ci.

...leurs femmes (...) ottindrent grace que seullement elles peussent parler et prendre le mortel congié de leurs marys. (La Sale, Sale D., 1451, 131)

Qui fait désirer la mort de l'ennemi.

Item, Le Bourc de Malencontre, estant Merigot à Chasteau-Nuef, et Ponchot de Langhac devant lui, ledit Bourc et Merigot avoient guerre mortal de parolles, et ledit Bourc le conduit par nuyt les vivres à gens du pays dedens ledit lieu (Reg. crim. Chât., II, 1389-1392, 177)

Condamné à mort.

[Caïphe :] (...) Savoir veulx ce cest homs [Jésus] est tel Qu'il soit digne d'estre mortel ; Quil riens en sceit cy le descovre. (Pass. Semur D.M., c.1420 [1488], 182)

Remarque : Déf. proposée par l'éd. É. Roy.

Qui autorise à condamner à la mort.

Et pourtant, il fault trouver charge Sus ce Jhesus, et mortel vice, Et puis le livrer a justice : Lors ne luy vauldra l'opposer. (Myst. Pass. Troyes B., a.1482, 419)

Peine mortelle. Condamnation à mort.

De laquele confession il fu jugié par ledit lieutenant, et par lui fu desclairé, selon l'advis des dessus nommez et plusieurs autres illec assistens, que par sa confession il avoit desservi peine mortele. (Reg. crim. Chât., II, 1389-1392, 4)

Orthographe	Genre	Nombre	Phonétique
mortel	masculin	singulier	\mɔʁ.tɛl\
mortelle	féminin	singulier	\mɔʁ.tɛl\
mortels	masculin	pluriel	\mɔʁ.tɛl\
mortelles	féminin	pluriel	\mɔʁ.tɛl\