MOLESTATION

substantif féminin

[T-L : molestacïon ; GD : molestation ; AND : molestation ; FEW (VI-3, 34b) : molestus]

A. -Action de molester qqn, de causer du tort à qqn, tort, dommage.

Toutes s'agenoillerent pour Dieu doner louange Et li crïent marci des molestations Et des granz batemanz et des derrisions Qu'elles havoient fait a la dame tres sainte (Gir. Ross. H., c.1334, 179)

...toutes injures, violences, griefs, oppressions, molestacions, force d'armes, puissance de laiz et quelzconques autres nouvelletez indeues (Doc. Poitou G., t.4, 1372, 231)

Et il est certain que se eulz et leur gens et leur biens estoient en jurisdicion d'autres, il n'avroient pas repos sans molestation ne pure liberté. (Oresme, Pol. Arist. M., c.1372-1374, 312)

...dedens les fins et mettes de nozdis pais, garderons et deffenderons et ferons garder et deffendre, à nostre loyal pooir, de toutes oppressions et molestations indeues (Trés. Reth. S.L., t.2, 1391, 368)

...sans aucunement varier en si grandes adversitez et molestacions des ennemis (Chron. Mt-St-Mich. L., t.1, Pièces div., 1432, 311)

Dieu dit par la bouche du prophete, Vous me avés fait molestacions, et quant vous estendrés voz mains je osteray mes yeux de vous, et quant vous multiplirés voz oroisons je ne vous exausseray point, vos mains sont pleinnes de sanc, c'est a dire de toutes euvres tendans a sanc, vos princes ne sont point loyaulx (Juv. Urs., Aud. celi, 1435, 251)

Pour le paiement desquelz fut ordonné certaines tailles sur les pays, affin que les souldoyers peussent vivre sans faire aucune molestacion au peuple. (Chart. J., Chron. Ch. VII, V., t.2, c.1437-1464, 12)

Et, quant à la vexation, inquietation ou molestation de noz subgectz, et autres inconveniens advenus, (...) nous vous mandons, que, appellez aucuns notables hommes (...) vous advisez sur ce les provisions convenables et necessaires, et icelles nous envoyez pour en ordonner, ainsi que verrons estre à faire. (Lettres Louis XI, V., t.2, 1461-1465, 122)

...desirons de tout nostre cuer et pouvoir estre soulaigé sans avoir molestacions. (Lettres Ch. VIII, P., t.1, 1488, 292)

B. -Par extension. Dommage, action nocive de qqc..

...et se on met remede a sompne et ilz n'y vallent, ains sont molestacions (Gordon, Prat., c.1450-1500, II, 15)

Item note que appoplexie est communement incurable pour la noblesse du membre et pour la multitude de la matiere, car membre noble ne peult longuement porter forte maladie ne la molestacion des accidens (Gordon, Prat., c.1450-1500, II, 25)

Orthographe	Genre	Nombre	Phonétique
molestation	féminin	singulier	\mɔ.lɛs.ta.sjɔ̃\
molestations	féminin	pluriel	\mɔ.lɛs.ta.sjɔ̃\