MARTRE

substantif féminin

[T-L : martre ; GDC : martre ; AND : martre1 ; FEW (XVI, 537a) : *marþr- ; TLF (XI, 448a) : martre, marte]

A. -Petit mammifère au pelage fin et lustré utilisé en peauss., martre.

Je vous avoye bien dit piecza, de par touz les deables, que vous feissés fermer nostre poullailler, ou la martre m'a mengé trois de mes meres gelines couveresses, dont vous vous appercevrez bien du dommage. (Quinze joies mar. R., c.1390-1410, 31)

Item, puet et doit chasser par toute ladicte forest hors deffens, au lievre, au goupil, au chat et à la martre. (Hector De Chartres, Cout. R., 1398-1408, 49)

Fourrure de martre

...en l'ostel d'un pelletier demourant en la rue Saint-Honoré, prez de la Croix du Tirouer, il print [et] embla une manche d'une fourreure de martres et une cote hardie à femme fourrée de connins (Reg. crim. Chât., I, 1389-1392, 249)

Dos de martre

...et encores en ce que bailloit le marchant y avoit une tres grant tromperie, car il vendoit pour ung dos de martres ce qui n'estoit que demy dos et une partie des costez (Juv. Urs., Nescio, 1445, 532)

B. -Par métonymie. PEAUSSERIE Fourrure provenant de la martre.

Et si lui fault maint garnement, Court et long menteaulx, hopelendes Fourrées de gris, belles, grandes, De menu vair, de roix, d'ermines, Foynes, martres bonnes et fines (Desch., M.M., c.1385-1403, 79)

Cleriadus (...) estoit assis sur son lit, vestu d'une hoppellande de drap d'or blanc, fourree de martres, ung couvre chief en sa teste entorteillé (Cleriadus Z., c.1440-1444, 43)

...des robes fourrees de fines martres (Juv. Urs., Nescio, 1445, 531)

A Genève aussi vous yrés, Et de trestout nous furnyrés, De fins draps, aussy de damas, De velous et de fins cendalz De carmesim, forreure fines, De gris, de martres et d'erminnes, De chaynne d'or, aussy d'affiques (Myst. st Bern. Menth. L., c.1450, 64)

Ce maistre cy que vous veez porter robe de martres fourree, pourpoint de soye, chausses brodees, et si jolis, nous veult faire entendre qu'il n'a point de dame (La Sale, J.S., 1456, 62)

En laquelle assemblée estoient l'evesque de Paris, nommé Chartier, l'Université, la court de Parlement, le prevost de Paris, la Chambre des Comptes et tous officiers, le prevost des marchans et eschevins, tous vestus de robes de drap de damas fourrées de belles martres. (Roye, Chron. scand., I, 1460-1483, 24)

Le prince de Tharente estoit vestu d'une robe de veloux noir, fourree de martres fines et bonnes[,] d'un pourpoint de fin satin noir (La Vigne, V.N., p.1495, 254)

Martre d'eau

...six autres martes d'eaues, pour faire le colet, les poignetz et le bort d'en bas, de ladite robbe (Comptes roi René A., t.2, 1479, 169)

Martre de pays

Guillemin le Boulangier, pelletier de la Royne, a mis à pris 59 manteaulx de penillières de gris (...) cinq manteaulx d'orillons de martres de païs à 3 escus la pièce (...) ung manteau de costes de martres de païs qui autresfois a esté porté à 5 escuz. (...) deux manteaulx de queues de martres de païs, chacun à deux escus. (Aff. Jacques Coeur M., 1453-1457, 30)

Martre de Prusse

...pour 14 martres de Pruce dont on a fourré pour mondit seigneur deux paires de moffles de chamoiz (Comptes Etat bourg. M.F., t.1, 1419, 77)

Martre zibeline. Fourrure de la martre de Sibérie au pelage très fin.

...des draps d'or, d'argent, velveaux, martres sebelines et de zweghe et aussi de fin gris pour faire et fourer pluseurs habiz (Comptes Etat bourg. M.F., t.3, 1418-1420, 570)

...dix sept martres sebelines entières et bien brunes, entrées, tant au collet et bors des manches, que ou bas d'une robe noire longue (Comptes roi René A., t.2, 1451, 153)

...en point, et monseigneur de Berry un grant mantel et V^c doz de fines martres sobelines (La Sale, J.S., 1456, 99)

...et ung beau drap d'or tout entier contenant XXIIII aulnes et ung quart, qui bien valoit XIIc escuz, et certaine quantité de martres sebelines et une piece d'escarlate de Fleurence furent baillez et delivrez à monseigneur de Crussol, et ses robes et ung peu de mesnage fut vendu pour paier les frais des officiers et commissaires, qui avoient vacqué à faire ledit inventaire. (Roye, Chron. scand., I, 1460-1483, 230)

...le Roy lui donna une robe de veloux, qu'il avoit vestue, fourrée de martres sebelines, et deux cens escuz pour les bonnes nouvelles qu'il lui avoit apportées (Bueil, II, 1461-1466, 137)

Pour ce jour il estoit vestu et paré d'une moult riche robe de cramoisi fourrée de martres zébelines, qui bien luy asséoit (Faits Lalaing K., c.1470, 117)

Et voy cy vos habits royaulx, Et vostre riche manteline, Fourree de matre sebeline, Et si est toute a or batue. (Myst. Pass. Troyes B., a.1482, 251)

...une autre robe de velours noir, fourrée de coustés de martres de pais, à grant gict de martres subelines de la longueur de la beste (Invent. biens Ch. Savoie T., 1484, 345)

Orthographe	Genre	Nombre	Phonétique
martre	féminin	singulier	\maʁtʁ\
martres	féminin	pluriel	\maʁtʁ\