MEMOIRE

substantif masculin et féminin

[T-L : memoire ; GD : memoire ; GDC : memoire1, memoire2 ; AND : memoire ; DECT : memoire ; FEW (VI-1, 698) : memoria ; TLF (XI, 620b) : mémoire1 ; TLF (XI, 623b) : mémoire2]

I. -[Généralement au fém., comme phénomène individuel ou collectif]

A. -Faculté mentale de l'individu.

1.[Point de vue savant, médical, religieux]

[Savant] Une des trois/quatre facultés principales du cerveau, réceptacle des souvenirs.

...à revenir aux particularitez de quoy sert cellui don d'entendement, lequel est a sa situation ou chief, est à savoir que de lui viennent et avecques lui demeurent .III. par especial moult nobles vertus: l'une est retentive, l'autre memoire, et la tierce est raison. (Chr. Piz., P.V.H., 1416-1418, 34)

Car les quatre vertus sensitives dedens homne, que nous appellons sensitive, ymaginative, estimative et memoire, sont corporelles et organiques, et se pevent grever par trop souvent ou en trop fort oeuvre les exploicter, ainsi que entre les cinq sens de dehors l'oeil se trouble par regarder clarté trop resplendissant, ou par trop souvent lire, ou fichier son regard sur choses menues, de deliee ou differente figure. (Chart., L. Esp., c.1429-1430, 4)

...il y a trois puissances sensitiues apprehensiues cest a dire par lesquelles on congnoist les choses sensibles et sont lymaginatiue [l. l'ymaginative] qui est tout vng auecques la fantasie, la seconde puissance est la cogitatiue, qui est dicte es bestes estimatiue, la tierce est la memoire (...). La premiere cest assauoir lymaginatiue [l. l'ymaginative] ou la fantasie qui est tout vng est situee en la partie de deuant du chief, et de ce la vient que ceulx qui ont grant front et gros par dessus ilz ont aucunement bonne ymaginatiue et forte ainsi comme ceulx qui ont la partie de derriere grosse et bossue sont communément de bonne et grande memoire (Cib., p.1451, 212)

[Médical, anatomique]

...ou dernier ventricule du cerveau est ordonnee la memoyre (Prevost, Cir. Guill. Salicet, 1492, IV, 1)

Par métonymie. Alleger (la) memoire du cerveau. Soulager (par la saignée) la partie du cerveau postérieure du cerveau (siège de la mémoire) (?).

Et premierement la saignee de la vayne du chief vault pour ancienne maladie du chief, pour reume et le mal des yeulx et aussi pour memoire du cerveil alegier. (Le Lièvre, Traité saignée W., a.1418, 15)

[Religieux] Une des trois puissances de l'âme, les deux autres étant l'entendement ou intelligence et la volonté.

...tu as trois vertuz, qui sont memoire, entendement et voulenté. De memoire naist congnoissance, et de memoire et congnoissance procede voulenté et amour. Veez cy comment : se tu as en ta memoire la semblance ou representacion d'aucune chose - parlons de toy mesmes -, tu pues lors mettre ceste semblance de toy mesmes en ton entendement par clere et actuele congnoissance de toy, et depuis que tu te congnoistras, tu formeras en ta voulenté une amour et dilection de toy mesmes. (Gers., Trin., 1402, 166)

O tu, Entendement, fait au patron de la Trinité par ces troys puissances, Congnoissance, Volenté et Memoire, unies en la substance d'une seulle ame, qui par les creatures faictes en ce visible monde congnoys par reflection, comme en ung mirouer obscur en lumiere de foy, lez invisibles oeuvres de Dieu... (Chart., L. Esp., c.1429-1430, 30)

...et ainsi il y a en toy premierement memoire et de celle memoire vient intelligence et apres vient la voulente. Et en ces trois puissances ou vertus de lame reluisent aucunement les trois personnes diuines. La memoire respond au pere, lintelligence au filz, et la voulente au saint esperit, car de la memoire vient intelligence comme du pere le filz et des deux est la voullente comme le saint esperit du pere et du filz. (Cib., p.1451, 201)

Item par trois choses qui sont en l'ame humaine, c'est a scavoir memore, entendement et voulenté, sont signifiees les trois personnes de la trinité. (Somme abr., c.1477-1481, 125)

2.[Dans le langage courant] Capacité de se souvenir ; fait, action de se souvenir ; réceptacle qui conserve ce dont on veut se souvenir.

Qui pourroit bien memoire avoir De retenir ce qu'il a dit, Il n'aroit nullui en despit Que soy meismes. (Mir. mère pape, c.1355, 353)

Engien treuve sapience, memoire le garde. (Daudin, De la erudition H., c.1360-1380, 37)

...quant par memoire recors Comment soustenis grant oultrage En croiz, (...) Le cuer me fent (Mir. st Alexis, 1382, 322)

Memoire sert de ne laisser oublier les choses retenues, ains les ramentoit et en donne souvenance. (Chr. Piz., P.V.H., 1416-1418, 34)

LE MENEUR DU JEU. Mes seignieur, vous n'en aurez plus Pour le present de nostre hystoire, Car nostre petite memoire Ne vous pourroy pas exposer ; Dont nostre jeu entrepouser Il le nous fault jusque a demain. (Myst. st Bern. Menth. L., c.1450, 82)

[Cette capacité personnifiée]

Une autre pierre ot par derriere Ou chappel ; de grant beauté yere, Ou trop ot de bien amassé: Ceste de tout le temps passé, Quoyqu'on eust ouÿ ou veü Ou ouÿ dire ou leü, Fust en science ou en histoire, Faisoit de tout avoir memoire, Aussi est Memoire appellee, Ou mainte grant chose est celee Et souventes fois regehie. (Chr. Piz., M.F., I, 1400-1403, 28)

Proverbe. Il n'est si belle memoire que d'escriture

Et par les clers qui anciennement ont escript et registré les hystoires et les livres sont les choses sceues, car il n'est si bel ne si grant memoire comme est d'escripture. (Froiss., Chron. M., XII, c.1375-1400, 237)

Ecrin/coffret de la memoire

Tantost aprés celle noble dame vint jusques en la ruelle de ma couche, au plusprés de moy qu'elle peult et de sa doulce, basse voix amyablement me dist : 'Mon enffant, esveille tes espriz et ouvre l'escrin et coffret de ta memoire, pour loger ce beau don et present que liberalement et de bon vueil te donne, ainsi qu'aultresfois le t'ay promis.' (Meschin., Lun. princes M.-G., c.1461-1465, 34)

Ventre de la memoire

Auchuns aultres sont, combien qu'il entendent a choses necessaires et proufitables, toutefois avec che lisent ilz en courrant moult de choses diverses, tellement que peu ou neant il en mettent ou ventre de la memoire. (Daudin, De la erudition H., c.1360-1380, 105)

...saint Bernard en l'epistre aux Chartreux dit : 'De la lechon que chaschun jour aprenons, mettons ent auchune chose ou ventre de la memoire...' (Daudin, De la erudition H., c.1360-1380, 121)

Chose de fresche memoire. Chose récemment mise en mémoire, chose récente.

Cy ramantevoir a present les exemples qui sont de fresche memoire seroit plus narration superflue que allegation necessaire. (Chart., L. Esp., c.1429-1430, 147)

[À propos d'animaux]

Chien est beste moult amiable, Chien sage est beste veritable. Chien a memoire souverain, Dont je parleray plus a plain (La Buigne, Rom. deduis B., 1359-1377, 292)

...combien que presques toutes les excellences et perfections autres qui sont en l'omme, on les treuve en aucunes des bestes ou des oyseaux, car on y treuve congnoissance du temps present, memoire du preterit, aucune proveance du futur (Gers., Trin., 1402, 152)

Qqc. est dans la memoire de qqn. Qqn se souvient de qqc., n'a pas oublié qqc..

...combien que nous tenons assez estre en vostre memoire l'obligacion qu'avez a l'eglise, il ne vous desplaira pas pour plus grand seureté si je vous en touche aucuns des plus gros poincts. (C.n.n., c.1456-1467, 223)

Avoir bonne/vive memoire

A vous autres, qui avez vive mémoire, il vous peut bien souvenir comment nostre Saint-Père le pape Calixte en la première année de son siége fit son voeu solempnel d'aller à l'encontre du Turc (Chastell., Chron. K., t.3, c.1456-1471, 117)

Vous me ferés grant desplaisir S'ung peu vous me donnés a boyre, J'en eusse ung peu meilleur memoyre Pour vous racompter des nouvelles. (Tr. Men., c.1480-1500, 287)

Avoir memoire (et remembrance) de qqn/qqc . Se souvenir de.

Lors me commanda que je fusse Loyaus, secrez, et que j'eüsse Memoire des autres vertus Qu'il m'avoit moustré par dessus, Se je voloie ja joïr De ce que j'aim tant et desir (Mach., D. verg., a.1340, 51)

Ce fu des orribles merveilles, Seur toutes autres despareilles, Dont homme puet avoir memoire (Mach., J. R. Nav., 1349, 142)

Lors scens et raison oublierent Et leurs yeus en terre clinerent, Afin que vëoir ne peüssent Le ciel et qu'en leur cuer n'eüssent Memoire dou souverain juge (Mach., C. ami, 1357, 5)

...Et l'image de Morpheüs, Dont longuement me suis teüs, Soutieument et par grant maistrie Y sera, d'or fin entaillie, Sus un piler de fin argent Bien esmaillié, par quoy la gent Aient memoire et ramembrance De son scens et de sa puissance. (Mach., F. am., c.1361, 234)

Et ladite Margot, affin aussi que icellui escuïer d'Engleterre eust tousjours memoire de lui, li bailla de ses cheveux à garder. (Reg. crim. Chât., I, 1389-1392, 332)

Et sans doubte je ne puis croire Que ceste dame eüst memoire Ne que de moy li souvenist Jamais, se d'Amours ne venist. (Mach., Voir, 1364, 56)

Et ces choses, et aucunes autres dont il n'a mémoire, sur ce pourpalées (Ch. VI, D., t.1, 1417, 396)

...j'ay a ceste heure tres fresche memoire de mes pechez et parfecte contrition. (C.n.n., c.1456-1467, 60)

GESTES, le bon larron [à Jésus] . (...) Seigneur Dieu, ayes de moy memoyre Quant ce viendra en ton paradis ! (Pass. Autun Biard F., 1470-1471, 116)

Nason, mon amy, j'ay memoire De la doctrine nostre maistre, Qui nous dit qu'il nous falhoit estre Avec Jhesus (Pass. Auv., 1477, 115)

Ad ce fait donques furent ad ce nommez Selon la bonne memoire que j'en ay, Jehan Chasteaudreux et Hervé du Chesnoy (La Vigne, V.N., p.1495, 149)

Avoir memoire de + inf. Se souvenir que.

...[a] tousjourmés aurez memoire de m'avoir sans cause villennée. (C.n.n., c.1456-1467, 244)

Avoir memoire que

Il m'a tousjours esté mandé et escript que je seroye payé quant Pize seroit recouverte, et [ai] esperance que ainsi se fera, veu qu'estez hors de voz grans affaires, et que mondict serviteur aura quelque bonne expediction, et auréz memoire que tousjours vous [ay] esté bon serviteur et seray pour le temps advenir, vous priant, mes [tres] honnoréz et doubtéz seigneurs, qu'il vous plaise que a ceste foiz la raison me soit faicte, et tousjours me commander vostre plaisir pour l'accomplir a mon povoir. (Comm., Lettres B., c.1476-1511, 307)

Avoir qqn/qqc. à/en (sa) memoire. Se rappeler, être capable de se rappeler qqn/qqc..

Item, les magnanimes ont plus en leur memoire ceulz a qui ilz ont bien fait, et ne y ont pas tant ceuls de qui ilz ont aucuns biens receüs. (Oresme, E.A., c.1370, 253)

Item, il [le magnanime] n'a pas moult en memoire les maulx que il a souffers. (Oresme, E.A., c.1370, 255)

Et bien voulsisse qu'a memoire Eussent la parolle nottoire, Qu'a Alixandre dit un sage : 'Se tu es homme, par usage, Consideres que es mortel, Et ne vueilles avoir chatel Mal acquis, et de couvoitise Ne te charges, car gent atise...' (Chr. Piz., M.F., II, 1400-1403, 28)

...aïans en memoire les enseignemens à elle autrefois diz par ses voisines de Rilly en Anjou (Reg. crim. Chât., II, 1389-1392, 326)

Ayant tousjours la passion De Jhesucrist en ton memoire (La Vigne, S.M., 1496, 152)

Bouter/mettre (qqc.) en (sa) memoire. S'efforcer de retenir qqc..

De che dist Varro que 'chilz qui pas ne met en memoire che qu'il oït, est comme ung canel ou ung tuyau fendu'. (Daudin, De la erudition H., c.1360-1380, 68)

'...ne vous partez point de luy sans esploittier auculnement, et mettez bien en memoire tout son affaire, les responses et l'ordonnance de son estat' (Froiss., Chron. M., XIV, c.1375-1400, 232)

La fillette mist en sa memoire les motz de sa charge (C.n.n., c.1456-1467, 570)

...ce que je, non par oïr dire, mais par vraye congnoissance du cas, hantant les divers lieux du monde, j'appris lors et le boutay en mémoire. (Chastell., Chron. K., t.3, c.1456-1471, 326)

Estre en memoire de qqc. Se souvenir de qqc..

De tout, Sire, vrayement je ne puis estre en memoire, tant en y a [de péchés à rappeler dans la confession entreprise] (Gast. Phébus, Livre oraisons T., c.1380-1383, 35)

Mettre sa memoire en qqn. Se souvenir de qqn et avoir confiance en lui.

[C'est Antéchrist qui parle] (...) Je vueil chascuns saiche de voir Qui Jeshucrist renoiera, Lui et sa loy despitera, Et en moy mettra sa memoire, De paradis avra la gloire (Jour Jug. R., c.1380-1400, 228)

Partir de la memoire

...il retint si bien ce derrenier [tour] qu'oncques depuis de sa memoire ne partit (C.n.n., c.1456-1467, 260)

Reduire à/en memoire qqc. à qqn. Rappeler qqc. à qqn.

Et pour vous confforter Madame, à votre consolacion, Madame vous reduis à memoire deux exemples de deux nobles et tres prudentes dames (La Sale, Reconf. De Fresne H., 1457, 6)

Et la leur reduit en memoire Les gestes des treschrestiens roys Qui par armes ont donné gloire Au noble royaulme françoys. (Coquill., Oeuvres F., 1478-p.1494, 256)

SATHAN. ...Puis luy ay reduyt en memoire [à Jésus] Elacion et vaine gloire : Au tiers point, pour le bien combatre, Je l'ay cuydé faire ydolatre En voulant qu'il m'eust adoré. (Michel, Myst. Pass. J., 1486, 39)

Rapporter qqc. à memoire. Rappeler qqc..

Il n'est mie en seigneur peu de chose que l'amour de ses subgez, rapportent a memoire le proverbe du saige qui dist : bien doit estre sire clamez, qui de ses hommes est amez (La Sale, Salade, c.1442-1444, 7)

Reduire qqn à memoire sur qqc. Remettre qqc. dans la tête de qqn.

La mere, qui demoura la derreniere, reduist a memoire son escoliere sur la doctrine et leczon que aprinse luy avoit (C.n.n., c.1456-1467, 497)

Retenir qqc. en memoire

Car de legier toutes les paroles dittes en la leçon ne pourroient estre recueillies, ne les paroles de tout ung livre, mais souffist pour chely qui aprend de retenir en memoire la somme de l'intention et de la matere. (Daudin, De la erudition H., c.1360-1380, 70)

Venir à/en memoire à qqn

...après ce qu'il ot sur tout ce, et autres choses qui lui pourroient venir à cognoissance et memoire, juré aus sains Euvangiles de Dieu dire verité (Reg. crim. Chât., II, 1389-1392, 184)

En memoire me vient que j'ay souvent a plusieurs ouy dire : 'Je n'yroie pour riens soubz le panon d'ung tel, car mon pere ne fut oncques soubz le sien.' (Chart., Q. inv., 1422, 58)

Lors leur vendra a memoire la revelation de Ysaye, qui haultement mauldisoit les pastours qui ne pensent que d'eulx mesmez. (Chart., L. Esp., c.1429-1430, 59)

Et en alant, lui vint a memoire que deux mois avoit ou environ, il avoit arresté et fait venir devers nostredit bailli de Rouen ou son lieutenant ung autre marchant (Chancell. Henri VI, L., t.1, 1425, 209)

...luy vint tantost en memoire le IIJe advisement que son bon pere luy donna, lequel il avoit mal retenu. (C.n.n., c.1456-1467, 333)

Il luy vint à memoire les parolles que le herault d'Angleterre luy avoit dictes, qui fut qu'il ne faillist point à envoyer querir ung sauf conduyt pour envoyer devers le roy d'Angleterre, dès qu'il seroit passé la mer, et que on l'adressast aux dessusdictz seigneurs de Havart et de Stanlay. (Comm., II, 1489-1491, 40)

3.RHÉTORIQUE Procédé mnémotechnique.

Elocution veult aussi que les choses trouvees dessusdites soient par beau langage et par beles paroles ydoines et plaisans et de bonne sentence, quant le besoing en sera, exprimees. Memoire veult aussi que les choses trouvees et leur bonne ordenance et les belles paroles dessusdites aussi soient sy fermement fichies et sy fort imprimees en la memoire de l'orateur qu'il ne les puisse au besoing oublier. (Evr. Conty, Eschez amour. mor. G.-T.R., c.1400, 724)

Mémoire artificielle. Méthode destinée à aider la mémoire naturelle.

Et c'est un des plus neccesseres poins et ou il convient mielx prendre garde, en cest cas quant la parole est longue. Et pour ce fait Tulles, qui moult fut sages, mencion en sa Rethorique de artificiele memoire et samble qu'il veuille enseignier come on peut par art la naturel memoire conforter et parfaire. (Evr. Conty, Eschez amour. mor. G.-T.R., c.1400, 724)

Remarque : FEW : «mémoire artificielle (...) (seit Fur 1690)».

Memoire naturelle

...et samble qu'il veuille enseignier come on peut par art la naturel memoire conforter et parfaire. (Evr. Conty, Eschez amour. mor. G.-T.R., c.1400, 724)

4.Par métonymie. [La mémoire considérée dans son effet] Souvenir.

Memoire de qqc. Souvenir de qqc..

Et le memoire des proffis receüs n'est pas du tout delictable, ou il est moins delitable. (Oresme, E.A., c.1370, 475)

Et comme nagueres la memoire des choses passees, l'espoventement des disposicions presentes et l'orribleté des perilz advenir eussent reveillié tous mes douloureux regrés, mes adolees ymaginations et ma paour deffiee de seurté, je demouray comme homme esperdu, le visage blesme, le sens troublé et le sanc meslé ou corps. (Chart., L. Esp., c.1429-1430, 3)

[Dans une tournure impers.] Estre memoire de qqc.

Trop bien voyons nous servir en sale et ailleurs d'aultres viandes ; mais pour vous, il n'est memoire que de pastez. [On ne sert au jeune homme que du pâté d'anguilles, son plat préféré] (C.n.n., c.1456-1467, 82)

Au pluriel.

Et tel vertueus veult convivre avecques soy meïsme. Et ce fait il delitablement, car les memoires des oeuvres que il a faites li sont delictables. (Oresme, E.A., c.1370, 465)

Memoire fraische de qqn/qqc. Souvenir très présent de qqn/qqc..

...j'ay a ceste heure tres fresche memoire de mes pechez et parfecte contrition. (C.n.n., c.1456-1467, 60)

De cestui est encorre memoire fresche entre les plus speculatifz et ses euvres sont assez communes, pourquoy autre n'en dis. (Simon De Phares, Astrol., c.1494-1498, f° 158 r°)

De fraische memoire. Dont le souvenir est encore présent.

D'aultres plusieurs crioyent, sans epytaphes Et sans tombeaux de bien fresche memoire, Mis en obly sans escript ne paraphes, Entre lesquelz ceulx que cy rememoire, Venans a moy sans faire longue histoire, Me suppliant de vouloir la main mectre Pour rediger, sans interlocutoire, Leurs piteux cas, tant en prose que metre. (Antitus, Poés. P., c.1500, 54)

Tout incontinant aprés, survint, de bien fresche memoire, ung jeune filz en l'eage de vingt et deux ans, comme ung homme hors du sens, quasi desesperé, le chevestre au col, criant importuneement et soy lamentant de son infortune (Antitus, Poés. P., c.1500, 73)

Bailler memoire de qqc. Mentionner, rappeler le souvenir de qqc..

...faire et ediffier en icelli beffroy une aurloge pour souner et baillier memoire des heures de jour et de nuict, sy comme il est en plusieurs lieux et aultres bonnes villes (Hist. dr. munic. E., t.2, 1388, 137)

Faire memoire de qqc. Rappeler le souvenir de qqc., mentionner qqc..

Et pource que nous avons fait memoire de ceste chose, il est bien de dilater un pou le propos et de poursuir ceste matiere, car elle est doubteuse comme nous avon dit, et semble que en tel cas le miex est de oster les lays anciennes. (Oresme, Pol. Arist. M., c.1372-1374, 97)

Apres il fait memoire d'aucunes opinions. (Oresme, C.M., c.1377, 664)

[Sentence] Douce est la memoire des choses qui furent dures a souffrir

Quant on a passé enfanche, lors est doulche la memoire de discipline soufferte, selonc le dit de Seneque : 'Doulche est la memoire des choses qui furent dures a souffrir'. (Daudin, De la erudition H., c.1360-1380, 209)

5.Par extension. Facultés intellectuelles, sens du réel, bon sens, raison....

a)Entendement, intelligence, bon sens.

Il [le fol] n'a ne memoire n'assens Plus qu'aroit une mue beste (Mir. parr., 1356, 29)

Grans choses de Dieu (...) Ay pris et receu de fait Conment a s'ymage m'a fait, Et entendement et memoire M'a donné (Mir. Barl. Josaph., c.1363, 271)

Ayons le memoire et le sens D'acquerir ce qui tousjours dure, C'est paradis (Desch., M.M., c.1385-1403, 240)

Bonne memoire. Raison, bon sens.

Ja estoit griefment affoibli, Nonpourtant, de bonne memoire, Fist a tous les barons acroire Que cil estoit Mergis le frere Cambisés de pere et de mere, Qu'il avoit es chambres gardez Si leur dist lors 'Plus ne tardez !' (Chr. Piz., M.F., II, 1400-1403, 232)

Or est-il ainsi que le Roy dessusdit, chevauchant de ladicte ville du Mans à aler audit pays de Bretaigne, ses princes et sa chevalerie estant assez près de lui, lui print assez soudainement une maladie, de laquelle il devint ainsi comme hors de sa bonne mémoire. Et incontinent tolly ung espieu de guerre à ung de ses gens, et en féry le varlet du bastard de Lengres, tellement qu'il l'occist, et après occist ledit bastard de Lengres. (Monstrelet, Chron. D.-A., t.1, c.1425-1440, 8)

Estre de bon(ne) memoire. Être raisonnable.

...ceus qui sont sages et de bonne memoire sont folz et desordenez au partir de la taverne. (Henri Ferr., Modus et Ratio, Livre deduis T., c.1354-1377, 149)

Et la veoie toutes delices, toutes joies, telles, si habondans que homme mortel, tant fust sage ne de bon memoire, ne les peust ymaginer ne penser. (Henri Ferr., Modus et Ratio, Livre deduis T., c.1354-1377, 185)

De saine memoire. En possession de toutes ses facultés intellectuelles.

...considerant la fragilité de vie humaine de petite durée, et aussi que son corps et sa complexion, non mie par ancien aage, mais par deliée nature, n'estoit disposé à longuement vivre, voult [le roi Charles] de saine memoire et entencion deliberée, pour le bien de la couronne de France et de la commune utilité, establir certaines loys [relatives, notamment, à sa succession] (Chr. Piz., Faits meurs Ch. V, S., II, 1404, 22)

b)Pensée.

...Par temptement de vaine gloire Qui m'assaillist de faulx memoire (Mir. parr., 1356, 10)

ANNE. Chiére dame, d'umble memoire Depriez la vierge Marie, Et je tien tost serez guerie Par delivrance. (Mir. fille roy, c.1379, 19)

...delaissant en jeunes jours les habiz jolis, vagues et curieux, lesquelz jeunece lui avoit ainçois amonnestez, prist habit royal et pontifical, sage et imperial, comme affiert à tel digneté, et, avec ce, par l'exemple de l'Escripture, qui dit : 'Se ton oeil te scandalize, si l'oste de toy', pour oster toute fole memoire, chaça d'environ soy tous les folz procureurs, administrateurs et adnonceurs des foles jeuneces passées, où yceulz flateurs le soloyent instruire et conduire au gré de sa jeune plaisance (Chr. Piz., Faits meurs Ch. V, S., I, 1404, 37)

Ce à quoi on pense, ce qu'on a en tête ; ici sujet, thème d'un exposé.

Or veul venir a ma memoire : Du hault seigneur, pere de gloire, S'il vous plesoit .I. pou entendre, S'il vous plaist, je vous veul aprendre Comment Dieu fut mal demenez, Vendu, batu, en crois penez. (Myst. Pass. N.S. R., c.1350-1370, 96)

Memoire de qqc. La pensée de qqc, le fait de penser à qqc..

O Mort, combien ta memoire est amere A ceulx qui ont bonne fortune a mere, Vivans en paix et non pas justement. (Meschin., Lun. princes M.-G., c.1461-1465, 7)

...la memoire de la mort est comme un frain refrenant et corrigeant l'omme (Colart Mans., Dial. créat. R., 1482, 274)

Avoir memoire de qqn/qqc. Penser à qqn/qqc..

DIEU. Mére, je voy et ay memoire De ce pecheur qui vous appelle. (Mir. pape, 1346, 376)

Et pour che dist ung aucteur : 'Ne scay de quel doulceur le lieu de la nativité touche toutes personnes, car il leur fait tousjours avoir memoire de eux mesmes'. (Daudin, De la erudition H., c.1360-1380, 48)

A che aussi est proufitable la memoire de la mort, selonc le dit de Ecclesiastique ou .VIIe. chapitre : 'Aies memoire de ta mort et jamais ne pecheras'. (Daudin, De la erudition H., c.1360-1380, 302)

A che aussi est proufitable la memoire de la mort, selonc le dit de Ecclesiastique ou .VIIe. chapitre : Aies memoire de ta mort et jamais ne pecheras. (Daudin, De la erudition H., c.1360-1380, 302)

Aiés dont maintenant memoire de viellesse a venir, ainssi ne serés vous en quelque temps parecheux. (Daudin, De la erudition H., c.1360-1380, 301)

Aies memoire de ta mort et jamais ne pecheras. (Daudin, De la erudition H., c.1360-1380, 302)

Et de ceulx par qui nasquistes Et vesquistes, Dont les biens vous vindrent quittes Que n'acquistes, Aiez aucune memoire. (Chart., L. Paix, a.1426, 412)

Quant j'en ay memoire [de l'évêque Thibault d'Aucigny] , Je prie pour luy, et relicqua, Que Dieu lui doint, et voire voire, Ce que je pense, et cetera. (Villon, Test. M., 1461-1462, 70)

Maintenant fault avoir memoire De sanctes gens qu'es limbes sont. Pour les avoir m'en y vays donc. (Pass. Auv., 1477, 225)

Avoir memoire en qqn. Avoir la pensée occupée par qqn.

Cest homme cy s'en va en gloire ; Tant avoit en Dieu grant memoire Et vraie foy. (Mir. prev., 1352, 243)

Avoir memoire de + inf. Penser à faire qqc..

Et en ces termes fu ledit viconte si troublé et courroucé que en la chaleur il dessira et despeça iceles lettres, sans avoir memoire de les apporter ne monstrer a justice. (Chancell. Henri VI, L., t.2, 1429, 148)

Avoir qqn en memoire. Penser à qqn.

Or m'aies touz jours en memoire : Je sui la mére Dieu, Marie, Qui ci parle a toy conme amie ; Et si sers mon fil de cuer fin (Mir. emper. Romme, 1369, 284)

Je pourveoirray bien a cella Et, puisque je l'ay en memoire, Je luy donrray tantost a boire [à Jésus en croix] Assez pour sa soif estanchier. (Gréban, Pass. J., c.1450, 346)

Avoir qqc. à/en memoire

Avoir qqc. à l'esprit, en projet.

Il m'esconvient, sanz plus attendre, Aler en Pruce ; (...) Tant ay ce voyage en propos Et en memoire. (Mir. marq. Gaudine, 1350, 123)

Penser à qqc., ne pas oublier qqc..

Einsi chascuns se conforta, Et li bons roy les enorta Que chascuns ait bonne esperence En Dieu et toute sa fiance, Car s'il l'ont ades en memoire, Il aront honneur et victoire. (Mach., P. Alex., p.1369, 65)

...ayant en memoire et remembrance l'ordonnance qu'il convenoit faire des botereaux, afin que sondit mary ne la peust d'ores en avant aucunement batre (...) ala ou jardin de leurdit hostel, et tant fist et sercha en icellui, que elle vit et trouva deux botereaux. (Reg. crim. Chât., II, 1389-1392, 330)

Et dit Seneque que le sage homme doit à toute heure avoir à memoire le trespas de la mort, tout ainsy comme le pelerin a au devant des yeulx, ne oublier ne le puet, le perilleux trespas par où passer lui couvient ains que ches lui retourne. (Chr. Piz., P.V.H., 1416-1418, 25)

Ayez en memoire les punicions qui, pour les murmures et impaciences du peuple d'Israël encontre leurs chiefz, vindrent sur eulx es temps de Moyse et d'Aaron, dont les aucuns furent vifs transgloutiz en terre, les autres devourez de serpens et embrasez du feu qui du ciel descendy. (Chart., Q. inv., 1422, 27)

Avoir en sa memoire que + sub. Penser à, ne pas oublier de.

Or ait chascun en son memoire Qu'il le serve et aint d'amour fine (Mir. st Val., c.1367, 147)

Qui sert, se faire vuet à point, Avoir doit toudis en memoire Qu'on doit bien servir et mal croire. Et trop bien doit garder ce point Qui sert, se faire vuet à point. (Mach., L. dames, 1377, 228)

Avoir en memoire + sub. interr. indir. Avoir dans la pensée, savoir + sub. interr. indir..

NOSTRE DAME. (...) j'ay trop bien en memoire Conment ces ennemis accusent Ce malade pour ce qu'il musent Et tendent a son ame avoir. (Mir. Pierre Changeur, c.1378, 247)

Ne pas perdre sa memoire de + inf. Penser à, ne pas oublier de.

...Me doingnez vous grace et victoire, Que je ne perde mon memoire De vous avoir touzjours en bouche... (Mir. marq. Gaudine, 1350, 150)

c)Jugement, opinion.

Changer sa memoire. Réviser son jugement (sur qqn ou qqc.), changer de conviction.

..et les yeulx lui flamboyoient si fort en la teste et estinceloient si menuement que ceulx qui le regardoient en avoient grant frayeur et changeoient leur memoire (Doolin de Mayence V, P2., a.1500, 169)

d)[Dans des énoncés qui évoquent un état mental de trouble]

Volentés qui est par dedens Est si a Amour aërdans Qu'elle est en un moment volée En l'air ou sa dame est montée, Non d'estat, mais de melodie ; Dont memoire est si esbahie Et sa veüe si troublée Et d'entendement la visée, Qu'entendemens ne puet comprendre Ce que volentez vuet emprendre. (Mach., D. Aler., a.1349, 328)

Estre hors de sa memoire. Être hors du sens, égaré.

...il [Gadiffer] menoit ung tel bruit qu'il sambloit estre hors de sa memoire (Percef. III, R., t.2, c.1450 [c.1340], 116)

Estre ravi de sa memoire. Être comme envoûtés, transportés.

...Aroès avoit son siege tant advironné d'autres ampoules [remplies d'eau] que ce sambloient menestrelz qui jouassent de tous instrumens, et se sambloit a tous lez semencié d'oisellés de voirre emplis de telle matiere qu'il estoit advis a ceulx d'embas qu'ilz oÿssent le son des instrumens avecques le chant des oyselletz, acordans tous enssamble d'un tant melodieux son qu'ilz en estoient tous ravis de leur memoire. (Percef. III, R., t.2, c.1450 [c.1340], 109)

Perdre (sens et) (la) memoire. Perdre possession de soi-même, perdre la tête.

...Es biens, es maus que Dieus t'envoie, Et dois tenir la droite voie Que Job tenoit, quant essilliez Fu et si mal aparilliez Qu'il perdit tout, c'est chose voire, Fors que le corps et le memoire, Comment qu'en richesse signeur N'eüst en Oriant gringneur ; Or just sus un fumier puant Tout seul, en guise d'un truant, Chargiez de rongne et de vermine (Mach., C. ami, 1357, 61)

Mais Herculès ne se tint mie A li, eins fist une autre amie Qu'il ama, une damoiselle Qu'on clamoit Yolaim la belle, Et tant l'ama, c'est chose voire, Qu'il en perdi scens et memoire, S'onneur et sa chevalerie. (Mach., C. ami, 1357, 97)

Ilz s'en vont et dient a chacun que le proudomme est tourné en enfance, et travaille le filz a faire metre le bon homme en tutelle, et luy font acroire qu'il a perdu le sens et le memoire, combien qu'il est auxi sage qu'il fut oncques. (Quinze joies mar. R., c.1390-1410, 76)

...dont perdoit senz et memoire quant il consideroit sa foiblece et petitesse de son entendement et suffisance (Baye, I, 1400-1410, 171)

Pour ce appert que gloutonnie Est un pechié que on doit fuir, Car mauvaistié fait ensuir, Et en pert on sens et memoire, Aussi la souverainne gloire. (CH. D'ORLÉANS, L. péché C., 1404, 548)

Atant chevaucha Paris tout seul, qu'il vint a la riviere. Si la trova molt grosse et courrant, mes comme celuy qui avoit perdu sens et memoire, se fourra dedans comme forcené (La Cépède, Paris Vienne K., 1432, 187)

... [l'âne] commença a recaner si hideusement qu'il n'y eut la si hardy qui ne perdist sens et memoire. (C.n.n., c.1456-1467, 383)

Je n'ay pas pardu ma memoire ; Encore suis en bon propoux. (Pass. Auv., 1477, 149)

Qqc. bestourne la memoire

Et grant dolour tel m'atournoit Que mon memoire bestournoit Et qu'a nulle riens n'entendoie, Fors au grief mal que je sentoie. (Mach., R. Fort., c.1341, 110)

Cilz doulz pensers à vous amer m'atourne Tres loyaument, et je aussi m'i atour ; Mais mon desir mon memoire bestourne, Dont maintes fois de la gent me destour. (Mach., L. dames, 1377, 212)

Avoir la memoire bestournee

...je sui à mal tourné, Quant vers moy n'a son cuer tourné La bele qui ainsi m'atourne, Qui tout mon bien ha destourné, Dont le memoire ay bestourné. Einsi m'a Fortune tourné De tour en tour et retourné, Si que tout bien contre moy tourne. Las ! si ne sçay quel part iray, Qu'aveuc tous maus repartiray. (Mach., Les lays, 1377, 312)

De pauvre memoire. De peu d'intelligence' (cf. Holbrook, Romania 54, 1928, 97).

Encor(e) sont les François plus foulx En tes parolles voloir croire ; A princes c'est bien au rebouz, Chetis et de povre memoire ! (Myst. siège Orléans H., c.1480-1500, 436)

Estre hors de bonne memoire. Avoir perdu tout bon sens.

[Le bon larron, au mauvais larron :] Plus meschant es qu'onc veïsse ; Tu es hors de bon memoire. Saches qu'il est le roy de gloire ! Pour quoy lui dis tu tel diffame ? (Myst. Pass. Amb. R., c.1474-1500, 61)

Estre issu de sa memoire. Être profondément bouleversé, éprouver un trouble violent.

LE PREMIER CORPS SAINCT [ressuscité au moment de la mort du Christ] . Ay my ! que je suis esperdu ! Que fay je cy ? dont suis venu ? Vray Dieu, le monde va finer Si comme je croy, ou endurer On fait la mort au Dieu de gloire. Issu suis pres de ma memoire (Marcadé, Myst. Pass. Arras R., a.1440, 201)

Reprendre sa memoire. Retrouver son bon sens.

Je te promet quoy que il tarde Que mal feu d'enffer se t'arde Se tu ne reprens ta memoyre (Oudin, St Genis M.S., c.1490, 81)

Revenir en sens et memoire/revenir à/en sa memoire/en son bon memoire. Recouvrer ses esprits.

...si est [Remond] si actaint de doulour qu'il ne voit ne ot ne entent ne ne scet contenance. L'ystoire nous tesmoingne que Remond fu moult doulent. Et pour verité l'ystoire dit, et la vraye cronique le tesmoingne, que nulz homs ne souffry oncques telle doulour sans passer les articles de la mort. Mais quant il fu un pou revenu en sa memoire, et il voit Melusigne devant lui, si s'agenoille et joint les mains en disant ainsi... (Arras, c.1392-1393, 256)

Oncques ne fus si esperdu, Et encore certainement Ne suis je pas bien proprement Revenu en sens et memoire, Il me semble que soie encore Ravi en celle vision [Il s'agit ici d'un des gardiens du tombeau du Christ, terrifiés par l'apparition d'un ange] (Marcadé, Myst. Pass. Arras R., a.1440, 254)

...entre dormir et veillier il oÿ une noise merveilleuse, non point loings de lui, qui le fist esveillier et revenir a sa memoire. (Percef. III, R., t.1, c.1450 [c.1340], 11)

...pou apres [la prière du fils à sainte Catherine] la bonne femme revint en aussi bon memoire qu'elle avoit esté onques en sa vie. (Mir. ste Cath. Fierbois C., 1470-1483, 31)

De bonne memoire. En toute connaissance de cause, lucidement.

Ou non de la Vierge Marie Ay renoncié de bon memoire A toute chose transitoire (Vie st Fiacre B.C.P., c.1380-1400, 22)

[P. personnif.]

Ce faisant [tout en priant] , je m'entroubliay, Non pas par force de vin boire, Mon esperit comme lÿé. Lors je sentis dame Memoire Reprendre et mectre en son aulmoire Ses especes colaterales, Oppinative faulse et voire Et autres intellectualles (Villon, Lais R.H., c.1456-1457, 28)

B. -[Phénomène collectif de transmission dans la durée]

Souvenir qui se transmet ou qu'on veut transmettre à la postérité.

Item, ceci appert sensiblement a souffisance quant a creance humaine quar, en tout le temps passé selonc le memoire qui a esté baillié des uns aus autres, nulle chose n'est transmuee ou ciel ne en tout ne en partie. (Oresme, C.M., c.1377, 86)

Perpetuel(le) memoire. Souvenir durable gardé par le postérité.

Et pour perpetuel memoire des choses ordonnées par ladicte Perrenelle (...) sera fait un tableau de cuivre où sera emprainte l'ordonnance de ladicte Perrenelle (Baye, I, 1400-1410, 9)

Celluy qui tout bien [peut] donner Si vous octroye de sa grace Demeurer ycy tam d'espace, Que acquerir y puissiés la gloyre Et que perpetuelle memoyre Soit de vous en bonne magniere. (Myst. st Bern. Menth. L., c.1450, 148)

... [Talbot] fist en sa vie deux jugemens dignes d'estre recitez et en audience et memoire perpetuelle amenez. (C.n.n., c.1456-1467, 54)

Par eternelle memoire. Pour toujours.

Et dudit voyage de Liege, très hault et puissant prince, il ne vous en est demouré que le deshonneur et la foy que avez par droit perdue ; lesquelles choses dureront par eternelle memoire envers tous les princes qui sont nez et à nestre. (Le Clerc, Interp. Roye, c.1502, 262)

À mémoire. Mémorable.

Onques ne fut euvre si noble, Car les ymaiges se taisoient, Toutesvoies louenges faisoient De l'ouvrier et de l'artifice Et monstroient par leur office Qu'ilz ne traictoient point d'istoire, Mais de misteres à memoire (Le Fèvre, Vieille, trad. De vetula H., a.1376, 39)

Pour memoire. Pour garder le souvenir (de qqn/qqc.).

Si n'estoit pas sans cause que, pour louenge et memoire, les Rommains faisoient ymages de divers metaulx, ars et curres triumphans a ceulx qui vertueusement se portoient pour accroistre la seigneurie rommaine et augmenter le bien publique de leur cité. (Chart., Q. inv., 1422, 17)

...les livres sont tous plains De mes vaillances Qu'ay excercees par espees et lances, Coagulant a plusieurs pestillences Pour loreer mes dignes excellences Qui pas petites Ne trouverez ou elles sont escriptes, Car pour memoire aulcun les a tanscriptes En librairie et volumes soubscriptes. (La Vigne, S.M., 1496, 164)

De memoire d'homme. D'aussi loin qu'on s'en souvienne.

Ainsi le roy de France avoit telle poissance en .V. parties, où ses anemis estoient les plus foibles, et dient ceulz, qui le scevent, et aussi les escrips, que de nulle memoire d'omme n'avoit esté veu que roy de France eust mis sus si grant fait (Chr. Piz., Faits meurs Ch. V, S., I, 1404, 215)

...et ont esté neges en si grant habundance que l'en eust onques maiz veu de memoire d'omme (Baye, I, 1400-1410, 212)

Et estoit lors la riviere de Seyne plus haulte et plus grant qu'elle n'avoit esté en tel temps de memoire de homme. (Fauq., II, 1421-1430, 235)

Et n'y eut oncques amoureux de memoire d'homme qui eut tant a faire et a souffrir (MART. D'AUV., Arrêts Am. R., c.1460-1466, 205)

Ledict duc tenoit à grant gloire ceste grant armée d'Allemaigne, tant de princes, de prelatz que de communauté, qui estoit la plus grande qui ait esté de memoire d'homme pour lors vivant ny de long temps par avant. (Comm., II, 1489-1491, 26)

De tant de temps/de tel temps/par si longtemps qu'il n'est memoire du contraire. De temps immémorial.

Ainsi devindrent maistres des yaues et des forés Renart et le Loutre et ont esté par si lonc temps que il n'est memoire du contraire. (Henri Ferr., Modus et Ratio, Livre deduis T., c.1354-1377, 156)

Et ne pour tant, la mercy Dieu, le roy de France est en possession de franchise et de liberté, de tant de temps que il n'est memoire du contraire, que il ne tient son royaume, for de Dieu seulement. (Songe verg. S., t.1, 1378, 55)

...et de ce a esté en bonne saisie et procession de tel temps qu'il n'est memoire du contraire. (Hector De Chartres, Cout. R., 1398-1408, 176)

...et sur ce a ordonnances royaulx gardees et observees de tel temps qu'il n'est memoire du contraire. (Juv. Urs., Aud. celi, 1435, 188)

Fait de memoire. Fait digne d'être retenu.

...les historiographes et aultres qui ont escript les tresdignes fais de memoire partans des jestes, doctrines et admonestemens de noz peres anciens (La Sale, Salade, c.1442-1444, 3)

Faire memoire de qqc. à qqn. Rappeler le souvenir de qqc. à qqn.

...combien que je ne die pas que on doye reffuser bon traictié, qui le puet avoir, mais qu'il soit brief, ou si longs qu'il soit a tousjours, sans plus en faire memoire aux vivans, et au prouffit et honneur de cellui qui y pense avoir le plus grant droit, et qui ly a selon commune renommee. (Arras, c.1392-1393, 87)

Faire memoire de qqc. Évoquer qqn/qqc., transmettre le souvenir de qqn/qqc..

Ou est maintenant le filz qui maintiendra et fera memoire de moy, après mon trespas ? (C.n.n., c.1456-1467, 556)

...au trente cincquiesme an de mon aaige me delectay, en lieu de passe temps et d'eschever oysiveté, à escripre et faire memoire de plusieurs choses advenues au royaulme de France et aultres royaulmes voisins (Roye, Chron. scand., I, 1460-1483, 1)

Ung autre dont on fait memoire C'est Theaulde de Vallepaigne, Apres le sire de Brueil, Qui est homme de grant façon ; Pour gens de guerre a bel recueil, Et a aussi tres grant renom. (Myst. siège Orléans H., c.1480-1500, 203)

[D'un livre]

Advint une fois que le disciple dont ce livre fait memoire faisoit aprés matines une procession entour le cloistre ou par l'eglise de son couvent (Horloge de sapience S., c.1389, 59)

Entretenir/perpetuer la memoire de qqn. Faire en sorte que le souvenir de qqn dure le plus longtemps possible.

Rogerii Parmensis fut en ce temps medicin, cyrurgien et grant astrologien et fist de belles cures et euvres qu'il a laissées pour perpetuer sa memoire par escript. (Simon De Phares, Astrol., c.1494-1498, f° 146 v°)

Mettre qqc. à memoire. Faire que qqc. soit transmis à la mémoire collective.

Et ja y a tel peine mis, Et met chacun jour, ce me semble, Et lui et les bons, qu'il assemble, Qu'il m'est advis que loz et gloire Lui appartient, et qu'a memoire Soit mis son noble nom, et cuide Que vaillantise son cuer vuide De laydes meurs, car ouy dire Ay que l'en ne pourroit eslire Nul plus humain a ses amis, Tout soit il fier aux ennemis. (Chr. Piz., M.F., II, 1400-1403, 41)

Ramener/traire qqc. à memoire. Rappeler, faire connaître qqc. (à la mémoire collective).

Trop lonc seroit, mais, a memoire Je trairay les principaulx fais, Qui furent par les Rommains fais, Tandis que le monde conquirent (Chr. Piz., M.F., III, 1400-1403, 194)

Ainsi plaist au tres redoubté susdit que le petit entendement de mon engin s'applique à ramener à memoire les vertus et fais du tres sereins prince, le sage roy Charles, ameur de sapience et toute vertu (Chr. Piz., Faits meurs Ch. V, S., I, 1404, 9)

Et je, meu de compassion, pour ramener a memoire l'estat de nostre infelicité et a chascun ramentevoir ce qui lui en touche, ay composé ce petit traictié que je appelle Quadrilogue, pour ce que en quatre personnages est ceste oeuvre comprise, et est dit invectif en tant qu'il procede par maniere d'envaïssement de paroles et par forme de reprendre. (Chart., Q. inv., 1422, 5)

...et tous les livres qui sont faitz ne serviroient de riens, si ce n'estoit pour ramener à memoire les choses passées, et que plus se veoit de choses en ung seul livre en trois moys que n'en sauroient veoir à l'oeil et entendre par experience vingt hommes de renc, vivans l'ung après l'autre. (Comm., I, 1489-1491, 130)

Souvenir laissé par une personne.

...je note trois choses qui ja ne li deffaudront, c'est assavoir sa gloire ou elle a a regner, (...) secondement sa memoire qui est a pardurablement loer (Mir. femme, 1368, 182)

Encore dy je que peu doit priser sa naissance et mains desirer la continuation de sa vie qui passe ses jours, ainsi que fait homme nez pour soy seulement, sans fructifier a la commune utilité, et comme cellui qui estaint sa memoire avecques sa vie. (Chart., Q. inv., 1422, 11)

De bonne memoire. Dont on garde un bon souvenir après sa mort.

...monseigneur Loys de bonne memoire, jadis conte de Nevers et de Rethest, dont Diex ait l'ame (Trés. Reth. L., t.4, 1331, 184)

...Mahaut, femme de bonne mémoire, jadiz contesse d'Artoys, ou temps que elle vivoit, eschevins avoient usé et acoustumé de venir sur le temps de la creacion des diz eschevins et li nommoient douze personnes pour eschevins, et elle recevoit lesquelz qu'il li plaisoit et, ou lieu des deboutéz, y mettoit autres à sa voulenté (Hist. dr. munic. E., t.1, 1347, 332)

...parfaictement ilz amerent monseigneur le prince, son pere de bonne memoire (Froiss., Chron. M., XIV, c.1375-1400, 60)

Digne de memoire. Dont le souvenir mérite d'être transmis, mémorable.

Si nommeray les creatures, Dont je vi la les pourtraitures, Non pas de tous, car trop seroie Lonc, quant trestout deviseroye, Mais des principaulx grans seigneurs, Qui par elle furent greigneurs, Qui tindrent empire ou regné Et qui ont par elle regné, Et d'autres dignes de memoire, Si com vendra a ma memoire. (Chr. Piz., M.F., II, 1400-1403, 103)

Assés te trouveras loué de tes oeuvres, se aucuns en y a dignes de memoire. (Chart., L. Esp., c.1429-1430, 9)

La grande et large marche de Bourgoigne n'est pas (...) despourveue de pluseurs adventures dignes de memoire et d'escripre (C.n.n., c.1456-1467, 97)

J'ay cogneu en mon temps une notable et vaillant femme, digne et de memoire et de recommendacion (C.n.n., c.1456-1467, 241)

As tu fait ung nouvel ouvraige Digne de memoire ? (Myst. Pass. Troyes B., a.1482, 969)

En memoire de qqn/qqc. Pour que soit gardé le souvenir de qqn/qqc. ; en souvenir de qqn/qqc..

Premierement, en chief, d'ancienne brodeure enrichi de moult precieuses pierres y estoient figurees les nobles fleurs de lis tout en travers semees de banieres, gonphanons et ensaignes des anciens roys et princes françois, en memoire de leurs rennomees victoires et de leurs loables entreprises. (Chart., Q. inv., 1422, 7)

...il mist (...) en la sale, la peau du cheval, en memoire et remembrance du secund advisement que son pere jadiz luy bailla. (C.n.n., c.1456-1467, 332)

...qui sera celuy (...) a qui par loy humaine les devray laisser en memoire de toy et de ton nom. (C.n.n., c.1456-1467, 556)

En memoire que + ind. En souvenir du fait que.

...l'evesque et li provoire Font hui moult grant feste, en memoire Que Dieu noz péres tant ama Que d'Egipte les delivra (Mir. nat. N.S.J.C., c.1343, 228)

Par métonymie. Commémoration de qqn dans un office religieux.

Pour ce fet l'en des sains memoires Es eglises et les ystoires List l'en que de la douce gloire Ait l'en dedens le coer memoire (Vie st Evroul S., c.1350, 38)

...es festes doubles et demyes doubles qui eschaerront audit jour de samedi, lesdits prieur et frères ne seront tenus dire ausdits jours que la messe du jour en y faisant le mémore dessusdit (Cartul. Hôtel-Dieu Cout. L., 1478, 325)

Célébration (d'un événement).

Moult y ot eu belle victoire Marïus, pour celle memoire, Sur le char doré, qu'on clamoit Triumphe, que moult on amoit, Couronné de lorier entra (Chr. Piz., M.F., III, 1400-1403, 271)

[Dans une tournure impers.]

Estre memoire de qqn/qqc.

Être retenu par la mémoire collective et parvenir à la connaissance des gens.

Si ordenerent, sanz faillir, Tous les ans, grant solempnité Faire a cel jour, sanz vanité, Affin que de celle victoire, Que Dieu leur donna, fust memoire. (Chr. Piz., M.F., II, 1400-1403, 228)

Car, par un usaige et continuacion ont esté mis en cours moult de cruelz et divers habillemens de guerre, desquelz par avant n'estoit aucune mémoire. (Monstrelet, Chron. D.-A., t.4, c.1444-1453, 127)

...une assez bonne adventure advint a ung chaperon fourré de parlement de Paris. Et affin qu'il en soit memoire, j'en fourniray ceste nouvelle (C.n.n., c.1456-1467, 414)

...les dis complaignans, tant par eulx comme par leurs predecesseurs, ont joy, usé et possessé de tel et si long temps qu'il n'est memoire du contraire (Hist. dr. munic. E., t.1, 1490, 132)

Cestui n'escripvit riens dont soit memoire, mais en plusieurs livres est moult loé et alegué, en plusieurs livres ignoré. (Simon De Phares, Astrol., c.1494-1498, f° 24 r°)

Cestui, au moyen de la science de astrologie, fit plus en medicine que nul n'avoit jamais fait devant lui, ne tous les hommes dont soit memoire. (Simon De Phares, Astrol., c.1494-1498, f° 24 r°)

Estre memoire perpetuelle/a toujours de qqn/qqc.

NOSTRE DAME. My ange, je vueil c'on li face Cy telle honneur et si grant gloire Qu'il en soit a touzjours memoire (Mir. mère pape, c.1355, 399)

...et afin qu'il en soit perpetuel memoire, et que tous autres y preignent exemple, en la maniere qui ensuit, c'est assavoir : que icellui Merigot, prisonnier, soit trainé sur une claye (Reg. crim. Chât., II, 1389-1392, 208)

Il est memoire à jamais comment. On se souvient à tout jamais de la façon dont.

Seigneurs, dist Melusigne, je vous ay cy assemblez pour avoir vostre conseil comment ceste forteresce cy sera appellee, comment il soit memoire a jamais comment elle a esté fondee merveilleusement et aventureusement. (Arras, c.1392-1393, 46)

Il n'est pas memoire que. On ne se souvient pas que (parce que la chose dont il est question n'est jamais arrivée).

Par foy, dirent ilz, il n'est pas memoire que puis quatre cens ans homs passast par le cavain, plus que vous et les jayans, qui de hoir en hoir ont destruit cest pays. (Arras, c.1392-1393, 267)

C. -Fait d'évoquer qqc. (devant qqn, pour susciter une réaction).

...par la seule memoire du sacrement de baptesme l'en chasseray [le diable] en sus de moy, tant ay ferme foy en ce divin mistere. (C.n.n., c.1456-1467, 428)

II. -[Généralement au masc.] Choses utiles à savoir, à retenir ou dignes d'être retenues et p. méton., tout écrit qui les conserve.

A. -Contenu utile d'un écrit bref.

Je vous pri or que nous y regardons l'antencion et le memoire [var. la memoire ; la maniere ; la substance et maniere] du saufconduit (Bouvet, Arbre bat. R.-B., c.1386-1389, 351)

Écrit sommaire qui contient un exposé, des instructions, des informations....

Ce jour, la Court a donné delay à l'evesque du Puy de bailler ses memoires à l'encontre du chapitre dudit Puy juques à la vegile de la Nativité Nostre Dame prouchainement venant (Baye, I, 1400-1410, 43)

Cedit jour, furent leuz en la Court certains articles par maniere de memoire, qui par la Court avoient esté faiz et baillés au Grant Conseil du Roy sur les defaus qui sont en la justice de ce royaume (Baye, I, 1400-1410, 143)

...et en iceluy temps ceulx qui desirent d'avoir charge de conducteur pour l'année advenir se tirent devers les secretaires qui sont ordonnez pour la guerre, et ilz les enregistrent et mettent en memoire ; et en temps ordonné ilz apportent icelles memoires au duc, qui les retient devers luy par certains jours et à son bon plaisir ; et selon les recommendations des merites d'ung chascun, il pointie ceulx à qui il veut donner les charges de conducteur (La Marche, Mém., IV, Pièces annexées, 1474, 84)

Mais les ungs estoient d'oppinion qu'il s'en devoit tirer en Flandres et les autres en Bourgoigne ; par quoy ledit conte fist ung memoire signé de sa main pour savoir l'oppinion dudit Voyau quel chemin il auroit à tenir ; lequel Voyau fut d'oppinion d'aller passer au pont de Charenton, en disant que quant il auroient passé ledit pont qu'ilz ne craindroient plus personne. (Le Clerc, Interp. Roye, c.1502, 170)

Au pluriel. Instructions rédigées par écrit et remises à qqn.

Ce sont les mémoires baillées de par monseigneur le séneschal de Beaucaire à Gieffroy Paumier, pour dire et raporter au Roy et à son conseil, sur le fait et estat de Prouvance. (Ch. VI, D., t.1, 1385, 67)

Registre de compte.

...et quant les gaiges estoient acquittiez et les sommes paiés que l'en avoit prestées dessus, il avoient acoustumé de rompre et despecier lesdites escroes, sans en faire memoire ne autres escriptures en papiers ne autrement (Phil. Vi Valois, Doc. paris. V., t.2, 1342, 176)

Dit avec ce, que par devers sa femme sera trouvé par escript en un memoire tout l'argent par lui presté tant aux Angleiz comme aux François. (Reg. crim. Chât., II, 1389-1392, 212)

Audit Jehan Fraingnot, qu'il a baillé comptant le Xe jour d'octobre CCCCXXI à Jehan Gueniot, clerc des comptes, pour convertir es neccessitez de la Chambre desdiz comptes, comme contenu est en une memoire escripte cy apres folio XIxx et VII (Comptes Etat bourg. M.F., t.2, 1420, 867)

À Me Jacques Rebours, procureur de ladicte ville, la somme de 62 s. p. que mesdits seigneurs les Prevost des marchans et eschevins de ladicte ville luy ont ordonné et tauxée pour raison de plusieurs escriptures, memoires, devises de lettres closes, requestes et autres memoires faits pour les besongnes et affaires de ladite ville (Comptes Paris V.L.D., t.1, 1451-1453, 816)

Memoire que + sub. Document qui témoigne que.

Memoire que ledit receveur vendit naguaires à Lambrecht Kief deux fiefz gisans en la chastellerie de Berghes, avenuz à monseigneur par Guillaume Kief, pere dudit Lambrecht, par confiscacion (Comptes Etat bourg. M.F., t.3, 1416-1418, 174)

B. -Chronique, relation, écrit.

Car de long tamps en est l'hystoire Et prinse sur vieille memoire, Et les memoires ancïennes Sont aux josnes phisicïennes En exemples, en mencions, En biens et en fondacions, En manieres, en ordonnances, En meurs, vivres et circonstances, En humilité, en servir, En la grace de Dieu desservir, Qui autrement fu desservie Et sainte Eglise mieux servie D'oeuvres et de devocion - Si comme on voit la noncion Es vrays livres que ceüs sont _ Que es presens qui orez sont. (Renart contref. R.L., t.1, 1328-1342, 3)

...qui eust volu faire racompte des vaillances que faisoit le filz ou roy Perceforest, la memoire en eust bien esté aitenticque. (Percef. IV, R., c.1450 [c.1340], 28)

Oeuvre (d'un écrivain).

[C'est Nature qui parle] Or vueil que de toy naissent nouveaulx volumes, lesquelz les temps a venir et perpetuelment au monde presenteront ta memoire devant les princes et par l'univers en toutes places, lesquelz en joie et delit tu enfanteras de ta memoire, non obstant le labour et traveil, lequel tout ainsi comme la femme qui a enfanté, si tost que elle ot le cry de son enfant oublie son mal, oublieras le traveil du labour oyant la voix de tes volumes. (Chr. Piz., Avision R.D., 1405, 110)

Mettre qqc. par memoire. Mettre par écrit.

...six tablettes de bois couvertes de corne noire pour servir à iceulx messeigneurs et receveur pour mettre par memoire plusieurs choses qui surviennent touchant les affaires de ladite ville, c'est assavoir pour lesdites six tablettes garnies chacune de huit fueillets de bois accouplés, couverts de corne noire, au pris de 10 s. p. la piece, valent 60 s. p. ; item, pour 2 onces et 6 estellins d'argent que poisent les six couplets et six greffes dont sont fermées lesdites six tablettes, au pris de 8 francs 10 s. p. le marc, valent 40 s. 11 d. ob. p., et pour la façon de l'orfeuvre qui a fait lesdits couplets et greffes pour escripre (Comptes Paris V.L.D., t.1, 1445-1446, 468)

Cressus le notable clercq (...) traveilla en son temps moult pour mettre par memoire les fais et adventures qui advindrent tant au royaume de la Grant Bretaigne comme au royaume de Escoce (Percef. III, R., t.1, c.1450 [c.1340], 327)

Monsieur l'arcevesque de Vienne, pour satisfaire à la requeste qu'il vous a pleu me faire de vous escrire et mettre par memoire ce que j'ay sceu et congneu des faictz du roy Loys unziesme, à qui Dieu face pardon, nostre maistre et bienfaicteur, et prince digne de très excellente memoire, je l'ay faict le plus près de la verité que j'ay peu et sceu avoir souvenance. (Comm., I, 1489-1491, 1)

Rediger en escrit et en memoire

...toutesfoiz je, esmeu de grant et viscerable pitié (...) ousay, assez trop legierement, emprandre si grans faiz a rediger en escript et memoire que mes debiles sens ne sont capables pour le tout bien mectre a bonne execution... (Antitus, Poés. P., c.1500, 51)

C. -DROIT Pièce contenant les faits et les moyens d'une cause qui doit être jugée.

...Memoire à mons. le procureur du roy de pourveoir sur les choses qui cy-après sont contenues à l'encontre de Girart LeBouvier, Jehan Cardin, Hemery (...) pour et à la requeste des habitans, marguliers et autres, demourans à Rungi. (Reg. crim. Chât., II, 1389-1392, 222)

Et primes, sur le premier article des memoires bailliés par le procureur de ma dicte dame de Namur, par lequelle il maintient que ja soit ce que les dictz eschevins, prevost et maieur maintiennent avoir le general gouvernement des biens et revenues de la dicte ville (Hist. dr. munic. E., t.2, 1422, 148)

...et ces choses je vous envoye, afin que vous puissiez mieulx faire voz memoires sur la cause principal, car les memoires sur lesquelz maistre Henry Roussel a plaidié la cause d'appel, ne sont pas souffisans pour plaidier ladite cause principal. (Trés. Reth. L., t.3, 1430, 101)

BELZEBUTH. ...j'ay devers moy en escript Tous les maulx qu'ilz ont fait et dit [les malfaieurs, les criminels, les gens de justice...] , Les memoires, les prothecolles, Les informacions et les rolles, De quoy je les adcuseray Quant le juge venu sera Qui bons et mauvaiz jugera. (Pac. Job M., c.1448-1478, 227)

Ecrire par maniere de memoire

Sur toutes lesquelles trois causes, lesd. parties à plain oyes, elles furent apointées à escripre par maniere de memoire (Cartul. Sires de Rays B., t.1, 1389, 294)

Orthographe	Genre	Nombre	Phonétique
mémoire	masculin ou féminin	singulier	\me.mwaʁ\
mémoires	masculin ou féminin	pluriel	\me.mwaʁ\