LAID

adjectif

[T-L : lait2 ; GD : lait ; AND : laid ; DECT : lait1 ; FEW (XVI, 439a) : *laiþ ; TLF (X, 912a²) : laid]

A. -[D'un point de vue moral, religieux]

1.[D'une chose abstr.]

a)[De différents aspects de la vie morale]

[D'une conduite, d'un comportement, d'une action] Détestable.

Ce seroit une chose laide A l'enfant et grans vitupere De laisser sa mere ou son pere, Frere ou seur ou femme ou mary Premier qu'il fust mort ou gary, Ce ne seroit pas charité. (Cene dieux, c.1492, 134)

Malhonnête.

Et a tous ceulz ici une chose leur est commune, c'est assavoir, laide gaaigne ou gaaingnier vilainement et laidement (Oresme, E.A., c.1370, 240)

Mais faire teles venteries afin d'avoir argent ou quelconquez chose de quoy l'en peut avoir argent, c'est plus laide chose et plus vituperable. (Oresme, E.A., c.1370, 268)

Ignoble.

Et certes c'estoit grant durté, Et très grant inhumanité, De creature femenine Faire estendre et mettre à gehine. Encor y ot chose plus lede ; Qu'on aporta de l'iaue tede, Où il avoit oile d'olive, Pour faire boire la chetive (Mach., P. Alex., p.1369, 261)

Déshonorant, infâmant.

...car en la bataille ou ilz estoient, il leur sembla que laide chose estoit fuyr et que la mort estoit mieulx a eslire que sauver sa vie par tele maniere. (Oresme, E.A., c.1370, 213)

Il avint une foiz que un homme li reprocha [à César] par laide injure moult lourdement qu'il avoit gaaignié et deservi l'amour et especiauté de son oncle par ribaudie (Foul., Policrat. B., III, 1372 , 245)

...quant elle chiet [la bonne fortune] , vous [les amis] tournéz le dos par laise fuite et vilaine. (Foul., Policrat. B., III, 1372, 219)

Si di encoire Que leur fuite laide et notoire Aux ennemis donne victoire Plus que la vaillance et la gloire De leurs meilleurs. (Chart., L. Dames, 1416, 281)

Faire laide chere (à qqn). Faire grise mine, être en colère.

Avec vous jamais bien n'aray, Ainsois me faictes laide chiere. (Desch., M.M., c.1385-1403, 130)

Mais celle doulcë aulmosniere Si n'en fut pas rude ne fiere, Mais fist tant que sa paix fut faicte Par la doulce Vierge tres chiere, L'ennemy si fist laide chiere, Car la lettre si fut deffaicte. (Régn., F.A., 1432-c.1465, 116)

De ces parolles fut tout perturbé Gallaffre et rempliz d'ire, et pour son courroux il fit moult laide chiere et commence a escumer comme se ce fust ung cengler eschauffé et prist ung baston et en eust frappé le messaiger se ceulx qui estoient presens n'eussent illec estés. (Bagnyon, Hist. Charlem. K., c.1465-1470, 133)

Proverbe. Laide chose est au docteur quand sa coulpe le redargue. C'est un déshonneur, une honte pour un maistre d'être pris en faute (de faire ce qu'il demande à ses élèves de ne pas faire).

Et si dit Cathon sans erreur Que laide chose est au docteur Quant sa coulpe le redargue. (Renart contref. R.L., t.2, 1328-1342, 102)

La seconde chose requise ou maistre est honneste vie ou conversation, car «laide chose est au docteur quand sa coulpe le reprent». (Daudin, De la erudition H., c.1360-1380, 13)

En tel confesseur sera accomply le proverbe qui dit : Laide chose est au docteur quant sa coulpe le redargue. (Mézières, Songe vieil pèl. C., t.2, c.1386-1389, 271)

[D'un défaut, d'un vice, d'une passion, du péché...] Mauvais, honteux, hideux....

Et, par ma foy, Si loiaument l'aim que j'ay plus d'anoy Cent fois pour li que je n'aie pour moy, Quant s'onneur voy amenrir ; car au doy La mousterront Ceuls et celles qui ceste ouevre saront, Et meins assez en tous cas la croiront, Qu'a tous jours mais pour fausse la tenront. Car de meffait C'est un vice si villein et si lait, Car qui le fait, ja de pooir qu'il ait, N'iert de tous poins effacié ne deffait. (Mach., J. R. Beh., c.1340, 101)

Pour ceste cause les passions et desordonnez mouvemens sont lais et coulpables es hommes, qui point ne le sont es bestes, comme orgueil n'est point pechié, ou laydure en cheval, cruaulté en lyon, malice en renart, envie es chiens, avarice es cornailles, et ainsy des autres. (Gers., Concept., 1401, 399)

Et Paresce est laide, nice et vilaine, Despourveue, non sachant, incertaine, Qui los, ne pris, ne grace ne desert. (Chart., B. Nobles, c.1424, 403)

Se nous voulons dignement et fructueusement parler de celle qui par les paroles proposees est appellee de Dieu son amie toute belle, chassier nous fault hors de nostre cuer le hydeux, lait et hayneux pechié mortel par perfaicte repentence et contriction (Gers., Concept., 1401, 387)

[Il y a des degrés dans la laideur morale]

Aprés nous considereron que incontinence qui est vers yre est moins laide que n'est celle qui est de concupiscences. (Oresme, E.A., c.1370, 383)

Et le pechié est moins lait ou il a plus de raison (Oresme, E.A.C., c.1370, 383)

Ceci dit il contre ceuls qui ensuivoient Epycurus, qui disoient que nulle delectacion tant soit laide n'est a fuir se ce n'est pour la tristece qui s'en puet ensuir. (Oresme, E.A.C., c.1370, 503)

Par métonymie. Inspiré par une passion mauvaise.

Lors Gaverelle le singla [le roi] Parmi les flans IJ. cops ou IIJ. De s'espée, jusqu'à la crois, Si que les bouiaus li cheoient Par mi les plaies qui sainnoient. Là fist Hanris de Gibelet Le pieur cop et le plus let, Car trop durement le haoit Pour ses enfans que pris avoit, Einsi com devant conté l'ay, Si qu'il ne fist pas lonc delay ; Einsois la teste li fendi, Si que la cervelle espandi. (Mach., P. Alex., p.1369, 269)

[D'un propos] Inconvenant, choquant.

Et quant li juge et li faus prestre Parlerent, chascuns s'esmerveille Et pleure de ceste merveille, Car onques mais esté parole N'avoit d'elle laide ne fole. L'andemain, devant son mari Vint li pueples a cuer mari Et li doi prestre plein d'outrage, D'inique pensee et de rage, Pour mettre Susanne a la mort Sans conscience et sans remort. (Mach., C. ami, 1357, 8)

Et pour ce, il ne differe pas petit quant a honesté, dire ou oïr volentiers en telz giex laides paroles ou courtoises. (Oresme, E.A., c.1370, 271)

La mist en garde avec une cousturiere et luy fist aprendre son mestier et puis la maria, que oncques ung mal talent ne ung seul couroux ou laide parole son mary n'en apparceut. (Ménagier Paris B.F., c.1392-1394, 111)

Tieulx y a, sanz nulle espargner [femme] , En joye les verriés baigner, Disant mainte laide leçon. (Chr. Piz., M.F., II, 1400-1403, 36)

N'y a voisin, ne tort, ne droit, Ne voisine, soit ou belle, De qui ilz ne dient nouvelle, Souventes fois, et laide et lourde, Ou soit acertes, ou par bourde (Chr. Piz., M.F., II, 1400-1403, 63)

Quant le roy payen oÿ ce, il fu moult esbahy et fu contempt de son amiral atant, sans luy dire plus laide parole (Comte Artois, c.1453-1467, 79)

...et en fut le roy de Castille très-mal content, et de l'eschafaut où il estoit, luy dit une laide parole et si haut que de chascun fut oy. (Faits Lalaing K., c.1470, 138)

Et pour ce dit Tule Ciceron en son .IIIe. livre Des Offices que homme sage et virtueux ne doit faire ou dire chose laide ou qui soit reprouçable, posé ores que nul le peust sçavoir et que Dieu meysmes le peust ignorer. (Fillastre, Traité Conseil H., c.1472-1473, 206)

b)[De la mort, de la fin d'un processus, d'un destin] Funeste, ignominieux.

'Aÿ ! Mahon, beaus sire, que vecy lait destin, Quant donnee seray a ung tel Bedouin !...' (Tristan Nant. S., c.1350, 206)

LA DAME. (...) Car pour lui me voy a mort traire, A mort, lasse ! voire honteuse, Et si laide et si angoisseuse Que du penser m'esbahis toute. (Mir. enf. ress., 1353, 70)

Quant m'ot mis en celle berelle, Il me mist en plus mal desroy, Qu'il me dist: 'C'est la fille au roy Qu'avez honnie, faulx hermites : De laide mort n'estes pas quittes, Se le roy le scet, n'en doubtez...' (Mir. st J. Paulu, c.1372, 134)

A tel prince sont trop tenu Tuit li sien et grant et menu Et, se contre lui mal pourchacent, A leur grant confusion chacent, Mais en maint lieux n'y gardent droit, Qui droit leur feroit les ardroit Ou destruiroit crueusement A mort laide villainement (Chr. Piz., M.F., I, 1400-1403, 148)

Et ne me vueilles estrangier De toute joye, car, au fort, Je ne pourroye avoir confort Pour nul honneur, n'or, ne argent Se je veoye ainsi ma gent Perir et prendre laide fin ! (Chr. Piz., M.F., II, 1400-1403, 269)

En la fin cestui fina villainement et par lait trebuchement (Chr. Piz., Faits meurs Ch. V, S., I, 1404, 79)

...c'est assavoir pour ce qu'il [le concile de Bâle] fut principié ou signe de l'Escorpion, dont le comancement et chef a beau semblant et la fin laide et de malle yssue. (Simon De Phares, Astrol., c.1494-1498, f° 154 r°)

c)[D'une action] Défavorable, difficile.

...puis que les gerres furent escaufees, et que les Englois s'en ensonniierent, il s'en refroida (...) dont les besongnes en furent plus laides pour messire Carle de Blois. (Froiss., Chron. D., p.1400, 570)

Par ce point fu la guerre du pape Clement plus laide, car oncques puis messire Ostes ne s'en voult ensongnier. (Froiss., Chron. M., XII, c.1375-1400, 225)

d)[Dans une tournure impers.]

Estre laid à qqn. Déplaire à qqn.

Mon seigneur, s'il ne vous est lait, Pour Dieu, qu'il suive encor l'escole (Mir. st J. Cris., c.1344, 267)

Toutes voies je vous diray: Le tresor que mon pére avoit A l'eure et au jour qu'il vivoit Ne vueil pas que Dacien l'ait, Mais, saint pére, ne vous soit lait, Je le vous feray apporter, Afin que, sanz vous deporter, Le departez aux povres gens Par vostre dyacre Lorens. (Mir. st Lor., 1380, 156)

Ainsi s'en vont, tirant vers Grece, Ou leur soit lait ou leur agriece, Et en Grece fu ja semee La nouvelle de celle armee, Qui leur forteresses fait reffaire Ont et moult grant mandement faire, Comment qu'il alast de la perte. (Chr. Piz., M.F., II, 1400-1403, 244)

Estre laid à qqn de qqc.

Sire, alons : il ne m'est pas lait De vostre bonne repentance. (Mir. enf. diable, c.1339, 11)

e)Locution adverbiale. À laides. À contrecoeur' (Éd.).

- Sire chevalier, dist le Chevalier Doré, de telz et d'autres [coups] receverez vous plenté ainçois que mon nom sachiez. Or me donnez des vostres, car je vous donneray des miens tant que je sçaray vostre nom ou vous y morrez. - Damp chevalier, dist le preux Blanc Chevalier, au morir vendroie a laides, si me deffendray a mon pouoir. (Percef. II, R., t.2, c.1450 [c.1340], 415)

f)Emploi substantival.

(Le) laid. Offense, outrage.

'Filz Alixandres, ou te tiens ? Mal ay au coeur, quant tu ne viens ! Veÿssiez le mal et le lait Et le despit que on me fait : Tout pour toy m'est ce advenu.' (Renart contref. R.L., t.1, 1328-1342, 109)

Li corbiaus en l'eure li conte [à Phébus] L'outrage, le lait et la honte De Coronis et l'avoutire (Mach., Voir, 1364, 700)

On le het, chascun lui dit lait (Desch., Oeuvres R., t.8, c.1370-1407, 111)

Par laid. En guise d'injure, d'affront.

S'il veult nïer mes argumens, Je lui diray par lait : 'Tu mens' (Myst. Pass. Amb. R., c.1474-1500, 46)

[D'une chose] Tourner à laid à qqn. Être cause de dommage pour qqn.

Cilz qui vuet venir a grant pris Se doit garder de mavais cry, De chouse qui li tourt a lait. (Dupin, Mélanc. L., c.1324-1340, 204)

2.[D'une pers.]

a)Malhonnête, détestable.

Ort savestier, lait et infect, ça, mes souliers, si m'en iray, Car, par ma foy, je te feray Adjourner avant qu'il soit nuit... (Sav. serg. D.L., c.1480-1490, 32)

b)De basse condition, vilain.

Tel est povre et de petit lignage Et mal armé qui a meilleur courage Que tel est bien en l'armee jolis : Un lais homs a souvent meilleur courage Que tel porte le chapperon de gris. (Recueil galant. V.-B., c.1350-1400, 91)

B. -[D'un point de vue esthétique] Qui ne correspond pas à l'idée qu'on se fait du beau.

1.[D'une pers.] Disgracieux, vilain.

«...bien ay empenssé De veer mariage et puis prendre casté, Ainschois que ja euisse un tel roy espousé, Lait et viel et hideux, fronchiet et ramuzet...» (Flor. Rome W., c.1330-1400, 146)

Car, sire, vous devez savoir Qu'il seroit par trop lait a voir En son visage. (Mir. ev. arced., c.1341, 116)

Elle mue, dist il, sa face par onguemens, par diverses manieres de faire, affin qu'elle soit veüe belle combien qu'elle soit tres laide, comme Jesabel qui paindi ses yeulx, comme on list ou quart livre des Rois ou .IXe. chapitre. (Daudin, De la erudition H., c.1360-1380, 414)

...pluiseurs vous ont dit que je sui lais, rudes et mal gracieus, par Dieu, com petis que je soie, j'ai bien vaillant .I. cuer d'ami ; et je voi bien que vostres nobles cuers ne daigne encliner ne croire leurs paroles. (Mach., Voir, 1364, 184)

...car aucunes fois sont les personnes contraires en ce que l'un est bel et l'autre lait. (Oresme, E.A.C., c.1370, 431)

Or regardons une autre chose, Que nulz homs ne veult ne souhaide: S'il est qui preingne femme laide, Nulz homs n'ara sur elle envie (Desch., M.M., c.1385-1403, 60)

N'y a voisin, ne tort, ne droit, Ne voisine, soit laide ou belle, De qui ilz ne dient nouvelle (Chr. Piz., M.F., II, 1400-1403, 63)

...quiconques la barguignoit, il l'avoit aussi bien a creance que a argent sec, fust l'homme vieil, layt, bossu, contrefait ou d'aultre quelque deffigurance [D'une femme luxurieuse] (C.n.n., c.1456-1467, 518)

Je m'en reisse, se tant peusse macher Lors, mais nennil, ce seroit dont folleur : Viel je seray, vous laide, sans couleur. (Villon, Test. M., 1461-1462, 84)

Si dist a Berte une sienne amie, vielle, laide et crepie : Qu'en dittes vous ? (Ev. Quen. II, c.1466-1474, 135)

Le roy de Castille estoit laid, et ses habillemens desplaisans aux François qui s'en mocquoyent. (Comm., I, 1489-1491, 137)

[D'une partie du corps]

Je te vueil farder de charbon Pour ressambler plus biau varlet. Or vas : tu n'aras plus si lait Le visage con tu avoies. (Mir. parr., 1356, 47)

En pourtraicture son ymage Vid et, quant sa petite forme Apperceupt, dueil hot que tel homme, Si lait de corps et de visage, Heust sur tous si grant avantage Que li commun et li gregneur L'eslisoyent pour leur signeur (Chr. Piz., M.F., IV, 1400-1403, 41)

Ennemy je te conjure, Laide figure Beste a deux taux [deux 'dos' ?] Que tu ne me faces nulz maulx. (Feste roys, c.1475-1500, 305)

Au figuré. [De l'âme]

Premierement son ame seroit morte espirituelment, et pour ce layde, deffiguree, puante et non plaisante a toy, Dieu, ne de toy amee (Gers., Concept., 1401, 400)

Emploi substantival.

Mais le lait se delicte en la biauté de l'autre et le bel se delicte ou biau parler de l'autre ou en autre chose (Oresme, E.A.C., c.1370, 431)

Aussi bien laides que belles Contreffont les dangereuses, Et souvent les precieuses (CH. D'ORLÉANS, Rond. C., 1443-1460, 404)

Pourquoy donnent les femmes voulontiers la mamelle aux petis enffans ? -- C'est affin qu'ilz emportent leur lait. Et femmes sont voulontiers belles. [Jeu sur l'homophonie laid/lait] (Devin. R., c.1470, 167)

2.[D'un animal, d'une partie du corps] Désagréable à regarder, vilain.

...briefment sa proie [le gerfaut] laissa Et devers terre s'abaissa, Si s'adressa isnellement, Dont je fui esbahis forment, Ou il choisi un chahuant, Un oisel lait, vil et puant, Dont li gentil oisel n'ont cure, Et pour sa villainne nature Qui fait forment a reprochier Se ne le deingnent aprochier. (Mach., D. Aler., a.1349, 383)

A che propos dist Hugue de Saint Victor : 'La fable dist que toutes les bestes presenterent de leurs faons pour servir a Jupiter, entre lesquelles la singesse porta son faon qui estoit defforme et lait, dont toutes les bestes se commencherrent a rire...' (Daudin, De la erudition H., c.1360-1380, 134)

...la deesse s'acourça, Si que Piquus mué pour ce a En un oisel de lait plumage Qu'on treuve souvent en boscage. (Mach., Voir, 1364, 616)

3.[D'une chose concrète] Inesthétique (à voir ou à entendre).

...car, tout ainsi comme a ce que .I. homme ait bons yex et bonne veüe par quoy il juge bien des couleurs et que est bel ou lait, il convient que la bonté de la veüe soit nee en luy et que il le ait de nature, semblablement a ce que un homme ait bon voiement ou bonne veüe de l'ame dedenz ou de l'entendement, il convient que elle soit en luy nee et a luy donnee de nature. (Oresme, E.A., c.1370, 201)

Une porte a droit ou milieu, Qui assez bien affiert au lieu, Tres laide, noire et derompue, (N'au flairier n'est riens qui tant pue), Mais grant et lee est a merveilles. (Chr. Piz., M.F., I, 1400-1403, 96)

Les maisons y sont (...) laydes et ruineuses (Chr. Piz., M.F., I, 1400-1403, 126)

Vers les toreaulx vait seurement, Qui, par moult lait murmurement, Le cuident venir envayr, Et Jason, sanz soy esbahir, .II. grosses pelotes confites De glus atachans et despites Leur a ens es gueules fichees, Qui tantost ensemble attachiees Les machouëres leur a si Qu'ilz sont du tout a sa merci. (Chr. Piz., M.F., III, 1400-1403, 43)

...mais par longue accoustumance sa voix, qui souloit estre laide et mal accordable et desplaisant a ouÿr, il ramena a doulceur et accord mesuré et plaisant a ouÿr (Bouciquaut L., 1406-1409, 429)

Ce vent soufle tousjours en bas Rendant souvent un bien lect ton (Serm. quatre vents K., c.1500, 524)

Horrible.

Si que ces tempestes cesserent, Mais tels bruïnes engendrerent, Tels ordures et tels fumées Qui ne furent gaires amées ; Car l'air qui estoit nès et purs Fu ors et vils, noirs et obscurs, Lais et puans, troubles et pus, Si qu'il devint tous corrompus, Si que de sa corruption Eurent les gens opinion Que corrumpu en devenoient Et que leur couleur en perdoient. (Mach., J. R. Nav., 1349, 148)

Las ! qui est ce qui de ce val Meschant, chetif, lait et hideux, Puant, orrible et tenebreux Me veult oster ? (Mir. prev., 1352, 262)

XXXIIIJ. amiraus trouverent Avec le soudan, puis entrerent Main à main dedens le palais, Qui n'estoit trop biaus ne trop lais. (Mach., P. Alex., p.1369, 195)

[Dans une litote]

Une dame sans villenie D'un chevalier estoit amie, Si li donna un anelet Trop gent (ne fu villein ne let), Par si qu'adès le porteroit Et que jamais ne l'osteroit De son doy, s'elle ne l'ostoit. (Mach., J. R. Nav., 1349, 235)

Si me bailla un rondelet Qui n'estoit pas rudes ne let, N'il n'estoit mie contrefais, Ainçois estoit si tresbien fais (...) Que nulz amender n'i savoit. (Mach., Voir, 1364, 52)

Un jour advint qu'en son palais, Qui fu grans et biaus, non pas lais (...), Un message vint en grant haste (Mach., Voir, 1364, 438)

Terre ont pris, si sont descendu, Et monterent haut ou palais De la ville, qui n'est pas lais. Quant li bons roys sceut leur venue, Moult en desire la vehüe, Pour l'amour de ceaus de Venise, Qu'il ainme de bon cuer et prise. (Mach., P. Alex., p.1369, 118)

Eu my lieu a IJ. montaingnettes, Qui sont rondes et hautelettes, Dont seur l'une a un chastelet Qui n'i est messéant ne let ; Maisonnez sont toutes entour, Et tient bien IIJ. lieues de tour. (Mach., P. Alex., p.1369, 210)

Par beau (et) par laid/soit beau ou laid. De quelque manière que ce soit.

Il vous faudra, soit lait ou bel, Que vous entrez en ce batel (Mir. fille roy Hongrie, c.1371, 59)

...quand il cogneut que par beau ne par lait il ne la povoit oster de sa mauvaiseté, il la abandonna (C.n.n., c.1456-1467, 489)

En ce Royaume dict auoir Bon droict et si le veult auoir Par beau ou laid ce mest aduis Car Martin en son lieu la mis Et sa femme fut fille aussi Du Roy qui mourut deuant luy Voyez cy le tiltre quil y a Pour ce ne vous asseurez ia Que vous nayez tantost bataille. (Myst. st Martin K., a.1500, 245)

(À) qui soit laid ou beau. Qu'il en déplaise ou non à tel ou tel.

Partant, devien-ge pastureil Ne iamais, qui soit laid ne bel, Le mien cors ne les seruirat, Tant qu'il ayent cel[e] gent là. (All. foi C., c.1350-1400 [p.1478], 255)

En particulier.

[Du temps qu'il fait] Désagréable, mauvais.

Ainsi que Berinus et sa compaignie estoient en mer, il advint une vespree que une espesse nue se leva, et fu li airs troublez et oscurs, et fist un lait temps et hideux, si qu'il ne sceurent quel part il aloient. (Bérinus, I, c.1350-1370, 208)

Car je n'yray pas, je t'affy : Trop fait lait temps. (Mir. mère pape, c.1355, 396)

Li temps est noirs, obscurs et lais (Mach., F. am., c.1361, 144)

PREMIER BERGIER. (...) Seray je pas souffisanment Montez de patins a rouelle Et d'eschaces, quant Marotele Yray vëoir, s'il fait lait temps, Et s'aray solers bien fermens A troiz ou a quatre noyaux ? (Gris., 1395, 46)

...pour quoy le cappitaine du gait de Montferant, pour le cremeur du lait temps, n'yssi oncques hors celle nuit de son hostel (Froiss., Chron. M., c.1375-1400, 208)

Et vint asseoir Craais par bastides, car il faisoit trop froit et trop lait pour tendre tentes, trefs et pavillons (Froiss., Chron. D., p.1400, 557)

Je congnois bien mousches en laict, Je congnois a la robe l'homme, Je congnois le beau temps du lait, Je congnois au pommier la pomme, Je congnois l'arbre a veoir la gomme, Je congnois quant tout est de mesmes, Je congnois qui besoigne ou chomme, Je congnois tout fors que moy mesmes. (Villon, Poèmes variés R.H., c.1456-1463, 54)

Le Temps est beau, le Temps est let, En ung estat point ne demeure. (Sots triumph., c.1475, 49)

[D'une chose] Gâté par le mauvais temps.

Brief, le partement de Dijon fut pompeulx à merveilles et la journée laide et pleyne de pluye, et furent toutes ces belles parures moult empirées (La Marche, Mém., II, c.1470, 12)

Emploi substantival. Le laid. Le mauvais temps.

Ne dit on que li homs sauvages S'esjoïst, quant il voit plouvoir, Et chante ? Qui l'i fait mouvoir ? L'espoir qu'il prent en son revel Qu'après le lait il fera bel. Ne tu n'as pooir de savoir Que c'est joie, sans mal avoir. (Mach., R. Fort., c.1341, 99)

Orthographe	Genre	Nombre	Phonétique
laid	masculin	singulier	\lɛ\
laide	féminin	singulier	\lɛd\
laids	masculin	pluriel	\lɛ\
laides	féminin	pluriel	\lɛd\