IMAGINATION

substantif féminin

[T-L : imaginacïon ; GD : imaginacion ; DEAF, I 99) : imaginacion ; AND : imagination ; FEW (IV, 563b) : imaginari ; TLF (IX, 1152a) : imagination]

A. -[Comme faculté humaine]

1.Vertu imaginative, la faculté qui trie et retient les images, faculté d'imaginer, de voir ou de concevoir une chose en pensée.

Si que l'imagination De moy et l'inclination Si mis et toute ma plaisence En vous, dame ; que, sans doubtance, Vous m'estiés exemplaire et voie De tout ce que faire devoie (Mach., R. Fort., c.1341, 131)

Par trois raisons me vueil deffendre Qu'on ne me doit mie reprendre, Se, selon la condition De m'amour, qui ja mais n'iert mendre, Vueil ma pleinte et mon lay comprendre En triste ymagination. L'une est qu'Amours ne vuet entendre à ce que ma dame soit tendre Vers moy, eins est s'entention Que mon dolent cuer face fendre ; Joie ne deingne en moy descendre, Et lay, c'est lamentation. (Mach., Les lays, 1377, 322)

Nous scavons que une chose de petite congnoissance ne puet attaindre a ce que puet congnoistre la vertus, qui est de plus haulte congnoissance, comme l'oyeil corporel ne pourroit veoir ce que congnoist l'imaginacion par dedans, et l'imaginacion ne pourroit comprendre ce que je, Raison, congnois. (Gers., Trin., 1402, 158)

Le 2e chappitre desclaire la maniere comment l'astralabe fut trouvée et par quelle ymaginacion. (Fusoris, Astrolabe P., c.1407-1412, 111)

Pareillement Ptholomeus ymagina au ciel que a l'endroit du pole artique y eust une plaine superfice, et que du pole antartique il y eust lignes signés traictes par l'equinocial et les autres cercles et les principales estoilles fixes et sans faulte elles signeront [ms. B : elles signifiront et signeront] la face de l'astralabe en la dicte superfice. Et par ceste ymaginacion fut trouvée l'astralabe. (Fusoris, Astrolabe P., c.1407-1412, 112)

...adonc on a tresbonne ymaginacion et bonne pensee et cogitacion et bonne memoire ou temps que on dort et que on veille (Gordon, Prat., c.1450-1500, II, 18)

Item note que habiter commence du cervel par cause de ymaginacion qui precede et il se moyenne par le foye et se acomplit par les coillons (Gordon, Prat., c.1450-1500, VII, 1)

Et aussi quilz ne fichent en leur ymaginacion semblance de chose qui ne soit honneste et licite. (Cib., p.1451, 213)

...ceste suspicion avoit si tresfort frappé et hurté a son ymaginacion, que, quand il s'estoit trouvé hors de sa maison, aultre chose ne luy venoit au devant (C.n.n., c.1456-1467, 443)

...affin de vous faire plaisir et donner repos a vostre ymaginacion (...) je vous promectz de ceste heure, de courage ferme, arresté et estable opinion, d'actendre le jour de vostre revenue en vraie, pure et entiere chasteté de mon corps (C.n.n., c.1456-1467, 566)

...car il savoit de certain, comme son ymagination lui jugoit, que elle estoit de tresbon lieu yssue (Wauquelin, Manequine C.T., a.1448, 145)

...l'imagination qui retient et garde les formes aprehendes du sens commun (Prevost, Cir. Guill. Salicet, 1492, IV, 1)

À imagination. De manière imaginaire, figurée.

Et ainsi quelcunque superfice, en la variant de figure en autre, peust estre a ymaginacion terminee par si grant ligne comme l'en veult (Oresme, C.M., c.1377, 394)

Par imagination. De manière imaginaire.

Lors par ymagination Perçoit dedens s'entention Sa dame monter par humblesse Tout au plus haut air de noblesse. Quant monter la voit telement Des yeus de son entendement (Mach., D. Aler., a.1349, 328)

Item, de ceste supposicion je argue quintement au propos devant dit, car se par ymaginacion le mouvement du ciel cessoit par un temps et recommençoit apres, si comme il fu de fait ou temps de Josué, l'en ne pourroit dire que une partie du ciel commençast estre meue plus tost que l'autre, mes toutes commenceroient estre meues equalment et semblablement et chascune leveroit en aucun païs ou sus aucun ozizon, si comme il fu touchié devant. (Oresme, C.M., c.1377, 338)

Mentalement.

En apres par ymaginacion separe le demy speric du pyramidal et de la superficie intrinseque prens l'ayre. (Nic. Chuquet, Géométrie H., 1484, 149)

2.En particulier.

a)SPIRITUALITÉ Cette faculté comme une des puissances de l'âme.

Ce premier ciel qui est en lymaginacion est bien gros et bien materiel au regart des deux autres qui sont par dessus pour ce quil est de similitudes et fantosmes des choses grosses et materielles. En ce ciel dymaginacion se font les reuelacions qui sont nommees visions ymaginaires lesquelles ont et auoient les prophettes anciens quant soubz figures et semblances de choses materielles il leur estoit reuele ce qui estoit auenir. (Cib., p.1451, 214)

Mais par ymagination et par la vertu ymaginative congnoist les samblances et similitudes des corps et des choses corporeles. (Somme abr., c.1477-1481, 136)

b)Cette faculté comme aptitude à créer des images, notamment sans modèle.

Dessus ung palefroy cevauchoit a bandon ; Couverture i avoit, ains telle ne vist on, Car ouvree elle estoit d'imaginassïon (Huon Bordeaux B., c.1400-1450, 36)

B. -Représentation par la faculté d'imagination.

1.Représentation par la pensée, image que l'on se fait de qqc., ce qui est imaginé par l'esprit.

a)[Sans idée nég.]

...comme les prophetes souvent l'ont fait en leurs escriptures, a l'exemple de Boëce et de Alain et d'autres poetes catholiques, je prendray une telle figure et ymaginacion poetique pour plaisamment expliquer la verité de ceste concepcion (Gers., Concept., 1401, 389)

...la sont aussy ymaginacions et fantasies et industries diverses pour eschver ce qui est mal et pour suyr le bien. (Gers., Trin., 1402, 152)

...car les lepreux ont ymaginacions et songes terribles et insensibilité es extremités (Gordon, Prat., c.1450-1500, I, 21)

Et quant ilz sont en l'estat que ilz se veullent lever, bon seroit de les bien fort tormenter, affin que ilz delaisaissent telles ymaginacions (Gordon, Prat., c.1450-1500, II, 17)

La cause de satiriazis foraine ce peut estre forte ymaginacion envers aulcune femme pour habiter ou pour baiser (Gordon, Prat., c.1450-1500, VII, 2)

...la tierce c'est que les ymaginacions sont plus grandes et plus fortes et esmeuvent plus la chaleur et l'esperit et les meurs du courage (Gordon, Prat., c.1450-1500, VII, 4)

...comme il eut esté par longue espace poinct et aguillonné de ces difficultez et diverses ymaginacions (...), il mist a nonchalloir et femme et mariage [Après avoir pesé les risques encourus, un marchand décide de partir pour un long voyage] (C.n.n., c.1456-1467, 559)

...je vous prie que soiez joyeuse, tantdiz que feray mon voyage, et vivez plaisamment ; et si j'ay quelque pou d'ymaginacion que ainsi le facez, j'en chemineray plus lyement. (C.n.n., c.1456-1467, 561)

Pareillement en telles ymaginations et pensées estoit la damoiselle Joiie du roy [à propos du roi] , que nullement hoster ne s'en savoit (Wauquelin, Manequine C.T., a.1448, 152)

À l'imagination de. À l'image de.

Si fut la dessusdicte ordre, à l'ymaginacion de celle que dit est [la toison conquise par Jason] , nommée par ledit duc, l'Ordre de la Thoison d'Or. (Monstrelet, Chron. D.-A., t.4, c.1444-1453, 373)

Penser des imaginations

'Voirement fault-il que il le sache par aucune voie de nigromance. Point ne savons en ce pays, au voir dire, comment il use, fors que par ymaginacions.' - 'Et doulx homs, di-je, les ymaginacions que vous pensez sus, vueilliez-les moy esclarcir.' (Froiss., Chron. M., XII, c.1375-1400, 172)

b)En particulier. Représentation, image que l'on a de qqn.

A faire son trés dous plaisir De fin cuer et de vray desir Me fist a ma dame penser Bonnement, sans villain penser ; Car la trés douce imprecion De son ymagination Est en mon cuer si fort empreinte Qu'encor y est et yert l'empreinte, Ne jamais ne s'en partira, Jusques a tant qu'il partira (Mach., D. Lyon, 1342, 166)

La parfont si de corps et d'ame Qu'on la tient pour la milleur dame Qui soit en monde et la plus belle : Chascuns la claimme bonne et bele. Lors dois avoir l'impression De ceste ymagination Et de ceste douce figure Que Dous Penser en toy figure, S'en dois en ton cuer une ymage Faire, a qui tu feras hommage. (Mach., C. ami, 1357, 78)

Lors acolla la belle cent fois en ung randon, (...). 'Hé ! Dieu, se dist Flourent, (...) Comment je vois icy l'imaginatïon De la plus gracïeuse, sans excusatïon, C'onquez feïst nature en sa crëatïon !' (Huon Bordeaux B., c.1400-1450, 454)

c)[Avec une idée d'erreur] Représentation erronée.

'...je vous cuidoye a ce matin avoir tresfort jusques au sang batue, mais je voy bien qu'il n'en est rien (...). - Dya, dit elle, ostez vous hors d'ymaginacion de ceste baterie, car vous ne me touchastes oncques, vous le povez veoir...' (C.n.n., c.1456-1467, 266)

M'amye, combien que sans cause et grand tort je vous suspicionne d'estre vers moy desloyale, et que telle ne soiez que ma faulse ymaginacion m'apporte, toutesfoiz je suis (...) ahurté et enclin a croire et m'arrester en mon opinion [L'épithète faulse est ici une épithète de nature] (C.n.n., c.1456-1467, 444)

BEAUCOP. Je fuz bien sallé de gros sel, C'estoit toute mon unction. JOYEULX. Ce n'est que ymagination, Vous l'avez trouvé en voz manches. (B. veoir, p.1480, 20)

Avoir imagination que. Croire, penser à tort que.

...et ce a esté enjoint au graphier estre enregistré, pour ce que aucuns auroient ymagination que l'en l'eust receu en faveur du conte d'Armignac (Baye, I, 1400-1410, 86)

2.Réflexion, pensée, ce qui est considéré par la pensée.

Or ay je eu pluiseurs fois imagination sus l'estat de proèce, et penset comment et où elle a regnet et tenu signourie, et salli d'un pays en aultre. (Froiss., Chron. L., I, c.1375-1400, 5)

Or veul je mettre la tierce voie qui est selon raison naturelle et concordable a nostre foy, et pour la entendre, je veul recorder et descrire en figure une ymaginacion ou consideracion qui fu mise en glose apres le quint chapitre. (Oresme, C.M., c.1377, 338)

Et orent, en trois jours que il furent la, tamainte imagination pour sçavoir se il renteroient en lors vassiaus, et costieroient Engleterre par mer, tant que ils trouveroient havene ou port. (Froiss., Chron. D., p.1400, 75)

Et qant li contes de Hainnau entendi ces premieres nouvelles, si ot pluissours dures imaginations, et fu en grant esmai de son frere et de toute la compagnie. (Froiss., Chron. D., p.1400, 76)

Ouquel temps, en la faveur dudit duc, et à l'occasion de sa querelle, et commencer à lui contrevenger desdis Anglois, ung notable chevallier, nommé messire Jehan de Bressay (...), et aveuc lui Robert de Flocques (...), aveuc eulx aucuns nobles hommes de leur compaingnie, jettèrent leur advis et imaginacion, comment ne par quelle manière ilz porroient faire une entreprinse sur la ville et chastel du Pont de l'Arche (Escouchy, Chron. B., t.1, c.1453-1460, 163-164)

...s'il vous plaist, en sauvant vostre vie et nous, avoir compaignie secretement d'aucun homme de bien, nous pareillement le ferons comme vous, affin que vous n'ayez pensée ne ymaginacion qu'en temps advenir vous en sourdist reprouche de nulle de nous. (C.n.n., c.1456-1467, 144)

...estant en ceste ymaginacion et pensée, subitement le dur courage que tant rigoreux avoit envers son serviteur porté fut tout changé et alteré, et en trescordial et bon vouloir transmué (C.n.n., c.1456-1467, 479)

Faire une imagination. Faire une réflexion.

Et de ce ay je autrefois dit plus a plain ou sixte de Phisique ou ceste matiere est principalment tractie, et me souffist a present mettre ici un arguement jouste l'imaginacion que fait Aristote ou .XXVIIIe. chapitre du secont. (Oresme, C.M., c.1377, 598)

Avoir imagination contre qqn. Avoir, se faire une certaine idée sur qqn.

Et, comment que je ne soie mie dignes de vous regarder ne de vous loer, se vous aviez ymagination contre moi, je seroie perdus et mors, quar je aroie perdu m'esperance et mon confort. (Mach., Voir, 1364, 168)

Si vous suppli, tant humblement comme je puis et sai (...), vous ne veuillez avoir pensee ne ymagination contre moy. (Mach., Voir, 1364, 170)

Estre en imagination + interr. indir.

Se estoient ces hostz en imagination et souppechon comment ilz passeroient et ne savoient où ne quel part. (Froiss., Chron. M., XIV, c.1375-1400, 88)

Quant Piètres dou Bos veï que c'estoit tout acertes que la pais estoit faite et confremée (...) si fu tout abus et ot pluiseurs imaginacions à savoir se il demorroit à Gand avoecques les autres. (Froiss., Chron. R., XI, c.1375-1400, 310)

Prendre une imagination de qqc. Se faire une certaine idée de qqc..

...par les paroles que je sçais, je les charmé tellement que en substance de poisson se convertirent ; et en pouriez trestous qui estes icy menger, comme moy, sans peché. Mais pour l'imaginacion que vous en pouriez prendre, elles ne vous feroient ja bien ; si en feray tout seul le meschief. [Un évêque gourmand justifie devant ses gens le fait qu'il mange des perdrix un vendredi] (C.n.n., c.1456-1467, 583)

Prendre son imagination sur qqn. Se faire des idées sur qqn.

Ha ! monseigneur, dit elle, par Dieu vous avez tort de prendre vostre ymaginacion sur luy. Et croiez que je suis seure qu'il n'y pense pas. (C.n.n., c.1456-1467, 232)

Reprendre nouvelle imagination. Se changer les idées, avoir une nouvelle vision des choses.

Pour refaire les yeulx abusez de ce pouvre martir, le bourgois commenda qu'on le feist seoir a la table, ou il reprint nouvelle ymaginacion par boire et menger largement (C.n.n., c.1456-1467, 27)

En particulier. Ensemble cohérent de réflexions, théorie.

Or weul je monstrer apres que c'est chose possible, quant est de soy et a ymagynacion sanz contradiction, que aucun mouvement ait commencement et dure sanz fin. (Oresme, C.M., c.1377, 200)

3.Possibilité envisagée, hypothèse avancée.

...la maniere comment se povoit faire, il ne le povoit ymaginer, si n'estoit que le curé viensist a l'heure qu'il forgeoit au plus fort avec son maistre. Ceste ymaginacion lui hurta tant a la teste qu'il fist le guet et se mist aux escoutes pour savoir la verité de ce qu'il ignoroit. [Le serviteur d'un forgeron a de bonnes raisons de penser que le prêtre est l'amant de la femme de son maître] (C.n.n., c.1456-1467, 493)

Experimenter une imagination. Confronter une hypothèse avec la réalité.

...pour experimenter son ymaginacion, dit qu'il estoit ainsi retourné. (C.n.n., c.1456-1467, 444)

Averer une imagination. Confronter une hypothèse avec la réalité.

Le bon marchant eust peu estre contraint de croire ses bourdes, s'il n'eust rompu sa parolle. Si dist qu'il vouloit averer son ymaginacion. [L'homme croit savoir qu'en son absence sa femme, bien qu'elle s'en défende, a reçu son amant] (C.n.n., c.1456-1467, 444)

4.Ce que l'on envisage (de faire), dessein que l'on imagine, intention.

Et sont contenus audit livre (...) toutes les chanchons, balades, rondiaux, virelais que le duc fist en son temps, lesquelz assez parmi la ymagination que j'avoie eu de dicter et ordonner le livre, le conte de Foeis le vey moult volentiers. (Froiss., Chron. M., XII, c.1375-1400, 76)

Si eurent li François une imaginacion sus que, les trieues falies, il envoieroient en Escoce si poissaument que pour honnir Engletière. (Froiss., Chron. R., XI, c.1375-1400, 179)

Et escusoit Jehan, son fil, encore à trop jeune ; et avoit adont li dus de Bourgongne imaginacion que il le marieroit à Katerine de France, suer de son nepveu, le roi de France. (Froiss., Chron. R., XI, c.1375-1400, 189)

Ce pourpos et ceste imagination conclut li contes de Montfort en soi meismes et se ordonna a partir. (Froiss., Chron. D., p.1400, 487)

Flamens gisoient de ce lés devant Calais, il rompoient et anulioient lors imaginations et disoient : 'Toutes nostres pensees sont vainnes. Il nous fault perdre Calais...' (Froiss., Chron. D., p.1400, 833)

Sur le tiers article, touchant la voulenté que mondit seigneur dit avoir de s'employer au véage de Turquie, quand le roy a veu les lettres que ledit seigneur luy a rescrites, dattées du lieu de Sainct-Glaude, faisant mencion dudit voyage, il a esté fort esmerveillé qui a meu ledit seigneur si soudainement à prendre cette nouvelle imagination (Chart. J., Chron. Ch. VII, V., t.3, c.1437-1464, 62)

A fin de piece, après ung tas d'ymaginacions que pour abreger je passe, conclut et determina d'envoier sa petite meschinette devers luy. (C.n.n., c.1456-1467, 570)

...et pendant ce temps, par le moyen et enort d'ung nommé Anthoine du Mont, qui estoit fort privé dudit filz de monseigneur de Calabre, icelluy [Nicolas] deslibera de s'en retourner en ses pays, et demanda congié au duc de Bourgoingne ; et ne fut pas accordé du premier jour ; car le duc de Bourgoingne avoit des ymaginacions et mesmement des promesses faictes entre luy et sa fille (La Marche, Mém., III, c.1470, 80)

Or dont, de vostre intencion, Fille, quelle est vostre pensee Et vostre ymaginacion ? (Myst. siège Orléans H., c.1480-1500, 383)

Je ne sçay apparence querre Dont vient l'ymaginacion. Maistre, sauvez la question Que ce seigneur vous a touché. (Myst. Pass. Troyes B., a.1482, 425)

Toutes ces choses ainsi determinees Et toutes chieres de hait examinees Aussi, aprés grans collocussions Du roy au duc saigement ordonnees Et grans raisons l'un a l'autre donnees, De leurs certaines ymaginacions Touchant le fait des simulacions ; Dont tost aprés les approbacions Furent congneues, car tous deux se sentirent, L'un par la mort, l'autre en vexacions Fut estoqué (La Vigne, V.N., p.1495, 163)

Avoir imagination de + inf. Avoir l'intention de.

...aucuns des gens des Comptes avoient ymaginacion et volenté d'estre avec la Court oudit advenement du Roy (Fauq., II, 1421-1430, 346)

Si ne pense nul qu'onques j'eusse ymagination ne pensement de le desheriter, fors de le traiter doulcement comme bon pere. (Chastell., Chron. IV, D., c.1461-1472, 60)

Envie, désir.

Quant il ot l'aage de IX. ans, Que de norrice fu exens, Et laissa l'estat d'innocence, Et prist à avoir congnoissance, Toutes ses inclinations Et ses ymaginations, Tuit si penser, tuit si desir Furent en faire le plaisir De dames et de damoiselles. Moult li furent plaisans et belles. (Mach., P. Alex., p.1369, 9)

[Dans un cont. nég.]

...ilz [les ambassadeurs bourguignons] n'avoient peut communiquer aveuc luy [le comte de Dunois, bâtard d'Orléans] de leur charge, obstant que ilz n'estoient osé aller vers luy, et doubtans qu'on n'y eust aulcune sinistre ymagination la ou le duc leur maistre n'avoit que bon vouloir envers le roy (Chastell., Chron. IV, D., c.1461-1472, 53)

...le seigneur de Simay (...) reprist a dire [au roi de France] : 'Sire, plaise vous, je vous prie, non avoir aulcune ymagination ne suspicion alencontre de monsieur le duc [de Bourgogne] , car il ne sçavoit riens de la venue de monsr [le dauphin] vers luy...' (Chastell., Chron. IV, D., c.1461-1472, 61)

...ce que maintenant estoit dressé en bonne intention et en preudommie devint a estre interpreté depuis en malice couvert d'un costé et d'aultre (...), car n'y avoit ne roy ne duc qui n'en prist chescun couverte ymagination sur son compaignon et par quoy chescun se douloit et doutoit (Chastell., Chron. IV, D., c.1461-1472, 89)

Dessein hostile.

...Messire Pierre de Goux (...) lui dist [au roi de France] : 'Sire, vostre treshumble parent et serviteur, monsr le duc de Bourgoingne, se recommande treshumblement a vous et vous supplie, sire, que, toutes ymaginations et rancunes passees, il vous plaise l'accepter en vostre grace et benivolence...' (Chastell., Chron. IV, D., c.1461-1472, 299)

Orthographe	Genre	Nombre	Phonétique
imagination	féminin	singulier	\i.ma.ʒi.na.sjɔ̃\
imaginations	féminin	pluriel	\i.ma.ʒi.na.sjɔ̃\