HUMAIN

adjectif

[T-L : umain ; GD : humain ; AND : humain ; DECT : umain ; FEW (IV, 507b) : humanus ; TLF (IX, 973b) : humain]

A. -D'homme, de l'homme, d'hommes.

1.D'homme, de l'homme, qui appartient à l'homme, à la nature de l'homme.

Vierge, ou Dieu prist humain corps, Vous doivent tuit li humain Gracier et soir et main. (Mir. abbeesse, 1340, 88)

Et se de Fortune te plains, Elle n'a cure de tes plains Ne des annuis dont tu yes plains, Einsois en rit, Ne il n'est corps ne cuers humains, Soit freres ou cousins germains, Qu'elle en feïst ne plus ne mains. (Mach., F. am., c.1361, 229)

...et pour ce faut il avoir plusieurs oblacions, car les corps humains sont adonques plus chaux de chaleur naturelle, pourquoy ilz requierent plus grant nourrissement : preuve l'aage des enffans et aussi les champions. (Saint-gille, A.Y., 1362-1365, 56)

Et quant je sçay et voy apertement Qu'à tout le mont puis comparer la joie que je desire, Je puis bien le tourment Que bonne Amour pour ma dame m'envoie, Ce m'est avis, à tous maus comparer ; Car cuers humains ne le porroit penser : Eürs me fuit, Pitez n'a de moy cure, Joie me faut, Scens, Raisons et Mesure, N'il ne m'est riens remés, fors seulement Un souvenir qui dolereusement Est engendrés pour ma desconfiture. (Mach., L. dames, 1377, 58)

Pimalions qui moroit pour amer Pria ses dieus par tele affection Que la froideur de l'image tourner Vit en chalour et sa dure fasson Amolir, car vie avoit Et char humeinne et doucement parloit. (Mach., L. dames, 1377, 183)

Dire scens et folie faire C'est chose en cuer humein contraire, Car qui scens dit et folour fait, Il doit mains joïr de son fait. Mais qui fait scens et dit folie, Il prent la plus sainne partie. (Mach., L. dames, 1377, 209)

Je respon, et me semble premierement, que entendement humain aussi comme naturelment se consent que hors le ciel et hors le monde qui n'est pas infiny est aucune espace quelle que elle soit, et ne puet bonnement concevoir le contraire. (Oresme, C.M., c.1377, 176)

...et pour eviter plus grant efusion de sang humain (Fauq., I, 1417-1420, 360)

...corps humain sanable et egrotable est subject en cirurgie. (Panis, Guidon, 1478, chap. sing.)

A resjouÿr l'affection humaine La voyoit on gorres desmesurees, Tant en beaultez qu'en richesse haultayne (La Vigne, V.N., p.1495, 168)

Nature humaine

...a nature divine Fu nature humaine adjoustée Sanz estre point en char muée Ne la char en divinité (Mir. Barl. Josaph., c.1363, 285)

Amés vertus et le filz de Dieu, Que a pris humaine nature Pour la tourner en son hault lieu. (Pass. Auv., 1477, 125)

[Avec idée de faiblesse, de limite]

Treshault [Dieu] , charité, doulceur saine, Que sur tous advés excellence, Eslevés ma vertut humaine, Que je voye vostre substance. (Pass. Auv., 1477, 279)

2.Qui a tous les caractères de l'homme.

Creature humaine

De tous est seur toutes prisie, Et c'est drois, que je ne cuit mie Que Nature qui tout conçoit Soutieument si soutive soit Qu'onques figurer la sceüst, Se Dieus proprement n'i eüst Mis la main a la figurer ; Car Dieus la volt faire sans per Seur toute creature humeinne. (Mach., D. verg., a.1340, 16)

Dame, et quels maus vous fait si fort doloir ? Dites le moy ; que je cuit recevoir Si trés grief peinne, Si dolereuse, si dure, si greveinne, Si amere, que soiez bien certeinne, Il n'est dame, ne creature humeinne, Ne n'iert jamais, Qui tele peinne endurast onques mais. (Mach., J. R. Beh., c.1340, 61)

...le quel, attendant et considerant estre prouffitable chose a humaine creature avoir recours aus suffrages, oroisons et biens espirituels, de son bon gré, de sa bonne volenté et certaine science, recognut et confessa pardevant nous... (Chartes Abb. St-Magl. T.F., t.3, 1348, 163)

Ce dieu n'as pas fait honnourer, Eins as fait les tiens aourer, Qui sont d'or, d'argent et de queuvre, De fer, de fust, de pierre, et d'ouevre Faite d'umainne creature. C'est ouevre qui trop petit dure, Qu'il n'oient, ne voient, n'entendent, Ne parole a homme ne rendent, Car vie n'ont, ne sentement, Ne membre qui ait mouvement. (Mach., C. ami, 1357, 31)

...c'est a creature humaine grant noblesce et grant dignité quant une femme humaine conme toy et moy (...) est royne de paradis. (Mir. chan., c.1361, 138)

...veues les confessions cy-dessus escriptes (...) le cas qui est très-mauvais et regardé crime de leze-magesté, le bien et utilité de la chose publique, et encores l'universel monde et humaines créatures (Reg. crim. Chât., II, 1389-1392, 6)

Allez dehors, ennemys de nature, Les seducteurs d'humaine creature. (Robertet, Oeuvres Z., c.1450-1500, 83)

J'ay dit que par infection Mourra humaine creature (Cene dieux, c.1492, 138)

Personne humaine

...esmerveiller moult se pourroit Des orribles tourmens et paines Qu'a plusieurs personnes humaines Ay fait souffrir (Mir. emp. Julien, 1351, 175)

Homme humain. Voir homme

JEHAN. E ! Diex, onques mais homme humain N'ot si grant honte sanz raison Conme j'ay ci par traison (Mir. st J. Cris., c.1344, 296)

Vous ne demandez que raison, Car c'est chose de hault affaire Que d'homme humain voloir deffaire, Car sa mort jamais reparée Ne puelt estre ne restorée (Marcadé, Myst. Pass. Arras R., a.1440, 148)

...et semble que soit ung barreau de fer ainssy frist, qu'il n'est possible a quelconcques soit homme humain de le approuchier pour ces estinchelles des pierres ardans (La Sale, Salade, c.1442-1444, 142)

Femme humaine

...Et en joyaulx portant une richesse Si tres exquise que mieulx sembloit deesse Que femme humaine (La Vigne, V.N., p.1495, 159)

[P. oppos. à la nature divine]

...quant une femme humaine conme toy et moy, que nous pouons dire qui est nostre suer, car touz sommes venuz de Adan et Eve, est royne de paradis. (Mir. chan., c.1361, 138)

Mais en celui vous confortez Qui pour sauver les pecheurs vint En ce monde, quant il devint Vray homme humain. (Mir. ste Bauth., c.1376, 154)

3.Qui est dû à des hommes, qui est fait par des hommes, qui relève de l'activité des hommes.

...et toutesvoies, par faire retribucion est maintenue et gardee communicacion et societé humaine. (Oresme, E.A., c.1370, 293)

Sire Pol, je tien ferme et croy Qu'il est vrais homs et vrais Diex ; Mais sa demeure est sus les cielx. Il n'a mestier de biens mondains Ne de sacrefices humains (Cycle myst. prem. mart. R., c.1430-1440, 109)

...qui sera celuy (...) a qui par loy humaine les devray laisser en memoire de toy et de ton nom. [Un homme pense au devenir de ses biens] (C.n.n., c.1456-1467, 556)

...se ceux qui ont acquis les terres a force se fondent en espoir de les garder songneux, plus encore, qui les perdent par violence en doivent esperer la recoeuvre soubz humaine droiture ['la justice de hommes'] (Chastell., Temple Boc. B., 1463-1464, 127)

Qui concerne les hommes.

Les vrays signes et les indices De humaine persecution Par mortelle execution De guerre, faminë et peste Sont tous parans et manifestes. (Cene dieux, c.1492, 136)

4.Qui est composé, formé d'êtres humains.

Genre humain

SATHAN. Faictes appeller l'umain gendre (Myst. Adv. N.D. R., c.1360-1365, 59)

Car le hault Dieu des premiers et extresmes Tout genre humain soumetant sous mes mains... (Cene dieux, c.1492, 107)

Puis qu'ainsi est que Dieu des dieux est vray Pour gerre humain a créé toute chose (Cene dieux, c.1492, 111)

...au genre humain ta force est immortelle (La Vigne, Compl. roy Bazoche M.R., 1501, 390)

Generation humaine. Voir generation

...car je suis Nature, maistresse et ouvriere dessoubz le Souverain Createur pour continuer generation humaine. (Percef. IV, R., c.1450 [c.1340], 574)

Humain lignage. Voir lignage

...de toutes les joies que la benoite vierge mére Marie ot en ce monde et que humain lignage dut avoir (Mir. nat. N.S.J.C., c.1343, 206)

...pour tout l'umain lignage aidier (Myst. Adv. N.D. R., c.1360-1365, 59)

...Encontre le lignage humain. (Myst. Adv. N.D. R., c.1360-1365, 61)

...l'omaing linatge (Caumont, Voy. N., p.1420, 22)

...Tant tu porteras de dommaige Et d'exil sur l'humain lignage (Cene dieux, c.1492, 124)

Humaine ligne. Voir ligne

Humaine lignee

Et quant Nature vit ce fait Que son oeuvre einsi se desfait Et que li homme se tuoient, Et les yaues empoisonnoient Pour destruire humeinne lignie Par couvoitise et par envie, Moult en desplut la belle et gente, Moult se coursa, moult fu dolente. (Mach., J. R. Nav., 1349, 146)

Sexe humain. Voir sexe

Société humaine

Car, se elle n'est exercee au bien de la societé des hommes, ce seroit crudelité, laquele deromperoit la societé humaine. (Fillastre, Traité Conseil H., c.1472-1473, 217)

5.Emploi substantival. [Gén. au plur.] Créature humaine.

Vierge, ou Dieu prist humain corps, Vous doivent tuit li humain Gracier et soir et main. (Mir. abbeesse, 1340, 88)

...La royne de paradis Par qui humains furent jadis Mis hors d'enfer. (Mir. emp. Julien, 1351, 220)

Considerez un peu, au mains, Se a grant seurté les humains Sont, qui servent a tel dongier ! (Chr. Piz., M.F., IV, 1400-1403, 79)

...doleur indicible, Presque impossible Aux humains admissible. (Vie st Eust. 2 P., c.1400-1450, 203)

...Pour tous les humains delivrer (Gréban, Pass. J., c.1450, 220)

Vous sçavez bien qu'entre tous les humains Empereur suis (La Vigne, S.M., 1496, 242)

Ce seroit vice De sacrifier dieux forgez Qui de mains d'humains sont taillez (Myst. st Laur. S.W., 1499, 222)

Au singulier.

Je voeil que tu m'escoutes, humain, et que ma pité soit concheue en la tienne par compassion. (Chastell., Temple Boc. B., 1463-1464, 87)

B. -Qui a de l'humanité.

1.Qui est aimable, affable, courtois.

LE MESSAGIER. De son fil [du roy], s'il vous plaist, veoir Moult liez seroie. PREMIER CHEVALIER. C'est de li veoir tresgrant joie, Tant a doulx et plaisant visage, Tant est humain, courtois et sage (Mir. Barl. Josaph., c.1363, 249)

...Belle vois et langage humain ! (Froiss., Pris. am. F., 1372-1373, 89)

Dont vecy la cause pour quoy le duc de Cleves, qui estoit si humain prince, si beau chevalier et si bien accompagnié, ne semonnist les dames au soupper (Chastell., Chron. IV, D., c.1461-1472, 241)

...maintes dames humaines Font avec leurs amys souvent Complot d'y aller (Maximien, Avocat dames Paris M.R., c.1485-1490, 31)

...de rechief, Pour mieulx venir de ceste entree a chief, Dames assez, de beaulté nompareilles Se demonstrerent humaines a merveilles. (La Vigne, V.N., p.1495, 191)

2.Qui est bienveillant, qui marque de la compréhension et de la compassion à l'égard d'autrui.

Car s'elle scet qu'en son demainne Sui tous, de douceur est si pleinne Qu'envers moy sera plus humeinne Qu'elle ne suet. (Mach., Compl., 1340-1377, 247)

Son commandement fait avoit Au noble prince d'Entioche, Qui est fors com chastiaus sus roche, En batailles fermes, seürs, Sages, avisiez et meürs, Dous aus gens d'armes et humains, Et s'estoit ses freres germains, Engendrez de pere et de mere. (Mach., P. Alex., p.1369, 137)

Quant princes est loyaus, larges, humeins, Si don sont plain de si tres grant douceur Que pour son fait estrainges et prochains Ne doubtent mort, povreté ne labeur, Eins vuet chascuns ressambler le milleur. (Mach., Bal., 1377, 555)

Car se je ser ma dame sans fausser, Tant est vaillant, franche, douce et humeinne Que ses frans cuers ne porroit endurer, S'elle le scet que je perde ma peinne. (Mach., Lays, 1377, 333)

...et dient qu' elles sont si diligens, laboureuses, et si humaines ['préoccupées d'autrui'] qu'elles ne tiennent compte d'elles ['d'elles-même'] . Mais elles mentent: elles tiennent bien si grant compte d'elles que s'elles estoient en une compaignie d'onneur elles ne vouldroient mie estre moins servies que les saiges leurs pareilles en lignaige, ne avoir moins des salutacions, des inclinacions, des reverences et du hault parler que les autres (Ménagier Paris B.F., c.1392-1394, 9)

...ceulx qui ont Seigneurs naturelz qui leur sont Bons et humains, sanz cruaulté (Chr. Piz., M.F., I, 1400-1403, 148)

LE LARRON. Soyés moy ung petit humains Sans me faire si grant rigueur. (Myst. jeune fille L., c.1413-1445 [c.1530], 64)

...les humains cuers de ses hommes (Percef. IV, R., c.1450 [c.1340], 326)

Et alors le duc qui humain estoit et piteux et se sentoit attendrir en coeur des humbles paroles de ce jeusne homme... (Chastell., Chron. K., t.3, c.1456-1471, 124)

PERE. Nous prenons devers vous l'adresse Pour vostre bonté souverayne Qui nous a esté si humayne Qu'a payne le puis exposer. (La Vigne, S.M., 1496, 469)

...l'homme noble doit estre humain. (Entrées roy. G.L., p.1498, 129)

[D'une communauté] Bienveillant.

LE SENECHAL. (...) Plus ne congnois nulz ennemis ; Tout Orïent vous est humain. (Myst. Judith Holofernés R., c.1490-1500, 90)

Estre humain à qqn

...Que d'estre humainne a toutes gens. (Froiss., Dits Débats F., 1363-1393, 119)

3.Estre humain à qqc. Être disposé à qqc., être ouvert à qqc..

...ceux qui au bien de la chose publique servent, affin que un chacun soit plus humain et curieux à le faire... (Actes Jean V Bret. B., t.5, 1442, 47)

C. -[D'une chose] Qui est adapté, propice à l'homme.

...de là, considerant que Lion estoit lieu assez humain, me i retiré et là basti une maison assez près de Saint Jehan et pensé y resider (Simon De Phares, Astrol., c.1494-1498, f° 156 v°)

Remarque : FEW : «'doux, adapté à l'homme (de choses, p. ex. du temps)' (Scarr 1649 - Fér 1787)».

Orthographe	Genre	Nombre	Phonétique
humain	masculin	singulier	\y.mɛ̃\
humaine	féminin	singulier	\y.mɛn\
humains	masculin	pluriel	\y.mɛ̃\
humaines	féminin	pluriel	\y.mɛn\