HAVEAU

substantif masculin

[FEW (XVI, 111a) : *haf]

Crochet ; pioche.

Et se misent de grant volenté à assallir celle tour et ces Englès ; et passèrent de force oultre les fossés, et vinrent jusques à le mote de terre et au piet de le tour à pik et à hauiaus (Froiss., Chron. L., IV, c.1375-1400, 49)

Et venoient jusques as murs, targiet et pavesciet pour le get des pières d'amont, et là hauoient et piquetoient de pis et de hauiaulx à leur pooir. (Froiss., Chron. R., X, c.1375-1400, 160)

Et portoient ceulx qui secondement aloient picqs et haviaux en leurs mains pour piquoter et haver ou mur. (Froiss., Chron. M., XII, c.1375-1400, 186)

Et passerent les Englois ung petit fossé que il y avoit, et vindrent au pié de la tour, portant picks et haviaux en leurs mains, et commencierent à piketer et à haver, et à oster pierres à povoir, et à afoiblir grandement la tour. (Froiss., Chron. M., XII, c.1375-1400, 306)

...47 haweaux de fer neufs (Invent. mobiliers ducs de Bourg. P., t.1, 1388, 349)

Si le repetruissierent et le desemparerent a force de pils et de haviauls, et par la meismes entrerent il ou chastiel. (Froiss., Chron. D., p.1400, 534)

Entre ces deus bierefrois qui estoient arestés devant les murs, avoit .CC. compagnons a tout haviaus et grans pils de fier pour esfondrer le mur (Froiss., Chron. D., p.1400, 626)

Qant li compagnon de Tournai veirent ce, si furent tout courouchiet et se missent de grant volenté a asallir celle tour et ces Englois, et passerent de forche oultre les fosses, et vinrent jusques a la mote de terre et au piet de la tour as pils et as haviauls. (Froiss., Chron. D., p.1400, 828)

...les uns avoient en leurs mains pics et haveaux et les autres portoient eschielles (Wauquelin, Faits conq. Alexandre Hé., a.1440, 488)

Remarque : FROISS., Chron. [Amiens], D., t.2, c.1375-1400, 337 (pilx ethaviaux). Cf. aussi T-L : höel, GDC : hoel, DEAF H, 334 : hef et 525 : hoe¹, FEW XVI, 185b : *hauwa.

Orthographe	Genre	Nombre	Phonétique
haveau	masculin	singulier	^((h aspiré))\a.vo\
haveaux	masculin	pluriel	\a.vo\